ಶತಕ ಬಾರಿಸಿ ವಿಶ್ವ ದಾಖಲೆ ಬರೆದ ಕೆನಡಾದ 19 ವರ್ಷದ ಯುವರಾಜ್‌

ಚೆನ್ನೈ, ಫೆ.17: ಕೆನಡಾದ 19 ವರ್ಷದ ಬ್ಯಾಟಿಂಗ್ ಸೆನ್ಸೇಶನ್ ಯುವರಾಜ್ ಸಮ್ರಾ 2026 ರ ಐಸಿಸಿ ಟಿ20 ವಿಶ್ವಕಪ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಿರ್ಭೀತ ಬ್ಯಾಟಿಂಗ್‌ ನಡೆಸಿ ಶತಕ ಬಾರಿಸುವ ಮೂಲ ಹಲವು ದಾಖಲೆ ಬರೆದಿದ್ದಾರೆ. ಅವರ ಈ ಶತಕದ ಹೊರತಾಗಿಯೂ ತಂಡ 8 ವಿಕೆಟ್‌ ಅಂತರದ ಸೋಲು ಕಂಡಿತು. ಗೆಲುವು ಸಾಧಿಸಿದ ನ್ಯೂಜಿಲ್ಯಾಂಡ್‌ 'ಡಿ' ಗುಂಪಿನಿಂದ 2ನೇ ತಂಡವಾಗಿ ಸೂಪರ್‌-8ಗೆ ಲಗ್ಗೆಯಿಟ್ಟಿತು.

ಚೆನ್ನೈನ ಎಂ.ಎ.ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಕೆನಡಾ ತಂಡ 4 ವಿಕೆಟ್‌ಗೆ 174ರನ್‌ಗಳ ಸವಾಲಿನ ಮೊತ್ತ ಪೇರಿಸಿತು. ಆದರೆ ನ್ಯೂಜಿಲ್ಯಾಂಡ್‌ ತಂಡ ಇದನ್ನೂ ಕೇವಲ 15.1 ಓವರ್‌ಗಳಲ್ಲಿ 2 ವಿಕೆಟ್‌ ನಷ್ಟಕ್ಕೆ 176 ರನ್‌ ಬಾರಿಸಿ ಗೆಲುವು ತನ್ನದಾಗಿಸಿಕೊಂಡಿತು.

ಚೇಸಿಂಗ್‌ ವೇಳೆ ರಚಿನ್‌ ರವಿಂದ್ರ ಮತ್ತು ಗ್ಲೆನ್‌ ಫಿಲಿಪ್ಸ್‌ ಅಜೇಯ ಅರ್ಧಶತ ಬಾರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ರಚಿನ್‌ 39 ಎಸೆತಗಳಿಂದ 3 ಸಿಕ್ಸರ್‌ ಮತ್ತು 4 ಬೌಂಡರಿ ನೆರವಿನಿಂದ 59 ರನ್‌ ಬಾರಿಸಿದರೆ, ಸೊಗಸಾದ 6 ಸಿಕ್ಸರ್‌ ಮತ್ತು 4 ಬೌಂಡರಿ ಸಿಡಿಸಿದ ಫಿಲಿಪ್ಸ್‌ 76 ರನ್‌ ಗಳಿಸಿದರು.

ಇದಕ್ಕೂ ಮುನ್ನ ಬ್ಯಾಟಿಂಗ್‌ ನಡೆಸಿದ ಕೆನಡಾ ಪರ ಯುವರಾಜ್ ಸಮ್ರಾ 65 ಎಸೆತಗಳಲ್ಲಿ 110 ರನ್‌ ಬಾರಿಸಿ ಚೊಚ್ಚಲ ಶತಕ ಬಾರಿಸಿ ಸಂಭ್ರಮಿಸಿದರು. ಇದು T20 ವಿಶ್ವಕಪ್ ಇತಿಹಾಸದಲ್ಲಿ ಕೆನಡಾದ ಆಟಗಾರನಿಂದ ದಾಖಲಾದ ಮೊದಲ ಶತಕವೂ ಆಗಿದೆ. ಅವರ ಈ ಸೊಗಸಾದ ಶತಕದ ಬ್ಯಾಟಿಂಗ್‌ ವೇಳೆ 6 ಸಿಕ್ಸರ್‌ 11 ಬೌಂಡರಿ ದಾಖಲಾಯಿತು.

ದಾಖಲೆ ಪಟ್ಟಿ ಹೀಗಿದೆ

ಪುರುಷರ ಟಿ20 ವಿಶ್ವಕಪ್‌ನಲ್ಲಿ ಅಸೋಸಿಯೇಟ್ ರಾಷ್ಟ್ರದಿಂದ ಶತಕ ಗಳಿಸಿದ ಮೊದಲ ಮತ್ತು ಏಕೈಕ ಆಟಗಾರ ಎಂಬ ಹಿರಿಮೆಗೆ ಸಾಮ್ರಾ ಪಾತ್ರರಾದರು.

19 ವರ್ಷ 141 ದಿನಗಳಲ್ಲಿ, ಟೂರ್ನಮೆಂಟ್ ಇತಿಹಾಸದಲ್ಲಿ 50 ಕ್ಕೂ ಹೆಚ್ಚು ಸ್ಕೋರ್ ದಾಖಲಿಸಿದ ಅತ್ಯಂತ ಕಿರಿಯ ಆಟಗಾರರಾದರು. ಬಾಂಗ್ಲಾದೇಶದ ಜುನೈದ್ ಸಿದ್ದಿಕ್ (2007 ರಲ್ಲಿ 19 ವರ್ಷ 325d) ದಾಖಲೆ ಪತನಗೊಂಡಿತು.

T20 World Cup: ಅಫ್ಘಾನಿಸ್ತಾನ ಔಟ್‌, ಕೆನಡಾ ವಿರುದ್ಧ ಗೆದ್ದು ಸೂಪರ್‌-8ಕ್ಕೆ ಪ್ರವೇಶಿಸಿದ ನ್ಯೂಜಿಲೆಂಡ್‌!

ದಿಲ್‌ಪ್ರೀತ್ ಬಾಜ್ವಾ ಮತ್ತು ಸಾಮ್ರಾ ಮೊದಲ ವಿಕೆಟ್‌ಗೆ 116 ರನ್‌ಗಳ ಜೊತೆಯಾಟ ನಡೆಸಿತು. ಇದು T20 ವಿಶ್ವಕಪ್‌ಗಳಲ್ಲಿ ಅಸೋಸಿಯೇಟ್ ತಂಡವೊಂದು ದಾಖಲಿಸಿದ ನಾಲ್ಕನೇ ಅತ್ಯಧಿಕ 100+ ಆರಂಭಿಕ ಪಾಲುದಾರಿಕೆಯಾಗಿದೆ.

ಟಿ20 ವಿಶ್ವಕಪ್‌ನಲ್ಲಿ ಶತಕ ಬಾರಿಸಿದ ಅತ್ಯಂತ ಕಿರಿಯ ಆಟಗಾರ

ಯುವರಾಜ್ ಸಮ್ರಾ-19 ವರ್ಷ 141ದಿನ

ಅಹ್ಮದ್ ಶೆಹಜಾದ್- 22 ವರ್ಷ 127ದಿನ

ಸುರೇಶ್ ರೈನಾ-23 ವರ್ಷ 156 ದಿನ

ಅಲೆಕ್ಸ್ ಹೇಲ್ಸ್-25 ವರ್ಷ 83ದಿನ

ಗ್ಲೆನ್ ಫಿಲಿಪ್ಸ್-25 ವರ್ಷ 327ದಿನ