ಕೆಕೆಆರ್ ಅಭಿಮಾನಿಗೆ ಪ್ರಪೋಸ್ ಮಾಡಿ ಎಡವಟ್ಟು ಮಾಡಿಕೊಂಡ ಮುಂಬೈ ಬೆಂಬಲಿಗ! ವಿಡಿಯೊ ವೈರಲ್
ಭಾನುವಾರ ಮುಂಬೈ ಇಂಡಿಯನ್ಸ್ ಹಾಗೂ ಕೋಲ್ಕತಾ ನೈಟ್ ರೈಡರ್ಸ್ ತಂಡಗಳ ನಡುವಣ ಪಂದ್ಯದಲ್ಲಿ ಅಪರೂಪದ ಘಟನೆ ನಡೆಯಿತು. ಪಂದ್ಯದ ವೇಳೆ ಗ್ಯಾಲರಿಯಲ್ಲಿ ಪಂದ್ಯವನ್ನು ವೀಕ್ಷಿಸುತ್ತಿದ್ದ ಕೆಕೆಆರ್ ಅಭಿಮಾನಿಗೆ ಎಂಐ ಬೆಂಬಲಿಗ ಪ್ರಪೋಸ್ ಮಾಡಿದರು. ಆದರೆ, ಪ್ರಪೋಸ್ ಮಾಡಿದ ವೇಳೆ ಆತ ಎಡವಟ್ಟು ಮಾಡಿಕೊಂಡಿದ್ದಾನೆ. ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಕೆಕೆಆರ್ ಅಭಿಮಾನಿಗೆ ಪ್ರಪೋಸ್ ಮಾಡಿದ ಎಂಐ ಬೆಂಬಲಿಗ. -
ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2026) 19ನೇ ಆವೃತ್ತಿಯ ಮುಂಬೈ ಇಂಡಿಯನ್ಸ್ ಹಾಗೂ ಕೋಲ್ಕತಾ ನೈಟ್ ರೈಡರ್ಸ್ (MI vs KKR) ನಡುವಣ ಪಂದ್ಯದಲ್ಲಿ ಅಚ್ಚರಿ ಘಟನೆಯೊಂದು ನಡೆಯಿತು. ಮುಂಬೈ ಇಂಡಿಯನ್ಸ್ ಅಭಿಮಾನಿಯೊಬ್ಬರು, ಕೆಕೆಆರ್ ಅಭಿಮಾನಿಯಾಗಿದ್ದ ತಮ್ಮ ಸಂಗಾತಿಗೆ ಪ್ರಪೋಸ್ ಮಾಡಿದರು ಹಾಗೂ ಈ ವೇಳೆ ಒಂದು ಎಡವಟ್ಟು ಮಾಡಿಕೊಂಡರು.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ಈ ವಿಡಿಯೊದಲ್ಲಿ ಎಂಐ ಅಭಿಮಾನಿ ಸ್ಟ್ಯಾಂಡ್ನಲ್ಲಿ ಒಂದು ಮೊಣಕಾಲಿನ ಮೇಲೆ ಕುಳಿತು ಪ್ರಪೋಸ್ ಮಾಡಲು ಮುಂದಾದ ಕ್ಷಣವನ್ನು ಕಾಣಬಹುದು. ಆ ವೇಳೆ ಕೆಕೆಆರ್ ಬಣ್ಣದ ಉಡುಪಿನಲ್ಲಿದ್ದ ಅವರ ಸಂಗಾತಿ ಅದನ್ನು ನೋಡುತ್ತಿದ್ದರು. ಆದರೆ ಪ್ರಪೋಸ್ ಪ್ರಕ್ರಿಯೆ ಆರಂಭವಾಗುತ್ತಿದ್ದಂತೆಯೇ ಆತನ ಕೈಯಿಂದ ಉಂಗುರ ಕೆಳಗೆ ಬಿದ್ದಿದ್ದು, ಕೆಲಕಾಲ ಗಾಬರಿಯಿಂದ ಹುಡುಕಾಟ ನಡೆಯುವಂತಾಯಿತು.
IPL 2026: ಪಂಜಾಬ್ ಕಿಂಗ್ಸ್ vs ಗುಜರಾತ್ ಟೈಟನ್ಸ್ ನಡುವೆ ಗೆಲ್ಲುವ ನೆಚ್ಚಿನ ತಂಡ ಯಾವುದು?
ಕೆಲವು ಕ್ಷಣಗಳ ಕಾಲ ಎಲ್ಲರ ಗಮನ ಸಂಪೂರ್ಣವಾಗಿ ಬೇರೆಡೆಗೆ ತಿರುಗಿತು. ಕೈಗಳು ಆತುರದಿಂದ ಹುಡುಕಾಡುತ್ತಿದ್ದವು, ಕಣ್ಣುಗಳು ಮೆಟ್ಟಿಲುಗಳನ್ನು ಆಳವಾಗಿ ನೋಡುತ್ತಿದ್ದವು. ಸುಂದರವಾಗಿ ಸಾಗಬೇಕಿದ್ದ ಆ ಕ್ಷಣ, ಗೊಂದಲದ ಸ್ಥಿತಿಗೆ ತಲುಪಿತು. ಆದರೆ ಅದೃಷ್ಟವಶಾತ್ ತಕ್ಷಣ ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಯಿತು. ಉಂಗುರ ಸಿಕ್ಕಿತು ಹಾಗೂ ಎಲ್ಲರ ಮುಖದಲ್ಲಿ ನಗು ಮುಖ ಕಾಣಿಸಿಕೊಂಡಿತು. ಬಳಿಕ ಪ್ರಪೋಸ್ ಮತ್ತೆ ಮುಂದುವರಿಯಿತು.
Shei Prothom Bhalobashar feeling 💜 pic.twitter.com/AtiWuB863m
— KolkataKnightRiders (@KKRiders) March 30, 2026
ಐಪಿಎಲ್ ಟೂರ್ನಿಯು ಸದಾ ಇಂತಹ ವಿಶೇಷ ಕ್ಷಣಗಳಿಗೆ ಸಾಕ್ಷಿಯಾಗಿದೆ. ವಿಭಿನ್ನ ತಂಡಗಳ ಜೆರ್ಸಿಗಳು, ಕಿಕ್ಕಿರಿದ ಕ್ರೀಡಾಂಗಣ ಮತ್ತು ಕೈ ತಪ್ಪುವ ಹಂತಕ್ಕೆ ಬಂದಿದ್ದ ಪ್ರಪೋಸ್ ಅಂತಿಮವಾಗಿ ಪರಿಪೂರ್ಣವಾಯಿತು. ಆ ಕ್ಷಣ, ಆ ರಾತ್ರಿ ವಾತಾವರಣಕ್ಕೆ ಸಂಪೂರ್ಣವಾಗಿ ಹೊಂದಿಕೊಂಡಿತ್ತು.
IPL 2026: ಆರ್ಸಿಬಿಯನ್ನು ಗೆಲ್ಲಿಸಿ ಪತ್ನಿ ಅನುಷ್ಕಾ ಶರ್ಮಾಗೆ ಫ್ಲೈಯಿಂಗ್ ಕಿಸ್ ಕೊಟ್ಟ ವಿರಾಟ್ ಕೊಹ್ಲಿ!
ಈ ಘಟನೆ ಮುಂಬೈ ಇಂಡಿಯನ್ಸ್ ಮತ್ತು ಕೋಲ್ಕತಾ ನೈಟ್ ರೈಡರ್ಸ್ ನಡುವಿನ ಹೈ-ಸ್ಕೋರಿಂಗ್ ಪಂದ್ಯದ ವೇಳೆ ಗ್ಯಾಲರಿಯಲ್ಲಿ ನಡೆಯಿತು. ಅಂದ ಹಾಗೆ 221 ರನ್ ಗುರಿಯನ್ನು ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್, ರೋಹಿತ್ ಶರ್ಮಾ ಮತ್ತು ರಯಾನ್ ರಿಕೆಲ್ಟನ್ ಅವರ ಅದ್ಭುತ ಆರಂಭಿಕ ಜೊತೆಯಾಟದ ನೆರವಿನಿಂದ ಆರಂಭದಲ್ಲೇ ಪಂದ್ಯವನ್ನು ತನ್ನ ತೆಕ್ಕೆಗೆ ಹಾಕಿಕೊಂಡಿತು. ಈ ಜೋಡಿ 148 ರನ್ಗಳ ಭರ್ಜರಿ ಜೊತೆಯಾಟವನ್ನು ಆಡಿ ಮುಂಬೈಗೆ ಭರ್ಜರಿ ಆರಂಭವನ್ನು ತಂದುಕೊಟ್ಟಿತು. ಅಂತಿಮವಾಗಿ, ಮುಂಬೈ ಇಂಡಿಯನ್ಸ್ ಆರು ವಿಕೆಟ್ಗಳನ್ನು ಕಳೆದುಕೊಂಡು ಇನ್ನೂ ಐದು ಬಾಲ್ಗಳು ಉಳಿದಿರುವಾಗಲೇ ಗುರಿಯನ್ನು ಯಶಸ್ವಿಯಾಗಿ ಬೆನ್ನಟ್ಟಿತು.
IPL 2026: ರೋಹಿತ್ ಶರ್ಮಾ ರನ್ ಗಳಿಸುವ ಬಗ್ಗೆ ಡೇಲ್ ಸ್ಟೇನ್ ದೊಡ್ಡ ಹೇಳಿಕೆ!
ಇದಕ್ಕೂ ಮುನ್ನ ಮೊದಲು ಬ್ಯಾಟ್ ಮಾಡಿದ್ದ ಕೋಲ್ಕತಾ ನೈಟ್ ರೈಡರ್ಸ್ ತಂಡ, ಅಜಿಂಕ್ಯ ರಹಾನೆ ಹಾಗೂ ಅಂಕ್ಕೃಷ್ ರಘುವಂಶಿ ಅವರ ಸ್ಪೋಟಕ ಅರ್ಧಶತಕಗಳ ಬಲದಿಂದ ತನ್ನ ಪಾಲಿನ 20 ಓವರ್ಗಳಿಗೆ 4 ವಿಕೆಟ್ಗಳ ನಷ್ಟಕ್ಕೆ 220 ರನ್ಗಳನ್ನು ಕಲೆ ಹಾಕಿತ್ತು. ರಹಾನೆ 40 ಎಸೆತಗಳಲ್ಲಿ 67 ರನ್ ಸಿಡಿಸಿದರೆ, ಅಂಗ್ಕೃಷ್ ರಘುವಂಶಿ 29 ಎಸೆತಗಳಲ್ಲಿ 51 ರನ್ ಚಚ್ಚಿದರು. ಕೊನೆಯಲ್ಲಿ ರಿಂಕು ಸಿಂಗ್ 21 ಎಸೆತಗಳಲ್ಲಿ ಅಜೇಯ 33 ರನ್ಗಳನ್ನು ಚಚ್ಚಿದ್ದರು.