Nirmala Sitharaman: ತೆರಿಗೆ ಕಡಿತಗೊಳಿಸಲು ಪ್ರಧಾನಿ ಒಪ್ಪಿಕೊಂಡರು; ಅಧಿಕಾರಿಗಳ ಮನವೊಲಿಕೆಯೇ ಕಷ್ಟದ್ದಾಗಿತ್ತು ಎಂದ ವಿತ್ತ ಸಚಿವೆ
ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಖಾಸಗಿ ಸಂದರ್ಶನವೊಂದರಲ್ಲಿ ಮಾತನಾಡಿದ್ದು, ಪ್ರಧಾನಿ ನರೇಂದ್ರ ಮೋದಿ ಬಜೆಟ್‌ನಲ್ಲಿ ಪರಿಚಯಿಸಲಾದ ತೆರಿಗೆ ಕಡಿತಗಳಿಗೆ ಸಂಪೂರ್ಣ ಬೆಂಬಲ ನೀಡಿದ್ದಾರೆ, ಆದರೆ ತೆರಿಗೆ ಕಡಿತದ ಬಗ್ಗೆ ಅಧಿಕಾರಿಗಳನ್ನು ಮನವೊಲಿಸಲು ಸಾಕಷ್ಟು ಸಮಯ ಹಿಡಿಯಿತು ಎಂದು ಹೇಳಿದ್ದಾರೆ.
Vishakha Bhat
Feb 2, 2025 4:00 PM
ನವದೆಹಲಿ: ಫೆ. 1 ರಂದು ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ (Nirmala Sitharaman) ಅವರು ಸಸತ 8 ನೇ ಬಾರಿಗೆ ಬಜೆಟ್ ಮಂಡನೆ ಮಾಡಿದ್ದಾರೆ. ಈ ಬಾರಿಯ ಬಜೆಟ್ (Union Budget) ಮಧ್ಯಮ ವರ್ಗದವರಿಗಾಗಿ ಎಂದು ಹೇಳಿರುವ ಅವರು ವಾರ್ಷಿಕ ₹ 12 ಲಕ್ಷ ಆದಾಯದವರೆಗೆ ಯಾವುದೇ ಆದಾಯ ತೆರಿಗೆಯನ್ನು ಪಾವತಿಸಲಾಗುವುದಿಲ್ಲ ಎಂದು ಘೋಷಿಸಿದ್ದಾರೆ. ಭಾನುವಾರ ಸಂದರ್ಶನವೊಂದರಲ್ಲಿ ಮಾತನಾಡಿದ ಸಚಿವೆ ತೆರಿಗೆ ಕಡಿತದ ಕಲ್ಪನೆಯ ಹಿಂದೆ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು ಇದ್ದಾರೆ ಎಂದು ಹೇಳಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ ಬಜೆಟ್‌ನಲ್ಲಿ ಪರಿಚಯಿಸಲಾದ ತೆರಿಗೆ ಕಡಿತಗಳಿಗೆ ಸಂಪೂರ್ಣ ಬೆಂಬಲ ನೀಡಿದ್ದಾರೆ, ಆದರೆ ತೆರಿಗೆ ಕಡಿತದ ಬಗ್ಗೆ ಅಧಿಕಾರಿಗಳನ್ನು ಮನವೊಲಿಸಲು ಸಾಕಷ್ಟು ಸಮಯ ಹಿಡಿಯಿತು ಎಂದು ಹೇಳಿದರು. ದೇಶದ ಬಡವರಿಗೆ, ಮಧ್ಯಮ ವರ್ಗದವರಿಗೋಸ್ಕರ ಪ್ರಧಾನಿ ಈ ನಿರ್ಧಾರವನ್ನು ಕೈಗೊಂಡಿದ್ದಾರೆ ಎಂದು ಅವರು ಹೇಳಿದ್ದಾರೆ.
2025-26ರ ಬಜೆಟ್ ಕುರಿತು ನೀಡಿದ ತಮ್ಮ ಮೊದಲ ವೀಡಿಯೊ ಸಂದರ್ಶನದಲ್ಲಿ ನಿರ್ಮಲಾ ಸೀತಾರಾಮನ್, ತೆರಿಗೆ ಪರಿಹಾರ ಕ್ರಮಗಳ ಹಿಂದಿನ ತಾರ್ಕಿಕತೆಯನ್ನು ವಿವರಿಸಿದರು. ಕೆಲವು ಸಮಯದಿಂದ ಕೆಲಸದಲ್ಲಿರುವ ಎರಡು ವಿಷಯಗಳಿವೆ. ಒಂದು ನೇರ ತೆರಿಗೆ ಸರಳವಾಗಿರಬೇಕು ಮತ್ತು ಅನುಸರಣೆಗೆ ಸುಲಭವಾಗಿರಬೇಕು ಎಂಬ ಚಿಂತನೆ. ಆದಾಯ ತೆರಿಗೆ ಕಾಯ್ದೆಯ ಸಂಕೀರ್ಣ ರಚನೆಗೆ ಸರಳೀಕರಣದ ಅಗತ್ಯವಿದೆ ಎಂದು ಹೇಳಿದರು.
ನಾವು ಹೊಸ ಆದಾಯ ತೆರಿಗೆ ಕಾಯ್ದೆಯನ್ನು ತಯಾರಿಸಲು ಆರು ತಿಂಗಳು ತೆಗೆದುಕೊಂಡಿದ್ದೇವೆ. ನಾನು ಎಲ್ಲಿಯೇ ಪ್ರಯಾಣಿಸಿದರೂ ನನಗೆ ಜನರು ಕೇಳುವುದು ಒಂದೇ ಪ್ರಶ್ನೆ ಆಗಿತ್ತು. ನಾವು ಪ್ರಾಮಾಣಿಕ ತೆರಿಗೆದಾರರು, ಆದರೆ ನೀವು ನಮಗಾಗಿ ಏನು ಮಾಡಬಹುದು ಎಂಬುದರ ಕುರಿತು ಯೋಚಿಸಬಹುದೇ ಎಂದು ಕೇಳುತ್ತಿದ್ದರು. ಅದಕ್ಕಾಗಿಯೇ ನಾನು ಈ ವಿಷಯದ ಕುರಿತು ಪ್ರಧಾನ ಮಂತ್ರಿಗಳ ಜೊತೆ ಚರ್ಚೆ ನಡೆಸಿದ್ದೆ ಎಂದು ಅವರು ಹೇಳಿದ್ದಾರೆ.
🚨 FM Sitharaman's BIG REVELATION on Modi govt's decision to give HUGE exemption in Income Tax.
— Megh Updates 🚨™ (@MeghUpdates) February 2, 2025
"PM Modi was fully behind the idea to CUT taxes but it took time to convince the Bureaucrats." 🎯 pic.twitter.com/kovIh95Ovd
ತೆರಿಗೆ ದರಗಳ ಕಡಿತದ ಕುರಿತು ಮಾತನಾಡಿದ ಅವರು, . ಈ ಬಾರಿ, ನಾವು ತೆರಿಗೆ ಸ್ಲ್ಯಾಬ್‌ಗಳ ನಡುವಿನ ಪರಿವರ್ತನೆಯನ್ನು ಸುಗಮಗೊಳಿಸಿದ್ದೇವೆ ಎಂದರು. 2025-26 ರ ಕೇಂದ್ರ ಬಜೆಟ್‌ನಲ್ಲಿನ ಪ್ರಮುಖ ತೆರಿಗೆ ಸುಧಾರಣೆಗಳ ಕುರಿತು ಮಾತನಾಡುತ್ತಾ ಪ್ರಧಾನಿ ಮೋದಿ ನೇತೃತ್ವದ ಸರ್ಕಾರವು ಯಾವಾಗಲೂ ಉದ್ಯಮದ ನಾಯಕರು ಮತ್ತು ಬುಡಕಟ್ಟು ಜನಾಂಗದಂತಹ ದುರ್ಬಲ ಗುಂಪುಗಳು ಸೇರಿದಂತೆ ವಿವಿಧ ವಲಯಗಳ ಜನರ ಮಾತನ್ನು ಆಲಿಸಿದೆ.
ಈ ಸುದ್ದಿಯನ್ನೂ ಓದಿ: Nirmala Sitharaman: ಬಜೆಟ್‌ನಲ್ಲಿ ಕರ್ನಾಟಕಕ್ಕೆ ಅನ್ಯಾಯ; ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಕಚೇರಿಗೆ ಮುತ್ತಿಗೆ ಯತ್ನ
ಪ್ರಧಾನಿ ಮೋದಿ ಅವರು ಎಲ್ಲಾ ವರ್ಗದವರ ಮಾತುಗಳನ್ನು ಆಲಿಸುತ್ತಾರೆ. ಜನರ ಧ್ವನಿಯನ್ನು ನಿಜವಾಗಿಯೂ ಕೇಳುವ ಮತ್ತು ಪ್ರತಿಕ್ರಿಯಿಸುವ ಸರ್ಕಾರದ ಭಾಗವಾಗಿರುವುದಕ್ಕೆ ನನಗೆ ಹೆಮ್ಮೆ ಇದೆ ಎಂದು ಹೇಳಿದ್ದಾರೆ.
