Yash: ‌ʻಧುರಂಧರ್‌ 2ʼ ಅಬ್ಬರದ ನಡುವೆಯೂ ಅಗ್ರಸ್ಥಾನದಲ್ಲಿ ಸ್ಥಿರವಾಗಿ ನಿಂತ ʻಟಾಕ್ಸಿಕ್‌ʼ; ರಾಯನ ನೋಡಲು ಕಾಯ್ತಿದೆ ಇಂಡಿಯಾ!

'ಕೆಜಿಎಫ್' ಸರಣಿಯ ಮೂಲಕ ಇಡೀ ವಿಶ್ವವೇ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡುವಂತೆ ಮಾಡಿದ `ರಾಕಿಂಗ್ ಸ್ಟಾರ್' ಯಶ್, ಈಗ ಮತ್ತೊಮ್ಮೆ ಭಾರತೀಯ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿದ್ದಾರೆ. ಕೆಜಿಎಫ್ 2 ನಂತರ ಯಶ್ ಯಾವ ಸಿನಿಮಾ ಮಾಡಲಿದ್ದಾರೆ ಎಂಬ ಕುತೂಹಲಕ್ಕೆ 'ಟಾಕ್ಸಿಕ್' (Toxic) ಮೂಲಕ ಉತ್ತರ ಸಿಕ್ಕಿದ್ದು, ಈಗ ಈ ಚಿತ್ರ ಹೊಸ ದಾಖಲೆ ಬರೆದಿದೆ.

ನಂಬರ್‌ 1 ಸ್ಥಾನದಲ್ಲಿದೆ ಟಾಕ್ಸಿಕ್‌

ಜನಪ್ರಿಯ ವೆಬ್‌ಸೈಟ್ ಐಎಂಡಿಬಿ (IMDb) ಬಿಡುಗಡೆ ಮಾಡಿರುವ 'ಮೋಸ್ಟ್ ಆಂಟಿಸಿಪೇಟೆಡ್' (Most Anticipated) ಸಿನಿಮಾ ಮತ್ತು ಶೋಗಳ ಪಟ್ಟಿಯಲ್ಲಿ 'ಟಾಕ್ಸಿಕ್' ಅಗ್ರಸ್ಥಾನದಲ್ಲಿದೆ. ಬರೋಬ್ಬರಿ 28.6% ಮತಗಳನ್ನು ಪಡೆಯುವ ಮೂಲಕ ಇದು ಭಾರತದ ನಂಬರ್ 1 ನಿರೀಕ್ಷಿತ ಚಿತ್ರವಾಗಿ ಹೊರಹೊಮ್ಮಿದೆ. ಗೀತು ಮೋಹನ್ ದಾಸ್ ನಿರ್ದೇಶನದ ಈ ಚಿತ್ರ ಇದೇ ಮಾರ್ಚ್ 19 ರಂದು ವಿಶ್ವಾದ್ಯಂತ ತೆರೆಗೆ ಅಪ್ಪಳಿಸಲು ಸಜ್ಜಾಗಿದೆ. ಈಗಾಗಲೇ ಚಿತ್ರತಂಡ ನಾಯಕಿಯರ ಪಾತ್ರ ಮತ್ತು ಫಸ್ಟ್ ಲುಕ್‌ಗಳನ್ನು ಬಿಡುಗಡೆ ಮಾಡಿದ್ದು, ಯಶ್ ಅವರ ಪಾತ್ರ ಪರಿಚಯವನ್ನೂ ಮಾಡಿಕೊಟ್ಟಿದೆ. ಈ ಅಪ್‌ಡೇಟ್‌ಗಳು ಪ್ರೇಕ್ಷಕರ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿವೆ.

Toxic: ರಾಯನ ಮುಂದೆ ಅಬ್ಬರಿಸಿದ ಆ ಹಾಲಿವುಡ್‌ ವಿಲನ್‌ ಯಾರು ಗೊತ್ತಾ? ಯಶ್‌ಗೆ ಥ್ಯಾಂಕ್ಸ್‌ ಹೇಳಿದ್ದೇಕೆ ಈ ನಟ?

ಧುರಂಧರ್‌ 2 ಅಬ್ಬರದ ನಡುವೆಯೂ ಟಾಕ್ಸಿಕ್‌ ಹವಾ

ರಣವೀರ್‌ ಸಿಂಗ್‌ ನಟನೆಯ ʻಧುರಂಧರ್‌ʼ ಸಿನಿಮಾವು ಬಾಕ್ಸ್‌ ಆಫೀಸ್‌ ಭರ್ಜರಿ ಕಮಾಯಿ ಮಾಡಿದ್ದು, ಅದರ ಪಾರ್ಟ್‌ 2 ಮಾರ್ಚ್‌ 19ರಂದೇ ತೆರೆಗೆ ಬರಲಿದೆ. ಹಾಗಾಗಿ, ಬಾಕ್ಸ್‌ ಆಫೀಸ್‌ನಲ್ಲಿ ಈ ಎರಡೂ ಸಿನಿಮಾಗಳ ಮಧ್ಯೆ ವಾರ್‌ ನಡೆಯಲಿದೆ ಎಂಬ ಲೆಕ್ಕಾಚಾರದ ಮಾತುಗಳು ಕೇಳಿಬಂದಿವೆ. ಆದರೆ ಐಎಂಡಿಬಿ ಪ್ರಕಾರ, ಭಾರತೀಯ ಮೊದಲ ಆಯ್ಕೆ ಯಶ್‌ ಅವರ ಟಾಕ್ಸಿಕ್‌ ಆಗಿದೆ. ಧುರಂಧರ್‌ 2 ಚಿತ್ರಕ್ಕೆ 3ನೇ ಸ್ಥಾನ ಸಿಕ್ಕಿದೆ. ಶೇ.28.6% ಮತಗಳು ಟಾಕ್ಸಿಕ್‌ ಸಿನಿಮಾಗೆ ಸಿಕ್ಕರೆ, ಧುರಂಧರ್‌ 2 ಸಿನಿಮಾಗೆ ಶೇ.19ರಷ್ಟು ಮತಗಳು ಸಿಕ್ಕಿವೆ.

Toxic Teaser:‌ ಯಶ್ ಜೊತೆ ಕಾರಿನಲ್ಲಿದ್ದ ಆ ಸುಂದರಿ 'ನಟಾಲಿಯಾ' ಅಲ್ಲ! 'ಟಾಕ್ಸಿಕ್' ಮಿಸ್ಟರಿ ಹುಡುಗಿ ಬಗ್ಗೆ ಬಿಗ್ ಟ್ವಿಸ್ಟ್ ಕೊಟ್ಟ ಡೈರೆಕ್ಟರ್!‌

ಬಹುನಿರೀಕ್ಷಿತ ಟಾಪ್‌ 10 ಸಿನಿಮಾಗಳು ಯಾವುವು?

1. ಟಾಕ್ಸಿಕ್ (Toxic) - 28.6%
2. 20 ರೋಮಿಯೋ (20 Romeo) - 24.1%
3. ಧುರಂಧರ್ 2 (Dhurandhar 2) - 19%
4. ದ ಪ್ಯಾರಡೈಸ್ (The Paradise) - 7%
5. ವಿತ್ ಲವ್ (With Love) - 4.3%
6. ಪೆದ್ದಿ (Peddi) - 3.8%
7. ವಧ್ 2 (Vadh 2) - 3.7%
8. ಭಾಬಿಜಿ ಘರ್ ಪರ್ ಹೈ: ಫನ್ ಆನ್ ದ ರನ್ (Bhabiji Ghar Par Hain Fun on the Run) - 3.6%
9. ತೂ ಯಾ ಮೈ (Tu Yaa Main) - 3.5%
10. ಅನೋಮಿ (Anomie) - 2.5%