PSL 2026: ಮೊಯಿನ್ ಅಲಿ ಜತೆ ಮೈದಾನದಲ್ಲೇ ಕಿತ್ತಾಡಿಕೊಂಡ ವಾರ್ನರ್; ವಿಡಿಯೊ ವೈರಲ್
David Warner: ವಾರ್ನರ್ ಮೊಯಿನ್ ಅಲಿ ಜೊತೆ ಅಸಮಾಧಾನಗೊಂಡಿದ್ದಕ್ಕೆ ನಿಜವಾದ ಕಾರಣ ಇನ್ನೂ ತಿಳಿದಿಲ್ಲವಾದರೂ, ಪಂದ್ಯದ ನಿರ್ಣಾಯಕ ಕ್ಷಣದಲ್ಲಿ ಅವರ ವಿಕೆಟ್ ಪತನಗೊಂಡದ್ದು ಕಾರಣವಾಗಿರಬಹುದು. ಕರಾಚಿ ಕಿಂಗ್ಸ್ ಗೆಲುವಿಗೆ ಅಂತಿಮ ಓವರ್ನಲ್ಲಿ ಐದು ರನ್ಗಳು ಬೇಕಾಗಿದ್ದವು, ಆದರೆ ಮೊದಲ ಎಸೆತದಲ್ಲಿ ಮೊಯಿನ್ ಅಲಿ ವಿಕೆಟ್ ಕಳೆದುಕೊಂಡರು.
David Warner-Moeen Ali Big Fight -
ಲಾಹೋರ್, ಎ. 3: ಪಾಕಿಸ್ತಾನ ಸೂಪರ್ ಲೀಗ್ (PSL 2026) ಮತ್ತು ರಾವಲ್ಪಿಂಡಿ ನಡುವಿನ ಪಂದ್ಯದ ವೇಳೆ ಕರಾಚಿ ಕಿಂಗ್ಸ್(Rawalpindiz vs Karachi Kings) ತಂಡದ ನಾಯಕ ಡೇವಿಡ್ ವಾರ್ನರ್(David Warner) ಆಲ್ ರೌಂಡರ್ ಮೊಯಿನ್ ಅಲಿ ಜೊತೆ ತೀವ್ರ ವಾಗ್ವಾದ ನಡೆಸಿದ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಅಸಮಾಧಾನಗೊಂಡ ವಾರ್ನರ್, ಮೊಯಿನ್ ಅಲಿ ಜತೆ ವಾಗ್ದಾಳಿ ನಡೆಸಿದರು. ನಂತರ ಕಾರ್ಯತಂತ್ರದ ಮುಖ್ಯಸ್ಥ ಮತ್ತು ತಂಡದ ನಿರ್ದೇಶಕ ಹೈದರ್ ಅಜರ್ ಮಧ್ಯಪ್ರವೇಶಿಸಿ ಪರಿಸ್ಥಿಯನ್ನು ತಿಳಿಗೊಳಿಸಿದರು. ಕರಾಚಿ ಕಿಂಗ್ಸ್ ತಂಡವು 199 ರನ್ಗಳ ಗುರಿ ಬೆನ್ನಟ್ಟಿ ರಾವಲ್ಪಿಂಡಿ ತಂಡವನ್ನು ಐದು ವಿಕೆಟ್ಗಳಿಂದ ಸೋಲಿಸಿದ ನಂತರ ಈ ವಾಗ್ವಾದ ನಡೆಯಿತು. ಪಂದ್ಯದಲ್ಲಿ ಡೇವಿಡ್ ವಾರ್ನರ್ ಅದ್ಭುತ ಪ್ರದರ್ಶನ ನೀಡಿ ಅರ್ಧಶತಕ ಗಳಿಸಿ ತಂಡದ ಗೆಲುವಿಗೆ ಅಡಿಪಾಯ ಹಾಕಿದರು. ನಂತರ, ಅಜಮ್ ಖಾನ್ 74 ರನ್ಗಳ ಇನ್ನಿಂಗ್ಸ್ ಮೂಲಕ ತಂಡವನ್ನು ಗೆಲುವಿನತ್ತ ಕೊಂಡೊಯ್ದರು.
ವಾರ್ನರ್ ಮೊಯಿನ್ ಅಲಿ ಜೊತೆ ಅಸಮಾಧಾನಗೊಂಡಿದ್ದಕ್ಕೆ ನಿಜವಾದ ಕಾರಣ ಇನ್ನೂ ತಿಳಿದಿಲ್ಲವಾದರೂ, ಪಂದ್ಯದ ನಿರ್ಣಾಯಕ ಕ್ಷಣದಲ್ಲಿ ಅವರ ವಿಕೆಟ್ ಪತನಗೊಂಡದ್ದು ಕಾರಣವಾಗಿರಬಹುದು. ಕರಾಚಿ ಕಿಂಗ್ಸ್ ಗೆಲುವಿಗೆ ಅಂತಿಮ ಓವರ್ನಲ್ಲಿ ಐದು ರನ್ಗಳು ಬೇಕಾಗಿದ್ದವು, ಆದರೆ ಮೊದಲ ಎಸೆತದಲ್ಲಿ ಮೊಯಿನ್ ಅಲಿ ವಿಕೆಟ್ ಕಳೆದುಕೊಂಡರು. ಇದು ಕರಾಚಿ ತಂಡದಲ್ಲಿ ಭೀತಿಯನ್ನುಂಟುಮಾಡಿತು. ಮೊಯಿನ್ ಸ್ಲಾಟ್ ಬಾಲ್ ಅನ್ನು ತಪ್ಪಿಸಿಕೊಂಡು ಎಲ್ಬಿಡಬ್ಲ್ಯೂ ಆಗಿ ಔಟಾದರು.
🚨 Moeen Ali vs David Warner 🚨
— JB (@93Yorker) April 3, 2026
Things got heated on the field as Moeen Ali and David Warner exchanged words and stepped towards each other 👀🔥
Team Director had to intervene to push Warner away.
pic.twitter.com/PnC9ehgKZ4
ಈ ಗೆಲುವಿನಿಂದಾಗಿ ಕರಾಚಿ ಕಿಂಗ್ಸ್ ತಂಡವು ಪಿಎಸ್ಎಲ್ನಲ್ಲಿ ಆಡಿದ ಮೂರು ಪಂದ್ಯಗಳಲ್ಲಿ ಅಜೇಯವಾಗಿ ಉಳಿಯಿತು. ಮೊದಲ ಪಂದ್ಯದಲ್ಲಿ, 29 ಎಸೆತಗಳಲ್ಲಿ 48 ರನ್ ಗಳಿಸಿ ಒಂದು ವಿಕೆಟ್ ಪಡೆದ ಅಲಿ ಅವರ ಪಂದ್ಯಶ್ರೇಷ್ಠ ಪ್ರದರ್ಶನದ ನಂತರ ಅವರು ಕ್ವೆಟ್ಟಾ ಗ್ಲಾಡಿಯೇಟರ್ಸ್ ತಂಡವನ್ನು ಸೋಲಿಸಿದರು. ಎರಡನೇ ಪಂದ್ಯದಲ್ಲಿ, ಅವರು ಲಾಹೋರ್ ಖಲಂದರ್ಸ್ ತಂಡವನ್ನು ನಾಲ್ಕು ವಿಕೆಟ್ಗಳಿಂದ ಸೋಲಿಸಿದರು.