ಪ್ರಚಾರ ಬಯಸದೆ ರಸ್ತೆ ಬದಿಯ ಗಿಡಗಳಿಗೆ ನಿತ್ಯ ನೀರುಣಿಸುವ ಪರಿಸರ ಪ್ರೇಮಿ: ವಿಡಿಯೊ ನೋಡಿ

ನವದೆಹಲಿ,ಮಾ.13: ಇತ್ತೀಚೆಗೆ ಪ್ರಚಾರಕ್ಕಾಗಿ ಸಣ್ಣ ಪುಟ್ಟ ಕೆಲಸಗಳನ್ನು ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿರುವುದನ್ನು ನೀವು ಗಮನಿಸರಬಹುದು. ಆದರೆ ಇಲ್ಲೊಬ್ಬ ವ್ಯಕ್ತಿ ಯಾವುದೇ ಪ್ರಚಾರ ಬಯಸದೇ ಪರಿಸರ ರಕ್ಷಣೆಯ ಕಾರ್ಯದಲ್ಲಿ ಪಾಲ್ಗೊಂಡಿದ್ದಾರೆ. ಯಾವುದೇ ಸ್ವಾರ್ಥ ಬಯಸದೆ ರಸ್ತೆ ಬದಿಯ ಗಿಡಗಳಿಗೆ ದಿನನಿತ್ಯ ನೀರು ಹಾಕುವ ಈ ವ್ಯಕ್ತಿಯ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Viral Video) ಆಗುತ್ತಿದೆ.

ವ್ಯಕ್ತಿಯೂ ಪ್ರತಿನಿತ್ಯ ಸ್ಕೂಟರ್‌ನಲ್ಲಿ ಬಂದು ರಸ್ತೆ ಬದಿಯ ಗಿಡಗಳಿಗೆ ನೀರು ಹಾಕುತ್ತಾರೆ. ವಾಹನಗಳ ಹೊಗೆ ದಟ್ಟಣೆ, ದೂಳಿನ ನಡುವೆ ಬೆಂದು ಹೋಗಿರುವ ಗಿಡಗಳಿಗೆ ಈ ವ್ಯಕ್ತಿ ಜೀವ ತುಂಬುತ್ತಿದ್ದಾರೆ. ಆ ವ್ಯಕ್ತಿ ನಿಯಮಿತವಾಗಿ ಬೆಳಿಗ್ಗೆ ಬೇಗನೆ ತೆರಳಿ ಸಸ್ಯಗಳಿಗೆ ನೀರು ಹಾಕುತ್ತಾರೆ.ಆ ಕ್ಷಣವನ್ನು ಚಿತ್ರೀಕರಿಸಿದ ವ್ಯಕ್ತಿ ಈ ರೀತಿ ಬರೆದುಕೊಂಡಿದ್ದಾರೆ. ಅನೇಕ ಜನರು ತಮ್ಮ ಸ್ವಂತ ಮನೆಗಳಲ್ಲಿ ಸಸ್ಯಗಳನ್ನು ಸಹ ನೋಡಿಕೊಳ್ಳಲು ಹೆಣಗಾಡುತ್ತಿರುವ ಜಗತ್ತಿನಲ್ಲಿ ಅಪರೂಪದ ದಯೆಯ ಕೆಲಸ ಎಂದು ಬಣ್ಣಿಸಿದ್ದಾರೆ.

ವಿಡಿಯೋ ನೋಡಿ:

ನಗರ ಪ್ರದೇಶದ ಭೂದೃಶ್ಯಗಳನ್ನು ಕಾಪಾಡಿಕೊಳ್ಳಲು ಇಂತಹ ಕೆಲಸಗಳು ಪ್ರಮುಖ ಪಾತ್ರ ವಹಿಸುತ್ತದೆ. ಆದಾಗ್ಯೂ, ಸರಿಯಾದ ನೀರು, ಮಾಲಿನ್ಯ ಮತ್ತು ಕಳಪೆ ಮಣ್ಣಿನ ಪರಿಸ್ಥಿತಿಗಳಿಂದಾಗಿ ಈ ಸಸ್ಯಗಳು ಹೆಚ್ಚಾಗಿ ಹೆಣಗಾಡುತ್ತವೆ. ಸದ್ಯ ರಸ್ತೆ ಬದಿಯಲ್ಲಿ ಗಿಡಗಳ ಜೀವ ಉಳಿಸುವ ಈ ವ್ಯಕ್ತಿಯ ಕಾರ್ಯಕ್ಕೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತ ವಾಗಿದೆ.

ಬೆಂಗಳೂರಿನಲ್ಲಿ 4 ಲಕ್ಷ ಲಂಚ ಸ್ವೀಕರಿಸುವಾಗ ಲೋಕಾಯುಕ್ತಕ್ಕೆ ಸಿಕ್ಕಿಬಿದ್ದ ಇನ್ಸ್‌ಪೆಕ್ಟರ್; ಬಂಧನದ ವೇಳೆ ಹೈಡ್ರಾಮಾ, Video Viral

@insta_deevee ಖಾತೆಯು ವಿಡಿಯೊ ಹಂಚಿಕೊಂಡಿದ್ದು ಅನೇಕ ವೀಕ್ಷಕರು ಆ ವ್ಯಕ್ತಿಯ ಸಮರ್ಪಣೆಯನ್ನು ಮೆಚ್ಚಿದರು. ಬಳಕೆದಾರರೊಬ್ಬರು ಲವ್ಯಕ್ತಿಯನ್ನು ಸ್ಫೂರ್ತಿ ಎಂದು ಬಣ್ಣಿಸಿದರು. ಮತ್ತೊಬ್ಬರು ಪರಿಸರ ಉಳಿಸಲು ಪ್ರಕೃತಿಯನ್ನು ನೋಡಿಕೊಳ್ಳುವುದಕ್ಕೆ ಯಾವಾ ಗಲೂ ದೊಡ್ಡ ಅಭಿಯಾನಗಳು ಅಥವಾ ಸಂಪನ್ಮೂಲಗಳ ಅಗತ್ಯವಿರುವುದಿಲ್ಲ. ಬದಲಾಗಿ‌ ಸಣ್ಣ ಪ್ರಯತ್ನಗಳು ಹಸಿರನ್ನು ಪೋಷಿಸಲು ಮತ್ತು ರಕ್ಷಿಸಲು ಸಹಾಯ ಮಾಡುತ್ತದೆ ಎಂದಿದ್ದಾರೆ.