IPL 2026: ಮಿನಿ ಹಾರಾಜಿಗೂ ಮುನ್ನ ಆಸೀಸ್‌ ಆಟಗಾರರನ್ನು ಕೈಬಿಡಲು ನಿರ್ಧರಿಸಿದ ಪಂಜಾಬ್‌

ಮೊಹಾಲಿ: ಮುಂಬರುವ ಐಪಿಎಲ್‌(IPL 2026) ಮಿನಿ ಹಾರಾಜಿಗೂ ಮುನ್ನ ಆಟಗಾರರ ರಿಟೇನ್‌ ಮತ್ತು ರಿಲೀಸ್‌ ಪಟ್ಟಿಯನ್ನು((IPL 2026)) ಅಂತಿಮಗೊಳಿಸಲು ಇನ್ನೊಂದು ದಿನ ಮಾತ್ರ ಬಾಕಿ ಉಳಿದಿದೆ. ಕಳೆದ ಋತುವಿನ ರನ್ನರ್-ಅಪ್ ಪಂಜಾಬ್ ಕಿಂಗ್ಸ್ (Punjab Kings) ತಂಡವು ಆಸ್ಟ್ರೇಲಿಯಾದ ಆಟಗಾರರಿಗೆ ಗೇಟ್‌ಪಾಸ್‌ ನೀಡಲು ನಿರ್ಧರಿಸಿದೆ.

ಕಳೆದ ಆವೃತ್ತಿಯಲ್ಲಿ ಶ್ರೇಯಸ್ ಅಯ್ಯರ್ ನಾಯಕತ್ವದಲ್ಲಿ ತಂಡ ಉತ್ಸಾಹಭರಿತ ಪ್ರದರ್ಶನ ತೋರುವ ಮೂಲಕ ಫೈನಲ್‌ ತಲುಪಿತ್ತು. ಆದರೆ ಫೈನಲ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ಧ ಆರು ರನ್‌ಗಳ ಸೋಲನ್ನು ಅನುಭವಿಸಿ ತಮ್ಮ ಚೊಚ್ಚಲ ಪ್ರಶಸ್ತಿಯನ್ನು ಕಳೆದುಕೊಂಡಿತ್ತು.

ಪಿಬಿಕೆಎಸ್ ತಂಡವನ್ನು ಪುನರ್ನಿರ್ಮಿಸುವ ಗುರಿಯನ್ನು ಹೊಂದಿರುವುದರಿಂದ, ಅಯ್ಯರ್, ಅನುಭವಿ ಮತ್ತು ಸ್ಟಾರ್ ವೇಗಿ ಅರ್ಶ್‌ದೀಪ್ ಸಿಂಗ್, ಶಶಾಂಕ್ ಸಿಂಗ್ ಮತ್ತು ಸ್ಟಾರ್ ಸ್ಪಿನ್ನರ್ ಯುಜ್ವೇಂದ್ರ ಚಾಹಲ್ ಅವರಂತಹ ಆಟಗಾರರನ್ನು ತಂಡದಲ್ಲಿ ಉಳಿಸಿಕೊಳ್ಳಲು ಮುಂದಾಗಿದೆ. ಕಳೆದ ಋತುವಿನಲ್ಲಿ ಈ ಆಟಗಾರರು ತಮ್ಮ ವೈಯಕ್ತಿಕ ಪ್ರದರ್ಶನದಿಂದ ಪ್ರಭಾವಿತರಾಗಿದ್ದರು. ಅಯ್ಯರ್ 604 ರನ್‌ಗಳೊಂದಿಗೆ ತಂಡದ ಅಗ್ರ ಸ್ಕೋರರ್ ಆಗಿದ್ದರು. ಅರ್ಶ್‌ದೀಪ್ ಮತ್ತು ಚಾಹಲ್ ಕ್ರಮವಾಗಿ ವೇಗದ ಬೌಲಿಂಗ್ ಮತ್ತು ಸ್ಪಿನ್ ವಿಭಾಗಗಳಲ್ಲಿ ತಂಡದ ಅತಿ ಹೆಚ್ಚು ವಿಕೆಟ್ ಪಡೆದವರಾಗಿದ್ದರು. ಶಶಾಂಕ್ ತಮ್ಮ ನಂಬಲಾಗದ ಫಿನಿಶಿಂಗ್ ಸಾಮರ್ಥ್ಯದೊಂದಿಗೆ ಪಿಬಿಕೆಎಸ್‌ಗಾಗಿ ನಿರ್ಣಾಯಕ ಪಾತ್ರ ವಹಿಸಿದರು.

ಐಪಿಎಲ್ 2025 ರಲ್ಲಿ ತಮ್ಮ ಪ್ರದರ್ಶನದ ಮೂಲಕ ಮಿಂಚಿದ ಪ್ರಪ್ರಭ್‌ಸಿಮ್ರಾನ್ ಸಿಂಗ್ ಮತ್ತು ಪ್ರಿಯಾಂಶ್ ಆರ್ಯ ಅವರಂತಹ ಆಟಗಾರರು ಸಹ ತಂಡದಲ್ಲಿ ಸ್ಥಾನ ಪಡೆಯಲಿದ್ದಾರೆ. ವಿಕೆಟ್ ಕೀಪರ್-ಬ್ಯಾಟರ್ ಅಗ್ರಸ್ಥಾನದಲ್ಲಿ ತಮ್ಮ ಸ್ಥಿರತೆಯನ್ನು ಸುಧಾರಿಸಿಕೊಂಡರೆ, ಎಡಗೈ ಪ್ರಿಯಾಂಶ್ ಆರಂಭಿಕ ಆಟಗಾರನಾಗಿ ತಮ್ಮ ನಿರ್ಭೀತ ಬ್ಯಾಟಿಂಗ್‌ ಮೂಲಕ ಗಮನಸೆಳೆದಿದ್ದರು.

ಮ್ಯಾಕ್ಸ್‌ವೆಲ್‌-ಸ್ಟೋಯಿನಿಸ್‌ಗೆ ಗೇಟ್‌ ಪಾಸ್‌

ಆಸ್ಟ್ರೇಲಿಯಾದ ಹಿರಿಯ ಆಲ್‌ರೌಂಡರ್‌ಗಳಾದ ಮಾರ್ಕಸ್‌ ಸ್ಟೋಯಿನಿಸ್‌ ಮತ್ತು ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಅವರನ್ನು ಪಂಜಾಬ್‌ ಈ ಬಾರಿ ಕೈಬಿಡಲು ನಿರ್ಧರಿಸಿದೆ. ಕಳೆದ ಆವೃತ್ತಿಯಲ್ಲಿ ಉಭಯ ಆಟಗಾರರು ತಮ್ಮ ನಿಜವಾದ ಸಾಮರ್ಥ್ಯಕ್ಕೆ ತಕ್ಕಂತೆ ಆಡುವಲ್ಲಿ ವಿಫಲರಾಗಿದ್ದರು. ಉಳಿದಂತೆ ಆರನ್ ಹಾರ್ಡಿ ಮತ್ತು ಮುಶೀರ್ ಖಾನ್ ಅವರನ್ನು ಬಿಡುಗಡೆ ಮಾಡಲು ಸಹ ಫ್ರಾಂಚೈಸಿ ಆಸಕ್ತಿ ಹೊಂದಿರಬಹುದು. ಕಳೆದ ಋತುವಿನಲ್ಲಿ ವಿದೇಶಿ ಆಟಗಾರ ಹಾರ್ಡಿಯನ್ನು ಬಳಸದೆ ಬಿಟ್ಟಿದ್ದರೂ, ಮುಶೀರ್ ಫ್ರಾಂಚೈಸ್‌ಗಾಗಿ ಕೇವಲ ಒಂದು ಪಂದ್ಯವನ್ನು ಮಾತ್ರ ಆಡಿದ್ದರು.

ಇದನ್ನೂ ಓದಿ IPL 2026: ಐಪಿಎಲ್ 2026 ಹರಾಜಿಗೂ ಮುನ್ನ ಧೋನಿಯನ್ನು ಬಿಡುಗಡೆ ಮಾಡಲು ಮುಂದಾದ ಸಿಎಸ್‌ಕೆ

ಪಂಬಾಬ್‌ ಉಳಿಸಿಕೊಳ್ಳುವ ಸಂಭಾವ್ಯ ತಂಡ

ಶ್ರೇಯಸ್ ಅಯ್ಯರ್, ಯುಜ್ವೇಂದ್ರ ಚಹಾಲ್, ಅರ್ಷ್‌ದೀಪ್ ಸಿಂಗ್, ನೆಹಲ್ ವಧೇರಾ, ಶಶಾಂಕ್ ಸಿಂಗ್, ವಿಜಯ್‌ಕುಮಾರ್ ವೈಶಾಕ್, ಯಶ್ ಠಾಕೂರ್, ಹರ್‌ಪ್ರೀತ್ ಬ್ರಾರ್, ವಿಷ್ಣು ವಿನೋದ್, ಮಾರ್ಕೊ ಜಾನ್ಸೆನ್, ಜೋಶ್ ಇಂಗ್ಲಿಸ್, ಕ್ಸೇವಿಯರ್ ಸೆನ್ಗ್ಲಿಸ್, ಪಿ. ಪ್ರಿಯಾಂಶ್ ಆರ್ಯ, ಪ್ರವೀಣ್ ದುಬೆ, ಅಜ್ಮತುಲ್ಲಾ ಒಮರ್ಜಾಯ್ ಮತ್ತು ಲಾಕಿ ಫರ್ಗುಸನ್.

ರಿಲೀಸ್‌ ಮಾಡುವ ಆಟಗಾರರು

ಹರ್ನೂರ್ ಸಿಂಗ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮಾರ್ಕಸ್ ಸ್ಟೊಯಿನಿಸ್, ಆರನ್ ಹಾರ್ಡಿ, ಮುಶೀರ್ ಖಾನ್.