BAN vs SA: 6 ವಿಕೆಟ್ ಸಾಧನೆಯ ಮೂಲಕ 130 ವರ್ಷಗಳ ಹಳೆಯ ದಾಖಲೆ ಮುರಿದ ಸೈಮನ್ ಹಾರ್ಮರ್!
ಬಾಂಗ್ಲಾದೇಶ ವಿರುದ್ಧ ಮೊದಲನೇ ಟೆಸ್ಟ್ ಪಂದ್ಯದ ದ್ವಿತೀಯ ಇನಿಂಗ್ಸ್ನಲ್ಲಿ 6 ವಿಕೆಟ್ ಸಾಧನೆ ಮಾಡುವ ಮೂಲಕ ದಕ್ಷಿಣ ಆಫ್ರಿಕಾ ಎಡಗೈ ಸ್ಪಿನ್ನರ್ 130 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ. ಇವರ ಸ್ಪಿನ್ ಮೋಡಿಯ ಬಲದಿಂದ ಹರಿಣ ಪಡೆ ಮೊದಲನೇ ಟೆಸ್ಟ್ ಪಂದ್ಯವನ್ನು 9 ವಿಕೆಟ್ಗಳಿಂದ ಗೆದ್ದುಕೊಂಡಿತು.
130 ವರ್ಷಗಳ ಹಳೆಯ ದಾಖಲೆ ಮುರಿದ ಸೈಮನ್ ಹಾರ್ಮರ್. -
ಜೋಹನ್ಸ್ಬರ್ಗ್: ಬಾಂಗ್ಲಾದೇಶ ವಿರುದ್ಧದ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ (BAN vs SA) ದಕ್ಷಿಣ ಆಫ್ರಿಕಾ ಸ್ಪಿನ್ನರ್ ಸೈಮನ್ ಹಾರ್ಮರ್ (Simon Harmer) ಅವರು ಅದ್ಭುತ ಬೌಲಿಂಗ್ ಪ್ರದರ್ಶನವನ್ನು ತೋರಿದರು. ಅವರು ಪಂದ್ಯದ ದ್ವಿತೀಯ ಇನಿಂಗ್ಸ್ನಲ್ಲಿ 6 ವಿಕೆಟ್ಗಳ ಸಾಧನೆ ಮಾಡುವ ಮೂಲಕ 130 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ. ಇವರ ಸ್ಪಿನ್ ಮೋಡಿಯ ಬಲದಿಂದ ದಕ್ಷಿಣ ಆಫ್ರಿಕಾ ತಂಡ 9 ವಿಕೆಟ್ಗಳಿಂದ ಗೆದ್ದು ಸರಣಿಯಲ್ಲಿ 1-0 ಮುನ್ನಡೆ ಪಡೆದಿದೆ.
ಇಲ್ಲಿನ ನ್ಯೂ ವಾಂಡರರ್ಸ್ ಕ್ರೀಡಾಂಗಣದಲ್ಲಿ ನಡೆದಿದ್ದ ಮೊದಲನೇ ಟೆಸ್ಟ್ ಪಂದ್ಯದ ಪ್ರಥಮ ಇನಿಂಗ್ಸ್ನಲ್ಲಿ ಸೈಮನ್ ಹಾರ್ಮರ್ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ. ಅವರು ಬೌಲ್ ಮಾಡಿದ್ದ 16 ಓವರ್ಗಳಲ್ಲಿ 83 ರನ್ಗಳನ್ನು ಗಳಿಸಿ ವಿಕೆಟ್ ಪಡೆಯಲು ಸಾಧ್ಯವಾಗಿರಲಿಲ್ಲ. ಇವರನ್ನು ಬಾಂಗ್ಲಾ ಬ್ಯಾಟರ್ಗಳು ಮೆಟ್ಟಿ ನಿಂತಿದ್ದರು. ಇದರ ಫಲವಾಗಿ ಬಾಂಗ್ಲಾದೇಶ ತಂಡ ಪ್ರಥಮ ಇನಿಂಗ್ಸ್ನಲ್ಲಿ 400 ರನ್ಗಳನ್ನು ಕಲೆ ಹಾಕಿತ್ತು.
ಆದರೆ, ಎರಡನೇ ಇನಿಂಗ್ಸ್ನಲ್ಲಿ ದಕ್ಷಿಣ ಸ್ಪಿನ್ನರ್ ಸೈಮನ್ ಹಾರ್ಮರ್ ಅವರು ತಮ್ಮ ಸ್ಪಿನ್ ಮೋಡಿಯ ಮೂಲಕ ಬಾಂಗ್ಲಾದೇಶ ಬ್ಯಾಟ್ಸ್ಮನ್ಗಳಿಗೆ ಪರದಾಡುವಂತೆ ಮಾಡಿದ್ದರು. ಅವರು ಬೌಲ್ ಮಾಡಿದ್ದ 12.3 ಓವರ್ಗಳಿಗೆ 51 ರನ್ ನೀಡಿ 6 ವಿಕೆಟ್ಗಳ ಸಾಧನೆಯನ್ನು ಮಾಡಿದರು. ಆ ಮೂಲಕ ಎದುರಾಳಿ ಬಾಂಗ್ಲಾದೇಶ ತಂಡವನ್ನು ದ್ವಿತೀಯ ಇನಿಂಗ್ಸ್ನಲ್ಲಿ ಕೇವಲ 168 ರನ್ಗಳಿಗೆ ಆಲ್ಔಟ್ ಮಾಡಲು ಆತಿಥೇಯರಿಗೆ ನೆರವು ನೀಡಿದರು.
ಅವರು ಮಹ್ಫಿಜುಲ್ ಹಸನ್, ನಜ್ಮುಲ್ ಶಾಂಟೊ, ಮುಷ್ಫಿಕ್ ರಹೀಮ್, ಮೆಹಡಿ ಹಸನ್ ಮಿರಾಜ್, ಹಸನ್ ಮಹ್ಮೂದ್ ಹಾಗೂ ಎಬಾದತ್ ಹುಸೇನ್ ಅವರನ್ನು ಹಾರ್ಮರ್ ಔಟ್ ಮಾಡಿದ್ದರು. ಆ ಮೂಲಕ ತಮ್ಮ 6 ವಿಕೆಟ್ಗಳ ಸಾಧನೆಯನ್ನು ಮಾಡಿದರು.
Best Bowling Average in the 2nd Innings in Tests [Minimum 50 Wickets]: 14.09 – Simon Harmer (South Africa)* 14.25 – Bobby Peel (England) 16.83 – Johnny Briggs (England) #SAvsBAN https://t.co/qg5f9KX3Eh
— CREX (@Crex_live) November 19, 2026
130 ವರ್ಷಗಳ ಹಳೆಯ ದಾಖಲೆ ಮುರಿದ ಹಾರ್ಮರ್
ಟೆಸ್ಟ್ ಕ್ರಿಕೆಟ್ನ ಎರಡನೇ ಇನಿಂಗ್ಸ್ನಲ್ಲಿ ದಕ್ಷಿಣ ಆಫ್ರಿಕಾದ ಸ್ಪಿನ್ನರ್ ಸೈಮನ್ ಹಾರ್ಮರ್ ಅಪರೂಪದ ಸಾಧನೆ ಮಾಡಿದ್ದಾರೆ. ತಮ್ಮ ಟೆಸ್ಟ್ ವೃತ್ತಿಜೀವನದಲ್ಲಿ ಎರಡನೇ ಇನಿಂಗ್ಸ್ಗಳಲ್ಲಿ 50 ವಿಕೆಟ್ಗಳನ್ನು ಪಡೆದಿರುವ ಹಾರ್ಮರ್, ಮೂರನೇ ಅಥವಾ ನಾಲ್ಕನೇ ಇನಿಂಗ್ಸ್ಗಳಲ್ಲಿ 14 ಪಂದ್ಯಗಳಿಂದ 53 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಈ ವೇಳೆ ಅವರ ಬೌಲಿಂಗ್ ಸರಾಸರಿ ಕೇವಲ 14.09 ಆಗಿದೆ. ಇದು ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ವಿಶ್ವ ದಾಖಲೆಯಾಗಿದ್ದು, ಕನಿಷ್ಠ 50 ವಿಕೆಟ್ಗಳನ್ನು ಪಡೆದಿರುವ ಬೌಲರ್ಗಳ ಪೈಕಿ ಎರಡನೇ ಇನಿಂಗ್ಸ್ನಲ್ಲಿ ಅತ್ಯುತ್ತಮ ಬೌಲಿಂಗ್ ಸರಾಸರಿಯ ದಾಖಲೆಯನ್ನು ಹಾರ್ಮರ್ ತಮ್ಮದಾಗಿಸಿಕೊಂಡಿದ್ದಾರೆ.
ಮೊಹಮ್ಮದ್ ಸಿರಾಜ್ ಎಲ್ಲಿದ್ದರು?; ವೆಲ್ಲಿಂಗ್ಟನ್ ಟೆಸ್ಟ್ ಭಾರತದ ಆಯ್ಕೆ ನಿರ್ಧಾರವನ್ನು ಟೀಕಿಸಿದ ರವಿಶಾಸ್ತ್ರಿ
ಇದರೊಂದಿಗೆ ಬರೋಬ್ಬರಿ 130 ವರ್ಷಗಳಿಂದ ಅಜೇಯವಾಗಿ ಉಳಿದಿದ್ದ ಇಂಗ್ಲೆಂಡ್ನ ಮಾಜಿ ಬೌಲರ್ ಬಾಬಿ ಪೀಲ್ ಅವರ ದಾಖಲೆಯನ್ನು ಹಾರ್ಮರ್ ಮುರಿದಿದ್ದಾರೆ. ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ ಬಳಿಕವೂ ಬಾಬಿ ಪೀಲ್ ಅವರ ಹೆಸರಿನಲ್ಲಿ ಈ ದಾಖಲೆ ಉಳಿದಿತ್ತು. ಇದೀಗ ಸೈಮನ್ ಹಾರ್ಮರ್ ತಮ್ಮ ಅಮೋಘ ಬೌಲಿಂಗ್ ಪ್ರದರ್ಶನದ ಮೂಲಕ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.
ಟೆಸ್ಟ್ ಕ್ರಿಕೆಟ್ನ ಎರಡನೇ ಇನಿಂಗ್ಸ್ನಲ್ಲಿ ಕನಿಷ್ಠ 50 ವಿಕೆಟ್ ಪಡೆದ ಬೌಲರ್ಸ್
ಸೈಮನ್ ಹಾರ್ಮರ್ (ದಕ್ಷಿಣ ಆಫ್ರಿಕಾ): 2015-2026ರ ಅವಧಿಯಲ್ಲಿ 53 ವಿಕೆಟ್ಗಳು
ಬಾಬಿ ಪೀಲ್ (ಇಂಗ್ಲೆಂಡ್): 1884-1896 ಅವಧಿಯಲ್ಲಿ 56 ವಿಕೆಟ್ಗಳು
ಜಾನಿ ಬ್ರಿಗ್ಸ್ (ಇಂಗ್ಲೆಂಡ್): 1884-1899ರ ಅವಧಿಯಲ್ಲಿ 53 ವಿಕೆಟ್ಗಳು
ಹುಗ್ ಟ್ರಂಬಲ್ (ಆಸ್ಟ್ರೇಲಿಯಾ): 1890-1904ರ ಅವಧಿಯಲ್ಲಿ 71 ವಿಕೆಟ್ಗಳು
ಜಿಮ್ ಲ್ಯಾಕರ್ (ಇಂಗ್ಲೆಂಡ್): 1948-1959ರ ಅವಧಿಯಲ್ಲಿ 89 ವಿಕೆಟ್ಗಳು