ಮುಂಬೈಯಿಂದ ಬೆಂಗಳೂರಿಗೆ ಕಾಲ್ನಡಿಗೆ ಮಾಡಿ ಹಾರ್ದಿಕ್‌ ಪಾಂಡ್ಯ ಭೇಟಿಯಾದ ಅಭಿಮಾನಿ

ಬೆಂಗಳೂರು, ಅ.20: ನೆಚ್ಚಿನ ಕಲಾವಿರದನ್ನು, ಆಟಗಾರರನ್ನು ನೋಡಲು, ಮಾತನಾಡಿಸಲು ಅಭಿಮಾನಿಗಳು ಯಾವುದೇ ಸಾಹಸಕ್ಕೂ ಮುಂದಾಗುತ್ತಾರೆ. ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಅವರ ಅಪ್ಪಟ ಅಭಿಮಾನಿಯೊಬ್ಬರು ಮುಂಬೈನಿಂದ ಬೆಂಗಳೂರಿನವರೆಗೆ ಸಾವಿರ ಕಿಲೋಮೀಟರ್‌ಗಿಂತಲೂ ಹೆಚ್ಚು ದೂರವನ್ನು ಕಾಲ್ನಡಿಗೆಯಲ್ಲೇ ಕ್ರಮಿಸಿ, ಬಿಸಿಸಿಐನ 'ಸೆಂಟರ್ ಆಫ್ ಎಕ್ಸಲೆನ್ಸ್' (CoE) ತಲುಪಿ ಪಾಂಡ್ಯರನ್ನು ಭೇಟಿಯಾಗಿದ್ದಾರೆ. ಪಾಂಡ್ಯ ಅಭಿಮಾನಿಯನ್ನು ಪ್ರೀತಿಯಿಂದ ಮಾತನಾಡಿಸಿ ಅವರ ಜೊತೆ ಸಮಯ ಕಳೆದಿದ್ದಾರೆ.

ಲಕ್ನೋ ಮೂಲದ ರವಿ ಎಂಬ ಈ ಅಭಿಮಾನಿ ಮುಂಬೈನಿಂದ ಬೆಂಗಳೂರಿಗೆ 1,000 ಕಿಲೋಮೀಟರ್‌ಗಿಂತಲೂ ಹೆಚ್ಚು ದೂರವನ್ನು ಕಾಲ್ನಡಿಗೆಯಲ್ಲೇ ಕ್ರಮಿಸಿದ್ದಾರೆ. ಪ್ರಸ್ತುತ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ (ರಿಹ್ಯಾಬಿಲಿಟೇಶನ್ ಪಡೆಯುತ್ತಿರುವ) ಹಾರ್ದಿಕ್ ಪಾಂಡ್ಯ ಅವರು ಆತ್ಮೀಯವಾಗಿ ಬರಮಾಡಿಕೊಂಡರು. ವಿಶೇಷವೆಂದರೆ, ರವಿ ಅವರ ವಾಪಸಾತಿಗಾಗಿ ರೈಲು ಟಿಕೆಟ್‌ಗಳನ್ನು ವ್ಯವಸ್ಥೆ ಮಾಡಿಕೊಡುವುದಾಗಿ ಹಾರ್ದಿಕ್ ಭರವಸೆ ನೀಡಿದರು. ಈ ಹೃದಯಸ್ಪರ್ಶಿ ಕ್ಷಣದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಏಷ್ಯನ್ ಪ್ಯಾರಾ ಗೇಮ್ಸ್‌; ಮಂಗಳವಾರವೂ ಮುಂದುವರಿದ ಭಾರತದ ಪದಕ ಬೇಟೆ

ವಿಡಿಯೋದಲ್ಲಿ, ಹಾರ್ದಿಕ್ ಆ ಅಭಿಮಾನಿಯನ್ನು ನಿಮಗೆ ಏನಾದರೂ ಬೇಕೇ? ನಾನು ನಿಮಗಾಗಿ ಏನಾದರೂ ಮಾಡಬಹುದೇ?" ಎಂದು ಹಾರ್ದಿಕ್ ಕೇಳಿದರು. ಈ ವೇಳೆ ಅಭಿಮಾನಿ ಮನೆಯೊಂದನ್ನು ನಿರ್ಮಿಸುವಂತೆ ಕೇಳಿಕೊಂಡರು. ಇದಕ್ಕೆ ಪಾಂಡ್ಯ ಸಮ್ಮತಿ ಸೂಚಿಸಿ ಮನೆ ಕಟ್ಟಿಸಿಕೊಡುವ ಭರವಸೆ ನೀಡಿದರು. ಮತ್ತು ಮತ್ತೊಮ್ಮೆ ನಿಮ್ಮನ್ನು ಭೇಟಿಯಾಗುವೆ ಎಂದರು.

ಹಾರ್ದಿಕ್ ಮತ್ತೊಮ್ಮೆ ಗಾಯದ ಸಮಸ್ಯೆಗೆ ತುತ್ತಾಗಿದ್ದು, ಸದ್ಯ ಆಟದಿಂದ ದೂರ ಉಳಿದಿದ್ದಾರೆ. ವರದಿಗಳ ಪ್ರಕಾರ, ಬೌಲಿಂಗ್ ಮಾಡುವಾಗ ಅವರಿಗೆ ನೋವು ಕಾಣಿಸಿಕೊಳ್ಳುತ್ತಿದ್ದು, ಇದರಿಂದಾಗಿ ಅವರು ಸ್ಪರ್ಧಾತ್ಮಕ ಕ್ರಿಕೆಟ್‌ಗೆ ಮರಳಲು ವಿಳಂಬವಾಗಿದೆ.

ಮೇ ತಿಂಗಳಲ್ಲಿ ನಡೆದ ಐಪಿಎಲ್ (IPL) 2026ರ ವೇಳೆ ಗಾಯಗೊಂಡಾಗಿನಿಂದ ಅವರು ಆಟದಿಂದ ಹೊರಗುಳಿದಿದ್ದಾರೆ. ನ್ಯೂಜಿಲೆಂಡ್ ಪ್ರವಾಸದಲ್ಲಿ ಭಾರತ ತಂಡವು ಐದು ಟಿ20ಐ (T20I) ಪಂದ್ಯಗಳು, ಐದು ಏಕದಿನ (ODI) ಪಂದ್ಯಗಳು ಮತ್ತು ಎರಡು ಟೆಸ್ಟ್ ಪಂದ್ಯಗಳನ್ನು ಆಡಲಿದ್ದು, ಈ ಪ್ರವಾಸದಿಂದಲೂ ಈ ಆಲ್‌ರೌಂಡರ್ ಹೊರಗುಳಿದಿದ್ದಾರೆ. ಹಾರ್ದಿಕ್‌ಗೆ ಹೊಸದಾಗಿ ಗಾಯದ ಸಮಸ್ಯೆ ಕಾಣಿಸಿಕೊಂಡಿದ್ದು, ಇದು ಅವರ ಪುನರಾಗಮನಕ್ಕೆ ಅಡ್ಡಿಯಾಗಿದೆ.

ಏಷ್ಯನ್ ಪ್ಯಾರಾ ಗೇಮ್ಸ್‌; ಮಂಗಳವಾರವೂ ಮುಂದುವರಿದ ಭಾರತದ ಪದಕ ಬೇಟೆ

ನ್ಯೂಜಿಲೆಂಡ್ ಸರಣಿಯಿಂದ ಹೊರಗುಳಿದಿರುವ ಪಾಂಡ್ಯ, ಈಗ ಜಿಂಬಾಬ್ವೆ ವಿರುದ್ಧದ ಏಕದಿನ ಸರಣಿಯ ವೇಳೆಗೆ ಫಿಟ್ ಆಗುತ್ತಾರೆಯೇ ಎಂದು ಕಾದು ನೋಡಬೇಕಿದೆ. ಅಥವಾ ವಿಜಯ್ ಹಜಾರೆ ಟ್ರೋಫಿ ಅಥವಾ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಂತಹ ಟೂರ್ನಿಗಳಲ್ಲಿ ತಮ್ಮ ಫಿಟ್‌ನೆಸ್ ಅನ್ನು ಪರೀಕ್ಷಿಸಿಕೊಳ್ಳಬೇಕಾಗಬಹುದು.