ಭಾರತ vs ವೆಸ್ಟ್ ಇಂಡೀಸ್ ಸರಣಿಯ ವೇಳಾಪಟ್ಟಿ, ಪಂದ್ಯದ ಪ್ರಸಾರದ ವಿವರಗಳು

ತಿರುವನಂತಪುರಂ, ಸೆ.25: ಭಾರತೀಯ ಪುರುಷರ ಕ್ರಿಕೆಟ್ ತಂಡವು ಸೆಪ್ಟೆಂಬರ್ 27 ರಿಂದ ಅಕ್ಟೋಬರ್ 17 ರವರೆಗೆ ವೆಸ್ಟ್ ಇಂಡೀಸ್ ವಿರುದ್ಧ ಮೂರು ಪಂದ್ಯಗಳ ಏಕದಿನ (ODI) ಮತ್ತು ಐದು ಪಂದ್ಯಗಳ ಟಿ20 (T20I) ಸರಣಿಯಲ್ಲಿ ಸೆಣಸಲಿದೆ. ಈ ಎಲ್ಲಾ ಎಂಟು ಪಂದ್ಯಗಳು ಭಾರತದಲ್ಲಿ ನಡೆಯಲಿವೆ. ಏಕದಿನ ಸರಣಿಯಲ್ಲಿ ಆತಿಥೇಯ ತಂಡವನ್ನು ಶುಭಮನ್ ಗಿಲ್ ಮುನ್ನಡೆಸಲಿದ್ದರೆ, ಟಿ20 ತಂಡದ ನಾಯಕರಾಗಿ ಶ್ರೇಯಸ್ ಅಯ್ಯರ್ ಅವರನ್ನು ನೇಮಿಸಲಾಗಿದೆ. ವೆಸ್ಟ್‌ ಇಂಡೀಸ್‌ ತಂಡವನ್ನು ಶಾಯ್ ಹೋಪ್ ವೆಸ್ಟ್ ಇಂಡೀಸ್ ಮುನ್ನಡೆಸಲಿದ್ದಾರೆ.

ಮೂರು ಏಕದಿನ ಪಂದ್ಯಗಳು ಕ್ರಮವಾಗಿ ತಿರುವನಂತಪುರಂ, ಗುವಾಹಟಿ ಮತ್ತು ಹೊಸ ಚಂಡೀಗಢದಲ್ಲಿ ಸೆಪ್ಟೆಂಬರ್ 27, 30 ಹಾಗೂ ಅಕ್ಟೋಬರ್ 3 ರಂದು ನಡೆಯಲಿವೆ. ಹಾಗೆಯೇ ಲಕ್ನೋ, ರಾಂಚಿ, ಇಂದೋರ್, ಹೈದರಾಬಾದ್ ಮತ್ತು ಬೆಂಗಳೂರು ನಗರಗಳು ಕ್ರಮವಾಗಿ ಅಕ್ಟೋಬರ್ 6, 9, 11, 14 ಮತ್ತು 17 ರಂದು ಟಿ20 ಅಂತಾರಾಷ್ಟ್ರೀಯ (T20I) ಪಂದ್ಯಗಳನ್ನು ಆಯೋಜಿಸಲಿವೆ.

ಭಾರತವು ಏಕದಿನ ಮತ್ತು ಟಿ20 ಸರಣಿಗಳೆರಡಕ್ಕೂ ಬಲಿಷ್ಠ ತಂಡಗಳನ್ನು ಪ್ರಕಟಿಸಿದೆ. ನ್ಯೂಜಿಲೆಂಡ್‌ನಲ್ಲಿ ನಡೆಯಲಿರುವ ಎಲ್ಲಾ ಮಾದರಿಯ ಸರಣಿಗಾಗಿ ತೆರಳುವ ಮುನ್ನ, ತವರಿನ ಪ್ರೇಕ್ಷಕರ ಮುಂದೆ ಆಡಲಿರುವ ಎಲ್ಲಾ ಎಂಟು ಪಂದ್ಯಗಳನ್ನು ಗೆಲ್ಲುವ ಗುರಿಯನ್ನು 'ಮೆನ್ ಇನ್ ಬ್ಲೂ' (ಭಾರತೀಯ ತಂಡ) ಹೊಂದಿರಲಿದೆ.

ಎಲ್ಲಿ ನಡೆಯಲಿದೆ ಪಂದ್ಯಗಳು?

ಗ್ರೀನ್‌ಫೀಲ್ಡ್ ಅಂತರಾಷ್ಟ್ರೀಯ ಕ್ರೀಡಾಂಗಣ, ತಿರುವನಂತಪುರಂ

ಬರ್ಸಾಪರಾ ಕ್ರಿಕೆಟ್ ಸ್ಟೇಡಿಯಂ, ಗುವಾಹಟಿ

ಮಹಾರಾಜ ಯಾದವೀಂದ್ರ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ, ಮುಲ್ಲನ್ಪುರ್, ನ್ಯೂ ಚಂಡೀಗಢ

ಭಾರತ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಕ್ರಿಕೆಟ್ ಸ್ಟೇಡಿಯಂ, ಲಕ್ನೋ

JSCA ಇಂಟರ್ನ್ಯಾಷನಲ್ ಸ್ಟೇಡಿಯಂ ಕಾಂಪ್ಲೆಕ್ಸ್, ರಾಂಚಿ

ಹೋಲ್ಕರ್ ಕ್ರೀಡಾಂಗಣ, ಇಂದೋರ್

ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣ, ಹೈದರಾಬಾದ್

ಎಂ ಚಿನ್ನಸ್ವಾಮಿ ಕ್ರೀಡಾಂಗಣ, ಬೆಂಗಳೂರು

ಪಂದ್ಯಗಳ ಸಮಯಗಳು

ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಮೂರು ಏಕದಿನ ಪಂದ್ಯಗಳು (ODI) ಭಾರತೀಯ ಕಾಲಮಾನದ ಪ್ರಕಾರ ಮಧ್ಯಾಹ್ನ 1:30ಕ್ಕೆ ಆರಂಭವಾಗಲಿದ್ದು, ಪ್ರತಿ ಪಂದ್ಯಕ್ಕೂ 30 ನಿಮಿಷಗಳ ಮುಂಚಿತವಾಗಿ ಟಾಸ್ ನಡೆಯಲಿದೆ. ಮತ್ತೊಂದೆಡೆ, ಐದು ಟಿ20 ಪಂದ್ಯಗಳು (T20I) ಸಂಜೆ 7:00ಕ್ಕೆ ಆರಂಭವಾಗಲಿದ್ದು, ಸಂಜೆ 6:30ಕ್ಕೆ ಟಾಸ್ ನಡೆಯಲಿದೆ.

ವೇಳಾಪಟ್ಟಿ

ಸೆಪ್ಟೆಂಬರ್ 27 ಭಾನುವಾರ- ಮೊದಲ ಏಕದಿನ

ಸೆಪ್ಟೆಂಬರ್ 30 ಬುಧವಾರ- 2ನೇ ಏಕದಿನ

ಅಕ್ಟೋಬರ್ 3 ಶನಿವಾರ- 3ನೇ ಏಕದಿನ

ಅಕ್ಟೋಬರ್ 6 ಮಂಗಳವಾರ- ಮೊದಲ ಟಿ20

ಅಕ್ಟೋಬರ್ 9 ಶುಕ್ರವಾರ- 2ನೇ ಟಿ20

ಅಕ್ಟೋಬರ್ 11 ಭಾನುವಾರ- 3ನೇ ಟಿ20

ಅಕ್ಟೋಬರ್ 14 ಬುಧವಾರ- 4ನೇ ಟಿ20

ಅಕ್ಟೋಬರ್ 17 ಶನಿವಾರ- 5ನೇ ಟಿ20