ಬೆಂಗಳೂರು: ʻಅನ್‌ಲಾಕ್‌ ರಾಘವʼ (Unlock Raghava Movie) ಟೈಟಲ್‌ ಎಷ್ಟು ಯೂನಿಕ್‌ ಆಗಿದೆಯೋ ಈ ಚಿತ್ರದ ಹಾಡುಗಳೂ ಅಷ್ಟೇ ವಿಭಿನ್ನ ಮತ್ತು ವಿಶೇಷತೆಯಿಂದ ಕೂಡಿವೆ. ಚಿತ್ರದ ಮೂರನೇ ಹಾಡು ʻರಾಘವ ರಾಘವ' ಬಿಡುಗಡೆಯಾಗಿದೆ. ʻರಾಘವ ರಾಘವʼ ಮೆಲೋಡಿಯಸ್‌ ರೊಮ್ಯಾಂಟಿಕ್‌ ಸಾಂಗ್‌ ಆಗಿದ್ದು, ಜಾನಕಿ ಪಾತ್ರದಲ್ಲಿ ಮೋಡಿ ಮಾಡಲಿರುವ ನಾಯಕಿ ರೆಚಲ್‌, ರಾಘವನಿಗಾಗಿ ಹಾಡುವ ಹಾಡು ಇದಾಗಿದೆ. ಧನಂಜಯ ಅವರ ನೃತ್ಯ ಸಂಯೋಜನೆಯಲ್ಲಿ, ಗಾಯಕಿ ಅಂಕಿತಾ ಕುಂಡು ಅವರ ಮ್ಯಾಜಿಕಲ್‌ ವಾಯ್ಸ್‌ನಲ್ಲಿ ಮೂಡಿಬಂದಿರುವ ಹಾಡಿಗೆ, ವಾಸುಕಿ ವೈಭವ್‌ ಬರೆದಿರುವ ಸಾಲುಗಳು ಹಾಡಿನ ವೈಭವ ಹೆಚ್ಚಿಸಿವೆ.

ಕೋಟೆನಗರಿ ಚಿತ್ರದುರ್ಗದ ಸುಂದರ ತಾಣಗಳಲ್ಲಿ ಚಿತ್ರೀಕರಣಗೊಂಡಿರುವ ʻರಾಘವ ರಾಘವʼ ಹಾಡಿನಲ್ಲಿ ಹೀರೋ ಮಿಲಿಂದ್‌ ಹಾಗೂ ನಾಯಕಿ ರೆಚಲ್‌ ಕೆಮೆಸ್ಟ್ರಿ ನೆಕ್ಸ್ಟ್‌ ಲೆವೆಲ್‌ ಇರಲಿದೆ. ದುರ್ಗದ ಪ್ರಕೃತಿ ಸೊಬಗು, ಬೆಟ್ಟ, ಗುಡ್ಡ, ಬಂಡೆ, ರಸ್ತೆ, ಗಲ್ಲಿಗಳ ಮಧ್ಯೆ ಸಾಗುವ ಈ ಟ್ರ್ಯಾಕ್‌ ಸಂಗೀತ ಪ್ರಿಯರನ್ನು ರೊಮ್ಯಾಂಟಿಕ್‌ ಲೋಕಕ್ಕೆ ಕೊಂಡೊಯ್ಯುತ್ತದೆ.

ಈಗಾಗಲೇ ಬಿಡುಗಡೆಯಾಗಿರುವ ʼಅನ್‌ಲಾಕ್‌ ರಾಘವʼ ಚಿತ್ರದ ʻನನ್ ಹುಡುಗಿʼ ಹಾಗೂ ‌ʻಲಾಕ್‌ ಲಾಕ್‌ ಲಾಕ್ʼ ಹಾಡುಗಳು ಯುವ ಹೃದಯಗಳ ಹಾಟ್‌ ಫೇವರೇಟ್‌ ಆಗಿದ್ದು, A2 ಮ್ಯೂಸಿಕ್‌ನಲ್ಲಿ ಈಗ ಬಿಡುಗಡೆಯಾಗಿರುವ ʻರಾಘವ ರಾಘವʼ ಗೀತೆ ಕೂಡ ಯಂಗ್‌ ಹಾರ್ಟ್‌ಗಳಲ್ಲಿ ಜಾಗ ಪಡೆಯಲಿದೆ.

ಮಯೂರ ಮೋಷನ್ ಪಿಕ್ಚರ್ಸ್ ಬ್ಯಾನರ್‌ ಅಡಿ ಮಂಜುನಾಥ ಡಿ. ಹಾಗೂ ಗಿರೀಶ್ ಕುಮಾರ್ ಜಂಟಿಯಾಗಿ ನಿರ್ಮಿಸಿರುವ ʻಅನ್‌ಲಾಕ್‌ ರಾಘವʼ ಫೆಬ್ರವರಿ 7ರಂದು ತೆರೆಗೆ ಬರಲಿದೆ. ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಸಿಗುವ ಸಾಧು ಕೋಕಿಲ ಅವರ ಕಾಮಿಡಿ, ಯುವ ನಾಯಕ ಮಿಲಿಂದ್‌ ಹಾಗೂ ʼಲವ್‌ ಮಾಕ್‌ಟೇಲ್‌ 2ʼ ಚೆಲುವೆ ರೆಚಲ್‌ ಡೇವಿಡ್‌ ಜೊಡಿ ತೆರೆ ಮೇಲೆ ಮೋಡಿ ಮಾಡಲಿದೆ.

ಈ ಸುದ್ದಿಯನ್ನೂ ಓದಿ | Highwaist Pant Fashion 2025: ವಿಂಟರ್‌ಗೆ ಮರಳಿದ ಹೈವೇಸ್ಟ್ ಪ್ಯಾಂಟ್ ಫ್ಯಾಷನ್

ʼರಾಮಾ ರಾಮಾ ರೇʼ & ʼಮ್ಯಾನ್ ಆಫ್‌ ದಿ ಮ್ಯಾಚ್ʼ ಖ್ಯಾತಿಯ ಡಿ. ಸತ್ಯಪ್ರಕಾಶ್‌ ʼಅನ್‌ಲಾಕ್‌ ರಾಘವʼನಿಗೆ ಕಥೆ, ಚಿತ್ರಕಥೆ ಹೆಣೆದಿದ್ದಾರೆ. ರಿಯಲ್‌ ಸ್ಟಾರ್‌ ಉಪೇಂದ್ರ ಅವರ ಗರಡಿಯಲ್ಲಿ ಕೆಲಸ ಮಾಡಿರುವ, ʻರಾಜು ಜೇಮ್ಸ್‌ ಬಾಂಡ್‌ʼ ಚಿತ್ರದ ನಿರ್ದೇಶಕ ದೀಪಕ್‌ ಮಧುವನಹಳ್ಳಿ ʻಅನ್‌ಲಾಕ್‌ ರಾಘವʼಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಛಾಯಾಗ್ರಾಹಕ ಲವಿತ್‌, ಪ್ರತಿಯೊಂದು ದೃಶ್ಯಗಳನ್ನೂ ಮನೋಜ್ಞವಾಗಿ ಸೆರೆ ಹಿಡಿದಿದ್ದಾರೆ. ಅಜಯ್ ಕುಮಾರ್ ಮತ್ತು ಮಧು ತುಂಬಕೆರೆ ಸಂಕಲನ, ವಿನೋದ್ ಹಾಗೂ ಅರ್ಜುನ್ ಸಾಹಸ ನಿರ್ದೇಶನ, ಮುರುಳಿ ಮತ್ತು ಧನಂಜಯ ಅವರ ನೃತ್ಯ ನಿರ್ದೇಶನವಿದೆ. ಪ್ರಮುಖ ಪಾತ್ರಗಳಲ್ಲಿ ಶೋಭರಾಜ್, ಅವಿನಾಶ್, ರಮೇಶ್ ಭಟ್, ವೀಣಾ ಸುಂದರ್‌, ಧರ್ಮಣ್ಣ ಕಡೂರು, ಸಾಯಿ ಕುಡ್ಲ, ಭೂಮಿ ಶೆಟ್ಟಿ ಮೊದಲಾದವರು ಅಭಿನಯಿಸಿದ್ದಾರೆ.