₹4,200 ಕೋಟಿ ಅಭಿವೃದ್ಧಿ ಮೌಲ್ಯದೊಂದಿಗೆ Real Assets ಸಂಸ್ಥೆ ಆರಂಭಿಸಿದ ತಿರು ಅಂಶುಲ್ ಸಿಂಘಲ್

ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಎರಡು ದಶಕಗಳಿಗೂ ಹೆಚ್ಚು ಅನುಭವ ಹೊಂದಿರುವ ತಿರು ಅಂಶುಲ್ ಸಿಂಘಲ್ ಅವರು, ಗೋದಾಮುಗಳು, ಕೈಗಾರಿಕಾ ಪ್ರದೇಶಗಳು ಮತ್ತು ಲಾಜಿಸ್ಟಿಕ್ಸ್ ಪಾರ್ಕ್‌ಗಳ ಅಭಿವೃದ್ಧಿಗೆ ಆದ್ಯತೆ ನೀಡುವ Vantrock Real Assets Private Limited (VRAPL) ಸಂಸ್ಥೆಯನ್ನು ಆರಂಭಿಸಿದ್ದಾರೆ.

ಮುಂಬೈನಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಈ ಆಪರೇಟರ್-ಆಧಾರಿತ ರಿಯಲ್ ಅಸೆಟ್ಸ್ ವೇದಿಕೆಯು ಒಟ್ಟು 1.15 ಕೋಟಿ ಚದರ ಅಡಿ ಪ್ರದೇಶ ಅಭಿವೃದ್ಧಿಪಡಿಸುವ ಗುರಿ ಹೊಂದಿದ್ದು, ಪೂರ್ಣಗೊಂಡ ಯೋಜನೆಗಳ ಒಟ್ಟು ಅಭಿವೃದ್ಧಿ ಮೌಲ್ಯ (GDV) ಸುಮಾರು ₹4,200 ಕೋಟಿ (434 ಮಿಲಿಯನ್ ಅಮೆರಿಕನ್ ಡಾಲರ್) ಎಂದು ಅಂದಾಜಿಸಲಾಗಿದೆ.

ಮೊದಲ ಹಂತದಲ್ಲಿ ₹1,100 ಕೋಟಿ ಹೂಡಿಕೆ ಮೌಲ್ಯದ ಯೋಜನೆಗಳು

ಮೊದಲ ಹಂತದಲ್ಲಿ ರಾಷ್ಟ್ರೀಯ ರಾಜಧಾನಿ ಪ್ರದೇಶ (NCR), ಬೆಂಗಳೂರು ಮತ್ತು ಪುಣೆಯಲ್ಲಿ ಸುಮಾರು 30 ಲಕ್ಷ ಚದರ ಅಡಿ ಪ್ರದೇಶವನ್ನು ಅಭಿವೃದ್ಧಿಪಡಿಸಲು ಸಂಸ್ಥೆ ಯೋಜಿಸಿದೆ. ಈ ಯೋಜನೆಗಳ ಅಂದಾಜು ಅಭಿವೃದ್ಧಿ ಮೌಲ್ಯ ₹1,100 ಕೋಟಿ ಆಗಿದ್ದು, ನಿರ್ಮಾಣ ಕಾರ್ಯವು 2027ರಲ್ಲಿ ಆರಂಭವಾಗಲಿದೆ. 2028ರಿಂದ ಬಾಡಿಗೆ ಆದಾಯ ಗಳಿಸುವ ಗುರಿಯನ್ನು ಹೊಂದ ಲಾಗಿದೆ. ಉಳಿದ 85 ಲಕ್ಷ ಚದರ ಅಡಿ ಯೋಜನೆಗಳನ್ನು ಮುಂದಿನ 12ರಿಂದ 18 ತಿಂಗಳಲ್ಲಿ ಹಂತ ಹಂತವಾಗಿ ಕಾರ್ಯಗತಗೊಳಿಸಲು ಉದ್ದೇಶಿಸಲಾಗಿದೆ. ಇದರಲ್ಲಿ ಮುಂಬೈ ಮಹಾನಗರ ಪ್ರದೇಶವೂ ಸೇರಿದೆ.

ಇದನ್ನೂ ಓದಿ:Real Estate at Chamundi Hills: ಚಾಮುಂಡಿ ಬೆಟ್ಟದ ನಿಷೇಧಿತ ಪರಿಸರ ಸೂಕ್ಷ್ಮ ಪ್ರದೇಶದಲ್ಲಿ ರಿಯಲ್‌ ಏಸ್ಟೇಟ್

ಪೂರೈಕೆ ಕೊರತೆಯಿರುವ ಪ್ರಮುಖ ಕಾರಿಡಾರ್‌ಗಳ ಮೇಲೆ ಗಮನ

ಪ್ರಮುಖ ನಗರಗಳ ಸಮೀಪವಿರುವ ಭೂಮಿಯನ್ನು ಅಭಿವೃದ್ಧಿಪಡಿಸುವುದರ ಜೊತೆಗೆ, ಈಗಿರುವ ಗ್ರೇಡ್-B ಗೋದಾಮುಗಳನ್ನು ಖರೀದಿಸಿ ಗ್ರೇಡ್-A ಮಾನದಂಡಗಳಿಗೆ ಮೇಲ್ದರ್ಜೆಗೇರಿಸುವುದು Vantrockನ ಪ್ರಮುಖ ಕಾರ್ಯತಂತ್ರವಾಗಿದೆ. ಈ ಮೂಲಕ ಗ್ರಾಹಕರಿಗೆ ಬೇಡಿಕೆಯಿರುವ ಸ್ಥಳಗಳಿಗೆ ಹತ್ತಿರದಲ್ಲೇ ಉತ್ತಮ ಗುಣಮಟ್ಟದ ಗೋದಾಮು ಸೌಲಭ್ಯಗಳನ್ನು ಒದಗಿಸಲು ಸಂಸ್ಥೆ ಉದ್ದೇಶಿಸಿದೆ.

Vantrockನ ಸಂಸ್ಥಾಪಕ ಮತ್ತು ಸಿಇಒ ತಿರು ಅಂಶುಲ್ ಸಿಂಘಲ್ ಮಾತನಾಡಿ, “ಪ್ರಮುಖ ಕೈಗಾರಿಕಾ ಮತ್ತು ಗೋದಾಮು ಕಾರಿಡಾರ್‌ಗಳಲ್ಲಿ ಉತ್ತಮ ಗುಣಮಟ್ಟದ ಸೌಲಭ್ಯಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಗ್ರಾಹಕರ ವ್ಯವಹಾರ ಕೇಂದ್ರಗಳಿಗೆ ಹತ್ತಿರದಲ್ಲಿರುವ ಆಯಕಟ್ಟಿನ ಸ್ಥಳಗಳನ್ನು ಅಭಿವೃದ್ಧಿ ಪಡಿಸುವುದು ಮತ್ತು ಹಳೆಯ ಗೋದಾಮುಗಳನ್ನು ಆಧುನಿಕ ಮಾನದಂಡಗಳಿಗೆ ಮೇಲ್ದರ್ಜೆ ಗೇರಿಸುವುದು ನಮ್ಮ ಕಾರ್ಯತಂತ್ರದ ಪ್ರಮುಖ ಭಾಗವಾಗಿದೆ. ಮೊದಲ ಹಂತದ 30 ಲಕ್ಷ ಚದರ ಅಡಿ ಯೋಜನೆಗಳ ನಿರ್ಮಾಣ 2027ರಲ್ಲಿ ಆರಂಭವಾಗಲಿದೆ,” ಎಂದರು.

ಸುರಕ್ಷತೆ ಮತ್ತು ಜಾಗತಿಕ ಮಾನದಂಡಗಳಿಗೆ ಆದ್ಯತೆ

ಸಂಸ್ಥೆಯ ಆಡಳಿತ ಮಂಡಳಿಯ ಅಧ್ಯಕ್ಷ ಶೈಲೇಶ್ ವಿ. ಹರಿಭಕ್ತಿ ಅವರು, ಗೋದಾಮುಗಳ ಅಭಿವೃದ್ಧಿ ಮತ್ತು ನವೀಕರಣದಲ್ಲಿ ಅಗ್ನಿ ಸುರಕ್ಷತೆ, ಕಟ್ಟಡದ ರಚನಾತ್ಮಕ ಸುರಕ್ಷತೆ, ಬೆಳಕು ಮತ್ತು ಗಾಳಿಯಾಡುವ ವ್ಯವಸ್ಥೆ ಸೇರಿದಂತೆ ಕಾರ್ಮಿಕರ ಸುರಕ್ಷತೆಗೆ ಆದ್ಯತೆ ನೀಡಲಾಗುವುದು ಎಂದು ತಿಳಿಸಿದರು.

CBRE Research ಅಂದಾಜಿನ ಪ್ರಕಾರ, 2026ರಿಂದ 2031ರ ಅವಧಿಯಲ್ಲಿ ಭಾರತದಲ್ಲಿ ಗ್ರೇಡ್-A ಗೋದಾಮುಗಳ ಪೂರೈಕೆಯಲ್ಲಿ ಸುಮಾರು 11.7 ಕೋಟಿ ಚದರ ಅಡಿ ಕೊರತೆ ಉಂಟಾಗುವ ಸಾಧ್ಯತೆಯಿದೆ. ಈ ಮಾರುಕಟ್ಟೆ ಅವಕಾಶವನ್ನು ಗಮನದಲ್ಲಿಟ್ಟುಕೊಂಡು Vantrock ತನ್ನ ಅಭಿವೃದ್ಧಿ ಕಾರ್ಯತಂತ್ರವನ್ನು ರೂಪಿಸಿದೆ.

ಆರಂಭದಲ್ಲಿ ಗೋದಾಮುಗಳು ಮತ್ತು ಲಾಜಿಸ್ಟಿಕ್ಸ್ ಆಸ್ತಿಗಳ ಮೇಲೆ ಗಮನಹರಿಸುವ ಸಂಸ್ಥೆಯು, ಮುಂದಿನ ಹಂತಗಳಲ್ಲಿ ಜಾಗತಿಕ ಸಾಮರ್ಥ್ಯ ಕೇಂದ್ರಗಳು (GCCs), ಕಚೇರಿ ಕ್ಯಾಂಪಸ್‌ಗಳು, ಡೇಟಾ ಕೇಂದ್ರಗಳು ಮತ್ತು ಇತರ ಮೂಲಸೌಕರ್ಯ ಆಸ್ತಿಗಳಿಗೂ ವಿಸ್ತರಿಸಲು ಯೋಜಿಸಿದೆ.

Vantrock ಕುರಿತು: Vantrock Real Assets ಭೂಸ್ವಾಧೀನ, ಅಭಿವೃದ್ಧಿ, ನವೀಕರಣ, ಕಾರ್ಯಾಚರಣೆ, ಗುತ್ತಿಗೆ ಮತ್ತು ದೀರ್ಘಾವಧಿಯ ಆಸ್ತಿ ನಿರ್ವಹಣೆಯನ್ನು ಒಂದೇ ವೇದಿಕೆಯಡಿ ನಿರ್ವಹಿಸುವ ಸಂಸ್ಥೆಯಾಗಿದೆ. ರಿಯಲ್ ಎಸ್ಟೇಟ್ ಅಭಿವೃದ್ಧಿಯಲ್ಲಿ ಅನುಭವ ಹೊಂದಿರುವ ತಿರು ಅಂಶುಲ್ ಸಿಂಘಲ್ ಅವರು ಈ ಹಿಂದೆ 5.2 ಕೋಟಿ ಚದರ ಅಡಿ ಯೋಜನೆಗಳ ಸ್ಥಾಪನೆ ಮತ್ತು ಅನುಷ್ಠಾನ ದಲ್ಲಿ ತೊಡಗಿಸಿಕೊಂಡಿದ್ದಾರೆ.