IND vs SA: ಟೆಸ್ಟ್‌ ಸರಣಿ ಸೋತ ಭಾರತ ತಂಡದ ವಿರುದ್ಧ ಕಪಿಲ್ ದೇವ್ ಆಕ್ರೋಶ!
ಭಾರತ ತಂಡ, ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ವೈಟ್ವಾಶ್ ಆಘಾತ ಅನುಭವಿಸಿದ ಹಿನ್ನೆಲೆ ಟೀಮ್‌ ಇಂಡಿಯಾ ಮಾಜಿ ನಾಯಕ ಕಪಿಲ್ ದೇವ್ ಬೇಸರ ವ್ಯಕ್ತಪಡಿಸಿದ್ದಾರೆ. ತವರು ನೆಲದ ಟೆಸ್ಟ್‌ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಬೇಕಾದರೆ ದೇಶಿ ಕ್ರಿಕೆಟ್ ಆಡಬೇಕು ಎಂದು ಕಪಿಲ್ ದೇವ್ ಅಭಿಪ್ರಾಯಪಟ್ಟಿದ್ದಾರೆ.
ಭಾರತ ಟಸ್ಟ್‌ ತಂಡದ ವಿರುದ್ಧ ಕಪಿಲ್ ದೇವ್ ಆಕ್ರೋಶ. -
ಮುಂಬೈ: ಭಾರತ ತವರಿನಲ್ಲಿ ದಕ್ಷಿಣ ಆಫ್ರಿಕಾ ತಂಡದ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ(IND vs SA) ವೈಟ್ವಾಶ್ ಆಘಾತ ಅನುಭವಿಸಿರುವುದು ಹಿರಿಯ ಆಟಗಾರರ ಅಸಮಾಧಾನಕ್ಕೆ ಕಾರಣವಾಗಿದೆ. ಅದರಲ್ಲೂ ಟೀಮ್‌ ಇಂಡಿಯಾ ಬ್ಯಾಟರ್‌ಗಳ ಕಳಪೆ ಪ್ರದರ್ಶನದ ಕುರಿತು ಹಲವರು ಬೇಸರ ವ್ಯಕ್ತಪಡಿಸಿದ್ದರು. ಇದೀಗ ಈ ಕುರಿತು ಟೀಮ್‌ ಇಂಡಿಯಾ ಮಾಜಿ ನಾಯಕ ಕಪಿಲ್ ದೇವ್ (Kapil Dev) ಭಾರತ ತಂಡದ ಆಟಗಾರರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಭಾರತ ತಂಡ ಕಳೆದ 12 ತಿಂಗಳ ಅಂತರದಲ್ಲಿ ತವರು ನೆಲದಲ್ಲಿ ಆಡಿರುವ ಎರಡು ಟೆಸ್ಟ್‌ ಸರಣಿಯಲ್ಲಿ ಕ್ಲೀನ್‌ಸ್ವೀಪ್‌ ಮುಜುಗರ ಅನುಭವಿಸಿದೆ. 1984ರ ಬಳಿಕ ಟೀಮ್‌ ಇಂಡಿಯಾ ಇದೇ ಮೊದಲ ಬಾರಿ ತವರಿನಲ್ಲಿ ಸತತ ಎರಡು ಟೆಸ್ಟ್‌ ಸರಣಿಯನ್ನು ಕ್ಲೀನ್‌ ಸ್ವೀಪ್‌ನಲ್ಲಿಸೋತಿದೆ. ಇತ್ತೀಚಿಗೆ ಟೆಸ್ಟ್‌ ತಂಡದ ಗೆಲುವಿನ ಫಲಿತಾಂಶ ಕುಸಿದ ಹಿನ್ನಲೆ ಅಸಮಾಧಾನ ಸ್ಪೋಟಗೊಂಡಿದೆ. ಸರಣಿಯುದ್ದಕ್ಕೂ ಭಾರತ ತಂಡ ದಕ್ಷಿಣ ಆಫ್ರಿಕಾ ಬೌಲರ್‌ಗಳ ವಿರುದ್ಧ ನಿರಂತರವಾಗಿ ವೈಫಲ್ಯ ಅನುಭವಿಸಿತು. ಈ ಹಿನ್ನೆಲೆ ಸ್ಪಿನ್ ವಿರುದ್ಧದ ಪ್ರದರ್ಶನ ಸುಧಾರಿಸಲು ಆಟಗಾರರು ದೇಶಿ ಕ್ರಿಕೆಟ್ ಏಕೆ ಆಡುತ್ತಿಲ್ಲ ಎಂದು ಕಪಿಲ್ ದೇವ್ ಪ್ರಶ್ನಿಸಿದ್ದಾರೆ.
ಈ ಕುರಿತು ಸ್ಟಾರ್‌ ಸ್ಪೋರ್ಟ್ಸ್‌ ಜೊತೆ ಮಾತನಾಡಿರುವ ಟೀಮ್‌ ಇಂಡಿಯಾ ಮಾಜಿ ನಾಯಕ ಕಪಿಲ್ ದೇವ್, "ಅವರು ವೈಯಕ್ತಿಕ ಶೈಲಿ, ವಿವಿಧ ಪಿಚ್‌ಗಳಲ್ಲಿ ಉತ್ತಮ ದೇಶಿ ಕ್ರಿಕೆಟ್ ಆಡದೇ ಇರುವುದರಿಂದ ಇದು ಸಾಧ್ಯವಾಯಿತು. ಇಂದಿನ ಎಷ್ಟು ಆಟಗಾರರು ದೇಶಿ ಕ್ರಿಕೆಟ್ ಆಡುತ್ತಿದ್ದಾರೆಂದು ನಾನು ತಿಳಿದುಕೊಳ್ಳಲು ಬಯಸುತ್ತೇನೆ. ನೀವು ದೇಶಿ ಕ್ರಿಕೆಟ್ ಆಡದಿದ್ದರೆ ಮತ್ತು ಗುಣಮಟ್ಟದ ಬೌಲರ್‌ಗಳನ್ನು ಎದುರಿಸದಿದ್ದರೆ, ನೀವು ಕಷ್ಟಪಡಬೇಕಾಗುತ್ತದೆ," ಎಂದು ಕಪಿಲ್ ದೇವ್ ಎಚ್ಚರಿಕೆ ನೀಡಿದ್ದಾರೆ.
IND vs SA: ಟೆಸ್ಟ್‌ ಸರಣಿ ಸೋತ ಭಾರತ ತಂಡದ ವಿರುದ್ಧ ಕಪಿಲ್ ದೇವ್ ಆಕ್ರೋಶ!
ಪಿಚ್ ಕ್ಯುರೇಟರ್‌ ಬಗ್ಗೆ ಅಸಮಧಾನ ವ್ಯಕ್ತಪಡಿಸಿದ ಕಪಿಲ್ ದೇವ್
ಕಪಿಲ್ ದೇವ್ ಟೆಸ್ಟ್‌ ಪಂದ್ಯಕ್ಕಾಗಿ ಸಿದ್ಧಪಡಿಸಿದ್ದ ಕೊಲ್ಕತಾ ಪಿಚ್ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದು, ವೈಟ್‌ಬಾಲ್‌ ಕ್ರಿಕೆಟ್ ಮೇಲೆ ಹೆಚ್ಚು ಗಮನವಿರುವ ಇತ್ತೀಚಿನ ದಿನಗಳಲ್ಲಿ ಬ್ಯಾಟ್ಸ್‌ಮನ್‌ಗಳು ಬೌಲಿಂಗ್‌ ಸ್ನೇಹಿ ಪಿಚ್‌ಗಳನ್ನು ಎದುರಿಸುವುದಿಲ್ಲ. ಅದರಿಂದ ಸವಾಲಿನ ಪರಿಸ್ಥಿತಿಗಳನ್ನು ಎದುರಿಸಲು ಸಾಧ್ಯವಾಗುವುದಿಲ್ಲ ಎಂದು ಅವರು ಹೇಳಿದರು.
ಈ ಕುರಿತು ಮಾತನಾಡಿರುವ ಕಪಿಲ್ ದೇವ್, "ಪಿಚ್‌ಗಳು ತುಂಬಾ ಮುಖ್ಯ. ಆಟ ಎರಡೂವರೆ ದಿನಗಳಲ್ಲಿ ಮುಗಿಯುವ ರೀತಿಯದ್ದಲ್ಲ. ನೀವು ಟಾಸ್ ಸೋತು ಆಟವನ್ನೇ ಕಳೆದುಕೊಳ್ಳುತ್ತೀರಿ. ಯಾವುದೇ ತಂಡವು 200 ದಾಟದ ಪಿಚ್ ಅನ್ನು ಹೊಂದಿರುವುದರ ಅರ್ಥವೇನು? ಐದು ದಿನಗಳ ಆಟದ ಸ್ಥಿತಿಗೆ ಅದು ಒಳ್ಳೆಯದಲ್ಲ. ನಾವು ಟಿ20 ಮತ್ತು ಏಕದಿನ ಪಂದ್ಯಗಳಲ್ಲಿ ಹೆಚ್ಚು ಕಾರ್ಯನಿರತರಾಗಿದ್ದೇವೆ, ಅಂದರೆ ಬ್ಯಾಟ್ಸ್‌ಮನ್‌ಗಳು ಬೌಲರ್ ಸ್ನೇಹಿ ಪಿಚ್‌ಗಳನ್ನು ಎದುರಿಸುತ್ತಾರೆ. ಸ್ಪಿನ್ ಮತ್ತು ಸೀಮಿಂಗ್‌ಗೆ ಸಾಕಷ್ಟು ಸಹಾಯ ನೀಡುವ ಮೇಲ್ಮೈಗಳಲ್ಲಿ, ನಿಮಗೆ ತಾಳ್ಮೆ ಮತ್ತು ವಿಭಿನ್ನ ಕೌಶಲಗಳು ಬೇಕಾಗುತ್ತವೆ," ಎಂದು ಅವರು ತಿಳಿಸಿದ್ದಾರೆ.
IND vs SA: ಶಾಹಿದ್ ಅಫ್ರಿದಿಯ ಸಿಕ್ಸರ್ ಗಳ ವಿಶ್ವ ದಾಖಲೆ ಮುರಿಯಲು ಸನಿಹದಲ್ಲಿ ರೋಹಿತ್ ಶರ್ಮಾ!
ಏತನ್ಮಧ್ಯೆ, ವೈಟ್ವಾಶ್ ಅನುಭವಿಸಿದ ನಂತರ, ಭಾರತವು ಪ್ರಸ್ತುತ ವಿಶ್ವ ಟೆಸ್ಟ್‌ ಚಾಂಪಿಯನ್‌ ಶಿಪ್‌ ಅಂಕಪಟ್ಟಿಯಲ್ಲಿ ಒಂಬತ್ತು ಪಂದ್ಯಗಳಲ್ಲಿ ನಾಲ್ಕು ಗೆಲುವುಗಳೊಂದಿಗೆ ಶೇಕಡಾ 48.15ರ ಸರಾಸರಿಯನ್ನು ಹೊಂದಿದ್ದು, ಐದನೇ ಸ್ಥಾನಕ್ಕೆ ಕುಸಿದಿದೆ. ಟೀಮ್‌ ಇಂಡಿಯಾ ಮುಂದಿನ ಟೆಸ್ಟ್‌ ಸರಣಿಯಲ್ಲಿ ಶ್ರೀಲಂಕಾ ವಿರುದ್ಧ ಮುಖಾಮುಖಿಯಾಗಲಿದೆ. ಹಾಗಾಗಿ ಟೀಮ್‌ ಇಂಡಿಯಾಗೆ ಬಿಡುವು ಸಿಗುವುದರಿಂದ ಟೆಸ್ಟ್‌ ತಂಡದ ಪ್ರದರ್ಶನ ಸುಧಾರಿಸುವತ್ತ ಗಮನ ಹರಿಸಬೇಕಿದೆ. ಇನ್ನು ಈ ಋತುವಿನಲ್ಲಿ 9 ಟೆಸ್ಟ್‌ ಪಂದ್ಯಗಳು ಬಾಕಿ ಉಳಿದಿದ್ದು, ಅವುಗಳಲ್ಲಿ ನಾಲ್ಕು ಪಂದ್ಯಗಳು ವಿದೇಶಗಳಲ್ಲಿ ನಡೆಯಲಿದ್ದು, ಫೈನಲ್ ತಲುಪುವ ಪ್ರಯತ್ನದಲ್ಲಿ ಭಾರತವು ಕಠಿಣ ಸವಾಲನ್ನು ಎದುರಿಸುತ್ತಿದೆ.