Video Viral: ಗಾಲ್ಫ್ ಕೋರ್ಸ್‌ನಲ್ಲಿ ನೆಲಕ್ಕಪ್ಪಳಿಸಿದ ಲಘು ವಿಮಾನ; ಭಯಾನಕ ವಿಡಿಯೊ ವೈರಲ್‌

ಸಿಡ್ನಿ: ಲಘು ವಿಮಾನವೊಂದು ತುರ್ತು ಭೂಸ್ಪರ್ಶ ಮಾಡಿದ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (Video Viral) ಆಗಿದ್ದು, ಈ ಘಟನೆ ಭಾನುವಾರ ಮಧ್ಯಾಹ್ನ ಆಸ್ಟ್ರೇಲಿಯಾದ ಸಿಡ್ನಿಯ (Sydney) ನಾರ್ದರ್ನ್ ಬೀಚ್‌ನಲ್ಲಿರುವ ಗಾಲ್ಫ್ ಕೋರ್ಸ್‌ನಲ್ಲಿ (Golf Course) ನಡೆದಿದೆ. ವಿಮಾನದಲ್ಲಿದ್ದ ಇಬ್ಬರೂ 50 ವರ್ಷ ವಯಸ್ಸಿನವರು ಎಂದು ಹೇಳಲಾಗಿದ್ದು, ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಪೈಪರ್ ಚೆರೋಕೀ ಎಂಬ ಲಘು ವಿಮಾನವು ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಮೋನಾ ವೇಲ್ ಗಾಲ್ಫ್ ಕೋರ್ಸ್‌ನಲ್ಲಿ ತುರ್ತು ಭೂಸ್ಪರ್ಶ ಮಾಡಿ ನೆಲಕ್ಕೆ ಅಪ್ಪಳಿಸಿದೆ. ವಿಮಾನವು ಕ್ಯಾಮ್ಡೆನ್‌ನಿಂದ ಸುಮಾರು ಮಧ್ಯಾಹ್ನ 1 ಗಂಟೆಗೆ ಹೊರಟು ವೊಲೊಂಗೊಂಗ್‌ನಲ್ಲಿ ಇಳಿಯಬೇಕಿತ್ತು. ಆದರೆ, ತಾಂತ್ರಿಕ ತೊಂದರೆಗಳಿಂದ ಗಾಲ್ಫ್ ಕೋರ್ಸ್‌ನಲ್ಲಿ ತುರ್ತು ಭೂಸ್ಪರ್ಶ ಮಾಡಬೇಕಾಯಿತು.

ವಿಡಿಯೊ ವೀಕ್ಷಿಸಿ:

ವಿಮಾನವು ಮೇಲಕ್ಕೆ ಹಾರುತ್ತಿರುವಾಗ ಹಲವು ಮಂದಿ ಗಾಲ್ಫ್ ಆಡುತ್ತಿದ್ದರು. ಈ ವೇಳೆ ವಿಮಾನವು ನೆಲಕ್ಕೆ ಅಪ್ಪಳಿಸುವುದನ್ನು ಆಘಾತದಿಂದ ನೋಡಿದ್ದಾರೆ. ವಿಮಾನದ ಅವಶೇಷಗಳು ಗಾಲ್ಫ್‌ ಕೋರ್ಸ್‌ನಾದ್ಯಂತ ಹರಡಿಕೊಂಡಿವೆ. ವಿಮಾನವು ಪೈಲಟ್ ಮತ್ತು ಬೋಧಕರೊಂದಿಗೆ ತರಬೇತಿ ಹಾರಾಟ ನಡೆಸುತ್ತಿದ್ದಾಗ ಎಂಜಿನ್ ವಿದ್ಯುತ್ ನಷ್ಟವನ್ನು ಅನುಭವಿಸಿದೆ ಎಂದು ಆಸ್ಟ್ರೇಲಿಯಾದ ಸಾರಿಗೆ ಸುರಕ್ಷತಾ ಬ್ಯೂರೋ (ATSB) ತಿಳಿಸಿದೆ.

ಏನು ಸಮಸ್ಯೆಯಾಯಿತು ಎಂಬ ಬಗ್ಗೆ ATSB ಸುರಕ್ಷತಾ ತನಿಖಾಧಿಕಾರಿಗಳು ಪೈಲಟ್‌ಗಳು, ಸಾಕ್ಷಿಗಳು ಮತ್ತು ಇತರರಿಂದ ಮಾಹಿತಿ ಕಲೆಹಾಕುತ್ತಾರೆ. ಜೊತೆಗೆ ವಿಡಿಯೊ ದೃಶ್ಯಾವಳಿ, ADS-B ವಿಮಾನ ಟ್ರ್ಯಾಕಿಂಗ್, ಹವಾಮಾನ ವರದಿ ಮತ್ತು ವಿಮಾನಗಳ ನಿರ್ವಹಣಾ ದಾಖಲೆಗಳಂತಹ ಡೇಟಾವನ್ನು ಸಂಗ್ರಹಿಸುತ್ತಾರೆ. ಹೆಚ್ಚಿನ ಪರೀಕ್ಷೆಗಾಗಿ ವಿಮಾನದಿಂದ ಯಾವುದೇ ಸಂಬಂಧಿತ ವಿಮಾನ ಘಟಕಗಳನ್ನು ಮರುಪಡೆಯಲು ತನಿಖಾಧಿಕಾರಿಗಳು ಪ್ರಯತ್ನಿಸಬಹುದು. ತನಿಖೆಯ ನಂತರ ATSB ಅಂತಿಮ ವರದಿಯನ್ನು ಸಲ್ಲಿಸುತ್ತದೆ.

ಈ ಸುದ್ದಿಯನ್ನೂ ಓದಿ: Viral Video: ಆಸ್ಪತ್ರೆ ಸಿಬ್ಬಂದಿ ನಿರ್ಲಕ್ಷ್ಯ ; ಮೊಮ್ಮಗನಿಗಾಗಿ ಕೈಯಲ್ಲೇ ಡ್ರಿಪ್ಸ್ ಬಾಟಲ್ ಹಿಡಿದು ನಿಂತ ಅಜ್ಜಿ