ʼಶ್ರೇಯಸ್ ಅಯ್ಯರ್ ಭಾರತದ ಅತ್ಯುತ್ತಮ ನಾಯಕರಲ್ಲಿ ಒಬ್ಬರಾಗಲಿದ್ದಾರೆʼ; ಸಹೋದರಿ ಶ್ರೇಷ್ಠಾ

ಮುಂಬಯಿ, ಜು.9: ಸತತ ಸೋಲು ಕಾಣುತ್ತಿರುವ ಭಾರತದ ನೂತನ T20I ನಾಯಕ ಶ್ರೇಯಸ್ ಅಯ್ಯರ್‌(Shreyas Iyer)ಗೆ ಸಹೋದರಿ ಶ್ರೇಷ್ಠಾ(Shrestha Iyer) ಅವರು ಬೆಂಬಲಕ್ಕೆ ನಿಂತಿದ್ದಾರೆ. ಅಣ್ಣನ ನಾಯತ್ವದಲ್ಲಿ ತಂಡ ಗೆಲುವು ಸಾಧಿಸದಿದ್ದರೂ ದೇಶದ ಅತ್ಯುತ್ತಮ ನಾಯಕಯರಲ್ಲಿ ಒಬ್ಬರಾಗುತ್ತಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಮಂಗಳವಾರ ಟ್ರೆಂಟ್ ಬ್ರಿಡ್ಜ್‌ನಲ್ಲಿ ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ 125 ರನ್‌ಗಳ ಹೀನಾಯ ಸೋಲು ಕಂಡಿತ್ತು. ಭಾರತದ ಟಿ20ಐ ಇತಿಹಾಸದಲ್ಲಿ ತಂಡವು ಸತತ ಐದು ಪಂದ್ಯಗಳಲ್ಲಿ ಗೆಲುವು ದಾಖಲಿಸದೆ ಇರುವುದು ಇದೇ ಮೊದಲು. ಬೆಲ್‌ಫಾಸ್ಟ್‌ನಲ್ಲಿ ಐರ್ಲೆಂಡ್ ವಿರುದ್ಧ 2-0 ಸರಣಿ ಸೋಲು ಮತ್ತು ಇಂಗ್ಲೆಂಡ್ ವಿರುದ್ಧದ ಮೊದಲ ಎರಡು ಟಿ20ಐಗಳಲ್ಲಿ ಸೋಲುಗಳು ಸೇರಿವೆ.

ಟೀಕೆಗಳ ನಡುವೆಯೂ, ಶ್ರೇಷ್ಠಾ ತನ್ನ ಸಹೋದರನ ಬೆಂಬಲಕ್ಕೆ ನಿಂತಿದ್ದಾರೆ. ಪ್ರತಿಯೊಬ್ಬ ಶ್ರೇಷ್ಠ ಕ್ರಿಕೆಟಿಗನು ಆರಂಭದಲ್ಲಿ ಕಷ್ಟಕರ ಹಂತಗಳನ್ನು ಎದುರಿಸುತ್ತಾನೆ, ಆ ಬಳಿಕ ಯಶಸ್ಸು ಕಾಣುತ್ತಾನೆ ಎಂದು ಶ್ರೇಷ್ಠಾ ಹೇಳಿದ್ದಾರೆ.

"ಶುಭ್‌ಮನ್ ಗಿಲ್ ಇದ್ದಾರೆ, ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಒಬ್ಬ ದಂತಕಥೆ, ಮತ್ತು ಸಚಿನ್ ತೆಂಡೂಲ್ಕರ್ ದಿಗ್ಗಜ, ಅವರೆಲ್ಲರೂ ಸಹ ಸಾಕಷ್ಟು ಪಂದ್ಯಗಳನ್ನು ಸೋತಿದ್ದಾರೆ" ಎಂದು ಫಿಲ್ಮಿಗ್ಯಾನ್‌ಗೆ ನೀಡಿದ ಸಂದರ್ಶನದಲ್ಲಿ ಶ್ರೇಷ್ಠ ಹೇಳಿದರು.

ಭಾರತದ ಹೋರಾಟಗಳಿಗೆ ಅಯ್ಯರ್ ಅವರನ್ನು ಪ್ರತ್ಯೇಕಿಸಬೇಡಿ ಎಂದು ಅಭಿಮಾನಿಗಳು ಮತ್ತು ವಿಮರ್ಶಕರನ್ನು ಶ್ರೇಷ್ಠಾ ಒತ್ತಾಯಿಸಿದರು, ತಂಡದ ಕಳಪೆ ಪ್ರದರ್ಶನವು ಅವರ ನಾಯಕತ್ವದ ಅರ್ಹತೆಗಳನ್ನು ವ್ಯಾಖ್ಯಾನಿಸಬಾರದು ಎಂದು ಹೇಳಿದರು.

County Championship: ಗ್ಲೌಸೆಸ್ಟರ್‌ಶೈರ್ ತಂಡ ಸೇರಿದ ಸಾಯಿ ಕಿಶೋರ್‌

"ನೀವು ಶ್ರೇಯಸ್ ಅಯ್ಯರ್ ಅವರನ್ನು ಯಾವಾಗಲೂ ಟೀಕಿಸುತ್ತಿದ್ದರೆ, ಸಮಸ್ಯೆ ನಿಮ್ಮಲ್ಲಿರಬಹುದು, ಅವರಲ್ಲಲ್ಲ. ಅವರು ಅದ್ಭುತ ಎಂದು ನನಗೆ ಅನಿಸುತ್ತದೆ. ಅವರು ಒಟ್ಟಾರೆಯಾಗಿ ತುಂಬಾ ವಿಭಿನ್ನ ವ್ಯಕ್ತಿತ್ವವನ್ನು ಹೊಂದಿದ್ದಾರೆ. ಅವರು ತಂಡಕ್ಕೆ ಕೊಡುಗೆ ನೀಡಲು ಬಹಳಷ್ಟು ಹೊಂದಿದ್ದಾರೆ ಎಂದು ನಾನು ಭಾವಿಸುತ್ತೇನೆ, ಬಹುಶಃ ಬೇರೆಯವರಿಗಿಂತ ಹೆಚ್ಚು. ಅವರು ನೀಡಲು ತುಂಬಾ ಇದೆ ಎಂದು ನನಗೆ ತಿಳಿದಿದೆ" ಎಂದು ಶ್ರೇಷ್ಠಾ ಹೇಳಿದರು.

ಪ್ರಸ್ತುತ ಕಠಿಣ ಪರಿಸ್ಥಿತಿಯು ಅಂತಿಮವಾಗಿ ಯಶಸ್ವಿ ನಾಯಕತ್ವ ವೃತ್ತಿಜೀವನಕ್ಕೆ ದಾರಿ ಮಾಡಿಕೊಡುತ್ತದೆ ಎಂದು ಭವಿಷ್ಯ ನುಡಿಯುವ ಮೂಲಕ ಅಣ್ಣನ ಬೆಂಬಲಕ್ಕೆ ನಿಂತರು. ಅಯ್ಯರ್ ತೀವ್ರ ಟೀಕೆಗೆ ಗುರಿಯಾಗಿರುವ ಸಮಯದಲ್ಲಿ ಅವರ ಕುಟುಂಬದಿಂದ ಈ ಬೆಂಬಲ ಬಂದಿದೆ.