Karan Johar: ‘ಕಾಫಿ ವಿತ್ ಕರಣ್’ ಶೋ ಮತ್ತೆ ಶುರು ಆಗೋದು ಯಾವಾಗ? ಕರಣ್ ಜೋಹರ್ ಹೇಳಿದ್ದೇನು?

ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ (Karan Johar) ತಮ್ಮ ಹಿಟ್ ಟಾಕ್ ಶೋ ಕಾಫಿ ವಿತ್ ಕರಣ್ ನ ಮತ್ತೆ ಶುರುವಾಗೋ ದಿನಾಂಕವನ್ನು ಅಂತಿಮವಾಗಿ ಘೋಷಿಸಿದ್ದಾರೆ. ಈ ಕಾರ್ಯಕ್ರಮವು ಕೊನೆಯ ಬಾರಿಗೆ 2024 ರಲ್ಲಿ ಪ್ರಸಾರವಾಗಿತ್ತು.'ದಿ ವೀಕ್' ಜೊತೆಗಿನ ಸಂಭಾಷಣೆಯ ಸಮಯದಲ್ಲಿ, ಪ್ರೇಕ್ಷಕರೊಬ್ಬರು 'ಕಾಫಿ ವಿತ್ ಕರಣ್' (Koffee With Karan) ಮತ್ತೆ ಬರುವ ತಾತ್ಕಾಲಿಕ ದಿನಾಂಕದ ಬಗ್ಗೆ ಚಲನಚಿತ್ರ ನಿರ್ಮಾಪಕರನ್ನು ಕೇಳಿದರು. ಕರಣ್ ನಗುತ್ತಾ, "ದೀಪಾವಳಿ. ಸೀಸನ್ 9" ( “Diwali. Season 9”) ಎಂದು ಹೇಳಿದರು.

ಸೀಸನ್ 8 ರಲ್ಲಿ ಯಾರಿದ್ದರು?

ಕಾಫಿ ವಿತ್ ಕರಣ್ ಸೀಸನ್ ಎಂಟರಲ್ಲಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಇಬ್ಬರೂ ತುಂಬಾ ವಿವಾದಾತ್ಮಕವಾಗಿ ಭಾಗವಹಿಸಿದ್ದರು. ಈ ಜೋಡಿ ತಮ್ಮ ಸಂಬಂಧದ ಬಗ್ಗೆ ನೀಡಿದ ಹೇಳಿಕೆಗಳಿಗಾಗಿ ಭಾರೀ ಟ್ರೋಲ್‌ಗೆ ಒಳಗಾಯಿತು.

ಇದನ್ನೂ ಓದಿ: Mohanlal: ಅಣ್ಣಾವ್ರ ಸಾಂಗ್ ಹಾಡಿರೋದನ್ನ ಶಿವಣ್ಣನಿಗೆ ತೋರಿಸಿದ ಮೋಹನ್​ಲಾಲ್!

ಶರ್ಮಿಳಾ ಟ್ಯಾಗೋರ್, ಸೈಫ್ ಅಲಿ ಖಾನ್, ಕರೀನಾ ಕಪೂರ್, ಆಲಿಯಾ ಭಟ್, ಜಾನ್ವಿ ಕಪೂರ್, ಖುಷಿ ಕಪೂರ್, ರಾಣಿ ಮುಖರ್ಜಿ, ಕಾಜೋಲ್, ಅಜಯ್ ದೇವಗನ್, ರೋಹಿತ್ ಶೆಟ್ಟಿ, ವರುಣ್ ಧವನ್ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ, ಸಾರಾ ಅಲಿ ಖಾನ್ ಮತ್ತು ಅನನ್ಯ ಪಾಂಡೆ, ನೀತು ಕಪೂರ್ ಮತ್ತು ಜೀನತ್ ಅಮನ್, ಸನ್ನಿ ಡಿಯೋಲ್ ಮತ್ತು ಬಾಬಿ ಡಿಯೋಲ್, ಅರ್ಜುನ್ ಕಪೂರ್ ಮತ್ತು ಆದಿತ್ಯ ರಾಯ್ ಕಪೂರ್, ವಿಕ್ಕಿ ಕೌಶಲ್ ಮತ್ತು ಕಿಯಾರಾ ಅಡ್ವಾಣಿ ಈ ಸೀಸನ್‌ನ ಇತರ ಅತಿಥಿಗಳಾಗಿದ್ದರು.

ಕೆಲವು ವಿವಾದಾತ್ಮಕ ಕ್ಷಣ

ಕಾಫಿ ವಿತ್ ಕರಣ್ 2004 ರಿಂದ ಪ್ರಸಾರವಾಗುತ್ತಿದ್ದು, ಕರಣ್ ಎಂಟು ಸೀಸನ್‌ಗಳನ್ನು ಆಯೋಜಿಸುತ್ತಿದ್ದಾರೆ. ಈ ಕಾರ್ಯಕ್ರಮವು ದೇಸಿ ಪಾಪ್ ಸಂಸ್ಕೃತಿಗೆ ಕೆಲವು ವಿವಾದಾತ್ಮಕ ಕ್ಷಣಗಳನ್ನು ನೀಡಿದೆ. ಸೋನಮ್ ಕಪೂರ್ ಮತ್ತು ದೀಪಿಕಾ ರಣಬೀರ್ ಕಪೂರ್ ಅವರನ್ನು ಟೀಕಿಸುವುದರಿಂದ ಹಿಡಿದು, ಐಶ್ವರ್ಯಾ ರೈ ಬಗ್ಗೆ ಇಮ್ರಾನ್ ಹಶ್ಮಿ ಅವರ ಮಾತುಗಳವರೆಗೆ. ಹಾರ್ದಿಕ್ ಪಾಂಡ್ಯ ಅವರು ತಮ್ಮ ಡೇಟಿಂಗ್ ಜೀವನದ ಬಗ್ಗೆ ಮಾಡಿದ ಹೇಳಿಕೆಗಳಿಗೆ ಭಾರೀ ಟೀಕೆಗಳನ್ನು ಎದುರಿಸಿದರು.

ಕೆ.ಎಲ್.ರಾಹುಲ್ ಜೊತೆಗೆ ಹಾರ್ದಿಕ್ ಪಾಂಡ್ಯ ‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ವೇಳೆ ಮಹಿಳೆಯರಿಗೆ ಅವಮಾನವಾಗುವ ರೀತಿಯಲ್ಲಿ ಹಾರ್ದಿಕ್ ಪಾಂಡ್ಯ ಮಾತನಾಡಿದ್ದರು. ಹಾರ್ದಿಕ್ ಪಾಂಡ್ಯ ಮತ್ತು ಕೆ.ಎಲ್.ರಾಹುಲ್ ಆಡಿದ ಮಾತುಗಳು ದೊಡ್ಡ ವಿವಾದಕ್ಕೆ ಕಾರಣವಾಯಿತು.

‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದಲ್ಲಿ ಆಲಿಯಾ ಭಟ್ ಅತಿಥಿಯಾಗಿ ಭಾಗವಹಿಸಿದ್ದರು. ಕಾರ್ಯಕ್ರಮದ ರಾಪಿಡ್ ಫೈಯರ್ ರೌಂಡ್‌ನಲ್ಲಿ ಭಾರತದ ಪ್ರಸ್ತುತ ರಾಷ್ಟ್ರ ಪತಿ ಯಾರು ಎಂದು ಕೇಳಿದಾಗ, ಆಲಿಯಾ ಭಟ್, ಪ್ರಣಬ್ ಮುಖೆರ್ಜೀ ಬದಲು ‘ಪೃಥ್ವಿರಾಜ್ ಚೌಹಾಣ್’ ಎಂದಿದ್ದರು. ಇದರಿಂದ ಆಲಿಯಾ ಭಟ್ ಯದ್ವಾತದ್ವಾ ಟ್ರೋಲ್ ಆಗಿದ್ದರು.

ಇದನ್ನೂ ಓದಿ: Kantara mimicry row: ʼಕಾಂತಾರʼ ವಿವಾದ ಕೇಸ್ ಇತ್ಯರ್ಥ! ಚಾಮುಂಡಿ ಬೆಟ್ಟಕ್ಕೆ ರಣವೀರ್‌ ಭೇಟಿಗೆ ಹೈಕೋರ್ಟ್ ಸೂಚನೆ

'ಕ್ವೀನ್' ನಟಿ ಕಂಗನಾ ಜೊತೆಗಿನ 2017 ರ ಕಾಫಿ ವಿತ್ ಜೋಹರ್ ಸಂಚಿಕೆಯು ನಿರೂಪಕ ಕರಣ್ ಅವರನ್ನು "ಚಲನಚಿತ್ರ ಮಾಫಿಯಾ" ಎಂದು ಪ್ರಸಿದ್ಧವಾಗಿ ಕರೆದ ನಂತರ ವೈರಲ್ ಆಗಿತ್ತು. ಈ ಸಂದರ್ಶನವು ಬಾಲಿವುಡ್‌ನಲ್ಲಿ ಒಳಗಿನವರು ಮತ್ತು ಹೊರಗಿನವರ ನಡುವೆ ತೀವ್ರ ಚರ್ಚೆಗೆ ನಾಂದಿ ಹಾಡಿತು.