Bomb Attack: ಲಕ್ಷಾಂತರ ಜನ ಸೇರಿದ್ದ ಸಂಗೀತ ಕಾರ್ಯಕ್ರಮದಲ್ಲಿ ಬಾಂಬ್ ದಾಳಿಗೆ ಸಂಚು-ತಪ್ಪಿದ ಭಾರೀ ಅನಾಹುತ!

ಬ್ರೆಜಿಲ್‌: ಬ್ರೆಜಿಲ್‌ನ (Brazil) ರಿಯೋ ಡಿ ಜನೈರೋದ (Rio de Janeiro) ಕೊಪಕಬಾನಾ ಬೀಚ್‌ನಲ್ಲಿ (Copacabana Beach) ಶನಿವಾರ ನಡೆದ ಲೇಡಿ ಗಾಗಾ (Lady Gaga) ಅವರ ಐತಿಹಾಸಿಕ ಕಾನ್ಸರ್ಟ್‌ಗೆ 20 ಲಕ್ಷಕ್ಕೂ ಹೆಚ್ಚು ಜನ ಸೇರಿದ್ದ ವೇಳೆ, ಈ ಕಾರ್ಯಕ್ರಮದಲ್ಲಿ ಬಾಂಬ್ ದಾಳಿ ನಡೆಸಲು ಯೋಜಿಸಿದ್ದನ್ನು ಪೊಲೀಸರು ವಿಫಲಗೊಳಿಸಿದ್ದಾರೆ ಎಂದು ಬ್ರೆಜಿಲ್ ಪೊಲೀಸರು ತಿಳಿಸಿದ್ದಾರೆ. ದ್ವೇಷ ಭಾಷಣವನ್ನು ಉತ್ತೇಜಿಸುವ ಮತ್ತುಪೊಲೀಸರ ಎಚ್ಚರಿಕೆಯಿಂದ ಉಳಿಯಿತು ಲಕ್ಷಾಂತ ಜನರ ಪ್ರಾಣ ಬಾಲಕರನ್ನು ಹಿಂಸಾತ್ಮಕ ವಿಷಯಗಳ ಮೂಲಕ ತೀವ್ರವಾದಿಗಳನ್ನಾಗಿಸುವ ಒಂದು ಗುಂಪು ಈ ದಾಳಿಯನ್ನು ಯೋಜಿಸಿತ್ತು ಎಂದು ರಿಯೋ ಡಿ ಜನೈರೋ ರಾಜ್ಯದ ಸಿವಿಲ್ ಪೊಲೀಸರು ಹೇಳಿದ್ದಾರೆ. ರಿಯೋ ನಗರಸಭೆಯ ಪ್ರಕಾರ, ಅಮೆರಿಕದ ಪಾಪ್ ಐಕಾನ್ ಲೇಡಿ ಗಾಗಾ ಅವರ ಕಾನ್ಸರ್ಟ್‌‌ನಲ್ಲಿ 21 ಲಕ್ಷ ಜನ ಭಾಗವಹಿಸಿದ್ದರು.

"ಶಂಕಿತರು, ಅಪ್ರಾಪ್ತರನ್ನು ಸೇರಿದಂತೆ ಭಾಗವಹಿಸುವವರನ್ನು ನೇಮಕ ಮಾಡಿಕೊಂಡು, ಸುಧಾರಿತ ಸ್ಫೋಟಕಗಳು ಮತ್ತು ಮೊಲೊಟೊವ್ ಕಾಕ್‌ಟೈಲ್‌ಗಳನ್ನು ಬಳಸಿಕೊಂಡು ಸಂಘಟಿತ ದಾಳಿಗಳನ್ನು ನಡೆಸಲು ಯೋಜಿಸಿದ್ದರು" ಎಂದು ಪೊಲೀಸರು ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ನ್ಯಾಯಾಂಗ ಸಚಿವಾಲಯದ ಪ್ರಕಾರ, ದಾಳಿಗೆ ನೇಮಕಗೊಂಡವರು ಲೇಡಿ ಗಾಗಾ ಅವರ ಜಾಗತಿಕ ಅಭಿಮಾನಿಗಳ ಗುಂಪಾದ "ಲಿಟಲ್ ಮಾನ್ಸ್ಟರ್ಸ್" ಸದಸ್ಯರೆಂದು ತಮ್ಮನ್ನು ಗುರುತಿಸಿಕೊಂಡಿದ್ದರು.

ಈ ಸುದ್ದಿಯನ್ನು ಓದಿ: Viral Video: ಅಂಗಡಿಯವನ ಮೇಲೆ ಡೆಡ್ಲಿ ಆಟ್ಯಾಕ್‌ ಮಾಡಿದ ಹುಡುಗಿ; ಕಾರಣ ಕೇಳಿದ್ರೆ ಬೆಚ್ಚಿ ಬೀಳ್ತೀರಿ!

ರಿಯೋ ರಾಜ್ಯ ಪೊಲೀಸ್ ಗುಪ್ತಚರ ಇಲಾಖೆಯಿಂದ ಸಿಕ್ಕ ಸುಳಿವಿನ ಆಧಾರದಲ್ಲಿ, ಸಚಿವಾಲಯದ ಸೈಬರ್ ಆಪರೇಷನ್ಸ್ ಲ್ಯಾಬ್‌ನ ವರದಿಯನ್ನು ಆಧರಿಸಿ ಈ ಕಾರ್ಯಾಚರಣೆ ನಡೆದಿದೆ. ಬಾಲಕರಲ್ಲಿ ಹಿಂಸಾತ್ಮಕ ವರ್ತನೆಯನ್ನು ಉತ್ತೇಜಿಸುವ ಡಿಜಿಟಲ್ ಸೆಲ್‌ಗಳು, ಸಂಕೇತ ಭಾಷೆ ಮತ್ತು ತೀವ್ರವಾದಿ ಸಂಕೇತಗಳನ್ನು ಬಳಸುತ್ತಿರುವುದು ಈ ಗುಪ್ತಚರದಿಂದ ಬಯಲಾಗಿದೆ.

ಗುಂಪಿನ ನಾಯಕನೆಂದು ವರ್ಣಿಸಲಾದ ಒಬ್ಬ ವ್ಯಕ್ತಿಯನ್ನು ರಿಯೋ ಗ್ರಾಂಡೆ ಡೊ ಸುಲ್‌ನ ದಕ್ಷಿಣ ರಾಜ್ಯದಲ್ಲಿ ಅಕ್ರಮ ಶಸ್ತ್ರಾಸ್ತ್ರ ಹೊಂದಿದ್ದಕ್ಕಾಗಿ ಬಂಧಿಸಲಾಗಿದೆ. ಇನ್ನೊಬ್ಬ ಬಾಲಕನನ್ನು ರಿಯೋ ಡಿ ಜನೈರೋದಲ್ಲಿ ಬಾಲ ಅಶ್ಲೀಲ ಕಂಟೆಂಟ್‌ಗಳನ್ನು ಸ್ಟೋರ್‌ ಮಾಡಿದ್ದಕ್ಕೆ ವಶಕ್ಕೆ ತೆಗೆದುಕೊಳ್ಳಲಾಗಿದೆ. ರಿಯೋ ಡಿ ಜನೈರೋ, ಮಾಟೊ ಗ್ರೊಸೊ, ರಿಯೋ ಗ್ರಾಂಡೆ ಡೊ ಸುಲ್ ಮತ್ತು ಸಾವೊ ಪಾಲೊ ರಾಜ್ಯಗಳಾದ್ಯಂತ ಅಧಿಕಾರಿಗಳು ಒಂದು ಡಜನ್‌ಗಿಂತಲೂ ಹೆಚ್ಚು ಶೋಧ ಮತ್ತು ವಶಪಡಿಸಿಕೊಳ್ಳುವ ವಾರಂಟ್‌ಗಳನ್ನು ಜಾರಿಗೊಳಿಸಿದ್ದಾರೆ.