ಮುಂಬೈ ನಾಡಿಮಿಡಿತ ಲೋಕಲ್ ರೈಲು ಸಂಚಾರದಲ್ಲಿ ವ್ಯತ್ಯಯ; ಹಳಿಯಲ್ಲಿ ನಡೆಯುತ್ತಿದ್ದ ಮೂವರ ಸಾವು
Mumbai Local Train Disruptions: ಮುಂಬೈಯಲ್ಲಿ ಲೋಕಲ್ ರೈಲುಗಳ ಸಂಚಾರ ಸ್ಥಗಿತಗೊಂಡಿದ್ದರಿಂದ ಹಳಿಯಲ್ಲಿ ನಡೆಯುತ್ತಿದ್ದ ಮೂವರು ಪ್ರಯಾಣಿಕರು ಮೃತಪಟ್ಟಿದ್ದಾರೆ. ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಸ್ ಮತ್ತು ಕಲ್ಯಾಣ್ ನಡುವಿನ ಸೆಂಟ್ರಲ್ ರೈಲ್ವೆಯ ಮುಖ್ಯ ಮಾರ್ಗದಲ್ಲಿ ಓವರ್‌ಹೆಡ್ ಉಪಕರಣಗಳು ಮತ್ತು ಸಿಗ್ನಲಿಂಗ್ ವ್ಯವಸ್ಥೆಯಲ್ಲಿ ಕಂಡುಬಂದ ದೋಷದಿಂದ ಮುಂಬೈ ಲೋಕಲ್ ರೈಲು ಸಂಚಾರದಲ್ಲಿ ವ್ಯತ್ಯಯ ಉಂಟಾಯಿತು.
ಮುಂಬೈ ರೈಲು ಹಳಿಯಲ್ಲಿ ನಡೆದ ಪ್ರಯಾಣಿಕರು -
ಮುಂಬೈ, ಅ. 26: ಸೋಮವಾರ (ಅ. 26) ಮಹಾರಾಷ್ಟ್ರದ ಮುಂಬೈಯಲ್ಲಿ ಭೀಕರ ದುರಂತವೊಂದು ಸಂಭವಿಸಿದ್ದು ಲೋಕಲ್ ರೈಲುಗಳ ಸಂಚಾರ ಸ್ಥಗಿತಗೊಂಡಿದ್ದರಿಂದ (Mumbai Local Train Disruptions) ಹಳಿಯಲ್ಲಿ ನಡೆಯುತ್ತಿದ್ದ ಪ್ರಯಾಣಿಕರ ಪೈಕಿ ಮೂವರು ಮೃತಪಟ್ಟಿದ್ದಾರೆ. ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಸ್ (CSMT) ಮತ್ತು ಕಲ್ಯಾಣ್ ನಡುವಿನ ಸೆಂಟ್ರಲ್ ರೈಲ್ವೆಯ (CR) ಮುಖ್ಯ ಮಾರ್ಗದಲ್ಲಿ ಓವರ್‌ಹೆಡ್ ಉಪಕರಣಗಳು ಮತ್ತು ಸಿಗ್ನಲಿಂಗ್ ವ್ಯವಸ್ಥೆಯಲ್ಲಿ ಕಂಡುಬಂದ ದೋಷದಿಂದ ಮುಂಬೈ ಲೋಕಲ್ ರೈಲು ಸಂಚಾರದಲ್ಲಿ ವ್ಯತ್ಯಯ ಉಂಟಾಯಿತು. ಇದರಿಂದಾಗಿ ರೈಲು ಸಂಚಾರ ಒಂದು ಗಂಟೆಯಿಂದ ಒಂದೂವರೆ ಗಂಟೆಯಷ್ಟು ವಿಳಂಬವಾಯಿತು. ರೈಲು ಸೇವೆಗಳು ಸ್ಥಗಿತಗೊಂಡಿದ್ದರಿಂದ ಪ್ರಯಾಣಿಕರು ರೈಲ್ವೆ ಹಳಿಗಳ ಮೇಲೆ ನಡೆದುಕೊಂಡು ಹೋಗುತ್ತಿರುವ ದೃಶ್ಯ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಈ ನಡುವೆ ರೈಲು ಹಳಿಗಳ ಮೇಲೆ ಮೂವರು ವ್ಯಕ್ತಿಗಳು ಮೃತದೇಹ ಪತ್ತೆಯಾಗಿದೆ. ಘಾಟ್‌ಕೋಪರ್-ವಿಕ್ರೋಲಿ ಮಾರ್ಗದಲ್ಲಿ ಇಬ್ಬರು ಹಾಗೂ ಭಾಂಡುಪ್‌ನಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ. ಇವರ ಸಾವಿಗೆ ನಿಖರ ಕಾರಣ ತಿಳಿದು ಬಂದಿಲ್ಲ.
ಮುಂಬೈ ಲೋಕಲ್ ರೈಲು ಹಳಿಯಲ್ಲಿ ನಡೆದ ಪ್ರಯಾಣಿಕರು:
This is what happens when @indianrailway__ treats Mumbai locals like cattle trucks and calls it "super arrangements". Today Central Railway was a complete disaster. Fire in Kanjurmarg relay room, wires hanging between Mulund-Thane, trains delayed by 2 hours, platforms at Thane, Kurla, Bhandup packed beyond human capacity. No announcements, no RPF crowd control, no extra trains. Just leave lakhs of daily commuters to fight for their lives. And someone died at Bhandup today because of this mismanagement. When you make people wait 2 hours on a packed platform with no information, of course they will try to cross tracks to catch the only train that comes. You force them into that risk. Indian Railways will call it "trespassing" to wash its hands. But the real trespass is your mismanagement into our lives. Mumbai local is not your free PR for Vande Bharat. It's the lifeline of 80 lakh people. You can't run it on jugaad, broken signals and 30-year-old infrastructure and then blame the passenger for dying. Fix the signalling. Fix the crowd management. Put staff on every FOB during disruption. Run timely information. Or stop calling Mumbai the financial capital when you can't even keep its workers alive. #MumbaiLocal #CentralRailwayFail
— Nitesh (4K) (@nitsin25) October 26, 2026
ಸಮಸ್ಯೆ ಆಗಿದ್ದು ಹೇಗೆ?
ಸೋಮವಾರ ಬೆಳಗ್ಗೆ 10 ಗಂಟೆ ಸುಮಾರಿಗೆ ಕಂಜುರ್‌ಮಾರ್ಗ್ ನಿಲ್ದಾಣದ ಬಳಿ ಸಂಭವಿಸಿದ ಅಗ್ನಿ ಅವಘಡದಿಂದಾಗಿ ಮುಂಬೈ ನಗರದ ನಾಡಿಮಿಡಿತ ಲೋಕಲ್ ರೈಲು ಸಂಚಾರ ವ್ಯವಸ್ಥೆಯಲ್ಲಿ ವ್ಯತ್ಯಯ ಉಂಟಾಯಿತು. ಕಂಜುರ್‌ಮಾರ್ಗ್ ನಿಲ್ದಾಣದಲ್ಲಿ ಸಂಭವಿಸಿದ ಬೆಂಕಿ ಅವಘಡದಿಂದಾಗಿ ಥಾಣೆ ಮತ್ತು ವಿಕ್ರೋಲಿ ನಡುವಿನ ಸಿಗ್ನಲಿಂಗ್ ವ್ಯವಸ್ಥೆ ಕುಸಿದುಬಿತ್ತು. ಅದಕ್ಕೂ ಮುನ್ನ, ಮುಲುಂಡ್ ಮತ್ತು ಥಾಣೆ ನಡುವೆ ಓವರ್‌ಹೆಡ್ ವೈರ್‌ನಲ್ಲಿ ತಾಂತ್ರಿಕ ದೋಷ ಉಂಟಾಗಿದ್ದು, ಪರಿಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿತು.
ನೀರಿಲ್ಲ, ಆಹಾರವಿಲ್ಲ, ಶೌಚಾಲಯವಿಲ್ಲ... ಮುಂಬೈ-ಪುಣೆ ಎಕ್ಸ್‌ಪ್ರೆಸ್‌ವೇಯಲ್ಲಿ ಸಿಲುಕಿಕೊಂಡವರ ಹಾಹಾಕಾರ ಕೇಳುವವರಿಲ್ಲ
ರೈಲುಗಳು ಚಲಿಸದೆ ಗಂಟೆಗಟ್ಟಲೆ ಕಾಯಬೇಕಾದ ಸ್ಥಿತಿ ಉಂಟಾದಾಗ ಅನೇಕ ಪ್ರಯಾಣಿಕರು ತಮ್ಮ ಜೀವವನ್ನೇ ಪಣಕ್ಕಿಟ್ಟು ರೈಲು ಹಳಿಗಳ ಮೇಲೆ ಇಳಿದು ನಡೆದುಕೊಂಡು ಹೋಗತೊಡಗಿದರು ಎಂದು ಮೂಲಗಳು ತಿಳಿಸಿವೆ. ಕೂಡಲೇ ರೈಲ್ವೆ ಆಡಳಿತವು ದುರಸ್ತಿ ಕಾರ್ಯವನ್ನು ಕೈಗೊಂಡಿತು. ಕೇಬಲ್‌ಗಳನ್ನು ಬದಲಾಯಿಸಲು ಸುಮಾರು ನಾಲ್ಕು ಗಂಟೆ ತಗುಲಿತು. ಸೋಮವಾರ ಸಂಜೆ ನಾಲ್ಕು ರೈಲು ಮಾರ್ಗಗಳ ಪೈಕಿ ಮೂರು ಮಾರ್ಗಗಳನ್ನು ಪುನಃಸ್ಥಾಪಿಸಲಾಗಿದೆ ಎಂದು ಅಧಿಕಾರಿಗಳು ದೃಢಪಡಿಸಿದ್ದಾರೆ.
ಈ ವ್ಯತ್ಯಯವು ಮುಂಬೈಯ ಉಪನಗರ ರೈಲು ಜಾಲವನ್ನು ಅವಲಂಬಿಸಿರುವ ವಿದ್ಯಾರ್ಥಿಗಳು, ಪ್ರಯಾಣಿಕರ ಮೇಲೆ ಪರಿಣಾಮ ಬೀರಿತು. ರೈಲುಗಳು ಎಂದಿನಂತೆ ಸಂಚರಿಸಲು ಸಾಧ್ಯವಾಗದಿದ್ದರಿಂದ ರೈಲು ಸೇವೆಗಳು ಪುನರಾರಂಭವಾಗುವವರೆಗೆ ಕಾಯುತ್ತಿದ್ದ ಪ್ರಯಾಣಿಕರಿಂದ ನಿಲ್ದಾಣಗಳಲ್ಲಿ ಜನದಟ್ಟಣೆ ಕಂಡುಬಂತು ಎಂದು ಸ್ಥಳೀಯರು ತಿಳಿಸಿದ್ದಾರೆ.
ನಿರ್ವಹಣಾ ಕಾರ್ಯಕ್ಕಾಗಿ ಸೆಂಟ್ರಲ್ ರೈಲ್ವೆಯು 'ಮೆಗಾ ಬ್ಲಾಕ್' (ರೈಲು ಸಂಚಾರ ಸ್ಥಗಿತ) ನಡೆಸಿದ ಮರುದಿನವೇ ಇದು ಸಂಭವಿಸಿದ್ದು ಪ್ರಯಾಣಿಕರ ಆಕ್ರೋಶಕ್ಕೆ ಕಾರಣವಾಯ್ತು. ಈ ಹೊಸ ತಾಂತ್ರಿಕ ಸಮಸ್ಯೆಗಳು ನಿರ್ವಹಣಾ ಕಾರ್ಯ ನಡೆದ ಕೂಡಲೇ ಇಂತಹ ದೊಡ್ಡ ಮಟ್ಟದ ವ್ಯತ್ಯಯ ಏಕೆ ಉಂಟಾಯಿತು ಎಂದು ಪ್ರಯಾಣಿಕರು ಪ್ರಶ್ನಿಸಿದರು.
ಮಾನವೀಯತೆ ಸಾಕ್ಷಿಯಾದ ಮುಂಬೈ ಲೋಕಲ್ ರೈಲು: ಬಾಯಾರಿದ ಬೀದಿ ನಾಯಿಗೆ ನೀರು ಕುಡಿಸಿದ ಪ್ರಯಾಣಿಕ
ಮುಂಬೈಯ ಉಪನಗರ ರೈಲು ಜಾಲವು ನಗರದ ಸಾರಿಗೆ ವ್ಯವಸ್ಥೆಯ ಪ್ರಮುಖ ಭಾಗವಾಗಿದ್ದು, ಪ್ರತಿದಿನ ಲಕ್ಷಾಂತರ ಪ್ರಯಾಣಿಕರನ್ನು ಸಾಗಿಸುತ್ತದೆ. ತಾಂತ್ರಿಕ ವೈಫಲ್ಯ ನಗರದ ದೈನಂದಿನ ಚಟುವಟಿಕೆಯ ಮೇಲೆ ಹೇಗೆ ಪರಿಣಾಮ ಬೀರಬಲ್ಲದು ಎನ್ನುವುದನ್ನು ಮತ್ತೊಮ್ಮೆ ಎತ್ತಿ ತೋರಿಸಿದೆ.
ದೇಶದ ಇನ್ನಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.
ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.