Navaratri Saree Fashion 2026: ನಾರಿಯರ ನವರಾತ್ರಿಯ ಸಂಭ್ರಮಕ್ಕೆ ನವ ವರ್ಣದ ಸೀರೆಗಳು

Navaratri Celebration: ಪ್ರತಿ ಬಾರಿಯಂತೆ ಈ ಬಾರಿಯೂ ಕೂಡ ನವವರ್ಣದ ಲಿಸ್ಟ್ ನಿಗದಿಯಾಗಿದೆ. ಆಯಾ ದಿನಕ್ಕೆ ತಕ್ಕಂತೆ ನವರಾತ್ರಿಯ ಸಂಭ್ರಮಕ್ಕೆ ಯಾವ್ಯಾವ ಕಲರ್‌ನ ಸೀರೆಗಳನ್ನು ಉಡಬೇಕು? ಎಂಬುದರ ಬಗ್ಗೆ ಫ್ಯಾಷನಿಸ್ಟಾ ಶ್ವೇತಾ ನಂದಕುಮಾರ್ ಇಲ್ಲಿ ತಿಳಿಸಿದ್ದಾರೆ. ಇಲ್ಲಿದೆ ಕಂಪ್ಲೀಟ್ ವಿವರ.

ಚಿತ್ರಗಳು: ಶ್ವೇತಾ ನಂದಕುಮಾರ್, ಫ್ಯಾಷನಿಸ್ಟಾ -

ಶೀಲಾ ಸಿ ಶೆಟ್ಟಿ Oct 9, 2026 6:34 PM

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಪ್ರತಿ ಬಾರಿಯಂತೆ ಈ ಬಾರಿಯೂ ಕೂಡ ನವವರ್ಣದ ಲಿಸ್ಟ್ ನಿಗದಿಯಾಗಿದೆ. ಆಯಾ ದಿನಕ್ಕೆ ತಕ್ಕಂತೆ ನವರಾತ್ರಿಯ ಸಂಭ್ರಮಕ್ಕೆ (Navaratri Saree Fashion 2026) ಯಾವ್ಯಾವ ಕಲರ್‌ನ ಸೀರೆಗಳನ್ನು ಉಡಬೇಕು? ಎಂಬುದರ ಬಗ್ಗೆ ಫ್ಯಾಷನಿಸ್ಟಾ ಶ್ವೇತಾ ನಂದಕುಮಾರ್ ಇಲ್ಲಿ ತಿಳಿಸಿದ್ದಾರೆ.

ವರ್ಣರಂಜಿತ ಆರೆಂಜ್ ವರ್ಣದ ಸೀರೆ

ಅಕ್ಟೋಬರ್ 11ರ ಭಾನುವಾರದಂದು, ಬೆಳಕು ಹಾಗೂ ಜ್ಞಾನದ ಪ್ರತೀಕವಾದ ಆರೆಂಜ್ ವರ್ಣದ ಸೀರೆಗಳನ್ನು ಉಡಬಹುದು. ಈ ಕಲರ್ ಸೀರೆಗಳು ಎಂತಹವರನ್ನು ಹೈಲೈಟ್ ಮಾಡುತ್ತವೆ.

ಬಿಳಿ ಸೀರೆಯಲ್ಲಿ ಕಾಣಿಸಿಕೊಳ್ಳಿ

ಅಕ್ಟೋಬರ್ 12 ರಂದು ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ ವೈಟ್ ಕಲರ್‌ನ ಸೆಮಿ ಸಿಲ್ಕ್, ಟುಸ್ಸಾರ್, ಬನಾರಸ್, ಅರ್ಗಾನ್ಜಾ, ಟಿಶ್ಯೂ, ಜಾರ್ಜೆಟ್, ಸೆಮಿ ಕ್ರೇಪ್ ಡಿಸೈನರ್ ಸೀರೆಗಳನ್ನು ಉಡಬಹುದು. ಇವಕ್ಕೆ ಪರ್ಲ್ ಆಭರಣಗಳನ್ನು ಮ್ಯಾಚ್ ಮಾಡಬಹುದು.