Viral Video: ಕಾರ್ನ್ ಕಾಫಿ ಆಯ್ತು ಈಗ ಚೀಸ್ ಕಾಫಿ! ಏನಿದು ವಿಚಿತ್ರ ನಳಪಾಕ?
ಸಿಂಗಾಪುರದ ಖ್ಯಾತ ಇನ್‌ಸ್ಟಾಗ್ರಾಮರ್‌ ಕ್ಯಾಲ್ವಿನ್ ಲೀ ಕಾಫಿಗೆ ಚೀಸ್ ಮಿಕ್ಸ್ ಮಾಡಿ ಅದನ್ನು ಸವಿದಿದ್ದಾನೆ. ಈ ವಿಚಿತ್ರವಾದ ಆಹಾರ ಪ್ರಯೋಗದ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್(Viral Video) ಆಗಿದೆ. ಈ ವಿಡಿಯೊಗೆ ಈಗಾಗಲೇ ನೆಟ್ಟಿಗರ ಗಮನ ಸೆಳೆದು 25,000 ಕ್ಕೂ ಹೆಚ್ಚು ವ್ಯೂವ್ಸ್ ಪಡೆದುಕೊಂಡಿದೆ.
pavithra
Mar 13, 2025 1:12 PM
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಲು ಜನ ಯಾವುದ್ಯಾವುದೋ ಚಿತ್ರ ವಿಚಿತ್ರವಾದ ರೀಲ್ಸ್‌ ಮಾಡುತ್ತಾರೆ. ಬಿಸಿ ಟೀಗೆ ಮ್ಯಾಗಿ ಹಾಕುವುದು, ಆಮ್ಲೆಟ್‌ಗೆ ಬಿಸ್ಕೆಟ್‌ ಸೇರಿಸುವುದು ಹೀಗೆ ವಿಭಿನ್ನ ನಳಪಾಕದ ರೀಲ್ಸ್‌ ಸೋಶಿಯಲ್ ಮೀಡಿಯಾದಲ್ಲಿ ಆಗಾಗ ಸದ್ದು ಮಾಡುತ್ತಿರುತ್ತದೆ. ಟೀ ಆಯ್ತು, ಚಾಕೋಲೆಟ್‌ ಆಯ್ತು. ಈಗ ಕಾಫಿಯ ವಿಚಿತ್ರವಾದ ವಿಡಿಯೊವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇನ್‌ಸ್ಟಾಗ್ರಾಮರೊಬ್ಬ ಕಾಫಿಗೆ ವಿಲಕ್ಷಣವಾದ ಕಾಫಿಗೆ ಸಕ್ಕರೆ, ಹಾಲು ಸೇರಿಸುವ ಬದಲು ಚೀಸ್ ಮಿಕ್ಸ್ ಮಾಡಿದ್ದಾನೆ. ಈ ವಿಡಿಯೊ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್(Viral Video) ಆಗಿದೆ.
ಸಿಂಗಾಪುರದ ಖ್ಯಾತ ಇನ್‌ಸ್ಟಾಗ್ರಾಮರ್‌ ಕ್ಯಾಲ್ವಿನ್ ಲೀ ಆಗಾಗ ತನ್ನ ಸೋಶಿಯಲ್ ಮೀಡಿಯಾ ಪೇಜ್‍ನಲ್ಲಿ ವಿಚಿತ್ರವಾದ ಆಹಾರ ತಯಾರಿಕೆಯ ವಿಡಿಯೊವನ್ನು ಪೋಸ್ಟ್ ಮಾಡುತ್ತಿರುತ್ತಾನೆ. ಇದೀಗ ಆತ ಹೊಸ ಆಹಾರ ಪ್ರಯೋಗದ ವಿಡಿಯೊವೊಂದನ್ನು ಹಂಚಿಕೊಂಡಿದ್ದಾನೆ. ಈ ಬಾರಿ, ಅವನು ಚೀಸ್ ಕಾಫಿಗೆ ಮಾಡಿ ಟೇಸ್ಟ್‌ ನೋಡಿದ ವಿಡಿಯೊ ಸಖತ್‌ ವೈರಲ್ ಆಗಿದೆ.
ವೈರಲ್ ಆದ ವಿಡಿಯೊದಲ್ಲಿ ಆತ ಬಿಸಿಯಾದ ಕಾಫಿಗೆ ಒಂದು ಪೀಸ್ ಚೀಸ್ ಅನ್ನು ಸೇರಿಸಿ ಅದನ್ನು ಚೆನ್ನಾಗಿ ಮಿಕ್ಸ್ ಮಾಡಿ ಸವಿದಿದ್ದಾನೆ. ಹಾಗೇ ಈ ಕಾಫಿ ತುಂಬಾ ಟೇಸ್ಟಿ ಆಗಿದೆ ಎಂದು ಕೂಡ ಹೇಳಿದ್ದಾನೆ. ಈ ವಿಡಿಯೊ ಈಗಾಗಲೇ ವೈರಲ್ ಆಗಿದೆ. ಈ ವಿಡಿಯೊಗೆ ಈಗಾಗಲೇ 25,000 ಕ್ಕೂ ಹೆಚ್ಚು ವ್ಯೂವ್ಸ್ ಸಿಕ್ಕಿದೆ. ನೆಟ್ಟಿಗರು ಕೂಡ ಈ ಚೀಸ್ ಕಾಫಿಯನ್ನು "ಯಮ್ಮಿ" ಎಂದು ಕರೆದಿದ್ದಾರೆ.
ಲೀ ಇಂತಹ ವಿಚಿತ್ರವಾದ ಪಾಕವಿಧಾನದ ವಿಡಿಯೊವನ್ನು ಪೋಸ್ಟ್ ಮಾಡಿದ್ದು ಇದೇ ಮೊದಲಲ್ಲ. ಈ ಹಿಂದೆ ಆತ ತನ್ನ ಸೋಶಿಯಲ್ ಮೀಡಿಯಾ ಪೇಜ್‍ನಲ್ಲಿ ಜಾಮೂನಿನ ಪರೋಟಾ, ಓರಿಯೋ ವೈನ್ , ಪಾನ್ ಆಮ್ಲೆಟ್ ಇತ್ಯಾದಿ ಹಲವು ಬಗೆಯ ಆಹಾರ ತಯಾರಿಕೆಯ ವಿಡಿಯೊವನ್ನು ಹಂಚಿಕೊಂಡಿದ್ದ.ಅದು ಅಲ್ಲದೇ, ಇತ್ತೀಚೆಗಷ್ಟೇ ಆತ ಕಾರ್ನ್ ಹಾಕಿ ಕಾಫಿ ತಯಾರಿಸಿದ ವಿಡಿಯೊ ನೋಡಿ ನೆಟ್ಟಿಗರು ಶಾಕ್‌ ಆಗಿದ್ದರು. ಹಾಲು, ಸಕ್ಕರೆ ಹಾಕಿ ತಯಾರಿಸಿದ ಕಾಫಿಗೆ ಕಾರ್ನ್ ಹಾಕಿದ ವಿಡಿಯೊ ನೆಟ್ಟಿಗರ ಗಮನ ಸೆಳೆದು ವೈರಲ್ ಆಗಿತ್ತು.
ಈ ಸುದ್ದಿಯನ್ನೂ ಓದಿ: Viral Video: ಕಾಫಿಯನ್ನೂ ಹೀಗೂ ತಯಾರಿಸ್ಬೋದಾ? ವಿಡಿಯೊ ನೋಡಿ ನೆಟ್ಟಿಗರು ಫುಲ್‌ ಶಾಕ್‌!
ಇತ್ತೀಚೆಗೆ ಕಂಟೆಂಟ್ ಕ್ರಿಯೇಟರ್ ಕ್ಯಾಲ್ವಿನ್ ಲೀ 'ಹೆಚ್ಚುವರಿ ಪ್ರೋಟೀನ್' ಡೋಸ್‍ನೊಂದಿಗೆ ಒಂದು ಕಪ್ ಕಾಫಿಯನ್ನು ತಯಾರಿಸಿದ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡಿತ್ತು. ಅವನು ಕಾಫಿಯನ್ನು ಕುಡಿಯುವ ಮೊದಲು ಅದಕ್ಕೆ ಬೇಯಿಸಿದ ಬೀನ್ಸ್ ಕಾಳುಗಳನ್ನು ಹಾಕಿ ಅದನ್ನು ಚೆನ್ನಾಗಿ ಕಲಕಿ ಕುಡಿದಿದ್ದಾನೆ. ಈ ಪಾಕವಿಧಾನವು ಸುಲಭವಾಗಿದ್ದರೂ, ವಿಚಿತ್ರವಾಗಿತ್ತು. 'ಬೇಕ್ಡ್ ಬೀನ್ಸ್ ಕಾಫಿ' ತಯಾರಿಸಿ ಅದರ ರುಚಿ ನೋಡಿ ತುಂಬಾ ಚೆನ್ನಾಗಿದೆ ಎಂದು ಕೂಡ ಹೇಳಿದ್ದಾನೆ. ಲೀ ತಯಾರಿಸಿದ ಈ ಕಾಫಿ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. "ಆರೋಗ್ಯಕರ ಉಪಾಹಾರ" ಎಂದು ಇನ್ನೊಬ್ಬರು ತಮಾಷೆ ಮಾಡಿದ್ದಾರೆ.