ಎಫ್-16 ಫೈಟರ್ ಜೆಟ್ ಪತನ; ಪೈಲಟ್‌ ಸಜೀವ ದಹನ

ಅಂಕಾರಾ: ಎಫ್-16 ಯುದ್ಧ ವಿಮಾನ (F-16 Fighter Jet) ಪತನೊಂಡಿದೆ. ಟರ್ಕಿಯ ವಾಯುಪಡೆಯ F-16 ಯುದ್ಧ ವಿಮಾನವೊಂದು ಸೋಮವಾರ ತಡರಾತ್ರಿ ಪಶ್ಚಿಮ ಟರ್ಕಿಯ ಬಲಿಕೇಸಿರ್ ನಗರದಲ್ಲಿ ಪತನಗೊಂಡಿದೆ. ಈ ವಿಮಾನ ಪತನದಿಂದ ಭಾರೀ ಸ್ಫೋಟ ಸಂಭವಿಸಿದೆ. ವಿಮಾನ ಬೆಂಕಿಯುಂಡೆಯಂತೆ ಆಗಿದ್ದು, ವಿಮಾನದ ಅವಶೇಷಗಳು ಚದುರಿಹೋಗಿದ್ದವು. ಬೆಂಕಿ ಹೊತ್ತಿ ಉರಿಯುತ್ತಿರುವುದು ವೀಡಿಯೊಗಳಲ್ಲಿ ಕಾಣುತ್ತದೆ. ವಿಮಾನವು ಬುರ್ಸಾ-ಇಜ್ಮಿರ್ ಹೆದ್ದಾರಿಯ ಬಳಿ ಪತನಗೊಂಡಿದೆ. ಸ್ಥಳೀಯ ಸಮಯ ಬೆಳಗಿನ ಜಾವ 1 ಗಂಟೆ ಸುಮಾರಿಗೆ ವಿಮಾನ ಪತನಗೊಂಡಿದೆ.

ವಿಡಿಯೋ ನೋಡಿ

ರೇಡಿಯೋ ಸಂಪರ್ಕ ಮತ್ತು ರಾಡಾರ್ ಟ್ರ್ಯಾಕಿಂಗ್ ಇದ್ದಕ್ಕಿದ್ದಂತೆ ಕಳೆದುಹೋಗಿದ್ದು, ಇದರಿಂದ ತಕ್ಷಣ ಶೋಧ ಕಾರ್ಯಾಚರಣೆ ಆರಂಭವಾಯಿತು. ತುರ್ತು ಸೇವೆಗಳು ಸಕ್ರಿಯಗೊಂಡವು. ಹಲವು ಆಂಬ್ಯುಲೆನ್ಸ್‌ಗಳು ಮತ್ತು ಪೊಲೀಸ್ ವಾಹನಗಳು ಸ್ಥಳಕ್ಕೆ ಧಾವಿಸಿದ್ದು ತನಿಖೆ ನಡೆಸಲಾಗುತ್ತಿದೆ. ಬಾಲಿಕೇಸಿರ್ ಗವರ್ನರ್ ಇಸ್ಮಾಯಿಲ್ ಉಸ್ತಾವೋಗ್ಲು ಅವರು X ನಲ್ಲಿ ನೀಡಿದ ಹೇಳಿಕೆಯಲ್ಲಿ "ಬಾಲಿಕೇಸಿರ್ 9 ನೇ ಮುಖ್ಯ ಜೆಟ್ ಬೇಸ್ ಕಮಾಂಡ್‌ನ ಸ್ಕ್ವಾಡ್ರನ್‌ಗೆ ಸೇರಿದ ನಮ್ಮ F-16 ವಿಮಾನಗಳಲ್ಲಿ ಒಂದು ಬೆಳಿಗ್ಗೆ 00:50 ರ ಸುಮಾರಿಗೆ ಮಿಷನ್ ಹಾರಾಟದ ಸಮಯದಲ್ಲಿ ಅಪಘಾತಕ್ಕೀಡಾಯಿತು ಮತ್ತು ನಮ್ಮ ಪೈಲಟ್‌ಗಳಲ್ಲಿ ಒಬ್ಬರು ಹುತಾತ್ಮರಾಗಿದ್ದಾರೆ. ನಮ್ಮ ಹುತಾತ್ಮರ ಮೇಲೆ ಕರುಣೆ ತೋರಲು ನಾನು ದೇವರನ್ನು ಪ್ರಾರ್ಥಿಸುತ್ತೇನೆ ಮತ್ತು ಅವರ ಕುಟುಂಬಕ್ಕೆ ನನ್ನ ಸಂತಾಪವನ್ನು ವ್ಯಕ್ತಪಡಿಸುತ್ತೇನೆ ಎಂದು ಹೇಳಿದ್ದಾರೆ.

ಬಾಂಗ್ಲಾ ಹಿಂದೂ ಪೊಲೀಸ್ ಹತ್ಯೆ ಪ್ರಕರಣದ ಆರೋಪಿ ಪಲಾಯನಕ್ಕೆ ಯತ್ನ; ದೆಹಲಿ ವಿಮಾನ ನಿಲ್ದಾಣದಲ್ಲಿ ಬಂಧನ

F-16 ಅಪಘಾತಗಳು ಇತ್ತೀಚಿನ ವರ್ಷಗಳಲ್ಲಿ ಹಲವು ಬಾರಿ ನಡೆದಿವೆ. 2015ರಿಂದ 2024ರವರೆಗೆ ತರಬೇತಿ ಹಾರಾಟದ ಸಮಯದಲ್ಲಿ ಹಲವು ತಾಂತ್ರಿಕ ಸಮಸ್ಯೆಗಳು ಕಂಡುಬಂದಿವೆ. 2019ರಲ್ಲಿ ಇಸ್ಲಾಮಾಬಾದ್ ಬಳಿ ಪೆರೇಡ್ ಅಭ್ಯಾಸದ ಸಮಯದಲ್ಲಿ F-16 ಪತನಗೊಂಡು ಪೈಲಟ್ ಸಾವನ್ನಪ್ಪಿದ್ದರು. 2015ರಲ್ಲಿ ಸ್ಪೇನ್‌ನ ಅಲ್ಬಾಸೆಟ್ ವಾಯುನೆಲೆಯಲ್ಲಿ ಗ್ರೀಕ್ F-16 ಅಪಘಾತಕ್ಕೀಡಾಗಿ ಹಲವರು ಸಾವನ್ನಪ್ಪಿದ್ದರು. 2023ರಲ್ಲಿ ಅಯೋನಿಯನ್ ಸಮುದ್ರದಲ್ಲಿ F-16 ಪತನಗೊಂಡು ಪೈಲಟ್ ಎಂದಿಗೂ ಪತ್ತೆಯಾಗಲಿಲ್ಲ. 2022-2024ರ ನಡುವೆ ದಕ್ಷಿಣ ಕೊರಿಯಾದಲ್ಲಿ ತರಬೇತಿಯ ಸಮಯದಲ್ಲಿ ಪ್ರತ್ಯೇಕ F-16 ಅಪಘಾತಗಳು ನಡೆದಿವೆ.