ಬೃಹತ್‌ ಸರ್ಪವಾಗಿ ಬದಲಾದ ಮುಂಬೈ ಮೆಟ್ರೋ: 'ನಾಗಿನ್ 7ʼನ ವಿಭಿನ್ನ ಪ್ರಚಾರಕ್ಕೆ ಪ್ರಯಾಣಿಕರೇ ಶಾಕ್‌

ಮುಂಬೈ, ಜ. 1: ಕಿರುತೆರೆ ಖ್ಯಾತ ನಿರ್ಮಾಪಕಿ ಏಕ್ತಾ ಕಪೂರ್ ಅವರ ಜನಪ್ರಿಯ ಹಾರರ್ ಸರಣಿ 'ನಾಗಿನ್-7' ಈಗ ವಿಭಿನ್ನ ಪ್ರಚಾರದ ಮೂಲಕ ಭಾರಿ ಸದ್ದು ಮಾಡುತ್ತಿದೆ. ಇದು ಈಗಾಗಲೇ ಆರು ಸೀಸನ್‌ಗಳ ಮೂಲಕ ವೀಕ್ಷಕರನ್ನು ಸೆಳೆದಿದ್ದು ವ್ಯಾಪಕ ಅಭಿಮಾನಿ ಬಳಗವನ್ನು ಹೊಂದಿದೆ. ಸದ್ಯ ಸೀಸನ್ 7ಕ್ಕೆ ಆರಂಭಕ್ಕೆ ಸಿದ್ಧತೆ ನಡೆಯುತ್ತಿದೆ. ಇದಕ್ಕಾಗಿ ಪ್ರಚಾರ ಆರಂಭವಾಗಿದ್ದು, ಮುಂಬೈ ಮೆಟ್ರೋ ಲೈನ್ 1 ಅನ್ನು ವಿಶೇಷ ಪ್ರಚಾರಕ್ಕಾಗಿ ಬಳಸಿಕೊಳ್ಳಲಾಗಿದೆ. ಸದ್ಯ ಈ ಹೊಸ ಅನಿಮೇಟೆಡ್ ಲುಕ್ ನೋಡಿ ಪ್ರಯಾಣಿಕರು ಆಘಾತ ಒಳಗಾಗಿದ್ದಾರೆ. ಈ ವಿಡಿಯೊ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ (Viral Video) ಆಗುತ್ತಿದೆ.

ಮುಂಬೈ ಮೆಟ್ರೋ ರೈಲನ್ನು ಸಂಪೂರ್ಣವಾಗಿ 'ನಾಗಿನ್' ದೃಶ್ಯದ ಅನಿಮೇಟೆಡ್ ಮೂಲಕ ಕ್ರಿಯೇಟ್ ಮಾಡಲಾಗಿದ್ದು ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ. ವೈರಲ್ ವಿಡಿಯೊದಲ್ಲಿ ಮುಂಬೈ ಮೆಟ್ರೋ ‌ 'ನಾಗಿನ್ 7' ನ ಜಾಹೀರಾತಾಗಿ ರೂಪಾಂತರಗೊಂಡಿದ್ದು, ರೈಲಿನ ಹೊರಭಾಗಕ್ಕೆ ಹಾವಿನ ಚರ್ಮದಂತಹ ವಿನ್ಯಾಸ ಮತ್ತು 'ನಾಗಿನ್ 7' ಬಣ್ಣ ಬಣ್ಣದ ಗ್ರಾಫಿಕ್ಸ್ ಹಚ್ಚಲಾಗಿದೆ. ಹಳಿಗಳ ಮೇಲೆ ರೈಲು ಹೋಗುತ್ತಿದ್ದಂತೆ ಅದು ಬೃಹತ್ ಹಾವು ಹರಿದಾಡುತ್ತಿರುವಂತೆ ಭಾಸವಾಗುತ್ತಿದ್ದು, ಇದನ್ನು ಕಂಡ ಪ್ರಯಾಣಿಕರೇ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ವಿಡಿಯೊ ನೋಡಿ:

ಸದ್ಯ ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ವಿಭಿನ್ನ ಪ್ರತಿಕ್ರಿಯೆ ನೀಡಿದ್ದಾರೆ. ನೆಟ್ಟಿಗರೊಬ್ಬರು ದೂರದಿಂದ ನೋಡಿದಾಗ ಯಾವುದೋ ದೊಡ್ಡ ಅನಕೊಂಡ ಬರುತ್ತಿದೆ ಎಂಬಂತೆ ಭಾಸವಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ. ಪ್ರಯಾಣಿಕರೊಬ್ಬರು ಈ ರೈಲಿಗೆ ತಮಾಷೆಯಾಗಿ ನಾಗಲೋಕ ಎಂದು ಬಣ್ಣಿಸಿದ್ದಾರೆ. ಡಿಸೆಂಬರ್ 27ರಿಂದ ಕಲರ್ಸ್ ಟಿವಿಯಲ್ಲಿ ಈ ವೆಬ್ ಸರಣಿ ಪ್ರಸಾರವಾಗುತ್ತಿದೆ.

4 ಗಂಟೆಗೂ ಹೆಚ್ಚು ಕೆಲಸ ಮಾಡಿದ ಬ್ಲಿಂಕ್‌ಇಟ್ ಡೆಲಿವರಿ ಬಾಯ್; ಆತನ ಆದಾಯ ಎಷ್ಟು?

ಬಿಗ್ ಬಾಸ್ ಖ್ಯಾತಿಯ ಪ್ರಿಯಾಂಕಾ ಚಾಹರ್ ಚೌಧರಿ ಈ ಬಾರಿ 'ಅನಂತ' ಎಂಬ ನಾಗಿನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ನಮಿಕ್ ಪಾಲ್ ಮತ್ತು ಇಶಾ ಸಿಂಗ್ ಮುಖ್ಯ ಪಾತ್ರದಲ್ಲಿದ್ದಾರೆ. ವಿಶೇಷವಾಗಿ ಕಳೆದ ಸೀಸನ್‌ನ ನಟಿ ತೇಜಸ್ವಿ ಪ್ರಕಾಶ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾಲಾಜಿ ಟೆಲಿಫಿಲ್ಮ್ಸ್ ಮೂಲಕ‌ ಈ ವೆಬ್ ಸರಣಿ ನಿರ್ಮಿಸಲಾಗಿದೆ. ಕೇವಲ ಮುಂಬೈ ಮಾತ್ರವಲ್ಲದೆ, ದೆಹಲಿ ಮೆಟ್ರೊದಲ್ಲೂ ಹೀಗೆ ಪ್ರಚಾರ ಮಾಡಲಾಗಿದೆ. ಸ್ವತಃ ಏಕ್ತಾ ಕಪೂರ್ ಈ ವಿಡಿಯೊವನ್ನು ಶೇರ್ ಮಾಡಿದ್ದಾರೆ. ಟಿಆರ್‌ಪಿಯಲ್ಲಿ ಸದಾ ಮುಂಚೂಣಿಯಲ್ಲಿರುವ ನಾಗಿನ್ ಸರಣಿ, ಈ ಬಾರಿ ಪ್ರಚಾರದಲ್ಲೂ ಖ್ಯಾತಿ ಪಡೆಯುತ್ತಿದೆ.