ಫಾಸ್ಟ್ರ್ಯಾಕ್ ನಿಂದ ಓಷಿಯಾನಿಕ್ಸ್ ಪೋಲಾರ್ ಎಡಿಷನ್ ವಾಚ್ ಸರಣಿ ಬಿಡುಗಡೆ: ಯುವಜನತೆಯ ತೀವ್ರ ಆಸಕ್ತಿಗಳಿಗೆ ಹಿಮಾವೃತ ಜಗತ್ತಿನ ಪರಿಕಲ್ಪನೆ ಅನಾವರಣ

ಯುವಜನತೆಯ ನೆಚ್ಚಿನ ಬ್ರ್ಯಾಂಡ್ ಫಾಸ್ಟ್ರ್ಯಾಕ್(Fastrack), ತನ್ನ ಜನಪ್ರಿಯ ನೆವರ್ ಸೇಮ್, ನೆವರ್ ಸೇನ್ ತತ್ವದಡಿ ಓಷಿಯಾನಿಕ್ಸ್ ಪೋಲಾರ್ ಎಡಿಷನ್ ಎಂಬ ವಿನೂತನ ವಾಚ್ ಗಳ ಶ್ರೇಣಿಯನ್ನು ದೇಶೀಯ ಮಾರುಕಟ್ಟೆಗೆ ಪರಿಚಯಿಸಿದೆ. ಸಮಯವೇ ಸ್ತಬ್ಧವಾದಂತಹ ಹೆಪ್ಪುಗಟ್ಟಿದ ಸಾಗರದ ಪರಿಕಲ್ಪನೆಯ ಹಿನ್ನೆಲೆಯಲ್ಲಿ ಈ ವಾಚ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ.

ಪ್ರಸ್ತುತ ದಿನಗಳಲ್ಲಿ ನೀವು ಯಾವುದರಲ್ಲಿ ಹೆಚ್ಚಾಗಿ ತಲ್ಲೀನರಾಗಿದ್ದೀರಿ? ಮತ್ತೆಮತ್ತೆ ಆಲಿಸುವ ಹಾಡುಗಳ ಪಟ್ಟಿಯೇ, ಮಚ್ಚಾ ಮೇಲಿನ ಹೊಚ್ಚಹೊಸ ಗೀಳೇ, ಬಿಡಿಸಿಕೊಳ್ಳಲಾಗದ ವಿಡಿಯೋ ಗೇಮ್ ಆಟವೇ, ಅಥವಾ ಎಲ್ಲರಿಂದ ಮರೆಯಾಗಿ ಕಣ್ಮರೆಯಾಗಬೇಕೆನಿಸುವ ಸುಂದರ ನಗರವೇ? ಏಕಕಾಲದಲ್ಲಿ ಹತ್ತಾರು ಆಸೆಗಳು, ಭಿನ್ನ ವ್ಯಕ್ತಿತ್ವಗಳು ಹಾಗೂ ಕುತೂಹಲದ ಹುಡುಕಾಟಗಳನ್ನು ಮೈಗೂಡಿಸಿಕೊಳ್ಳಬಲ್ಲ ಇಂದಿನ ಯುವ ಪೀಳಿಗೆಗೆ, ಯಾವುದೋ ಒಂದೇ ವಿಷಯದಲ್ಲಿ ಮುಳುಗಿ ಹೋಗುವುದು ಎಂದರೆ ಕೇವಲ ಅದಕ್ಕಷ್ಟೇ ತಮ್ಮನ್ನು ಸೀಮಿತಗೊಳಿಸಿಕೊಳ್ಳುವುದು ಎಂದರ್ಥವಲ್ಲ.

ಫಾಸ್ಟ್ರ್ಯಾಕ್ ಸಂಸ್ಥೆಯ ನೆವರ್ ಸೇಮ್, ನೆವರ್ ಸೇನ್ ಧ್ಯೇಯವಾಕ್ಯವು ಸದಾ ಇಂತಹ ಯುವ ಜನತೆಯ ಬಹುಮುಖಿ ವ್ಯಕ್ತಿತ್ವವನ್ನೇ ಬಿಂಬಿಸುತ್ತಾ ಬಂದಿದೆ. ಇದೀಗ ಬಿಡುಗಡೆಯಾಗಿರುವ ನೂತನ ಓಷಿಯಾನಿಕ್ಸ್ ಪೋಲಾರ್ ಎಡಿಷನ್ ಮೂಲಕ, ಸಂಸ್ಥೆಯು ತನ್ನ ಯುವ ಆಸಕ್ತಿಗಳ ಲೋಕವನ್ನು ಸಮಯವೇ ಸಂಪೂರ್ಣ ನಿಂತುಹೋಗುವಂತಹ ವಿಸ್ಮಯಕರ ಪ್ರಪಂಚಕ್ಕೆ ಕೊಂಡೊಯ್ದಿದೆ.

ಇದನ್ನೂ ಓದಿ: Expensive watch row: ನನ್ನ ದುಡ್ಡಲ್ಲಿ ನಾನು ಎಷ್ಟು ವಾಚ್ ಬೇಕಾದ್ರೂ ಖರೀದಿ ಮಾಡ್ತೇನೆ ಎಂದ ಡಿಕೆಶಿ

ಇಂದಿನ ಜೆನ್ ಜೀ ಯುವಪೀಳಿಗೆಯ ಪಾಲಿಗೆ ತೀವ್ರ ಆಸಕ್ತಿಗಳು (ಹೈಪರ್‌ಫಿಕ್ಸೇಶನ್‌ಗಳು) ಕೇವಲ ಹವ್ಯಾಸಗಳಾಗಿ ಉಳಿದಿಲ್ಲ, ಬದಲಿಗೆ ಅವೇ ಅವರ ಬದುಕಿನ ಪ್ರತ್ಯೇಕ ಲೋಕಗಳಾಗಿವೆ. ಇಲ್ಲಿ ಒಂದು ನೆಚ್ಚಿನ ಹಾಡು ಅವರ ವ್ಯಕ್ತಿತ್ವವೇ ಆಗಿಬಿಡಬಹುದು. ಒಂದು ನಿರ್ದಿಷ್ಟ ವಸ್ತ್ರಶೈಲಿ ಅವರ ಮನಸ್ಥಿತಿಯನ್ನು ರೂಪಿಸಬಹುದು. ಯಾವುದೋ ಒಂದು ಆಟ, ಅಭಿಮಾನಿಗಳ ಬಳಗ, ನೆಚ್ಚಿನ ಕಂಟೆಂಟ್ ಕ್ರಿಯೇಟರ್ ಅಥವಾ ಸುಂದರ ಪ್ರವಾಸಿ ತಾಣವು ದೈನಂದಿನ ಜಂಜಾಟಗಳಿಂದ ಮುಕ್ತಿ ನೀಡುವ ಆಶ್ರಯತಾಣವಾಗಬಹುದು. ಯುವಮನಸ್ಸಿನ ಅಂತಹ ಅನುಭವದ ಕ್ಷಣಗಳೇ ಒಂದು ನೈಜ ಸ್ಥಳದ ರೂಪ ಪಡೆದರೆ ಹೇಗಿರಬಹುದು ಎಂಬುದನ್ನು ಈ ಫ್ರೀಜ್ ಔಟ್ ಅಭಿಯಾನವು ಅದ್ಭುತವಾಗಿ ಕಲ್ಪಿಸಿಕೊಂಡಿದೆ.

ಹೆಪ್ಪುಗಟ್ಟಿದ ಸಾಗರಗಳು, ಆಕಾರ ಬದಲಿಸುವ ಮಂಜುಗಡ್ಡೆಯ ರಚನೆಗಳು ಮತ್ತು ಅಂತ್ಯವಿಲ್ಲದ ಧ್ರುವ ಪ್ರದೇಶದ ದಿಗಂತಗಳ ಮಾಂತ್ರಿಕ ಲೋಕದ ಹಿನ್ನೆಲೆಯಲ್ಲಿ ರೂಪಿಸಲಾದ ಈ ವಿನೂತನ ಅಭಿಯಾನವು, ತೀವ್ರ ಆಸಕ್ತಿಗಳನ್ನು ವಿಭಿನ್ನ ಅಭಿರುಚಿಗಳು ಒಟ್ಟಿಗಿರಬಲ್ಲ, ಪರಸ್ಪರ ಬೆರೆಯಬಲ್ಲ ಹಾಗೂ ನಿರಂತರ ವಿಕಸನಗೊಳ್ಳಬಲ್ಲ ವಿಶಿಷ್ಟ ಪ್ರಪಂಚವನ್ನಾಗಿ ಪರಿವರ್ತಿಸುತ್ತದೆ. ಏಕೆಂದರೆ ಜೆನ್ ಜೀ ಯುವಜನತೆಗೆ ಯಾವುದೋ ಒಂದು ವಿಷಯದಲ್ಲಿ ಆಸಕ್ತಿ ಹೊಂದಿರುವುದು ಎಂದರೆ ಅದೇ ಅವರ ಅಂತಿಮ ಗುರುತು ಎಂದರ್ಥವಲ್ಲ. ಸಂಗೀತ, ಫ್ಯಾಷನ್, ಗೇಮಿಂಗ್, ಸಂಸ್ಕೃತಿ, ಅಭಿಮಾನಿ ಸಂಸ್ಕೃತಿ ಮತ್ತು ವೈಯಕ್ತಿಕ ಗೀಳುಗಳು -ಇವೆಲ್ಲವೂ ಅವರ ಅನನ್ಯ ಅಸ್ತಿತ್ವವನ್ನು ಸಮಾನವಾಗಿ ಅಭಿವ್ಯಕ್ತಪಡಿಸುವ ಮಹತ್ವದ ಮಾಧ್ಯಮಗಳಾಗಿವೆ.

ಹೆಪ್ಪುಗಟ್ಟಿದ ಜಗತ್ತಿನ ಕಲ್ಪನೆಯಿಂದ ಸ್ಫೂರ್ತಿಗೊಂಡ ವಾಚ್‌ಗಳು:

ಫ್ರೀಜ್ ಔಟ್ ಪರಿಕಲ್ಪನೆಯನ್ನು ಮೈಮೇಲೆ ಧರಿಸಬಹುದಾದ ಆಕರ್ಷಕ ವಿನ್ಯಾಸವನ್ನಾಗಿ ರೂಪಿಸಿರುವ ನೂತನ ಓಷಿಯಾನಿಕ್ಸ್ ಪೋಲಾರ್ ಎಡಿಷನ್, ಹೆಪ್ಪುಗಟ್ಟಿದ ಸಾಗರ ಪರಿಸರದ ನೈಸರ್ಗಿಕ ಮೇಲ್ಮೈ ವಿನ್ಯಾಸ, ವರ್ಣಗಳು ಮತ್ತು ಅನಿರೀಕ್ಷಿತ ರೂಪಗಳಿಂದ ಪ್ರೇರಣೆ ಪಡೆದಿದೆ.

ಈ ಸಂಗ್ರಹದಲ್ಲಿ ಪುರುಷರು ಹಾಗೂ ಮಹಿಳೆಯರಿಗಾಗಿ ಒಟ್ಟು 14 ಕೈಗಡಿಯಾರಗಳನ್ನು ರೂಪಿಸಲಾಗಿದೆ. ಇವು ದಿಟ್ಟ ಸಮಕಾಲೀನ ವಿನ್ಯಾಸಗಳ ಜೊತೆಗೆ ಮಂಜಿನ ತಿಳಿನೀಲಿ, ಸಾಗರದ ಗಾಢ ಹಸಿರು, ಕಪ್ಪು, ಗನ್‌ಮೆಟಲ್, ಬೆಳ್ಳಿ ಮತ್ತು ರೋಸ್-ಗೋಲ್ಡ್ ವರ್ಣಗಳ ಆಕರ್ಷಕ ಸಂಯೋಜನೆ ಹೊಂದಿವೆ. ಪದರಗಳ ಡಯಲ್‌ಗಳು, ಟೆಕ್ಸ್ಚರ್ಡ್ ಫಿನಿಶ್‌ಗಳು ಮತ್ತು ಸೂಕ್ಷ್ಮ ವಿವರಣೆಗಳು ಹೆಪ್ಪುಗಟ್ಟಿದ ನೀರಿನ ಬಿರುಕುಬಿಟ್ಟ ಮೇಲ್ಮೈ ಹಾಗೂ ಹರಿಯುವ ಸಾಗರದ ಅಲೆಗಳ ರಚನೆಗಳನ್ನು ನೆನಪಿಸುತ್ತವೆ. ಲೋಹದ ಬ್ರೇಸ್‌ಲೆಟ್, ಲೆದರ್ ಸ್ಟ್ರ್ಯಾಪ್ ಹಾಗೂ ಸಿಲಿಕೋನ್ ವಿನ್ಯಾಸಗಳಲ್ಲಿ ಲಭ್ಯವಿರುವ ಈ ಸಂಗ್ರಹವು, ಗ್ರಾಹಕರ ವೈವಿಧ್ಯಮಯ ಮನಸ್ಥಿತಿ, ಸೌಂದರ್ಯ ಪ್ರಜ್ಞೆ ಹಾಗೂ ಸ್ವಾಭಾವಿಕ ಆಸಕ್ತಿಗಳಿಗೆ ಸಲೀಸಾಗಿ ಸರಿಹೊಂದುತ್ತದೆ.

ಉತ್ಪನ್ನ ಬಿಡುಗಡೆ ಕುರಿತು ಮಾತನಾಡಿದ ಫಾಸ್ಟ್ರ್ಯಾಕ್ ಮಾರ್ಕೆಟಿಂಗ್ ಮುಖ್ಯಸ್ಥ ಡ್ಯಾನಿ ಜೇಕಬ್ ಅವರೇ, "ಅತ್ಯುತ್ತಮ ಹೈಪರ್‌ಫಿಕ್ಸೇಶನ್‌ಗಳಿಗೆ ಉಳಿದೆಲ್ಲವನ್ನೂ ಮರೆಸಿಬಿಡುವ ಅದ್ಭುತ ಶಕ್ತಿಯಿರುತ್ತದೆ. ಒಂದು ಕ್ಷಣ ನೀವು ಯಾವುದನ್ನೋ ಸಹಜವಾಗಿ ಅನ್ವೇಷಿಸುತ್ತಿರುತ್ತೀರಿ, ಮರುಕ್ಷಣವೇ ಅದರಲ್ಲಿ ಸಂಪೂರ್ಣವಾಗಿ ಮುಳುಗಿ ಹೋಗುತ್ತೀರಿ. ಅದು ಸಂಗೀತದ ಪ್ಲೇಲಿಸ್ಟ್ ಆಗಿರಬಹುದು, ಸ್ನೀಕರ್ ಸಂಸ್ಕೃತಿಯಾಗಿರಬಹುದು, ಒಂದು ಆಟ, ಶೈಲಿ, ನಗರ ಅಥವಾ ನಿಮಗೆ ಮಾತ್ರ ಆಪ್ತವೆನಿಸುವ ವಿಚಾರವಿರಬಹುದು. ಓಷಿಯಾನಿಕ್ಸ್ ಮೂಲಕ ಆ ಭಾವನೆಯೇ ಒಂದು ಜಗತ್ತಾದರೆ ಹೇಗಿರುತ್ತದೆ ಎಂದು ನಾವು ಕಲ್ಪಿಸಿಕೊಂಡಿದ್ದೇವೆ. ಅದು ವಿಶಾಲವಾದ, ಹೆಪ್ಪುಗಟ್ಟಿದ, ಮಾಂತ್ರಿಕ ಹಾಗೂ ದಿನನಿತ್ಯದ ಬದುಕಿನಿಂದ ಸಂಪೂರ್ಣ ಭಿನ್ನವಾದ ಲೋಕ. ಫ್ರೀಜ್ ಔಟ್ ಎಂದರೆ ಸಮಯದ ಹಂಗಿಲ್ಲದೆ ಆಸಕ್ತಿಯೇ ನಮ್ಮನ್ನು ಆವರಿಸಿಕೊಳ್ಳುವ ಕ್ಷಣ. ಫಾಸ್ಟ್ರ್ಯಾಕ್ ಇರುವುದೇ ಅಲ್ಲಿ. ಏಕೆಂದರೆ ಕೈಗಡಿಯಾರವು ಯಾವಾಗಲೂ ಸಮಯವನ್ನು ನೆನಪಿಸಬೇಕಿಲ್ಲ, ಕೆಲವೊಮ್ಮೆ ಸಮಯವನ್ನೇ ಮರೆಯಲು ಕಾರಣ ನೀಡಬೇಕು" ಎಂದು ತಿಳಿಸಿದರು.

ಓಷಿಯಾನಿಕ್ಸ್ ಪೋಲಾರ್ ಎಡಿಷನ್ ಅಭಿಯಾನದ ಪ್ರಚಾರ ವಿಡಿಯೋ ಸಂಸ್ಥೆಯ ಸಾಮಾಜಿಕ ಮಾಧ್ಯಮಗಳಲ್ಲಿ ಬಿಡುಗಡೆಯಾಗಿದೆ. ಆರಂಭಿಕ ದರ ₹3,995 ರಿಂದ ₹7,095 ರಷ್ಟಿದೆ.