Hari Murali: ಬಾಲ ನಟನಾಗಿ ಮಿಂಚಿದ್ದ 27 ವರ್ಷದ ನಟ ಶವವಾಗಿ ಪತ್ತೆ

ಬಾಲನಟನಾಗಿ ಖ್ಯಾತಿ ಗಳಿಸಿದ್ದ ಮಲಯಾಳಂ ನಟ ಹರಿ ಮುರಳಿ (Hari Murali) 27 ನೇ ವಯಸ್ಸಿನಲ್ಲಿ ನಿಧನರಾದರು. ಕೇರಳದ ಪಯ್ಯನ್ನೂರಿನ ಅಣ್ಣೂರಿನಲ್ಲಿರುವ ಅವರ ಮನೆಯಲ್ಲಿ ಅವರು ಶವವಾಗಿ (found dead at his residence ) ಪತ್ತೆಯಾಗಿದ್ದಾರೆ. ವರದಿಯ ಪ್ರಕಾರ, ಮುರಳಿಯವರ ಮೃತದೇಹವನ್ನು ಪಯ್ಯನ್ನೂರಿನ ಖಾಸಗಿ (Hospital) ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ. ಅವರ ಸಾವಿನ ಸಂದರ್ಭಗಳ ಕುರಿತು ಹೆಚ್ಚಿನ ವಿವರಗಳು ಇನ್ನೂ ಬಹಿರಂಗವಾಗಿಲ್ಲ.

ಮುರಳಿಯವರ ನಿಧನವು ಇಡೀ ಮಲಯಾಳಂ ಚಿತ್ರರಂಗವನ್ನು ಆಘಾತದಲ್ಲಿ ಮುಳುಗಿಸಿದೆ. ಅವರು ನಾಟಕ ಮತ್ತು ರಂಗಭೂಮಿ ನಟರಾದ ಕೆ.ಯು.ಮುರಳಿ ಮತ್ತು ಪ್ರಸನ್ನ ಅವರ ಪುತ್ರ ಮತ್ತು ಪ್ರಸಿದ್ಧ ನಟ ಶ್ರೀ ಮುರಳಿಯವರ ಸಹೋದರ.

ಇದನ್ನೂ ಓದಿ: Anand Deverakonda: ರಶ್ಮಿಕಾ-ವಿಜಯ್‌ ಜೊತೆ ಭರ್ಜರಿ ಡ್ಯಾನ್ಸ್ ಮಾಡಿದ ಆನಂದ್ ದೇವರಕೊಂಡ

ಹರಿ ಮುರಳಿ ಯಾರು?

ಹರಿ ಮುರಳಿ ತಮ್ಮ 4 ನೇ ವಯಸ್ಸಿನಲ್ಲಿ ಎ.ಎಂ. ನಜೀರ್ ನಿರ್ದೇಶನದ ಟಿವಿ ಧಾರಾವಾಹಿಯ ಮೂಲಕ ನಟನೆಗೆ ಪದಾರ್ಪಣೆ ಮಾಡಿದರು.

2004 ರಲ್ಲಿ ದಿಲೀಪ್ ನಟಿಸಿದ ರಸಿಕನ್ ಚಿತ್ರದೊಂದಿಗೆ ಅವರಿಗೆ ಮೊದಲ ದೊಡ್ಡ ಬ್ರೇಕ್ ಸಿಕ್ಕಿತು. ಹರಿ ಆ ಚಿತ್ರದಲ್ಲಿ ಚಿಕ್ಕ ಮಗುವಿನ ಪಾತ್ರವನ್ನು ನಿರ್ವಹಿಸಿದ್ದರು. ಅವರ ಒಂದು ದೃಶ್ಯವು ಅವರನ್ನು ರಾತ್ರೋರಾತ್ರಿ ಸಂಚಲನ ಮೂಡಿಸಿತ್ತು.

ನಂತರ ಅವರು ಸುಮಾರು ಹದಿನೈದು ಮಲಯಾಳಂ ಚಿತ್ರಗಳಲ್ಲಿ ಬಾಲನಟನಾಗಿ ಕಾಣಿಸಿಕೊಂಡರು. ಇವುಗಳಲ್ಲಿ ಅಣ್ಣನ್ ತಂಬಿ, ಮಾದಂಬಿ, ಡಾನ್, ಪಟ್ಟಣಥಿಲ್ ಭೂತಂ ಮತ್ತು ಉಲಕಂ ಸುಮಂತವಲಿಬನ್ ನಂತಹ ಅನ್ವರ್ ನಿರ್ದೇಶಿಸಿದ ಪ್ರಮುಖ ಚಲನಚಿತ್ರಗಳು ಸೇರಿವೆ.

ಸ್ವಲ್ಪ ಸಮಯದ ವಿರಾಮದ ನಂತರ, ಅವರು ಅಮರ್ ಅಕ್ಬರ್ ಆಂಟನಿ ಚಿತ್ರದಲ್ಲಿ ಸಣ್ಣ ಪಾತ್ರದಲ್ಲಿ ನಟಿಸಿದರು, ಅಲ್ಲಿ ಅವರು ಪೃಥ್ವಿರಾಜ್ ಅವರ ಕಿರಿಯ ಸಹೋದರನ ಪಾತ್ರವನ್ನು ನಿರ್ವಹಿಸಿದ್ದರು.

ಮಾನಸಿಕ ಸಮಸ್ಯೆ?

ಆದಾಗ್ಯೂ, ಹರಿ ಅಂತಿಮವಾಗಿ ನಟನೆಯನ್ನು ತೊರೆದರು. ಹರಿ ಮುರಳಿ ಅವರು ಕೆಲವು ಕಾಲದಿಂದ ಮಾನಸಿಕ ಸಮಸ್ಯೆಗಳಿಂದ ಬಳಲುತ್ತಿದ್ದರು ಎಂದು ಶಂಕಿಸಲಾಗಿದೆ. ಸೂಪರ್ ಸ್ಟಾರ್ ಮಮ್ಮುಟ್ಟಿ ಸೇರಿದಂತೆ ಹಲವು ನಟರ ಜೊತೆ ಹರಿ ಮುರಳಿ ಅಭಿನಯಿಸಿದ್ದಾರೆ. ಸಾವಿಗೆ ನಿಖರ ಕಾರಣ ಬಹಿರಂಗವಾಗಿಲ್ಲ.

ಹರಿ ಮುರಳಿ ಕಳೆದ ಕೆಲ ತಿಂಗಳಿನಿಂದ ಪೋಷಕರ ಆರೈಕೆಯಲ್ಲಿದ್ದರು ಎಂದು ಹೇಳಲಾಗುತ್ತಿದೆ. ಮಾನಸಿಕವಾಗಿ ಕುಗ್ಗಿ ಹೋಗಿದ್ದ ಹರಿ ಮರುಳಿ ಕೆಲಸಕ್ಕೂ ತೆರಳದೆ, ನಟನೆಯನ್ನೂ ಮಾಡದೇ ಮನೆಯಲ್ಲಿ ಉಳಿದುಕೊಂಡಿದ್ದರು ಎನ್ನಲಾಗಿದೆ.

ಇದನ್ನೂ ಓದಿ: Agnisakshi Serial: 'ಅಗ್ನಿಸಾಕ್ಷಿ' ಧಾರಾವಾಹಿ ಮತ್ತೆ ಪ್ರಸಾರಕ್ಕೆ ಸಿದ್ಧ; ನಾಯಕ ಯಾರು?

ತಾಯಿ ಪ್ರಸನ್ನ, ಸಹೋದರ ಶ್ರೀಮುರಳಿ ಮತ್ತು ತಂದೆ ಕೆ.ಯು. ಮುರಳಿ ಅವರನ್ನು ಅಗಲಿದ್ದಾರೆ. ಪ್ರತಿಭಾವಂತ ನಟನಾಗಿ ಗುರುತಿಸಿಕೊಂಡ ಹರಿ ಮರುಳಿ ಸಾವಿಗೆ ಹಲವು ಗಣ್ಯರು ಆಘಾತ ವ್ಯಕ್ತಪಡಿಸಿದ್ದಾರೆ.