Bigg Boss Kannada 13: ಈ ವರ್ಷ ಬೇಗ ಶುರುವಾಗ್ತಿದೆ ಕನ್ನಡಿಗರ ಮೆಚ್ಚಿನ ಶೋ ʻಬಿಗ್‌ ಬಾಸ್‌ʼ! ಪ್ರೋಮೋ ಔಟ್‌

IPL ಮತ್ತು ''ಬಿಗ್ ಬಾಸ್'' (Bigg Boss Kannada 13) ಕಳೆದ ಹಲವು ವರ್ಷಗಳಿಂದ ಭಾರತವನ್ನು ಆವರಿಸಿಕೊಂಡಿವೆ. ವರ್ಷದ ಮಧ್ಯಂತರಕ್ಕೆ ಬಿಗ್ ಬಾಸ್‌ ಗೆ ಸ್ವಾಗತ ಕೋರಲು ವೀಕ್ಷಕರು ಅಣಿಯಾಗುತ್ತಾರೆ. ತಮ್ಮ ಕಷ್ಟ-ನಷ್ಟಗಳನ್ನೆಲ್ಲ ಮರೆತು ''ಬಿಗ್ ಬಾಸ್'' ಸ್ಫರ್ಧಿಗಳ ಸಂಭ್ರಮವನ್ನು ಕಣ್ತುಂಬಿಕೊಳ್ಳುತ್ತಾರೆ. ಇದೀಗ ಕಲರ್ಸ್‌ ಕನ್ನಡ (Colors Kannada) ವೀಕ್ಷಕರಿಗೆ ಗುಡ್‌ ನ್ಯೂಸ್‌ ಕೊಟ್ಟಿದೆ. ಈ ವರ್ಷ ಬೇಗ ಶುರುವಾಗ್ತಿದೆ ಕನ್ನಡಿಗರ ಹಬ್ಬ... With something special! ಅಂತ ಕ್ಯಾಪ್ಷನ್‌ ಕೊಟ್ಟಿದೆ.

''ಐಪಿಎಲ್'' ಮುಕ್ತಾಯವಾದ ಬೆನ್ನಲ್ಲೇ ''ಬಿಗ್ ಬಾಸ್'' ಶುರುವಾಗಿದೆ. ಇದಕ್ಕೆ ತಮಿಳಿನಲ್ಲಿ ''ಬಿಗ್ ಬಾಸ್'' ಸೀಸನ್ 10ರ ಕೆಲಸ ಶುರುವಾಗಿದ್ದು, ಈ ವರ್ಷದ ಮೊದಲ ಪ್ರೋಮೋವನ್ನು ಬಿಡುಗಡೆ ಮಾಡಲಾಗಿದೆ. ಇದರ ಬೆನ್ನಲ್ಲೇ ಈಗ ಕನ್ನಡ ಬಿಗ್‌ ಕಡೆಯಿಂದಲೂ ಸಣ್ಣ ಪ್ರೋಮೋ ಔಟ್‌ ಆಗಿದೆ.

ಇದನ್ನೂ ಓದಿ: Amruthadhaare Serial: ಕೆಡಿ ಜೈದೇವ್‌ ಮಾಸ್ಟರ್‌ ಪ್ಲ್ಯಾನ್‌; ಅಪರಿಚಿತ ದಂಪತಿ ದಿವಾನ್ ಮನೆಗೆ ಎಂಟ್ರಿ!

ಇನ್ನು ಸೀಸನ್‌ 12ರಲ್ಲಿ ಹಳ್ಳಿ ಹೈದ ಗಿಲ್ಲಿ ನಟ ಸೀಸನ್ -12 ವಿನ್ನರ್ ಆಗಿದ್ದರು. 50 ಲಕ್ಷ ನಗದು ಬಹುಮಾನ ಪಡೆದುಕೊಂಡಿದ್ದರು. ಒಂದು ಕಾರನ್ನು ಕೂಡ ಈ ಸಲ ಕೊಡಲಾಗಿತ್ತು. ಕಳೆದ ಬಿಗ್‌ಬಾಸ್ ಸೀಸನ್‌ಗಳ ಯಶಸ್ಸಿನ ನಂತರ ಕಲರ್ಸ್ ಕನ್ನಡ ತಂಡ ಈ ಬಾರಿಯ ಸೀಸನ್ ಅನ್ನು ಇನ್ನಷ್ಟು ದೊಡ್ಡ ಮಟ್ಟದಲ್ಲಿ ಆಯೋಜಿಸುತ್ತಿದೆ.

ಒಂದು ಮನೆ, ಅದರ ಕೋಣೆ ಕೋಣೆಗಳನ್ನೂ ಗಮನಿಸುವ ಕ್ಯಾಮೆರಾಗಳು ಹಾಗೂ ಅದರಲ್ಲಿ 100 ದಿನಗಳ ಕಾಲ ಉಳಿದುಕೊಳ್ಳುವ ಸ್ಪರ್ಧಿಗಳು ಮತ್ತು ಒಟ್ಟಾರೆ ಅದೊಂದು 'ಗೇಮ್ ಶೋ' ಎಂಬರ್ಥದಲ್ಲಿ ಕಾರ್ಯಕ್ರಮ ಮೊದಲಿಗೆ ಪ್ರಸಾರವಾಯಿತು.

ಈ- ಟಿವಿಯಾಗಿದ್ದ ಕಲರ್ಸ್ ಕನ್ನಡ ವಾಹಿನಿ 'ಬಿಗ್ ಬಾಸ್ ಕನ್ನಡ' ಕಾರ್ಯಕ್ರಮವನ್ನು ಆರಂಭಿಸಿತ್ತು. 'ಬಿಗ್ ಬಾಸ್' ಕಾರ್ಯಕ್ರಮದ ಹಿನ್ನೆಲೆ, ಜನಪ್ರಿಯತೆಗಳ ಆಚೆಗೂ ಗಮನ ಸೆಳೆಯುವುದು ಇದರ ಹಿಂದಿರುವ ತಂತ್ರಜ್ಞಾನದ ಬಳಕೆ. ಒಂದು ಮನೆಯನ್ನು ಆವರಿಸಿಕೊಂಡಿರುವ ಸುಮಾರು 60ಕ್ಕೂ ಹೆಚ್ಚು ಕ್ಯಾಮೆರಾಗಳು, ಅವುಗಳನ್ನು 24/7 ಕಾಯಲು ಅಳವಡಿಸಿಕೊಂಡಿರುವ ಶೈಲಿ, ಕೊನೆಗೆ, ದಿನಕ್ಕೊಂದು ಸ್ಟೋರಿಯ ರೂಪದಲ್ಲಿ ಒಂದು ಗಂಟೆಗೆ ನಡೆಯುವ ಎಡಿಟಿಂಗ್ ಇದು ಕಾರ್ಯಕ್ರಮದ ಪ್ರಮುಖ ಹೈಲೈಟ್‌.

ಇದನ್ನೂ ಓದಿ: Kangana Ranaut: ಇದೊಂದೇ ಕಾರಣಕ್ಕೆ ಬಾಲಿವುಡ್‌ನಿಂದ ದೂರ ಇರುವೆ; ಕಂಗನಾ

ಸದ್ಯಕ್ಕೆ ಸಣ್ಣ ಪ್ರೋಮೋ ಮಾತ್ರ ಔಟ್‌ ಆಗಿದೆ. ಯಾವಾಗಿನಿಂದ ಪ್ರಸಾರ, ಹೀಗೆ ಯಾವುದೇ ಮಾಹಿತಿ ವಾಹಿನಿ ಹಂಚಿಕೊಂಡಿಲ್ಲ. ಹೊಸ ರೂಪ, ಹೊಸ ಸೀಸನ್, ಹೊಸ ಆಟ ಅಂತ ಕಮೆಂಟ್‌ ಮಾಡ್ತಿದ್ದಾರೆ ನೆಟ್ಟಿಗರು.