ಮಹಿಳಾ ಏಷ್ಯಾಕಪ್: ಥಾಯ್ಲೆಂಡ್‌ ವಿರುದ್ಧದ ಪಂದ್ಯಕ್ಕೆ ಭಾರತದ ಸಂಭಾವ್ಯ ಪ್ಲೇಯಿಂಗ್‌ 11

ದುಬೈ, ಆ.29: ಆಗಸ್ಟ್ 30ರ ಭಾನುವಾರ ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಮಹಿಳಾ ಏಷ್ಯಾಕಪ್ 2026 ರ ಗ್ರೂಪ್ ʼಎʼ 3 ನೇ ಪಂದ್ಯದಲ್ಲಿ ಭಾರತ ಮಹಿಳೆಯರು ಥಾಯ್ಲೆಂಡ್‌ ಮಹಿಳೆಯರನ್ನು ಎದುರಿಸಲಿದ್ದಾರೆ.

ಭಾರತವು ಈ ಪಂದ್ಯಕ್ಕೆ ಹೆಚ್ಚಿನ ಆತ್ಮವಿಶ್ವಾಸದೊಂದಿಗೆ ಪ್ರವೇಶಿಸಲಿದ್ದು, ಗಮನಾರ್ಹವಾಗಿ ಹೆಚ್ಚು ಅನುಭವಿ ತಂಡ ಮತ್ತು ಎಲ್ಲಾ ವಿಭಾಗಗಳಲ್ಲಿ ಸಾಕಷ್ಟು ಪಂದ್ಯ ವಿಜೇತರನ್ನು ಹೊಂದಿದೆ. ಸ್ಮೃತಿ ಮಂಧಾನ ಮತ್ತು ಶಫಾಲಿ ವರ್ಮಾ ಜೋಡಿ ಸ್ಫೋಟಕ ಆರಂಭ ಒದಗಿಸಿದರೆ, ನಾಯಕಿ ಹರ್ಮನ್‌ಪ್ರೀತ್ ಕೌರ್ ಮತ್ತು ಆಲ್‌ರೌಂಡರ್ ದೀಪ್ತಿ ಶರ್ಮಾ ಮಧ್ಯಮ ಕ್ರಮಾಂಕಕ್ಕೆ ಗಣನೀಯ ಕೊಡುಗೆ ನೀಡಬಲ್ಲರು. ಏತನ್ಮಧ್ಯೆ, ಥಾಯ್ಲೆಂಡ್‌ ಮಹಿಳಾ ತಂಡ ಮೊದಲ ಪಂದ್ಯ ಗೆದ್ದ ಜೋಶ್‌ನಲ್ಲಿ ಕಣಕ್ಕಿಳಿಯಲಿದೆ.

ಈ ಪಂದ್ಯದಲ್ಲಿ ಸ್ಮೃತಿ ಮಂಧಾನಾ ಭಾರತದ ಪರ ಅತ್ಯುತ್ತಮ ಬ್ಯಾಟ್ಸ್‌ಮನ್ ಆಗುವ ನಿರೀಕ್ಷೆಯಿದೆ. ಎಡಗೈ ಆರಂಭಿಕ ಆಟಗಾರ್ತಿ ಪವರ್‌ಪ್ಲೇ ಸಮಯದಲ್ಲಿ ಎದುರಾಳಿ ತಂಡದ ವಿರುದ್ಧ ಆಕ್ರಮಣಕಾರಿ ಬ್ಯಾಟಿಂಗ್‌ ಸಾಮರ್ಥ್ಯ ನಿರ್ಣಾಯಕವಾಗಬಹುದು. ಬೌಲಿಂಗ್‌ನಲ್ಲಿ ಯುವ ವೇಗಿ ಕ್ರಾಂತಿ ಗೌಡ್‌ ಮೇಲೆ ಭಾರೀ ನಿರೀಕ್ಷೆ ಇರಿಸಿಲಾಗಿದೆ. ಅವರು ಮಹಿಳಾ ಟಿ20 ವಿಶ್ವಕಪ್‌ನಲ್ಲಿ ಉತ್ತಮ ಪ್ರದರ್ಶನ ತೋರಿದ್ದರು.

ಗಾಯ; ಡೈಮಂಡ್ ಲೀಗ್ ಫೈನಲ್, ಏಷ್ಯನ್ ಗೇಮ್ಸ್‌ನಿಂದ ಹೊರಗುಳಿದ ನೀರಜ್ ಚೋಪ್ರಾ

ಪಿಚ್‌ ರಿಪೋರ್ಟ್‌

ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣವು ಸಮತೋಲಿತ ಮೈದಾನವನ್ನು ನೀಡುವ ನಿರೀಕ್ಷೆಯಿದೆ, ಬೌಲರ್‌ಗಳಿಗೆ, ವಿಶೇಷವಾಗಿ ಹೊಸ ಚೆಂಡಿನೊಂದಿಗೆ ಸ್ವಲ್ಪ ಸಹಾಯ ಸಿಗುವ ಸಾಧ್ಯತೆಯಿದೆ. ಕ್ರೀಸ್‌ನಲ್ಲಿ ಸ್ವಲ್ಪ ಸಮಯ ಕಳೆಯುವ ಬ್ಯಾಟ್ಸ್‌ಮನ್‌ಗಳು ಇನ್ನಿಂಗ್ಸ್ ಮುಂದುವರೆದಂತೆ ರನ್ ಗಳಿಸುವುದು ಸುಲಭವಾಗುತ್ತದೆ.

ಮುಖಾಮುಖಿ

ಭಾರತ ಮತ್ತು ಥಾಯ್ಲೆಂಡ್‌ ಮಹಿಳಾ ತಂಡಗಳು ಈವರೆಗೆ ಮೂರು ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಎಲ್ಲ ಪಂದ್ಯಗಳನ್ನು ಗೆದ್ದಿರುವ ಭಾರತ ಅಜೇಯ ದಾಖಲೆ ಹೊಂದಿದೆ.

ಸಂಭಾವ್ಯ ಆಡುವ ಬಳಗ

ಭಾರತ: ಸ್ಮೃತಿ ಮಂಧಾನ, ಶಫಾಲಿ ವರ್ಮಾ, ಪ್ರತೀಕಾ ರಾವಲ್, ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ರಿಚಾ ಘೋಷ್ (ವಿ.ಕೀ.), ದೀಪ್ತಿ ಶರ್ಮಾ, ಅರುಂಧತಿ ರೆಡ್ಡಿ, ರಾಧಾ ಯಾದವ್, ಶ್ರೀ ಚರಣಿ, ರೇಣುಕಾ ಸಿಂಗ್ ಠಾಕೂರ್, ಕ್ರಾಂತಿ ಗೌಡ್.

ಥಾಯ್ಲೆಂಡ್‌: ನರುಯೆಮೊಲ್ ಚೈವಾಯ್(ನಾಯಕಿ), ನನ್ನಪತ್ ಕೊಂಚರೊಯೆಂಕೈ(ವಿ.ಕೀ.), ಚನಿದಾ ಸುತ್ತಿರುವಾಂಗ್, ನವೋಮಿ ಹ್ಯಾಮಿಲ್ಟನ್, ಒನ್ನಿಚಾ ಕಮ್ಚೊಂಫು, ತಿಪಾಟ್ಚಾ ಪುಟ್ಟವಾಂಗ್, ಫನ್ನಿತಾ ಮಾಯಾ, ನನ್ನಫಟ್ ಚೈಹನ್, ಸುಲೀಪೋರ್ನ್ ಲಾವೋಮಿ, ಅಫಿಸರ ಸುವಾಂಚೋನ್ರತಿ, ಸುನಿದಾ ಚತುರೋಗ್ರತ್ತಾನಾ.