Anurag Dobhal: ಪತ್ನಿ ಮೋಸ ಮಾಡಿದಳು ಎಂದು ಸಾಕ್ಷಿ ಸಮೇತ ಆರೋಪ ಮಾಡಿದ ಬಿಗ್ ಬಾಸ್ ಸ್ಪರ್ಧಿ

ಮಾಜಿ ಬಿಗ್ ಬಾಸ್ ಸ್ಪರ್ಧಿ (Bigg Boss) ಅನುರಾಗ್ ದೊಬಾಲ್ (Anurag Dobhal) ಪ್ರೀತಿಸಿ ಮದುವೆ ಆದ ಪತ್ನಿಯಿಂದಲೇ ತಮಗೆ ಆಗಿರುವ ಮೋಸವನ್ನು ಅವರು ಈಗ ಬಯಲು ಮಾಡಿದ್ದಾರೆ. ತಮ್ಮ ಕುಟುಂಬದವರು ತಮಗೆ ಮಾನಸಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಈ ಹಿಂದೆ ಅನುರಾಗ್ ಆರೋಪಿಸಿದ್ದರು. ಪತ್ನಿ ಗರ್ಭಿಣಿಯಾಗಿದ್ದ ಸಮಯದಲ್ಲಿ ಆಕೆಯ ಬೆಸ್ಟ್ ಫ್ರೆಂಡ್ ಜೊತೆ ಅಫೇರ್ (Affair) ಹೊಂದಿದ್ದರು ಎಂದು ಹೇಳಿಕೊಂಡಿದ್ದಾರೆ.

ತಮ್ಮ ಇತ್ತೀಚಿನ ಯೂಟ್ಯೂಬ್ ವ್ಲಾಗ್‌ನಲ್ಲಿ, ಅನುರಾಗ್ 'ಅನಾತ್' ಎಂಬ ಹಾಡನ್ನು ಬಿಡುಗಡೆ ಮಾಡಿದ್ದಾರೆ, ಇದು ಅವರ ಜೀವನ ಚರಿತ್ರೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಅವರು ಹೇಳಿದ್ದಾರೆ.ಇದೇ ವೀಡಿಯೋದಲ್ಲಿ, ರಿತಿಕಾ ಜೊತೆ ಸಂಬಂಧ ಹೊಂದಿದ್ದಾರೆ ಎನ್ನಲಾದ ವ್ಯಕ್ತಿಯ ಪಕ್ಕದಲ್ಲೇ ಕುಳಿತು ಅನುರಾಗ್ ಪತ್ನಿಗೆ ಕರೆ ಮಾಡಿದ್ದಾರೆ. ಅಲ್ಲದೆ, ಆ ವ್ಯಕ್ತಿ ರಿತಿಕಾ ಅವರನ್ನು ‘ಗರ್ಲ್‌ಫ್ರೆಂಡ್’ ಎಂದು ಕರೆದಿರುವ ಸ್ಕ್ರೀನ್‌ಶಾಟ್ ಒಂದನ್ನೂ ಪ್ರಕಟಿಸಿದ್ದಾರೆ. ಆದರೆ ರಿತಿಕಾ ಅವರು ‘ನಾವು ಕೇವಲ ಬೆಸ್ಟ್ ಫ್ರೆಂಡ್ಸ್ ಅಷ್ಟೇ’ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಇದನ್ನೂ ಓದಿ: Indian Idol 16 winner : ಈ ಬಾರಿಯ ಇಂಡಿಯನ್ ಐಡಲ್ 16ರ ವಿನ್ನರ್‌ ಇವರೇ!

ನಂತರ ವೀಡಿಯೊದಲ್ಲಿ, ರಿತಿಕಾಳ ಆತ್ಮೀಯ ಸ್ನೇಹಿತ ಎಂದು ಗುರುತಿಸಲಾದ ಅನುರಾಗ್ ಎಂಬ ವ್ಯಕ್ತಿ, ರಿತಿಕಾ ಗರ್ಭಿಣಿಯಾಗಿದ್ದಾಗ ತನ್ನ ಮನೆಗೆ ಬಂದಿದ್ದಳು, ಅವಳ ಸಹೋದರರಾದ ಎರಿಕ್ ಮತ್ತು ರೋಹಿತ್ ಜೊತೆಗಿದ್ದಳು ಎಂದು ಹೇಳಿಕೊಂಡಿದ್ದಾನೆ. ರಿತಿಕಾ 15 ದಿನಗಳ ಕಾಲ ತನ್ನ ಮನೆಯಲ್ಲಿದ್ದಳು ಮತ್ತು ಅನುರಾಗ್ ನಿಂದ ಬೇರೆಯಾಗಲು ಅವಳ ತಾಯಿ ಪ್ರೋತ್ಸಾಹಿಸಿದ್ದಳು ಎಂದು ಹೇಳಿಕೊಂಡಿದ್ದಾನೆ.

ನಿಷ್ಠೆಗೆ ಅರ್ಹರಲ್ಲ

ರಿತಿಕಾ ತಮ್ಮ ಮಗುವನ್ನು ಗರ್ಭಪಾತ ಮಾಡಲು ಬಯಸಿದ್ದರು ಎಂದು ಅನುರಾಗ್ ಆರೋಪಿಸಿದ್ದಾರೆ. "ನಾನು ಎಲ್ಲವನ್ನೂ ಮರೆಮಾಡಲು ಪ್ರಯತ್ನಿಸಿದೆ ಮತ್ತು ಎಲ್ಲರನ್ನೂ ಕ್ಷಮಿಸಲು ನಿರ್ಧರಿಸಿದೆ ನನ್ನ ಹೆತ್ತವರು ಅಥವಾ ನನ್ನ ಬೆಂಬಲಕ್ಕೆ ಕುಟುಂಬವಿಲ್ಲದ ಕಾರಣ ರಿತಿಕಾ ಕೂಡ ಪರಿಸ್ಥಿತಿಯ ಲಾಭವನ್ನು ಪಡೆದರು. ಅವರೆಲ್ಲರೂ ನನಗೆ ಕಿರುಕುಳ ನೀಡಲು ಒಟ್ಟಾಗಿ ಬಂದರು, ಮತ್ತು ಅವರು ಇಂದಿಗೂ ಸಹ ಆರ್ಥಿಕವಾಗಿ, ಕಾನೂನುಬದ್ಧವಾಗಿ ಮತ್ತು ಮಾನಸಿಕವಾಗಿ ಅದನ್ನು ಮುಂದುವರಿಸಿದ್ದಾರೆ ಈ ಪ್ರೀತಿ ಮತ್ತು ನಿಷ್ಠೆಗೆ ಅರ್ಹರಲ್ಲ ಎಂದು ನಾನು ಭಾವಿಸುತ್ತೇನೆ."ಎಂದಿದ್ದಾರೆ.

ಅನುರಾಗ್ ಅವರು ತಮ್ಮ ಮಗನನ್ನು ಭೇಟಿಯಾಗಲು ರಿತಿಕಾಗೆ ಈಗಾಗಲೇ ₹ 37 ಲಕ್ಷ ನೀಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. "ನನ್ನಲ್ಲಿ ಏನೂ ಉಳಿದಿಲ್ಲ. ನಾನು ನಿಮಗಾಗಿ ಸಂಪಾದಿಸಿದ್ದನ್ನೆಲ್ಲಾ ಕುಟುಂಬ, ಕಲಾಂ, ಇಂಕ್ ಮತ್ತು ಶ್ರೇಯಾ ಅವರು ಕಸಿದುಕೊಂಡರು. ನನ್ನ ಬೈಕ್‌ಗಳು, ನನ್ನ ಕಾರು, ಎಲ್ಲವನ್ನೂ ಮಾರಿದರು. ನಾನು ಆರ್ಥಿಕವಾಗಿ ಬಹಳಷ್ಟು ಕಷ್ಟಪಡುತ್ತಿದ್ದೇನೆ, ಆದರೆ ನಾನು ನಿಮಗಾಗಿ ಶ್ರಮಿಸುತ್ತಲೇ ಇರುತ್ತೇನೆ ಎಂದು ಬರೆದಿದ್ದಾರೆ.

ಈ ವರ್ಷದ ಮಾರ್ಚ್‌ನಲ್ಲಿ, ಅನುರಾಗ್ ತನ್ನ ಕುಟುಂಬವು ತನಗೆ ಮಾನಸಿಕ ಹಿಂಸೆ ನೀಡಿದೆ ಮತ್ತು ಸುಳ್ಳು ಪ್ರಕರಣಗಳನ್ನು ದಾಖಲಿಸುವ ಮೂಲಕ ತನ್ನ ವಿರುದ್ಧ ಪಿತೂರಿ ನಡೆಸಿದೆ ಎಂದು ಆರೋಪಿಸಿದ್ದರು.

ಇದನ್ನೂ ಓದಿ: India-UK Free Trade Agreement: ಭಾರತ-ಬ್ರಿಟನ್‌ ಐತಿಹಾಸಿಕ ಮುಕ್ತ-ವ್ಯಾಪಾರ ಒಪ್ಪಂದಕ್ಕೆ ಸಹಿ; ಭಾರತಕ್ಕೇನು ಲಾಭ?

ಮಾರ್ಚ್ ತಿಂಗಳಲ್ಲಿ, ತಮ್ಮ ಅಂತರ್ಜಾತಿ ವಿವಾಹವನ್ನು ಕುಟುಂಬದವರು ಒಪ್ಪಿಕೊಳ್ಳಲಿಲ್ಲ ಮತ್ತು ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ ಎಂದು ಆರೋಪಿಸಿ ಅನುರಾಗ್ ಇನ್‌ಸ್ಟಾಗ್ರಾಮ್ ಲೈವ್‌ನಲ್ಲೇ ತಮ್ಮ ಕಾರನ್ನು ಅಪಘಾತಕ್ಕೀಡುಮಾಡಿಕೊಂಡಿದ್ದರು.