Astro Tips: ಸೋಮವಾರ ಈ ಆಹಾರ ಸೇವಿಸಬೇಡಿ: ಶಿವ ಭಕ್ತರಿಗೆ ಜ್ಯೋತಿಷ್ಯ ಹೇಳೋ ಮಹತ್ವದ ಸೂಚನೆ ಇದು!

ಬೆಂಗಳೂರು: ಶಿವನಿಗೆ ಸಮರ್ಪಿತವಾದ ಸೋಮವಾರವು ಭಕ್ತರ ಪಾಲಿಗೆ ಅತ್ಯಂತ ಪವಿತ್ರ ದಿನವಾಗಿದೆ. ಈ ದಿನ ಶಿವಲಿಂಗಕ್ಕೆ ಅಭಿಷೇಕ ಮಾಡುವುದು, ಹಾಲು, ಜಲ, ಬೆಲ್ಲ, ಬಿಲ್ವಪತ್ರೆ ಅರ್ಪಿಸುವುದು ಹಾಗೂ ದೇವಸ್ಥಾನಗಳಿಗೆ ಭೇಟಿ ನೀಡುವುದು ವಿಶೇಷವಾಗಿ ನಡೆಯುತ್ತದೆ.

ಈ ದಿನದಂದು ಶಿವ ಭಕ್ತರು ಉಪವಾಸ ವ್ರತಗಳನ್ನು ಆಚರಿಸುತ್ತಾರೆ. ಶಿವನ ಕೃಪೆ ಪಡೆಯಬೇಕಾದರೆ ಇದರೊಂದಿಗೆ ಸೋಮವಾರದಂದು ಕೆಲವು ಆಹಾರ ಪದಾರ್ಥಗಳನ್ನು ತ್ಯಜಿಸುವುದು ಮುಖ್ಯವೆಂದು ನಂಬಲಾಗಿದೆ. ಹಾಗಾದರೆ ಯಾವ ಆಹಾರಗಳನ್ನು ಸೇವಿಸಬಾರದು? ಅವನ್ನು ಸೇವಿಸಿದರೆ ಯಾವ ರೀತಿಯ ಪರಿಣಾಮಗಳು ಉಂಟಾಗಬಹುದು? ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ(Astro Tips), ಸೋಮವಾರದಂದು ಕೆಲವು ಆಹಾರ ಪದಾರ್ಥಗಳನ್ನು ಸೇವಿಸುವುದನ್ನು ತಪ್ಪಿಸುವುದು ಒಳಿತು ಎಂದು ಹೇಳಲಾಗಿದೆ. ವಿಶೇಷವಾಗಿ ಪೇರಳೆ ಹಣ್ಣು ಸೇವಿಸುವುದು ಅಶುಭ ಎಂದು ನಂಬಲಾಗಿದ್ದು, ಇದರಿಂದ ಮಾನಸಿಕ ಅಶಾಂತಿ, ಆರ್ಥಿಕ ತೊಂದರೆಗಳು ಹಾಗೂ ಕುಟುಂಬದಲ್ಲಿ ಕಲಹ ಉಂಟಾಗಬಹುದು ಎಂಬ ನಂಬಿಕೆ ಇದೆ.

ಇದರ ಜೊತೆಗೆ, ಮಾಂಸಾಹಾರ, ಬೆಳ್ಳುಳ್ಳಿ-ಈರುಳ್ಳಿ, ಮದ್ಯಪಾನ, ತಂಬಾಕು ಹಾಗೂ ಹೆಚ್ಚು ಖಾರದ ಮತ್ತು ಎಣ್ಣೆಯುಕ್ತ ಆಹಾರಗಳನ್ನು ಸೇವಿಸುವುದರಿಂದ ದೂರವಿರಬೇಕು. ಇವು ದೇಹದಲ್ಲೂ ಮನಸ್ಸಲ್ಲೂ ಅಶುದ್ಧಿಯನ್ನು ಉಂಟುಮಾಡುತ್ತವೆ ಎಂಬ ನಂಬಿಕೆಯಿದೆ. ಈ ದಿನ ಸಾತ್ವಿಕ ಆಹಾರವಾದ ಹಣ್ಣುಗಳು, ಪಲ್ಯಗಳು, ಹಾಲು, ಪಾಯಸ ಇತ್ಯಾದಿಗಳನ್ನು ಸೇವಿಸುವುದು ಉತ್ತಮ ಎಂದು ಹೇಳಲಾಗುತ್ತದೆ.

Astro Tips: ಜೀವನದಲ್ಲಿ ಯಶಸ್ಸು, ಸಮೃದ್ಧಿ ಬೇಕಾ? ಮುಂಜಾನೆ ಈ 4 ಅಭ್ಯಾಸ ರೂಢಿಸಿಕೊಳ್ಳಿ

ಇನ್ನೊಂದೆಡೆ, ಸೋರೆಕಾಯಿ (ಲೌಕಿ) ಸೇವಿಸುವುದು ಈ ದಿನ ಶುಭಕರ ಎಂದು ಪರಿಗಣಿಸಲಾಗಿದೆ. ಇದು ದೇಹಕ್ಕೆ ತಂಪು ನೀಡುವುದರ ಜೊತೆಗೆ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ ಹಾಗೂ ಮನಸ್ಸಿಗೆ ಶಾಂತಿಯನ್ನು ನೀಡುತ್ತದೆ. ಉಪವಾಸದಲ್ಲಿ ಇರುವವರು ಇದನ್ನು ಪಲ್ಯ ರೂಪದಲ್ಲಿ ಸೇವಿಸಬಹುದು.

ಪೂಜಾ ವಿಧಾನಗಳಲ್ಲಿಯೂ ಕೆಲವು ನಿಯಮಗಳನ್ನು ಪಾಲಿಸುವುದು ಮುಖ್ಯ. ಬೆಳಗ್ಗೆ ಬೇಗ ಎದ್ದು ಸ್ನಾನ ಮಾಡಿ, ಶುಭ್ರ ವಸ್ತ್ರ ಧರಿಸಿ, ಶಿವನಿಗೆ ನೀರು ಅಥವಾ ಹಾಲಿನಿಂದ ಅಭಿಷೇಕ ಮಾಡುವುದು ಹಾಗೂ “ಓಂ ನಮಃ ಶಿವಾಯ” ಮಂತ್ರ ಜಪಿಸುವುದು ಅತ್ಯಂತ ಫಲಪ್ರದ ಎಂದು ನಂಬಲಾಗಿದೆ.

ಜೀವನದಲ್ಲಿ ಒತ್ತಡ, ದುಃಖ ಅಥವಾ ಅಡಚಣೆಗಳು ಎದುರಾದಾಗ, ಈ ದಿನ ಧ್ಯಾನ ಮತ್ತು ಪ್ರಾರ್ಥನೆಗೆ ಹೆಚ್ಚು ಮಹತ್ವ ನೀಡಬೇಕು. ಶಾಂತವಾಗಿ ಕುಳಿತು ಶಿವನನ್ನು ಧ್ಯಾನಿಸುವುದು ಮನಸ್ಸಿಗೆ ಶಕ್ತಿ ನೀಡುತ್ತದೆ. ಶುದ್ಧ ಮನಸ್ಸಿನಿಂದ ಪ್ರಾರ್ಥನೆ ಮಾಡಿದರೆ ಸಮಸ್ಯೆಗಳು ಕಡಿಮೆಯಾಗುತ್ತವೆ ಎಂಬ ಭಕ್ತರ ನಂಬಿಕೆ ಇದೆ.