ಬಾಂಗ್ಲಾ ಟೆಸ್ಟ್‌ ಸರಣಿಗೆ ಪಾಕ್ ಮುಖ್ಯ ಕೋಚ್ ಆಗಿ ಸರ್ಫರಾಜ್ ಅಹ್ಮದ್ ನೇಮಕ

ಕರಾಚಿ, ಎ. 18: ಮೇ ತಿಂಗಳಲ್ಲಿ ನಡೆಯಲಿರುವ ಬಾಂಗ್ಲಾದೇಶ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಗೆ ಪಾಕಿಸ್ತಾನದ ಮಾಜಿ ನಾಯಕ ಸರ್ಫರಾಜ್ ಅಹ್ಮದ್ ಅವರನ್ನು ಪಾಕ್‌ ತಂಡದ ಮುಖ್ಯ ಕೋಚ್ ಆಗಿ ನೇಮಿಸಿದೆ. ಶಾನ್ ಮಸೂದ್ 16 ಜನರ ತಂಡವನ್ನು ಮುನ್ನಡೆಸಲಿದ್ದಾರೆ. ಇದರಲ್ಲಿ ನಾಲ್ವರಾದ ಅಬ್ದುಲ್ಲಾ ಫಜಲ್, ಅಮದ್ ಬಟ್, ಅಜಾನ್ ಅವೈಸ್ ಮತ್ತು ಘಾಜಿ ಘೋರಿ ಹೊಸಬರು.

ಬಾಂಗ್ಲಾದೇಶ ಏಕದಿನ ಸರಣಿಯಿಂದ ಹೊರಗುಳಿದಿದ್ದ ಸ್ಟಾರ್ ಬ್ಯಾಟ್ಸ್‌ಮನ್ ಬಾಬರ್ ಅಜಮ್ ತಂಡಕ್ಕೆ ಮರಳಿದ್ದಾರೆ. ಅಸದ್ ಶಫೀಕ್ ಮತ್ತು ಉಮರ್ ಗುಲ್ ಅವರನ್ನು ಕ್ರಮವಾಗಿ ಬ್ಯಾಟಿಂಗ್ ಮತ್ತು ಬೌಲಿಂಗ್ ತರಬೇತುದಾರರಾಗಿ ನೇಮಿಸಲಾಗಿದೆ.

ಈ ಸರಣಿಗೂ ಮುನ್ನ ಪಿಸಿಬಿ ಆಟಗಾರರಿಗಾಗಿ ಲಾಹೋರ್‌ನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ರೆಡ್-ಬಾಲ್ ಕಂಡೀಷನಿಂಗ್ ಶಿಬಿರವನ್ನು ಆಯೋಜಿಸಿದೆ. ತಂಡದಲ್ಲಿ, ಐದು ಆಟಗಾರರು - ಅವೈಸ್, ಇಮಾಮ್-ಉಲ್-ಹಕ್, ಘೋರಿ, ನೋಮನ್ ಅಲಿ ಮತ್ತು ಸಾಜಿದ್ ಖಾನ್ ಪ್ರಸ್ತುತ ಶಿಬಿರದಲ್ಲಿ ಭಾಗವಹಿಸುತ್ತಿದ್ದಾರೆ.

ಸರ್ಫರಾಜ್ ಪಾಕಿಸ್ತಾನ ತಂಡವನ್ನು 2017 ರ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಚಾಂಪಿಯನ್‌ ಪಟ್ಟಕ್ಕೇರಿಸಿದ್ದರು.ಇದೀಗ ತಂಡ ಮುಖ್ಯ ಕೋಚ್‌ ಆಗಿ ಮತ್ತೆ ತಂಡವನ್ನು ಕಟ್ಟುವ ಜವಾಬ್ದಾರಿ ಅವರ ಹೆಗಲೇರಿದೆ. ಸರ್ಫರಾಜ್‌ ಮಾರ್ಗದರ್ಶನದಲ್ಲಿ ಪಾಕಿಸ್ತಾನ 2025 ರಲ್ಲಿ U-19 ಏಷ್ಯಾ ಕಪ್ ಅನ್ನು ಸಹ ಗೆದ್ದುಕೊಂಡಿತ್ತು.

RCB vs DC: ಗ್ರೀನ್​ ಜೆರ್ಸಿಯಲ್ಲಿ ಆರ್​ಸಿಬಿ ಅದೃಷ್ಟ ಹೇಗಿದೆ; ಎಷ್ಟು ಗೆಲುವು ಎಷ್ಟು ಸೋಲು?

ಪಾಕಿಸ್ತಾನ ಸೂಪರ್ ಲೀಗ್‌ನ ನಂತರದ ಸುತ್ತುಗಳಲ್ಲಿ ಭಾಗವಹಿಸದ ತಂಡಗಳ ಆಟಗಾರರು ಏಪ್ರಿಲ್ 27 ರಿಂದ ಮೇ 1 ರವರೆಗೆ ಕರಾಚಿಯಲ್ಲಿ ನಡೆಯುವ ಶಿಬಿರದಲ್ಲಿ ಭಾಗವಹಿಸಲಿದ್ದಾರೆ ಎಂದು ಪಿಸಿಬಿ ಹೇಳಿಕೆಯಲ್ಲಿ ದೃಢಪಡಿಸಿದೆ. ಪಿಎಸ್‌ಎಲ್ ಆಟಗಾರರು ತಮ್ಮ ಅಭಿಯಾನದ ಕೊನೆಯಲ್ಲಿ ಶಿಬಿರವನ್ನು ಸೇರಲಿದ್ದಾರೆ. ತಂಡವು ಮೇ 2 ರಂದು ಬಾಂಗ್ಲಾದೇಶಕ್ಕೆ ಹಾರಲಿದೆ ಮತ್ತು ಮೇ 3 ರಂದು ಫೈನಲ್‌ನಲ್ಲಿ ಭಾಗವಹಿಸುವ ತಂಡಗಳ ಆಟಗಾರರು ಪಂದ್ಯದ ನಂತರ ತಂಡವನ್ನು ಸೇರಿಕೊಳ್ಳುತ್ತಾರೆ. ಮೊದಲ ಟೆಸ್ಟ್ ಪಂದ್ಯ ಮೇ 8 ರಿಂದ 12 ರವರೆಗೆ ಢಾಕಾದಲ್ಲಿ ನಡೆಯಲಿದ್ದು, ಎರಡನೇ ಟೆಸ್ಟ್ ಪಂದ್ಯ ಮೇ 16-20 ರಿಂದ ಸಿಲ್ಹೆಟ್‌ನಲ್ಲಿ ನಡೆಯಲಿದೆ.

ಬಾಂಗ್ಲಾದೇಶ ಟೆಸ್ಟ್‌ಗಾಗಿ ಪಾಕಿಸ್ತಾನ ತಂಡ

ಶಾನ್ ಮಸೂದ್ (ನಾಯಕ), ಅಬ್ದುಲ್ಲಾ ಫಜಲ್, ಅಮದ್ ಬಟ್, ಅಜಾನ್ ಅವೈಸ್, ಬಾಬರ್ ಅಜಮ್, ಹಸನ್ ಅಲಿ, ಇಮಾಮ್-ಉಲ್-ಹಕ್, ಖುರ್ರಂ ಶಹಜಾದ್, ಮೊಹಮ್ಮದ್ ಅಬ್ಬಾಸ್, ಮೊಹಮ್ಮದ್ ರಿಜ್ವಾನ್ (ವಿ.ಕೀ.), ಮುಹಮ್ಮದ್ ಘಾಜಿ ಘೋರಿ (ವಿ.ಕೀ.), ನೋಮನ್ ಅಲಿ, ಸಾಜಿದ್ ಖಾನ್, ಸಾಜಿದ್ ಅಲಿ ಅಗ್ಹಾ, ಸಲ್ಮಾನ್ ಅಲಿ ಶಹಫ್ಹಾ ಮತ್ತು ಸಲ್ಮಾನ್ ಅಲಿ.