Abhinandan Varthaman: ಅಭಿನಂದನ್ ವರ್ಧಮಾನ್‌‌ರನ್ನು ಸೆರೆಹಿಡಿದಿದ್ದ ಪಾಕಿಸ್ತಾನ ಸೇನಾ ಮೇಜರ್ ಉಗ್ರನ ಗುಂಡೇಟಿಗೆ ಬಲಿ

ನವದೆಹಲಿ: 2019ರಲ್ಲಿ ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ (Indian Air Force Group Captain ) ಅಭಿನಂದನ್ ವರ್ಧಮಾನ್‌ (Abhinandan Varthaman ) ಅವರನ್ನು ಬಂಧಿಸಿದ್ದೆ ಎಂದು ಹೇಳಿಕೊಂಡಿದ್ದ ಪಾಕಿಸ್ತಾನದ ಸೇನಾಧಿಕಾರಿ ಮೇಜರ್ ಸೈಯದ್ ಮೊಯಿಜ್ ಅಬ್ಬಾಸ್ ಶಾ (Major Moiz Abbas Shah), ಜೂನ್ 24, 2025ರಂದು ತೆಹ್ರೀಕ್-ಎ-ತಾಲಿಬಾನ್ ಪಾಕಿಸ್ತಾನ (ಟಿಟಿಪಿ) ಭಯೋತ್ಪಾದಕ ಸಂಘಟನೆಯ ದಾಳಿಯಲ್ಲಿ ಹತರಾಗಿದ್ದಾರೆ. ಪಾಕಿಸ್ತಾನ ಸೇನೆಯ ಪ್ರಕಾರ, ಮೇಜರ್ ಮೊಯಿಜ್ ಅಬ್ಬಾಸ್ ಶಾ ಮತ್ತು ಲ್ಯಾನ್ಸ್ ನಾಯಕ್ ಜಿಬ್ರಾನ್ ಟಿಟಿಪಿ ದಾಳಿಯಲ್ಲಿ ಸಾವನ್ನಪ್ಪಿದ್ದು, ಈ ಎನ್‌ಕೌಂಟರ್‌ನಲ್ಲಿ ಟಿಟಿಪಿಯ 11 ಸದಸ್ಯರನ್ನು ಕೊಂದಿರುವುದಾಗಿ ಪಾಕಿಸ್ತಾನ ಸೇನೆ ಮಾಹಿತಿ ಹಂಚಿಕೊಂಡಿದೆ.

ಮೂಲಗಳ ಪ್ರಕಾರ, ಟಿಟಿಪಿ ದಾಳಿಯಲ್ಲಿ ಮೇಜರ್ ಶಾ ಸೇರಿದಂತೆ 14 ಪಾಕ್ ಸಿಬ್ಬಂದಿ ಮೃತಪಟ್ಟಿದ್ದಾರೆ. ಆದರೆ, ಕೆಲವು ಪಾಕ್-ಪರ ಸಾಮಾಜಿಕ ಜಾಲತಾಣ ಖಾತೆಗಳು, ಸರ್ಗೋಧಾ ಘರ್ಷಣೆಯಲ್ಲಿ ಆರು ಸಿಬ್ಬಂದಿ, ಒಳಗೊಂಡಂತೆ ಶಾ, ಮೃತಪಟ್ಟಿದ್ದಾರೆ ಎಂದು ಹೇಳಿವೆ. ಡಾನ್ ವರದಿಯ ಪ್ರಕಾರ, ಪಾಕಿಸ್ತಾನದ ಇಂಟರ್-ಸರ್ವಿಸಸ್ ಪಬ್ಲಿಕ್ ರಿಲೇಶನ್ಸ್ (ಐಎಸ್‌ಪಿಆರ್) ಹೇಳಿಕೆಯಂತೆ, ಜೂನ್ 24, 2025ರಂದು ಸರ್ಗೋಧಾದಲ್ಲಿ ಗುಪ್ತಚರ ಆಧಾರಿತ ಕಾರ್ಯಾಚರಣೆ (ಐಬಿಒ) ನಡೆಸಲಾಗಿತ್ತು. ಈ ಕಾರ್ಯಾಚರಣೆಯಲ್ಲಿ ಸೈನಿಕರು ಭಯೋತ್ಪಾದಕರ ಗುಹೆಯನ್ನು ಗುರಿಯಿಟ್ಟು, 11 ಮಂದಿಯನ್ನು ಕೊಂದಿದ್ದು, ಏಳು ಜನರಿಗೆ ಗಾಯಗಳಾಗಿವೆ.

ಐಎಸ್‌ಪಿಆರ್ ದೃಢೀಕರಿಸಿದಂತೆ, 37 ವರ್ಷದ ಚಕ್ವಾಲ್‌ನ ಮೇಜರ್ ಸೈಯದ್ ಮೊಯಿಜ್ ಅಬ್ಬಾಸ್ ಶಾ ಮತ್ತು 27 ವರ್ಷದ ಬನ್ನುವಿನ ಲಾನ್ಸ್ ನಾಯಕ್ ಜಿಬ್ರಾನ್ ಉಲ್ಲಾ ಗುಂಡಿನ ಚಕಮಕಿಯಲ್ಲಿ ಮೃತಪಟ್ಟರು. ಈ ಕಾರ್ಯಾಚರಣೆಯನ್ನು ಮುನ್ನಡೆಸಿದ್ದ ಮೇಜರ್ ಶಾ, ಟಿಟಿಪಿ ವಿರುದ್ಧದ ಹಲವು ಕಾರ್ಯಾಚರಣೆಗಳಿಗೆ ಹೆಸರಾಗಿದ್ದರು. ಉಳಿದ ಭಯೋತ್ಪಾದಕರನ್ನು ನಿಗ್ರಹಿಸಲು ಶೋಧ ಕಾರ್ಯಾಚರಣೆ ಮುಂದುವರಿದಿದೆ.

ಈ ಸುದ್ದಿಯನ್ನೂ ಓದಿViral Video: ಟ್ರಂಪ್ ಕಾರ್ಯಕ್ರಮದ ನಡುವೆ ಕ್ರೇನ್ ಆಪರೇಟರ್ ಭರ್ಜರಿ ನಿದ್ದೆ! ಫನ್ನಿ ವಿಡಿಯೊ ಇಲ್ಲಿದೆ

2019ರಲ್ಲಿ ಮೇಜರ್ ಶಾ ಗಮನ ಸೆಳೆದಿದ್ದು ಯಾಕೆ?

2019ರಲ್ಲಿ ಬಾಲಕೋಟ್‌ನ ಭಯೋತ್ಪಾದಕ ನೆಲೆಗಳ ಮೇಲೆ ಭಾರತದ ವೈಮಾನಿಕ ದಾಳಿಯ ನಂತರದ ವೈಮಾನಿಕ ಘರ್ಷಣೆಯಲ್ಲಿ ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ಅಭಿನಂದನ್ ವರ್ಧಮಾನ್‌ ಪಾಕ್ ಎಫ್-16 ವಿಮಾನವನ್ನು ಧ್ವಂಸಗೊಳಿಸಿದ್ದರು. ಬಳಿಕ ಅವರ ಮಿಗ್-21 ಬೈಸನ್ ವಿಮಾನವನ್ನು ಹೊಡೆದುರುಳಿಸಲಾಯ್ತು. ಇದಾದ ಬಳಿಕ ಮೇಜರ್ ಸೈಯದ್ ಮೊಯಿಜ್ ಅಬ್ಬಾಸ್ ಶಾ ಫೆಬ್ರವರಿ 27ರಂದು ಅಭಿನಂದನ್ ವರ್ಧಮಾನ್‌ ಅವರನ್ನು ಬಂಧಿಸಿದ್ದರು. ಮಾರ್ಚ್ 1, 2019ರ ರಾತ್ರಿ ಅಭಿನಂದನ್‌ರನ್ನು ಪಾಕಿಸ್ತಾನವು ಭಾರತಕ್ಕೆ ವಾಪಸ್ ಕೊಟ್ಟಿತು.