Vastu Tips: ದೇವರ ಕೋಣೆಯಲ್ಲಿ ಈ ವಸ್ತುಗಳನ್ನು ಇಟ್ಟರೆ ದುರಾದೃಷ್ಟ, ದಾರಿದ್ರ್ಯ ಕಾಡಲಿದೆ..!

ಬೆಂಗಳೂರು: ಮನೆಯಲ್ಲಿ ಆಗಾಗ ಕಲಹ-ಜಗಳ ಆಗುತ್ತಾ ಇರುತ್ತದೆ ಅಥವಾ ಕುಟುಂಬದ ಸದಸ್ಯರ ನಡುವೆ ಮನಸ್ತಾಪ ಉಂಟಾಗುವುದು. ಅಥವಾ ಮನೆಯ ಮಕ್ಕಳು - ಹಿರಿಯರು ಹುಷಾರ್ ತಪ್ಪಿ ಅನಾರೋಗ್ಯಕ್ಕೆ ಹೀಡಾಗುವುದು ಹೀಗೆ ನಾನಾ ಸಮಸ್ಯೆಗಳು ಎದುರಾಗುತ್ತಲೇ ಇರುತ್ತದೆ. ಇದರಿಂದ ಮನೆಯಲ್ಲಿ ನೆಮ್ಮದಿ ಇಲ್ಲದಂತಾಗಿ ಖುಷಿಯ ಕ್ಷಣಗಳೇ ಮಾಯಾವಾಗಿರುತ್ತದೆ. ಮನೆಯಲ್ಲಿ ನಕಾರತ್ಮಕ ಶಕ್ತಿ ಪ್ರಭಾವ ಬಿದ್ದಾಗ ಅಥವಾ ವಾಸ್ತು ಸರಿ ಇಲ್ಲದಿರುವಾಗ ಇಂತಹ ಸಮಸ್ಯೆಗಳು ಎದುರಾಗುತ್ತದೆ. (Vastu Shastra) ಅದಕ್ಕೆ ಹಿರಿಯರು ಮನೆ ಕಟ್ಟುವಾಗ ವಾಸ್ತುವನ್ನು ತಕ್ಕಮಟ್ಟಿಗೆ ಪಾಲಿಸಬೇಕು ಎಂದು ಹೇಳುತ್ತಾರೆ.

ಹೌದು ಮನೆಯಲ್ಲಿ ಪ್ರತಿಯೊಂದು ಕೋಣೆ ಮತ್ತು ವಸ್ತುಗಳು ವಾಸ್ತು ಪ್ರಕಾರ ಸರಿಯಾದ ಸ್ಥಳ ಹಾಗೂ ದಿಕ್ಕಿನಲ್ಲಿದ್ದರೆ (Direction) ಮಾತ್ರ ಮನೆಯಲ್ಲಿ ಸಂತೋಷ, ಅದೃಷ್ಟ, ಸಂಪತ್ತು, ಅಭಿವೃದ್ಧಿ ಆಗಲಿದ್ದು, ಕೌಟುಂಬಿಕವಾಗಿಯೂ ಸುಖ ಶಾಂತಿ ನೆಲೆಸುತ್ತದೆ.ಇದಕ್ಕೆ ದೇವರ ಮನೆಯೂ ಹೊರತಾಗಿಲ್ಲ. ಆದ್ರೆ ಹೆಚ್ಚಿನ ಜನರು ದೇವರ ಮನೆ ನಿರ್ಮಿಸುವಾಗ ವಾಸ್ತುವನ್ನು ಪಾಲಿಸುವುದನೇ ಮರೆತು ಬಿಡುತ್ತಾರೆ, ಆದ್ರೆ ಇದರಿಂದ ವಾಸ್ತು ದೋಷ ಸಮಸ್ಯೆ ಎದುರಾಗಲಿದ್ದು, ಮನೆಯಲ್ಲಿ ಕಲಹ, ಅಶಾಂತಿ ಉಂಟಾಗುವುದರ ಜೊತೆಗೆ ನಕಾರಾತ್ಮಕ ಪ್ರಭಾವವೂ ಬೀರುತ್ತದೆ. ಅದರಲ್ಲೂ ಕೆಲವರು ಕೈಗೆ ಸಿಕ್ಕಿದೆನೆಲ್ಲಾ ತೆಗೆದುಕೊಂಡು ದೇವರ ಕೋಣೆಯಲ್ಲಿ ಇಡುತ್ತಾರೆ. ಆದ್ರೆ ವಾಸ್ತು ಶಾಸ್ತ್ರದ ಪ್ರಕಾರ ಕೆಲವೊಂದು ವಸ್ತುಗಳನ್ನು ಪೂಜೆ ಕೋಣೆಯಲ್ಲಿ ನಿಷಿದ್ದ ಎಂದು ಹೇಳಿದ್ದು, ಇದರಿಂದ ಲಕ್ಷ್ಮೀ ದೇವಿ ಕೋಪಗೊಂಡು ದುರಾದೃಷ್ಟ, ದಾರಿದ್ರ್ಯ ಕಾಡಲಿದೆ.

ಹಾಗಾದ್ರೆ ದೇವರಕೋಣೆಯಲ್ಲಿ ಯಾವ ವಸ್ತುಗಳನ್ನು ಹಿಡಬಾರದು...? ಈ ಬಗ್ಗೆ ವಾಸ್ತುಶಾಸ್ತ್ರ ಏನೇಳುತ್ತದೆ..?ಎನ್ನುವ ಬಗ್ಗೆ ಇಲ್ಲಿ ಕೆಲವು ಮಾಹಿತಿಯನ್ನು ನೀಡಲಾಗಿದೆ.

ಈ ಸುದ್ದಿಯನ್ನು ಓದಿ: Astro Tips: ಸೋಮವಾರ ಈ ವಸ್ತುಗಳನ್ನು ಶಿವನಿಗೆ ಅರ್ಪಿಸಿದರೆ ಮನೆಯಲ್ಲಿ ಹಣದ ಮಳೆಯೇ ಸುರಿಯುತ್ತದೆ!

ಒಣ ಹೂವುಗಳನ್ನು ದೇವರ ಕೋಣೆಯಲ್ಲಿ ಇರಿಸಬಾರದು

ಪ್ರತಿದಿನ ದೇವರಿಗೆ ತಾಜಾ ಹೂವಿನ ಅಲಂಕಾರ ಮಾಡುವುದು ಶ್ರೇಷ್ಠ. ಆದರೆ ಕೆಲವು ಮಂದಿ ಪೂಜೆಯಲ್ಲಿ ಬಳಸಿದ ಹೂವುಗಳನ್ನು ದೇವರ ಕೋಣೆಯಲ್ಲಿಯೇ ಪಕ್ಕಕ್ಕೆ ಸರಿಸಿ ಮತ್ತೊಂದು ಹೂವನ್ನು ಇಟ್ಟುಬಿಡುತ್ತಾರೆ. ವಾಸ್ತುಶಾಸ್ತ್ರದ ಪ್ರಕಾರ ಇದು ಸರಿಯಾದ ಪದ್ಧತಿ ಅಲ್ಲ. ಒಣ ಹೂಗಳು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತವೆ ಎಂದು ನಂಬಲಾಗಿದೆ. ಅಲ್ಲದೆ, ಇವು ಬಡತನ, ಮಂಗಳ ದೋಷ, ಮದುವೆ ವಿಳಂಬ, ಹಾಗೂ ಅನಾಹುತಗಳ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎನ್ನಲಾಗಿದೆ.

ಪೂರ್ವಜರ ಚಿತ್ರಗಳನ್ನು ಇಟ್ಟಬಾರದು

ಪೂಜಾ ಸ್ಥಳದಲ್ಲಿ ದೇವರ ಮೂರ್ತಿಗಳನ್ನೇ ಮಾತ್ರ ಇಡಬೇಕು; ಪೂರ್ವಜರ ಚಿತ್ರಗಳನ್ನು ಅಲ್ಲ. ವಾಸ್ತು ಪ್ರಕಾರ, ಪೂರ್ವಜರ ಫೋಟೋಗಳನ್ನು ಮನೆಯ ದಕ್ಷಿಣ ದಿಕ್ಕಿನ ಗೋಡೆ ಮೇಲೆ ಇಡುವುದು ಶುಭಕರ. ಹೀಗೆ ಮಾಡಿದರೆ ಮನೆಮಂದಿಗೆ ಪೂರ್ವಜರ ಆಶೀರ್ವಾದ ಲಭಿಸುತ್ತದೆ ಎಂದು ಹೇಳುತ್ತಾರೆ.

ಹರಿತವಾದ ವಸ್ತುಗಳನ್ನು ಇರಿಸಬಾರದು

ದೇವರ ಕೋಣೆಯಲ್ಲಿ ಚೂಪಾದ ಕಬ್ಬಿಣದ ವಸ್ತುಗಳು, ಚಾಕು, ಕತ್ತರಿ ಅಥವಾ ಯಾವುದೇ ಹರಿತವಾದ ಉಪಕರಣಗಳನ್ನು ಇಡುವುದು ಅತ್ಯಂತ ಅಶೋಭನೀಯ. ಇವು ಶನಿದೋಷವನ್ನು ಪ್ರಾಬಲ್ಯಗೊಳಿಸುತ್ತವೆ ಹಾಗೂ ನಕಾರಾತ್ಮಕ ಶಕ್ತಿಯ ಪ್ರವೇಶಕ್ಕೆ ಕಾರಣವಾಗುತ್ತವೆ ಎನ್ನುವುದು ವಾಸ್ತು ನಂಬಿಕೆ. ಪ್ರಸಾದಕ್ಕಾಗಿ ಹಣ್ಣುಗಳನ್ನು ಕತ್ತರಿಸಲು ಚಾಕುವನ್ನು ಬಳಸಿದರೆ, ತಕ್ಷಣವೇ ಅದನ್ನು ಪೂಜಾ ಸ್ಥಳದಿಂದ ದೂರ ಇಡುವುದು ಉತ್ತಮ.