22 ವರ್ಷಗಳ ಹಿಂದೆ ಸಚಿನ್‌ಗೆ ಔಟ್ ನೀಡಿದ್ದಕ್ಕೆ ವಿಷಾದ ವ್ಯಕ್ತಪಡಿಸಿದ ಸ್ಟೀವ್ ಬಕ್ನರ್

ಗಯಾನ, ಫೆ.24: ಭಾರತದ ಮಾಜಿ ನಾಯಕ ಸಚಿನ್ ತೆಂಡೂಲ್ಕರ್(Sachin Tendulkar) ಆಡುತ್ತಿದ್ದ ದಿನಗಳಲ್ಲಿ ಸ್ಟೀವ್ ಬಕ್ನರ್(Steve Bucknor) ಹಲವಾರು ಬಾರಿ ವಿವಾದಾತ್ಮಕವಾಗಿ ಅವರನ್ನು ಔಟ್ ಮಾಡಿದ್ದರು. ವೆಸ್ಟ್ ಇಂಡೀಸ್‌ನ ಅತ್ಯಂತ ಗೌರವಾನ್ವಿತ ಅಂಪೈರ್ ಆಗಿದ್ದ ಬಕ್ನರ್, 1990 ಮತ್ತು 2000ದ ದಶಕಗಳಲ್ಲಿ ಸಚಿನ್ ತೆಂಡೂಲ್ಕರ್ ವಿರುದ್ಧದ ಹಲವಾರು ಅಂಪೈರಿಂಗ್ ನಿರ್ಧಾರಗಳ ಮೇಲೆ ಭಾರತೀಯ ಅಭಿಮಾನಿಗಳ ಕೋಪಕ್ಕೆ ಒಳಗಾಗಿದ್ದರು.

ಏತನ್ಮಧ್ಯೆ, ಬಕ್ನರ್ ಅವರು ಭಾರತೀಯ ದಂತಕಥೆಯನ್ನು ಔಟ್ ಎಂದು ತೀರ್ಪು ನೀಡಿದ ಅತ್ಯಂತ ಪ್ರಸಿದ್ಧ ಘಟನೆಗಳಲ್ಲಿ ಒಂದನ್ನು ಒಪ್ಪಿಕೊಂಡಿದ್ದಾರೆ. ಮತ್ತು ತಮ್ಮ ತಪ್ಪುಗಳನ್ನು ಒಪ್ಪಿಕೊಂಡಿದ್ದಾರೆ. 2003-04ರ ಬಾರ್ಡರ್-ಗವಾಸ್ಕರ್ ಸರಣಿಯ ಸಮಯದಲ್ಲಿ ಬ್ರಿಸ್ಬೇನ್ ಟೆಸ್ಟ್ ಪಂದ್ಯದಲ್ಲಿ ಸಚಿನ್ ಮೂರು ರನ್ ಗಳಿಸಿದ್ದಾಗ ಎಲ್‌ಬಿಡಬ್ಲ್ಯು ಆದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ.

79 ವರ್ಷದ ಬಕ್ನರ್ ವೆಸ್ಟ್ ಇಂಡೀಸ್ ಕ್ರಿಕೆಟ್ ಅಂಪೈರ್‌ಗಳ ಸಂಘಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡುವ ವೇಳೆ ಸಚಿನ್‌ಗೆ ಔಟ್‌ ನೀಡಿದ ಘಟನೆಯನ್ನು ನೆನಪಿಸಿಕೊಂಡರು. "ನಾನು ಅವರನ್ನು ಏಕೆ ಔಟ್ ನೀಡಿದೆ ಎಂಬುದು ನನಗೆ ಈಗಲೂ ತಿಳಿದಿಲ್ಲ. ಆದರೆ ಅಂದು ನನ್ನಿಂದ ತಪ್ಪು ನಡೆದದ್ದು ನಿಜ. ಜೀವನದಲ್ಲಿ ತಪ್ಪುಗಳು ಸಂಭವಿಸುತ್ತವೆ. ಅದು ತಪ್ಪು ಎಂದು ನಾನು ಒಪ್ಪಿಕೊಂಡಿದ್ದೇನೆ" ಎಂದು ಅವರು ಹೇಳಿದರು.

ಆ ಪ್ರಮಾದವನ್ನು ಪ್ರಸಾರದ ನಿರೂಪಕ ಟೋನಿ ಗ್ರೆಗ್ ಕೂಡ ಇದನ್ನು 'ಭಯಾನಕ ನಿರ್ಧಾರ' ಎಂದು ಕರೆದಿದ್ದರು. "ಅದೊಂದು ಭಯಾನಕ ನಿರ್ಧಾರ. ಇದನ್ನು ನೋಡಿ, ಬೌನ್ಸ್ ಮತ್ತು ಚಲನೆಯನ್ನು ನೋಡಿ" ಎಂದು ಗ್ರೆಗ್ ಲೈವ್‌ ಕಾಮೆಂಟರಿಯಲ್ಲಿ ಹೇಳಿದ್ದರು.

ಸಚಿನ್‌ ಔಟ್‌ ನಿರ್ಧಾರದ ವಿಡಿಯೊ ಇಲ್ಲಿದೆ

ಬ್ರಿಸ್ಬೇನ್ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಸಚಿನ್ ಬ್ಯಾಟಿಂಗ್‌ಗೆ ಬಂದಿದ್ದಾಗ ಈ ಘಟನೆ ನಡೆದಿತ್ತು. ಬ್ಯಾಕ್ ಆಫ್ ಲೆಂತ್ ಚೆಂಡನ್ನು ಬಿಡಲು ಪ್ರಯತ್ನಿಸುವಾಗ ಚೆಂಡು ಮುಂಭಾಗದ ಪ್ಯಾಡ್‌ಗೆ ಬಡಿಯಿತು. ಬೌಲರ್ ಜೇಸನ್ ಗಿಲ್ಲೆಸ್ಪಿ ಮತ್ತು ಇತರ ಆಸ್ಟ್ರೇಲಿಯನ್ನರು ಔಟ್‌ಗೆ ಮೇಲ್ಮನವಿ ಸಲ್ಲಿಸಿದಾಗ ಬಕ್ನರ್ ಸ್ವಲ್ಪ ಯೋಚಿಸಿದ ನಂತರ ಬೆರಳು ಎತ್ತಿದರು. ಬಕ್ನರ್ ನಿರ್ಧಾರದಿಂದ ಆಘಾತಕ್ಕೊಳಗಾದ‌ ಸಚಿನ್‌ ಪೆವಿಲಿಯನ್‌ ಕಡೆ ಹೆಜ್ಜೆ ಹಾಕಿದ್ದರು.

ಚೆಂಡು ಸ್ಟಂಪ್‌ಗಳ ಮೇಲಿನಿಂದ ಚೆನ್ನಾಗಿ ಹೋಗುತ್ತಿದ್ದರೂ, ಬಕ್ನರ್ ಭಾರತೀಯ ತಾರೆಯನ್ನು ಔಟ್ ಎಂದು ಘೋಷಿಸಿದ್ದರು ಮತ್ತು ಆಗ ಯಾವುದೇ ವಿಮರ್ಶೆಗಳಿಲ್ಲದ ಕಾರಣ, ಸಚಿನ್ ಅದನ್ನು ಪರಿಶೀಲಿಸುವ ಯಾವುದೇ ಆಯ್ಕೆ ಇರಲಿಲ್ಲ.