93 ವರ್ಷಗಳ ಹಳೆಯ ಬೌಲಿಂಗ್ ದಾಖಲೆ ಸರಿಗಟ್ಟಿದ ಮಾನವ್ ಸುತಾರ್
ಕಳೆದ 94 ವರ್ಷಗಳಲ್ಲಿ, ಅನೇಕ ಕ್ರಿಕೆಟಿಗರು ತಮ್ಮ ಮೊದಲ ತವರು ಅಥವಾ ವಿದೇಶ ಟೆಸ್ಟ್ನಲ್ಲಿ ಭಾರತಕ್ಕಾಗಿ ಐದು ವಿಕೆಟ್ ಗೊಂಚಲು ಪಡೆದಿದ್ದಾರೆ, ಆದರೆ ನಿಸಾರ್ ಮತ್ತು ಸುತಾರ್ ಮಾತ್ರ ತಮ್ಮ ಮೊದಲ ತವರು ಮತ್ತು ವಿದೇಶ ಟೆಸ್ಟ್ಗಳಲ್ಲಿ ಐದು ವಿಕೆಟ್ ಗೊಂಚಲು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
Manav Suthar and Mohammad Nisar -
ಗಾಲೆ, ಆ.20: ಯುವ ಸ್ಪಿನ್ನರ್ ಮಾನವ್ ಸುತಾರ್(Manav Suthar) ತವರು ಮತ್ತು ವಿದೇಶ ಟೆಸ್ಟ್ ಪಂದ್ಯಗಳಲ್ಲಿ ಐದು ವಿಕೆಟ್ ಕಬಳಿಸಿದ ಮೊದಲ ಸ್ಪಿನ್ನರ್ ಮತ್ತು ಒಟ್ಟಾರೆಯಾಗಿ ಎರಡನೇ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುವ ಮೂಲಕ ಇತಿಹಾಸ ಪುಸ್ತಕಗಳಲ್ಲಿ ತಮ್ಮ ಹೆಸರನ್ನು ದಾಖಲಿಸಿದರು.
ರಾಜಸ್ಥಾನದ 24 ವರ್ಷದ ಸ್ಪಿನ್ನರ್ ಜೂನ್ 6, 2026 ರಂದು ಮುಲ್ಲನ್ಪುರದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಭಾರತ ಪರ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಆ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಆರು ವಿಕೆಟ್ಗಳನ್ನು ಪಡೆದರು. ಶ್ರೀಲಂಕಾ ವಿರುದ್ಧ ಒಟ್ಟು 10 ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿದರು. ಸುತಾರ್ ಮೊದಲ ಇನ್ನಿಂಗ್ಸ್ನಲ್ಲಿ 76 ರನ್ಗಳಿಗೆ 4 ವಿಕೆಟ್ಗಳನ್ನು ಗಳಿಸಿದರು. ನಂತರ ಎರಡನೇ ಇನ್ನಿಂಗ್ಸ್ನಲ್ಲಿ 55 ರನ್ಗಳಿಗೆ 6 ವಿಕೆಟ್ ಕೆಡವಿದರು.
ಸುತಾರ್ಗಿಂತ ಮೊದಲು, ಮೊಹಮ್ಮದ್ ನಿಸಾರ್ ಭಾರತ ಪರ ತಮ್ಮ ಮೊದಲ ತವರು ಮತ್ತು ವಿದೇಶ ಟೆಸ್ಟ್ ಪಂದ್ಯಗಳಲ್ಲಿ ಐದು ವಿಕೆಟ್ ಕಬಳಿಸುವಲ್ಲಿ ಯಶಸ್ವಿಯಾಗಿದ್ದರು. ಭಾರತ ಪರ ಒಟ್ಟು ಆರು ಟೆಸ್ಟ್ ಪಂದ್ಯಗಳನ್ನು ಆಡಿದ ನಿಸಾರ್, ಜೂನ್ 25, 1932 ರಂದು ಲಾರ್ಡ್ಸ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ಗೆ ಪಾದಾರ್ಪಣೆ ಮಾಡಿದರು ಮತ್ತು ಮೊದಲ ಇನ್ನಿಂಗ್ಸ್ನಲ್ಲಿ 93 ರನ್ಗಳಿಗೆ ಐದು ವಿಕೆಟ್ಗಳನ್ನು ಪಡೆದಿದ್ದರು.
ಟೆಸ್ಟ್ ಕ್ರಿಕೆಟ್ನಲ್ಲಿ ಐದು ವಿಕೆಟ್ಗಳನ್ನು ಪಡೆದ ಮೊದಲ ಭಾರತೀಯ ಬೌಲರ್ ಎಂಬ ದಾಖಲೆ ನಿಸಾರ್ ಹೆಸರಿನಲ್ಲಿದೆ. ನಿಸಾರ್ ಡಿಸೆಂಬರ್ 15, 1933 ರಂದು ಮುಂಬೈನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತಕ್ಕಾಗಿ ತಮ್ಮ ಮೊದಲ ತವರು ಟೆಸ್ಟ್ ಪಂದ್ಯವನ್ನು ಆಡಿದರು ಮತ್ತು ಮೊದಲ ಇನ್ನಿಂಗ್ಸ್ನಲ್ಲಿ 90 ಕ್ಕೆ 5 ವಿಕೆಟ್ಗಳನ್ನು ಪಡೆದರು.
ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಅಂಕಪಟ್ಟಿಯಲ್ಲಿ ಪ್ರಗತಿ ಸಾಧಿಸಿದ ಭಾರತ
ಕಳೆದ 94 ವರ್ಷಗಳಲ್ಲಿ, ಅನೇಕ ಕ್ರಿಕೆಟಿಗರು ತಮ್ಮ ಮೊದಲ ತವರು ಅಥವಾ ವಿದೇಶ ಟೆಸ್ಟ್ನಲ್ಲಿ ಭಾರತಕ್ಕಾಗಿ ಐದು ವಿಕೆಟ್ ಗೊಂಚಲು ಪಡೆದಿದ್ದಾರೆ, ಆದರೆ ನಿಸಾರ್ ಮತ್ತು ಸುತಾರ್ ಮಾತ್ರ ತಮ್ಮ ಮೊದಲ ತವರು ಮತ್ತು ವಿದೇಶ ಟೆಸ್ಟ್ಗಳಲ್ಲಿ ಐದು ವಿಕೆಟ್ ಗೊಂಚಲು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಎರಡನೇ ಇನ್ನಿಂಗ್ಸ್ನಲ್ಲಿ ಆರು ವಿಕೆಟ್ಗಳನ್ನು ಪಡೆಯುವ ಮೂಲಕ ಸುತಾರ್ ರವಿಚಂದ್ರನ್ ಅಶ್ವಿನ್ ಮತ್ತು ಹರ್ಭಜನ್ ಸಿಂಗ್ ಅವರ ಗಣ್ಯರ ಪಟ್ಟಿಯಲ್ಲಿ ಸೇರಿಕೊಂಡರು. ರಾಜಸ್ಥಾನ ಮೂಲದ ಸ್ಪಿನ್ನರ್ ಶ್ರೀಲಂಕಾದಲ್ಲಿ ಟೆಸ್ಟ್ ಇನ್ನಿಂಗ್ಸ್ನಲ್ಲಿ ಆರು ವಿಕೆಟ್ಗಳನ್ನು ಪಡೆದ ಮೂರನೇ ಭಾರತೀಯ ಕ್ರಿಕೆಟಿಗ. ಇದಕ್ಕೂ ಮೊದಲು, ಹರ್ಭಜನ್ ಮತ್ತು ಅಶ್ವಿನ್ ಶ್ರೀಲಂಕಾದಲ್ಲಿ ನಡೆದ ಟೆಸ್ಟ್ ಪಂದ್ಯದ ಇನ್ನಿಂಗ್ಸ್ನಲ್ಲಿ ತಲಾ ಆರು ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿದ್ದರು.
ಜುಲೈ-ಆಗಸ್ಟ್ 2008 ರ ಟೆಸ್ಟ್ನಲ್ಲಿ ಗಾಲೆಯಲ್ಲಿ 153 ರನ್ಗಳಿಗೆ 10 ವಿಕೆಟ್ಗಳನ್ನು ಪಡೆದಿದ್ದ ಹರ್ಭಜನ್ ಅವರ ದಾಖಲೆಯನ್ನು ಸುತಾರ್ ಮುರಿದರು. ಸುತಾರ್ 54.2 ಓವರ್ಗಳಲ್ಲಿ 131 ರನ್ಗಳಿಗೆ 10 ವಿಕೆಟ್ಗಳನ್ನು ಪಡೆದರು.