'ಹಾಂಗ್ ಕಾಂಗ್ ಸಿಕ್ಸಸ್': ಟೀಮ್ ಇಂಡಿಯಾಗೆ ಭುವನೇಶ್ವರ್ ಕುಮಾರ್ ನಾಯಕ

ನವದೆಹಲಿ, ಅ.5: ಅಕ್ಟೋಬರ್ 30 ರಿಂದ ನವೆಂಬರ್ 1 ರವರೆಗೆ ನಡೆಯಲಿರುವ 'ಹಾಂಗ್ ಕಾಂಗ್ ಸಿಕ್ಸಸ್'ನ ಮುಂಬರುವ ಆವೃತ್ತಿಯಲ್ಲಿ, ಅನುಭವಿ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಟೀಮ್ ಇಂಡಿಯಾವನ್ನು ಮುನ್ನಡೆಸಲಿದ್ದಾರೆ.

ಭಾರತ ತಂಡದಲ್ಲಿ ಕೃನಾಲ್ ಪಾಂಡ್ಯ, ಶಶಾಂಕ್ ಸಿಂಗ್, ರಾಹುಲ್ ತೆವಾಟಿಯಾ, ನಿತೀಶ್ ರಾಣಾ, ರಾಹುಲ್ ತ್ರಿಪಾಠಿ ಮತ್ತು ಟಿ.ನಟರಾಜನ್ ಕೂಡ ಇದ್ದಾರೆ. ಕೇವಲ ಆರು ಆಟಗಾರರನ್ನು ಒಳಗೊಂಡಿರುವ 'ಹಾಂಗ್ ಕಾಂಗ್ ಸಿಕ್ಸಸ್' ಮಾದರಿಯು, ಹೊಡಿಬಡಿ ಆಟಕ್ಕೆ ಖ್ಯಾತಿ ಹೊಂದಿದೆ.

ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡುವ ಈ ಮಾದರಿಯಲ್ಲಿ, ಬ್ಯಾಟರ್‌ಗಳು ಬೌಲಿಂಗ್ ಅನ್ನು ಸಮರ್ಥವಾಗಿ ಎದುರಿಸಿ ರನ್ ಗಳಿಸಲು ಪ್ರೋತ್ಸಾಹಿಸಲಾಗುತ್ತದೆ ಹಾಗೂ ಪ್ರತಿಯೊಬ್ಬ ಆಟಗಾರನೂ ಬ್ಯಾಟಿಂಗ್ ಮತ್ತು ಬೌಲಿಂಗ್ ಹೀಗೆ ವಿವಿಧ ವಿಭಾಗಗಳಲ್ಲಿ ತಮ್ಮ ಕೊಡುಗೆಯನ್ನು ನೀಡಬೇಕಾಗುತ್ತದೆ.

ಭಾರತ ಪಾಕಿಸ್ತಾನದ ವಿರುದ್ಧ ಡಿಎಲ್‌ಎಸ್ (DLS) ನಿಯಮದಡಿ ಎರಡು ರನ್‌ಗಳ ಅಂತರದ ಗೆಲುವಿನೊಂದಿಗೆ 2025ರ ಅಭಿಯಾನವನ್ನು ಆರಂಭಿಸಿದರೂ, ನಂತರದ ಪಂದ್ಯಗಳಲ್ಲಿನ ಸೋಲುಗಳಿಂದಾಗಿ ಟೂರ್ನಿಯಿಂದ ಹೊರಬಿದ್ದಿತ್ತು. ಈ ಬಾರಿ ಸ್ಪರ್ಧೆಯಲ್ಲಿ ಮತ್ತಷ್ಟು ದೂರ ಸಾಗುವ ಗುರಿಯೊಂದಿಗೆ 'ಹಾಂಗ್ ಕಾಂಗ್ ಸಿಕ್ಸಸ್'ಗೆ ಮರಳಲಿದೆ.

ಮೊಹಮ್ಮದ್ ಶಮಿ ಭಾರತ ತಂಡಕ್ಕೆ ಪುನರಾಗಮನ ಸಾಧ್ಯತೆ ಕಷ್ಟ ಎಂದ ಮಾಜಿ ಆಟಗಾರ

ಕಳೆದ ವರ್ಷದ ಫೈನಲ್‌ನಲ್ಲಿ ಚೊಚ್ಚಲ ಬಾರಿಗೆ ಸ್ಪರ್ಧಿಸಿದ್ದ ಕುವೈತ್ ತಂಡವನ್ನು ಸೋಲಿಸಿ ದಾಖಲೆಯ ಆರನೇ ಹಾಂಗ್ ಕಾಂಗ್ ಸಿಕ್ಸಸ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದ ಪಾಕಿಸ್ತಾನವು, ಹಾಲಿ ಚಾಂಪಿಯನ್ ಆಗಿ 2026ರ ಆವೃತ್ತಿಯನ್ನು ಪ್ರವೇಶಿಸುತ್ತಿದೆ.

2026ರ ಪಂದ್ಯಾವಳಿಯಲ್ಲಿ ಎಂಟು ಪ್ರಮುಖ ಕ್ರಿಕೆಟ್ ರಾಷ್ಟ್ರಗಳು ಹಾಗೂ ನಾಲ್ಕು ಸಹ ಸದಸ್ಯ ರಾಷ್ಟ್ರಗಳು ಭಾಗವಹಿಸಲಿದ್ದು, 'ಟಿನ್ ಕ್ವಾಂಗ್ ರೋಡ್ ರೆಕ್ರಿಯೇಷನ್ ​​ಗ್ರೌಂಡ್'ನಲ್ಲಿ ಮೂರು ದಿನಗಳ ಆಕ್ರಮಣಕಾರಿ ಶೈಲಿಯ ಕ್ರಿಕೆಟ್ ಪಂದ್ಯಗಳಿಗೆ ಇದು ವೇದಿಕೆಯಾಗಲಿದೆ. ಸೋನಿ ಸ್ಪೋರ್ಟ್ಸ್ ನೆಟ್‌ವರ್ಕ್‌ನಲ್ಲಿ ಪಂದ್ಯಾವಳಿಯನ್ನು ಭಾರತದಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ.

ಭಾರತ ತಂಡ

ಭುವನೇಶ್ವರ್ ಕುಮಾರ್ (ನಾಯಕ), ಕೃನಾಲ್ ಪಾಂಡ್ಯ, ಶಶಾಂಕ್ ಸಿಂಗ್, ರಾಹುಲ್ ತೆವಾಟಿಯಾ, ನಿತೀಶ್ ರಾಣಾ, ರಾಹುಲ್ ತ್ರಿಪಾಠಿ, ಟಿ.ನಟರಾಜನ್.