Fashion News 2025: ಉದ್ಯಾನನಗರಿಯಲ್ಲಿ ಯಶಸ್ವಿಯಾದ ಇಂಡಿಯಾ ಫ್ಯಾಷನ್ ಐಕಾನ್‌ ಶೋ
Fashion News 2025: ಉದ್ಯಾನನಗರಿಯಲ್ಲಿ ಶೋ ಡೈರೆಕ್ಟರ್‌ ಲಿನಾ ಸಾವುರ್‌ ನೇತೃತ್ವದಲ್ಲಿ ನಡೆದ ಇಂಡಿಯಾ ಫ್ಯಾಷನ್ ಐಕಾನ್‌ ಶೋನಲ್ಲಿ ಫ್ಯಾಷನ್ ಐಕಾನ್‌ ಸುಶಾಂತ್‌ ದಿವ್ಗಿಕರ್‌ ಭಾಗವಹಿಸಿದ್ದರು. ಅಲ್ಲದೇ, ಮಾಡೆಲ್‌ಗಳು, ಡಿಸೈನರ್‌ಗಳು ಹಾಗೂ ಪೇಜ್‌ ತ್ರೀ ಸೆಲೆಬ್ರೆಟಿಗಳು ಪಾಲ್ಗೊಂಡಿದ್ದರು. ಈ ಎಲ್ಲದರ ಕುರಿತಂತೆ ಇಲ್ಲಿದೆ ವರದಿ.
ಚಿತ್ರಗಳು: ಇಂಡಿಯಾ ಫ್ಯಾಷನ್ ಐಕಾನ್‌ ಶೋ
ಶೀಲಾ ಸಿ ಶೆಟ್ಟಿ
Jun 17, 2025 8:00 AM
ಉದ್ಯಾನನಗರಿಯಲ್ಲಿ ಇಂಡಿಯಾ ಫ್ಯಾಷನ್ ಐಕಾನ್‌ ಶೋ ಯಶಸ್ವಿಯಾಗಿ ನಡೆಯಿತು. ಶೋ ಡೈರೆಕ್ಟರ್‌ ಲಿನಾ ಸಾವುರ್‌ ನೇತೃತ್ವದಲ್ಲಿ ನಡೆದ ಇಂಡಿಯಾ ಫ್ಯಾಷನ್ ಐಕಾನ್‌ ಶೋನಲ್ಲಿ ನಾನಾ ಡಿಸೈನರ್‌ಗಳ ಡಿಸೈನರ್‌ವೇರ್‌ಗಳನ್ನು ಧರಿಸಿದ ಮಾಡೆಲ್‌ಗಳು ಹೆಜ್ಜೆ ಹಾಕಿ ಎಲ್ಲರ ಗಮನ ಸೆಳೆದರು. ಫ್ಯಾಷನ್ ಐಕಾನ್‌ ಸುಶಾಂತ್‌ ದಿವ್ಲಿಕರ್‌ ತಮ್ಮ ಸಿರಿಕಂಠದ ಮೂಲಕ ಬಾಲಿವುಡ್‌ ಹಾಡು ಹಾಡುವುದರೊಂದಿಗೆ ಫ್ಯಾಷನ್ ಪ್ರಿಯರ ಮನಗೆದ್ದರಲ್ಲದೇ, ಎಂದಿನಂತೆ, ತಮ್ಮ ಕ್ಯಾಟ್‌ ವಾಕ್‌ ಮೂಲಕ ಕಾರ್ಯಕ್ರಮಕ್ಕೆ ಗ್ರೀನ್‌ ಸಿಗ್ನಲ್‌ ನೀಡಿದರು. ಗೋಲ್ಡನ್‌ ಧೋತಿ ಸ್ಟೈಲ್‌ನ ಡಿಸೈನರ್ವೇರ್ ಧರಿಸಿದ್ದ ಅವರು ಫ್ಯಾಷನ್ ಪ್ರೇಮಿಗಳನ್ನು ಸೆಳೆದರು.
ಲಿನಾ ಸಾವುರ್‌ ಪುಸ್ತಕ ಬಿಡುಗಡೆ
ಕಾರ್ಯಕ್ರಮದ ಆರಂಭದಲ್ಲಿ ಶೋ ಡೈರೆಕ್ಟರ್‌ ಲೀನಾ ಅವರ ಫಿನಿಕ್ಸ್ ರೈಸಿಂಗ್‌ ಪುಸ್ತಕವನ್ನು ಫ್ಯಾಷನ್ ಐಕಾನ್‌, ಮಾಡೆಲ್‌ ಸುಶಾಂತ್‌ ಬಿಡುಗಡೆಗೊಳಿಸಿದರು.
ಲೈವ್‌ ಮ್ಯೂಸಿಕಲ್‌ ಫ್ಯಾಷನ್ ಶೋ
ಎಲ್ಲಾ ಫ್ಯಾಷನ್ ಶೋಗಳಲ್ಲೂ ಬ್ಯಾಕ್‌ಗ್ರೌಂಡ್‌ ಮ್ಯೂಸಿಕ್‌ ಜತೆ ಮಾಡೆಲ್‌ಗಳು ಹೆಜ್ಜೆ ಹಾಕಿದರೆ ಈ ಶೋನಲ್ಲಿ ಗೋವಾದ ಮ್ಯೂಸಿಕ್‌ ಬ್ಯಾಂಡ್‌ನ ಲೈವ್‌ ಮ್ಯೂಸಿಕ್‌ಗೆ ತಕ್ಕಂತೆ ಮಾಡೆಲ್‌ಗಳು ಡಿಸೈನರ್‌ಗಳ ಡಿಸೈನರ್ವೇರ್ ಧರಿಸಿ ಹೆಜ್ಜೆ ಹಾಕಿದರು. ಇದು ನೋಡಲು ಮನಮೋಹಕವಾಗಿತ್ತು.
ಶಿಲ್ಪಾ ಪೂಜಾರಿ ಡಿಸೈನರ್‌ವೇರ್‌ನಲ್ಲಿ ಕಂಗೊಳಿಸಿದ ರೂಪ ಮೌಳಿ
ಮಿಸೆಸ್‌ ಗ್ಲೋಬಲ್‌ ಇಂಟರ್‌ನ್ಯಾಷನಲ್‌ ಕ್ಲಾಸಿಕ್‌ ಟೈಟಲ್‌ ವಿಜೇತೆ ರೂಪಾ ಮೌಳಿಯವರು ಟೈ ನಾಟ್‌ ಡಿಸೈನರ್‌ ಶಿಲ್ಪಾ ಪೂಜಾರಿಯವರ ಡಿಸೈನರ್ವೇರ್ ಧರಿಸಿ ಶೋ ಸ್ಟಾಪರ್‌ ಆಗಿ ಹೆಜ್ಜೆ ಹಾಕಿದರು. ಅವರ ಲೆಹೆಂಗಾ ಎಲ್ಲರನ್ನು ಆಕರ್ಷಿಸಿತು. ಇದರೊಂದಿಗೆ ಡಿಸೈನರ್‌ ಫಾರರ್‌ ಎವರ್‌ ನವೀನ್‌ ಅವರ ಡಿಸೈನರ್‌ವೇರ್‌ಗಳು ಕೂಡ ಅನಾವರಣಗೊಂಡವು. ಸಾಕಷ್ಟು ಡಿಸೈನರ್‌ಗಳು ಈ ಶೋನಲ್ಲಿ ಭಾಗವಹಿಸಿದ್ದರು.
ಫ್ಯಾಷನ್ ಶೋ ಗಣ್ಯರು
ಶೋನಲ್ಲಿ ಅತಿಥಿಗಳಾಗಿ ಮಿಸೆಸ್‌ ಇಂಡಿಯಾ ಕರ್ನಾಟಕ 2016 ಟೈಟಲ್‌ ವಿಜೇತೆ ಶುಭಾ ಶ್ರೀರಾಮ್, ಮಿಸೆಸ್‌ ಇಂಡಿಯಾ ಗ್ಲೋಬ್‌ 2017 ಟೈಟಲ್‌ ವಿಜೇತೆ ಗಾಯತ್ರಿ ಸಂದೀಪ್‌, ಫ್ಯಾಷನ್ ಪತ್ರಕರ್ತೆ, ಲೇಖಕಿ ಹಾಗೂ ಬ್ಯೂಟಿ ಪೇಜೆಂಟ್‌ಗಳ ಸಲಹೆಗಾರರಾದ ಶೀಲಾ ಸಿ. ಶೆಟ್ಟಿ ಕೂಡ ಭಾಗವಹಿಸಿದ್ದರು.
