IND vs ENG: ಆರನೇ ಟೆಸ್ಟ್‌ ಶತಕ ಬಾರಿಸಿ ಸಂಭ್ರಮಿಸಿದ ಯಶಸ್ವಿ ಜೈಸ್ವಾಲ್!
ಇಂಗ್ಲೆಂಡ್‌ ವಿರುದ್ದ ಪ್ರಸ್ತುತ ನಡೆಯುತ್ತಿರುವ ಐದನೇ ಹಾಗೂ ಟೆಸ್ಟ್‌ ಸರಣಿಯ ಕೊನೆಯ ಪಂದ್ಯದ ದ್ವಿತೀಯ ಇನಿಂಗ್ಸ್‌ನಲ್ಲಿ ಭಾರತ ತಂಡದ ಆರಂಭಿಕ ಬ್ಯಾಟ್ಸ್‌ಮನ್‌ ಯಶಸ್ವಿ ಜೈಸ್ವಾಲ್, ತಮ್ಮ ದೀರ್ಘಾವಧಿ ವೃತ್ತಿ ಜೀವನದ ಆರನೇ ಶತಕವನ್ನು ಬಾರಿಸಿದ್ದಾರೆ. ಆ ಮೂಲಕ ಭಾರತ ತಂಡಕ್ಕೆ ಆಸರೆಯಾಗಿದ್ದಾರೆ.
ಆರನೇ ಟೆಸ್ಟ್‌ ಶತಕ ಬಾರಿಸಿದ ಯಶಸ್ವಿ ಜೈಸ್ವಾಲ್.
Ramesh Kote
Aug 2, 2025 7:38 PM
ಲಂಡನ್‌: ಭಾರತ ತಂಡದ ಆರಂಭಿಕ ಬ್ಯಾಟ್ಸ್‌ಮನ್‌ ಯಶಸ್ವಿ ಜೈಸ್ವಾಲ್ (Yashasvi jaiswal) ಅವರ ಇಂಗ್ಲೆಂಡ್‌ನಲ್ಲಿನ ಶತಕಗಳ ಪ್ರೇಮವನ್ನು ಮುಂದುವರಿಸಿದ್ದಾರೆ. ಇಲ್ಲಿನ ಕೆನಿಂಗ್ಟನ್‌ ಓವಲ್‌ನಲ್ಲಿ ನಡೆಯುತ್ತಿರುವ ಐದನೇ ಹಾಗೂ ಟೆಸ್ಟ್‌ ಸರಣಿಯ ಕೊನೆಯ ಪಂದ್ಯದ (IND vs ENG) ದ್ವಿತೀಯ ಇನಿಂಗ್ಸ್‌ನಲ್ಲಿ ಜೈಸ್ವಾಲ್, ಇಂಗ್ಲೆಂಡ್‌ (England) ವಿರುದ್ದ ತಮ್ಮ ನಾಲ್ಕನೇ ಟೆಸ್ಟ್‌ ಶತಕವನ್ನು ಪೂರ್ಣಗೊಳಿಸಿದ್ದಾರೆ. ಅಲ್ಲದೆ ಇದು ಯಶಸ್ವಿ ಜೈಸ್ವಾಲ್ ಅವರ ಟೆಸ್ಟ್‌ ವೃತ್ತಿ ಬದುಕಿನ ಆರನೇ ಶತಕವಾಗಿದೆ. ಪ್ರಥಮ ಇನಿಂಗ್ಸ್‌ನಲ್ಲಿ ಹೀನಾಯವಾಗಿ ವಿಕೆಟ್‌ ಒಪ್ಪಿಸಿ ಟೀಕೆಗಳಿಗೆ ಗುರಿಯಾಗಿದ್ದ ಜೈಸ್ವಾಲ್, ದ್ವಿತೀಯ ಇನಿಂಗ್ಸ್‌ನಲ್ಲಿ ಶತಕ ಬಾರಿಸಿ ತನ್ನ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ. ಅಂದ ಹಾಗೆ ಅವರು ಶತಕದ ಮೂಲಕ ಇಂಗ್ಲೆಂಡ್‌ ಟೆಸ್ಟ್‌ ಸರಣಿಯನ್ನು ಆರಂಭಿಸಿದ್ದ ಅವರು, ಇದೀಗ ಕೊನೆಯ ಇನಿಂಗ್ಸ್‌ನಲ್ಲಿಯೂ ಶತಕ ಬಾರಿಸಿ ಈ ಸರಣಿಯನ್ನು ಮುಗಿಸಿದ್ದಾರೆಂಬುದು ವಿಶೇಷ ಸಂಗತಿ.
ಶನಿವಾರ ಬೆಳಿಗ್ಗೆ 51 ರನ್‌ಗಳಿಂದ ಮೂರನೇ ದಿನದಾಟದಲ್ಲಿ ಬ್ಯಾಟಿಂಗ್‌ ಮುಂದುವರಿಸಿದ ಯಶಸ್ವಿ ಜೈಸ್ವಾಲ್, ನೈಟ್‌ ವಾಚ್‌ಮ್ಯಾನ್‌ ಆಕಾಶ್‌ ದೀಪ್‌ ಅವರ ಜೊತೆ ಸೇರಿ 107 ರನ್‌ಗಳ ನಿರ್ಣಾಯಕ ಜೊತೆಯಾಟವನ್ನು ಆಡಿದ್ದರು. ಮೂರನೇ ದಿನ ಇಂಗ್ಲೆಂಡ್‌ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಿದ ಎಡಗೈ ಬ್ಯಾಟ್ಸ್‌ಮನ್‌, ಭಾರತಕ್ಕೆ ಭದ್ರ ಅಡಿಪಾಯವನ್ನು ಹಾಕಿಕೊಟ್ಟರು. ಅವರು 58 ಓವರ್‌ಗಳ ವೇಳೆಗೆ 146 ಎಸೆತಗಳಲ್ಲಿ ಅಜೇಯ 115 ರನ್‌ಗಳನ್ನು ಗಳಿಸಿ ಬ್ಯಾಟಿಂಗ್‌ ಮುಂದುವರಿಸಿದ್ದಾರೆ. ಅವರು ತಮ್ಮ ಇನಿಂಗ್ಸ್‌ನಲ್ಲಿ ಎರಡು ಸಿಕ್ಸರ್‌ ಹಾಗೂ 10 ಮನಮೋಹಕ ಬೌಂಡರಿಗಳನ್ನು ಬಾರಿಸಿದ್ದಾರೆ.
IND vs ENG: ಚೊಚ್ಚಲ ಅರ್ಧಶತಕ ಬಾರಿಸಿ ಬೆನ್‌ ಡಕೆಟ್‌ರನ್ನು ಅಪ್ಪಿಕೊಂಡ ಆಕಾಶ್‌ ದೀಪ್‌!
ಅಂದ ಹಾಗೆ ಶುಭಮನ್‌ ಗಿಲ್‌ ಶತಕವನ್ನು ಬಾರಿಸಿದ ಬಳಿಕ ತಮ್ಮ ಹೆಲ್ಮೆಟ್‌ ಹಾಗೂ ಬ್ಯಾಟ್‌ ಅನ್ನು ಮೈದಾನದ ಮೇಲೆ ಇಟ್ಟು ಸಂಭ್ರಮಿಸಿದರು ಹಾಗೂ ಗ್ಯಾಲರಿಯಲ್ಲಿದ್ದವರತ್ತ ಕೈ ಸನ್ನೆಯ ಮೂಲಕ ಪ್ರೀತಿಯ ಚಿನ್ಹೆಯನ್ನು ತೋರಿಸಿದರು. ನಂತರ ತನ್ನ ಸಹ ಆಟಗಾರ ಕರುಣ್‌ ನಾಯರ್‌ ಅವರ ಬಳಿ ತೆರಳಿ ಅಪ್ಪಿಕೊಂಡರು. ಇನ್ನು ಡ್ರೆಸ್ಸಿಂಗ್‌ ಕೊಠಡಿಯಲ್ಲಿ ಕುಳಿತಿದ್ದ ಹೆಡ್‌ ಕೋಚ್‌ ಗೌತಮ್‌ ಗಂಭೀರ್‌ ಚಪ್ಪಾಳೆ ತಟ್ಟಿ ಸಂತಸ ವ್ಯಕ್ತಪಡಿಸಿದರು.
💯 𝗳𝗼𝗿 𝗬𝗮𝘀𝗵𝗮𝘀𝘃𝗶 𝗝𝗮𝗶𝘀𝘄𝗮𝗹!👏 👏
— BCCI (@BCCI) August 2, 2025
This is his 6th Test ton and 2nd hundred of the series! 🙌 🙌
Updates ▶️ https://t.co/Tc2xpWMCJ6#TeamIndia | #ENGvIND | @ybj_19 pic.twitter.com/PnCd6tsgtH
ಇಂಗ್ಲೆಂಡ್‌ ವಿರುದ್ದದ ಈ ಟೆಸ್ಟ್‌ ಸರಣಿಯಲ್ಲಿ ಭಾರತ ತಂಡ ಒಟ್ಟು 12 ಶತಕಗಳನ್ನು ಗಳಿಸಿದೆ. ಆ ಮೂಲಕ ಏಕೈಕ ಟೆಸ್ಟ್‌ ಸರಣಿಯಲ್ಲಿ ಅತಿ ಹೆಚ್ಚು ಶತಕಗಳನ್ನು ಗಳಿಸಿದ ಮೊದಲ ತಂಡ ಎಂಬ ದಾಖಲೆಯನ್ನು ಭಾರತ ಬರೆದಿದೆ. ಆ ಮೂಲಕ ವೆಸ್ಟ್ ಇಂಡೀಸ್ ವಿರುದ್ಧದ ದಾಖಲೆಯನ್ನು ಟೀಮ್‌ ಇಂಡಿಯಾ ಮುರಿದಿದೆ. 1978ರಲ್ಲಿ ವಿಂಡೀಸ್‌ ಎದುರು ಭಾರತ ತವರು ಟೆಸ್ಟ್‌ ಸರಣಿಯಲ್ಲಿ 11 ಶತಗಳನ್ನು ಬಾರಿಸಿತ್ತು.
IND vs ENG: ಜಸ್‌ಪ್ರೀತ್‌ ಬುಮ್ರಾ ಹೇಳಿದ್ದ ಮಾತನ್ನು ರಿವೀಲ್‌ ಮಾಡಿದ ಮೊಹಮ್ಮದ್‌ ಸಿರಾಜ್‌!
ಇದು ಏಕೈಕ ಸರಣಿಯಲ್ಲಿ ಮೂರನೇ ಅತಿ ಹೆಚ್ಚು ವೈಯಕ್ತಿಕ ಶತಕಗಳ ಸಾಧನೆ ಇದಾಗಿದೆ. 1955ರಲ್ಲಿ ಆಸ್ಟ್ರೇಲಿಯಾ ಮತ್ತು ವೆಸ್ಟ್ ಇಂಡೀಸ್ ತಂಡಗಳ ಬ್ಯಾಟ್ಸ್‌ಮನ್‌ಗಳು ಸರಣಿಯೊಂದರಲ್ಲಿ 21 ಶತಕಗಳನ್ನು ಬಾರಿಸಿದ್ದರಿಂದ ದಾಖಲೆ ಪಟ್ಟಿಯಲ್ಲಿ ಅಗ್ರ ಎರಡು ಸ್ಥಾನಗಳನ್ನು ಅಲಂಕರಿಸಿವೆ.