M S Umesh: ಉಮೇಶ್ ಅವರನ್ನ ಅಪ್ಪಿ ತಪ್ಪಿ ಜನ ಕಂಡಾಗಲೆಲ್ಲ ಏನು ಹೇಳ್ತಿದ್ರಂತೆ ಗೊತ್ತಾ? ಹಿರಿಯ ನಟ ಹೇಳಿದ್ದೇನು?
Actor Umesh: 1960ರ ದಶಕದಿಂದಲೂ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದ ನಟ ಇತ್ತೀಚಿನ ದಿನಗಳ ತನಕವೂ ಅವರು ಸಿನಿಮಾಗಳಲ್ಲಿ ನಟಿಸುತ್ತಿದ್ದರು. ಆದರೆ ಇತ್ತೀಚೆಗೆ ನಟನಿಗೆ ಕ್ಯಾನ್ಸರ್ ಇರೋದು ಕನ್‌ಫರ್ಮ್‌ ಆಗಿತ್ತು. ಕಾಲಿಗೆ ಸರ್ಜರಿ ಮಾಡುವಾಗ ಅವರಿಗೆ ಲಿವರ್ ಕ್ಯಾನ್ಸರ್ ಇರುವ ಬಗ್ಗೆಯೂ ವೈದ್ಯರು ಮಾಹಿತಿ ನೀಡಿದರು. ಹೀಗಾಗಿ ಆಸ್ಪತ್ರೆಯಲ್ಲೇ ಚಿಕಿತ್ಸೆ ಪಡೆಯುತ್ತಿದ್ದ ಉಮೇಶ್ ಅವರಿಂದು ಇಹಲೋಕ ತ್ಯಜಿಸಿದ್ದಾರೆ. ಇದೀಗ ನಟನ ಹಳೆದ ಸಂದರ್ಶನವೊಂದು ವೈರಲ್‌ ಆಗ್ತಿದೆ.
ನಟ ಎಂ.ಎಸ್ ಉಮೇಶ್ -
ಕ್ಯಾನ್ಸರ್ (Cancer) ಸಮಸ್ಯೆಯಿಂದ ಬಳಲುತ್ತಿದ್ದ ಸ್ಯಾಂಡಲ್‌ವುಡ್‌ನ ಹಿರಿಯ ನಟ ಎಂ.ಎಸ್ ಉಮೇಶ್ (ms umesh) ನಿಧನರಾಗಿದ್ದಾರೆ . 1960ರ ದಶಕದಿಂದಲೂ ಕನ್ನಡ ಚಿತ್ರರಂಗದಲ್ಲಿ (Kannada Film Industry) ಸಕ್ರಿಯರಾಗಿದ್ದ ನಟ ಇತ್ತೀಚಿನ ದಿನಗಳ ತನಕವೂ ಅವರು ಸಿನಿಮಾಗಳಲ್ಲಿ ನಟಿಸುತ್ತಿದ್ದರು. ಆದರೆ ಇತ್ತೀಚೆಗೆ ನಟನಿಗೆ ಕ್ಯಾನ್ಸರ್ ಇರೋದು ಕನ್‌ಫರ್ಮ್‌ ಆಗಿತ್ತು. ಕಾಲಿಗೆ ಸರ್ಜರಿ ಮಾಡುವಾಗ ಅವರಿಗೆ ಲಿವರ್ ಕ್ಯಾನ್ಸರ್ (Liver Cancer) ಇರುವ ಬಗ್ಗೆಯೂ ವೈದ್ಯರು ಮಾಹಿತಿ ನೀಡಿದರು. ಹೀಗಾಗಿ ಆಸ್ಪತ್ರೆಯಲ್ಲೇ ಚಿಕಿತ್ಸೆ ಪಡೆಯುತ್ತಿದ್ದ ಉಮೇಶ್ ಅವರಿಂದು ಇಹಲೋಕ ತ್ಯಜಿಸಿದ್ದಾರೆ.
ಈ ಒಂದು ಪಾತ್ರ ಇಂದಿಗೂ ಜೀವಂತ
ಇದೀಗ ಅವರ ಅಭಿಮಾನಿಗಳು ಮತ್ತು ಸಿನಿಪ್ರಿಯರು ನಟನ ಈ ಒಂದು ಪಾತ್ರವನ್ನ ನೆನಪಿಸಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಉಮೇಶ್ ಹೇಳಿದ್ದು ಏನು?
ಇದನ್ನೂ ಓದಿ: Actor Umesh: ಹಾಸ್ಯ ನಟ ಉಮೇಶ್ ಸಿನಿ ಜರ್ನಿ ಹೇಗಿತ್ತು ಗೊತ್ತಾ?
ಉಮೇಶ್ ಈ ಹಿಂದೆ ಸಂದರ್ಶನವೊಂದರಲ್ಲಿ ಮಾತನಾಡಿ, ʻಜನಗಳು ಪ್ರತಿಯೊಂದು ಸಿನಿಮಾಗಳನ್ನು ನೆನಪಿನಲ್ಲಿ ಇಟ್ಟುಕೊಳ್ಳುತ್ತಾರೆ. ನಾನು ಹೆಚ್ಚಾಗಿ ಸಾಯಿ ಪ್ರಕಾಶ್‌ ನಿರ್ದೇಶಕರನ್ನ ನೆನಪಿಸಿಕೊಳ್ಳುತ್ತಿರುತ್ತೇನೆ. ಅವರ ಎಲ್ಲ ಸಿನಿಮಾಗಳಲ್ಲಿಯೂ ಅಭಿನಯಿಸಿರುವೆ.
ಗೋಲ್‌ ಮಾಲ್‌ ರಾಧಾ ಕೃಷ್ಣ, ಈ ಸಿನಿಮಾ ಬಿಡುಗಡೆ ಆಗಿ 30 ವರ್ಷ ಆಯಿತು. ಜನ ಇವತ್ತಿಗೂ ನನಗೆ ಸೀತಾಪತಿ ಅಂತ ಕರೆಯುತ್ತಾರೆ. ನನ್ನನ್ನು ಎಲ್ಲಾದ್ರೂ ಜನ ನೋಡಿದ್ರೆ ಅಪಾರ್ಥ ಮಾಡ್ಕೋಬೇಡಿ ಎಂದು ಹೇಳುತ್ತಾರೆ. ಸಭೆ ಸಮಾರಂಭಕ್ಕೆ ಹೋದಾಗ ಸೀತಾಪತಿ ಬಗ್ಗೆಯೇ ಮಾತಾಡ್ತಾರೆʼ ಎಂದಿದ್ದರು.
ಸೀತಾಪತಿ ಅಂತನೇ ಕರೆಯುತ್ತಾರೆ
ʻಅಯ್ಯಯ್ಯೋ ಇವರು ನನ್ನನ್ನು ಅಪಾರ್ಥ ಮಾಡಿಕೊಂಡು ಬಿಟ್ಟರು. ನನ್ನ ಸಂಕಟ ಹೆಂಡತಿ ಬಳಿ ಹೇಳಿಕೊಳ್ಳೋಣ ಅಂದರೆ ನನ್ನ ಹೆಂಡತಿ ಬೇರೆ ಊರಲ್ಲಿ ಇಲ್ಲ ಅಂತ ಹೇಳ್ತಾನೆ ಇರ್ತೀನಿ ಎಂದಿದ್ದರು. ನಾನು ಎಲ್ಲಾದರೂ ಹೊಟೇಲ್‌ ಹೋದರು ಸೀತಾಪತಿ ಅಂತನೇ ಕರೆಯುತ್ತಾರೆ. ಆದರೆ ಇವತ್ತಿನ ಜನರೇಶನ್‌ ಕೂಡ ನನ್ನ ಸೀತಾಪತಿ ಅನ್ನತ್ತೆ. ಆ ಪಾತ್ರಕ್ಕೆ ಸಾವೇ ಇಲ್ಲ. ಅದೆಲ್ಲ ನೆನಿಸಿಕೊಂಡಾಗ ನಾವೇ ಪುಣ್ಯವಂತರು. ಅಭಿಮಾನಿಗಳಲ್ಲೆ ನನ್ನನ್ನು ಹರಸಿದ್ದಾರೆʼ ಎಂದು ಹೇಳಿಕೊಂಡಿದ್ದರು ನಟ.
ಗುರು ಶಿಷ್ಯರು, ಹಾಲು ಜೇನು, ಅಪೂರ್ವ ಸಂಗಮ ಸೇರಿದಂತೆ ಕನ್ನಡದ ಬಹುತೇಕ ಸ್ಟಾರ್‌ ನಟರೊಂದಿಗೆ ಹಿಟ್‌ ಸಿನಿಮಾಗಳಲ್ಲಿ ಉಮೇಶ್ ನಟಿಸಿದ್ದಾರೆ.1960ರಲ್ಲಿ ತೆರೆಕಂಡ ಕನ್ನಡದ ʼಮಕ್ಕಳ ರಾಜ್ಯʼ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು.
ಇದನ್ನೂ ಓದಿ: Actor Umesh: ಸ್ಯಾಂಡಲ್‌ವುಡ್‌ ಹಿರಿಯ ನಟ ಉಮೇಶ್ ಆರೋಗ್ಯದಲ್ಲಿ ಏರುಪೇರು; ಆಸ್ಪತ್ರೆಗೆ ದಾಖಲು
ಹಾಸ್ಯ ಪಾತ್ರದ ಮೂಲಕ ಪ್ರೇಕ್ಷಕರನ್ನು ನಗೆಗಡಲಿನಲ್ಲಿ ತೇಲಿಸಿದ್ದಾರೆ.ಉಮೇಶ್ 60 ವರ್ಷಗಳಲ್ಲಿ ಸುಮಾರು 350 ಚಿತ್ರಗಳಲ್ಲಿ ನಟಿಸಿದ್ದಾರೆ. 1975ರಲ್ಲಿ ತೆರೆಕಂಡ ʼಕಥಾ ಸಂಗಮʼ ಚಿತ್ರದ ಅಭಿನಯಕ್ಕಾಗಿ ಅತ್ಯುತ್ತಮ ಪೋಷಕ ನಟ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ ಪಡೆದಿದ್ದಾರೆ.
