ಸೆ. 27 ರಂದು 2025ರ ಜೆ.ಕೆ ರೇಸಿಂಗ್ ಎರಡನೇ ಸುತ್ತು ಆರಂಭ: ಬೆಂಗಳೂರಿನ ಅನೀಶ್ ಶೆಟ್ಟಿ ಪ್ರಮುಖ ಆಕರ್ಷಣೆ!
2025ರ ಜೇಕೆ ಟೈರ್ ರೇಸಿಂಗ್ ಸೀಸನ್ ಎರಡನೇ ಸುತ್ತಿನ (JK Tyre Racing season 2025) ಸ್ಪರ್ಧೆಗಳು ಸೆಪ್ಟೆಂಬರ್ 27 ಮತ್ತು 28 ರಂದು ತಮಿಳುನಾಡು ರಾಜ್ಯದ ಕೊಯಮತ್ತೂರಿನ ಪ್ರಸಿದ್ಧ ಕಾರಿ ಮೋಟರ್ ಸ್ಪೀಡ್‌ವೇನಲ್ಲಿ ನಡೆಯಲಿದೆ. ಜೇಕೆ ಟೈರ್ ಲೆವಿಟಾಸ್ ಕಪ್, ರಾಯಲ್ ಎನ್‌ಫೀಲ್ಡ್ ಕಾಂಟಿನೆಂಟಲ್ ಜಿಟಿ ಕಪ್ ಹಾಗೂ ಜೇಕೆ ಟೈರ್ ನೊವಿಸ್‌ ಕಪ್ ಮೂರು ಸ್ಪರ್ಧೆಗಳು ನಡೆಯಲಿವೆ.
ಸೆ.27 ರಿಂದ 28ರವರೆ ಕೊಯಮತ್ತೂರಿನಲ್ಲಿ ಜೆಕೆ ಟೈಯರ್ ರೇಸಿಂಗ್ ಸೀಸನ್ ಎರಡನೇ ಸುತ್ತು ನಡೆಯಲಿದೆ. -
Ramesh Kote
Sep 25, 2025 8:31 PM
ನವದೆಹಲಿ: ಬಹುನಿರೀಕ್ಷಿತ 2025ರ ಜೇಕೆ ಟೈರ್ ರೇಸಿಂಗ್ ಸೀಸನ್ ಎರಡನೇ ಸುತ್ತಿನ (JK Tyre Racing season 2025) ಸ್ಪರ್ಧೆಗಳು ಸೆಪ್ಟೆಂಬರ್ 27 ಮತ್ತು 28 ರಂದು ತಮಿಳುನಾಡು ರಾಜ್ಯದ ಕೊಯಮತ್ತೂರಿನ ಪ್ರಸಿದ್ಧ ಕಾರಿ ಮೋಟರ್ ಸ್ಪೀಡ್‌ವೇನಲ್ಲಿ ನಡೆಯಲಿದೆ. 28 ವರ್ಷಗಳಿಂದ ಮೋಟಾರ್‌ ಸ್ಪೋರ್ಟ್ ಅನ್ನು ಉತ್ತೇಜಿಸುವ ತನ್ನ ಪರಂಪರೆಯನ್ನು ಮುಂದುವರಿಸಿಕೊಂಡು ಬಂದಿರುವ ಜೇಕೆ ಟೈರ್, ಭವಿಷ್ಯದ ಭಾರತೀಯ ರೇಸಿಂಗ್ ಪ್ರತಿಭೆಗಳನ್ನು ರೂಪಿಸಲು ಪ್ರಮುಖ ವೇದಿಕೆಯನ್ನು ಒದಗಿಸುತ್ತಿದೆ. ಈ ಬಾರಿ ಮೂರು ವಿಭಾಗಗಳಲ್ಲಿಯೂ ದೇಶಾದ್ಯಂತ ಶಕ್ತಿಶಾಲಿ ಸ್ಪರ್ಧಿಗಳು ಭಾಗವಹಿಸಲಿದ್ದಾರೆ.
ಮೊದಲ ಬಾರಿ ಆರಂಭವಾಗುತ್ತಿರುವ ಜೇಕೆ ಟೈರ್ ಲೆವಿಟಾಸ್ ಕಪ್ ಸ್ಪರ್ಧೆಯ ಎರಡನೇ ಸುತ್ತಿನಲ್ಲಿ ಮಾರುತಿ ಸುಜುಕಿ ಇಗ್ನಿಸ್ ಕಾರುಗಳನ್ನು ಬಳಸಲಾಗುತ್ತಿದೆ. ಒಟ್ಟು 14 ಚಾಲಕರು ಭಾಗವಹಿಸಲಿದ್ದು, ಹೊಸ ರೇಸರ್‌ಗಳು ಸ್ಪರ್ಧೆಗೆ ಮತ್ತಷ್ಟು ಮೆರಗನ್ನು ನೀಡಲಿದ್ದಾರೆ. ಎಲ್ಲ ಕಾರುಗಳೂ ಒಂದೇ ತರದ ತಾಂತ್ರಿಕ ಸಿದ್ಧತೆಯಲ್ಲಿರುವುದರಿಂದ, ಚಾಲಕರ ಕೌಶಲವೇ ಫಲಿತಾಂಶ ನಿರ್ಧರಿಸುವ ಮುಖ್ಯ ಅಂಶವಾಗಲಿದೆ.
HIL Season 2 auction: ಎಸ್‌ಜಿ ಪೈಪರ್ಸ್ ತಂಡಕ್ಕೆ 8 ಹೊಸ ಆಟಗಾರ್ತಿಯರ ಸೇರ್ಪಡೆ!
ಅಗ್ರ ಸ್ಥಾನದಲ್ಲಿ ಬೆಂಗಳೂರಿನ ಅನೀಶ್ ಶೆಟ್ಟಿ
ಜೇಕೆ ಟೈರ್ ಪ್ರಸ್ತುತಪಡಿಸುವ ರಾಯಲ್ ಎನ್‌ಫೀಲ್ಡ್ ಕಾಂಟಿನೆಂಟಲ್ ಜಿಟಿ ಕಪ್ ತನ್ನ ವಿಶಿಷ್ಟ ಪ್ರೊ-ಆಮ್ ಸ್ವರೂಪದಲ್ಲಿ ಭಾರೀ ರೋಚಕತೆಯನ್ನು ನೀಡಲಿದೆ. ವೃತ್ತಿಪರ ವರ್ಗದಲ್ಲಿ ಬೆಂಗಳೂರಿನ ಅನೀಶ್ ಶೆಟ್ಟಿ ಮೊದಲನೇ ಸುತ್ತು ಗೆದ್ದು 30 ಅಂಕಗಳೊಂದಿಗೆ ಮುನ್ನಡೆಯಲ್ಲಿದ್ದಾರೆ. ಮುಂಬೈನ ಕಯಾನ್ ಪಟೇಲ್ (19) ಮತ್ತು ಪಾಂಡಿಚೇರಿಯ ಚಾಂಪಿಯನ್ ನವನೀತ್ ಕುಮಾರ್ (12) ಇರಲಿದ್ದಾರೆ. ಅಮೆಚೂರ್ ವರ್ಗದಲ್ಲಿ, ಪಾಂಡಿಚೇರಿಯ ಬ್ರಯಾನ್ ನಿಕೋಲಸ್ 36 ಪಾಯಿಂಟ್‌ಗಳೊಂದಿಗೆ ಅಜೇಯ ಸ್ಥಿತಿಯಲ್ಲಿದ್ದರೂ, ಜೋಹ್ರಿಂಗ್ ವಾರಿಸಾ (27) ಮತ್ತು ಸರಣ್ ಕುಮಾರ್ (19) ಬಲವಾದ ಹೋರಾಟ ನೀಡುತ್ತಿದ್ದಾರೆ.
Round 2 of JK Tyre Racing featuring Royal Enfield Continental GT Cup & Novice Cup to kick-start this weekend in Coimbatorehttps://t.co/AaZd3QwhTl pic.twitter.com/6oLU6ERMZs
— chennaicitynews (@pesumcinema) September 25, 2025
ಬೆಂಗಳೂರಿನ ಕಿಶೋರ್ ಭುವನ್‌ಗೆ ಮುನ್ನಡೆ
ಜೇಕೆ ಟೈರ್ ನೊವಿಸ್‌ ಕಪ್ ಭಾರತದ ಪ್ರವೇಶ ಮಟ್ಟದ ಸಿಂಗಲ್-ಸೀಟರ್ ಸರಣಿಯಲ್ಲಿ (1300ಸಿಸಿ ಸುಜುಕಿ ಸ್ವಿಫ್ಟ್ ಎಂಜಿನ್‌ಗಳು), ಬೆಂಗಳೂರಿನ ಕಿಶೋರ್ ಭುವನ್ ಬೋನು (Team MSport) ಮೊದಲನೇ ಸುತ್ತಿನಲ್ಲಿ ಅಬ್ಬರಿಸಿ 30 ಅಂಕಗಳೊಂದಿಗೆ ಮುನ್ನಡೆ ಸಾಧಿಸಿದ್ದಾರೆ. ಬೆಂಗಳೂರಿನ ಪ್ರತೀಕ್ ಅಶೋಕ್ ಕೇವಲ 17 ಪಾಯಿಂಟ್‌ಗಳಿಂದ ಹಿಂಬಾಲಿಸುತ್ತಿದ್ದು, ನವಿ ಮುಂಬೈನ ಓಜಸ್ ಸರ್ವೆ (15 ಪಾಯಿಂಟ್) ಇಬ್ಬರೂ ಟೀಮ್‌ ಡಿಟಿಎಸ್‌ ರೇಸಿಂಗ್ ಪರವಾಗಿ ಬಲವಾದ ಹೋರಾಟ ನೀಡುತ್ತಿದ್ದಾರೆ. ಮೊದಲ ಸುತ್ತಿನಲ್ಲಿ ಅವರು ಕೇವಲ ಕೆಲವು ಸೆಕೆಂಡ್‌ಗಳ ಅಂತರದಲ್ಲಿ ಫಿನಿಷ್ ಲೈನ್ ದಾಟಿದ್ದರು.
2026ರ ಏಷ್ಯನ್ ಕ್ರೀಡಾಕೂಟ; ಭಾರತ ಪುರುಷರ ಫುಟ್ಬಾಲ್ ತಂಡಕ್ಕಿಲ್ಲ ಅವಕಾಶ?
ಸೆಪ್ಟೆಂಬರ್ 27 ಮತ್ತು 28 ರಂದು ನಡೆಯುವ ಎರಡನೇ ಸುತ್ತು ಎಲ್ಲಾ ವಿಭಾಗಗಳಲ್ಲಿ ನಿಕಟ ಮುಕ್ತಾಯ ಮತ್ತು ಹೊಸ ತಿರುವುಗಳ ಮತ್ತೊಂದು ವಾರಾಂತ್ಯದ ಭರವಸೆ ನೀಡುತ್ತದೆ. ನೋವಿಸ್ ಕಪ್ ಸ್ಪರ್ಧೆಯಲ್ಲಿ ಉದಯೋನ್ಮುಖ ಹದಿಹರೆಯದ ತಾರೆಗಳಿಂದ ಹಿಡಿದು ರಾಯಲ್ ಎನ್‌ಫೀಲ್ಡ್ ಕಾಂಟಿನೆಂಟಲ್ ಜಿಟಿ ಕಪ್ ಸ್ಪರ್ಧೆಯಲ್ಲಿ ಅನುಭವಿ ಪ್ರಚಾರಕರು ಮತ್ತು ಮಹತ್ವಾಕಾಂಕ್ಷೆಯ ಹವ್ಯಾಸಿಗಳವರೆಗೆ ಮತ್ತು ಮುಂದಿನ ಪೀಳಿಗೆಯ ಪ್ರವಾಸಿ ಕಾರು ರೇಸರ್‌ಗಳನ್ನು ರೂಪಿಸುವ ಲೆವಿಟಾಸ್ ಕಪ್‌ನ ಚೊಚ್ಚಲ ಪ್ರವೇಶದ ಮೂಲಕ ಅಭಿಮಾನಿಗಳು ಮೋಟಾರ್‌ಸ್ಪೋರ್ಟ್ ಮನೋರಂಜನೆಯ ವಾರಾಂತ್ಯವನ್ನು ನೋಡಲು ಎದುರು ನೋಡುತ್ತಿದ್ದಾರೆ.