Cameron Green: 25 ಕೋಟಿ ಪಡೆದರೂ ಗ್ರೀನ್‌ಗೆ ಸಿಗುವುದು 18 ಕೋಟಿ ಮಾತ್ರ!

IPL Auction 2026 Live: 2 ಕೋಟಿ ಮೂಲ ಬೆಲೆಯೊಂದಿಗೆ ಹರಾಜಿನಲ್ಲಿ ಕಾಣಿಸಿಕೊಂಡ ಗ್ರೀನ್‌ ಖರೀದಿಗೆ ಆರಂಭದಲ್ಲಿ ಕೆಕೆಆರ್‌ ಜತೆ ರಾಜಸ್ಥಾನ್‌ ತೀವ್ರ ಪೈಪೋಟಿ ನಡೆಸಿತು. 13.40 ಕೋಟಿ ತನಕ ಬಿಡ್‌ ಮಾಡಿದ ರಾಜಸ್ಥಾನ್‌ ಆ ಬಳಿಕ ಹಿಂದೆ ಸರಿಯಿತು. ರಾಜಸ್ಥಾನ್‌ ರೇಸ್‌ನಿಂದ ಹಿಂದೆ ಸರಿಯುತ್ತಿದ್ದಂತೆ 5 ಬಾರಿಯ ಚಾಂಪಿಯನ್‌ ಚೆನ್ನೈ ಸೂಪರ್‌ ಕಿಂಗ್ಸ್‌ ಸ್ಪರ್ಧೆಗೆ ಇಳಿಯಿತು. 25 ಕೋಟಿ ತನಕ ಬಿಡ್‌ ಮಾಡಿ ಹಿಂದೆ ಸರಿಯಿತು.

25 ಕೋಟಿಗೆ ಕೆಕೆಆರ್‌ ಸೇರಿದ ಗ್ರೀನ್‌; ಬಿಸಿಸಿಐಗೆ 7.20 ಕೋಟಿ ಲಾಭ!

Cameron Green -

Abhilash BC Dec 16, 2025 3:16 PM

ಅಬುಧಾಬಿ, ಡಿ.16: ಮಿನಿ ಹರಾಜಿನಲ್ಲಿ(IPL Auction 2026 Live) ಆಸ್ಟ್ರೇಲಿಯಾದ ಸ್ಟಾರ್‌ ಆಲ್‌ರೌಂಡರ್‌ ಕ್ಯಾಮರಾನ್ ಗ್ರೀನ್(Cameron Green) 25.20 ಕೋಟಿ ರೂ. ಮೊತ್ತಕ್ಕೆ ಕೋಲ್ಕತಾ ನೈಟ್‌ ರೈಡರ್ಸ್‌ ತಂಡದ ಪಾಲಾಗಿದ್ದಾರೆ. ಆದರೆ ಅವರಿಗೆ ಸಿಗುವುದು 18 ಕೋಟಿ ರೂ. ಮಾತ್ರ. ಹೌದು, ಬಿಸಿಸಿಐನ ಮಿನಿ ಹರಾಜು ನಿಯಮಾವಳಿ ಇದಕ್ಕೆ ಕಾರಣವಾಗಿದೆ. ನಿಯಮದನ್ವಯ ಮಿನಿ ಹರಾಜಿನಲ್ಲಿ ವಿದೇಶಿಯರು, ಮೆಗಾ ಹರಾಜಿನ ಗರಿಷ್ಠ ಬಿಡ್ ಮತ್ತು ಗರಿಷ್ಠ ರಿಟೇನ್ ಮೊತ್ತಗಳಲ್ಲಿ ಕನಿಷ್ಠವಾದುದನ್ನಷ್ಟೇ ಪಡೆಯಲಿದ್ದಾರೆ. ಹೀಗಾಗಿ ಕಳೆದ ಮೆಗಾ ಹರಾಜಿನಲ್ಲಿ ರಿಷಭ್ ಪಂತ್ ಗರಿಷ್ಠ 27 ಕೋಟಿ ರೂ.ಗೆ ಬಿಕರಿಯಾಗಿದ್ದರೂ, ರಿಟೇನ್ನ ಗರಿಷ್ಠ 18 ಕೋಟಿ ರೂ. ಆಗಿದೆ.

ಇದರಿಂದಾಗಿ ವಿದೇಶಿ ಆಟಗಾರನಾಗಿರುವ ಗ್ರೀನ್‌ 25.20 ಕೋಟಿಗೆ ಬಿಡ್ ಆದರೂ ಅವರಿಗೆ 18 ಕೋಟಿ ಮಾತ್ರ ಸಿಗಲಿದೆ. ಹೆಚ್ಚುವರಿ 7.20 ಕೋಟಿ ರೂ. ಬಿಸಿಸಿಐ ಪಾಲಾಗಲಿದೆ. ಈ ಮೊತ್ತವನ್ನು ಬಿಸಿಸಿಐ ಆಟಗಾರರ ಕಲ್ಯಾಣ ನಿಧಿಯಾಗಿ ಬಳಸಿಕೊಳ್ಳಲಿದೆ.

Presenting Kolkata's all-new GREEN initiative 😉💜 pic.twitter.com/1lBJ7NTNPx
— KolkataKnightRiders (@KKRiders) December 16, 2025

2 ಕೋಟಿ ಮೂಲ ಬೆಲೆಯೊಂದಿಗೆ ಹರಾಜಿನಲ್ಲಿ ಕಾಣಿಸಿಕೊಂಡ ಗ್ರೀನ್‌ ಖರೀದಿಗೆ ಆರಂಭದಲ್ಲಿ ಕೆಕೆಆರ್‌ ಜತೆ ರಾಜಸ್ಥಾನ್‌ ತೀವ್ರ ಪೈಪೋಟಿ ನಡೆಸಿತು. 13.40 ಕೋಟಿ ತನಕ ಬಿಡ್‌ ಮಾಡಿದ ರಾಜಸ್ಥಾನ್‌ ಆ ಬಳಿಕ ಹಿಂದೆ ಸರಿಯಿತು. ರಾಜಸ್ಥಾನ್‌ ರೇಸ್‌ನಿಂದ ಹಿಂದೆ ಸರಿಯುತ್ತಿದ್ದಂತೆ 5 ಬಾರಿಯ ಚಾಂಪಿಯನ್‌ ಚೆನ್ನೈ ಸೂಪರ್‌ ಕಿಂಗ್ಸ್‌ ಸ್ಪರ್ಧೆಗೆ ಇಳಿಯಿತು. 25 ಕೋಟಿ ತನಕ ಬಿಡ್‌ ಮಾಡಿ ಹಿಂದೆ ಸರಿಯಿತು. ಅಂತಿಮವಾಗಿ ಗ್ರೀನ್‌ ಕೆಕೆಆರ್‌ ಪಾಲಾದರೂ. ಗರಿಷ್ಠ ಮೊತ್ತದೊಂದಿಗೆ ಹರಾಜಿಗಿಳಿದ ಕೆಕೆಆರ್‌ ಗರಿಷ್ಠ ಮೊತ್ತವನ್ನೇ ವ್ಯಯಿಸಿ ಸ್ಟಾರ್‌ ಆಟಗಾರರನ್ನು ಬುಟ್ಟಿಗೆ ಹಾಕಿಕೊಂಡಿತು.