ಮೆಕ್ಸಿಕೋದ ಮೋಸ್ಟ್ ವಾಂಟೆಡ್ ಡ್ರಗ್ ಲಾರ್ಡ್ ಎಲ್ ಮೆಂಚೊ ಹತ್ಯೆ; ದೇಶದಲ್ಲಿ ಭುಗಿಲೆದ್ದ ಹಿಂಸಾಚಾರ

ಮೆಕ್ಸಿಕೋ: ದೇಶದ ವಿವಿಧ ಭಾಗಗಳಲ್ಲಿ ಹಿಂಸಾಚಾರದ ಅಲೆಯನ್ನು ಹುಟ್ಟುಹಾಕಿದ ಕಾರ್ಯಾಚರಣೆಯಲ್ಲಿ ಪ್ರಬಲ ಮಾದಕವಸ್ತು ದೊರೆ ನೆಮೆಸಿಯೊ ಎಲ್ ಮೆಂಚೊ ಒಸೆಗುರಾನನ್ನು ( Drug Lord 'El Mencho) ಮೆಕ್ಸಿಕನ್‌ ಸೇನೆ ಹತ್ಯೆ ಮಾಡಿದೆ. ಜಲಿಸ್ಕೊ ​​ರಾಜ್ಯದ ಟಪಲ್ಪಾ ಪಟ್ಟಣದಲ್ಲಿ ಸೈನಿಕರೊಂದಿಗಿನ ಘರ್ಷಣೆಯಲ್ಲಿ ಜಲಿಸ್ಕೊ ​​ನ್ಯೂ ಜನರೇಷನ್ ಕಾರ್ಟೆಲ್‌ನ 59 ವರ್ಷದ ನಾಯಕ ಒಸೆಗುರಾ ಗಾಯಗೊಂಡು ಮೆಕ್ಸಿಕೊ ನಗರಕ್ಕೆ ಕರೆದೊಯ್ಯುವಾಗ ಸಾವನ್ನಪ್ಪಿದ್ದಾನೆ ಎಂದು ಸೇನೆ ಹೇಳಿಕೆಯಲ್ಲಿ ತಿಳಿಸಿದೆ.

ದಾಳಿಗೆ ಪ್ರತೀಕಾರವಾಗಿ ಬಂದೂಕುಧಾರಿಗಳು ಪಶ್ಚಿಮ ಜಲಿಸ್ಕೊ ​​ರಾಜ್ಯದಲ್ಲಿ 20 ಕ್ಕೂ ಹೆಚ್ಚು ರಸ್ತೆಗಳನ್ನು ತಡೆದಿದ್ದರು. ಇದರಲ್ಲಿ ಟಪಲ್ಪಾ ಕೂಡ ಸೇರಿದೆ. ಕಾರುಗಳು ಮತ್ತು ಟ್ರಕ್‌ಗಳನ್ನು ಸುಟ್ಟುಹಾಕಲಾಯಿತು. ಹಿಂಸಾಚಾರವು ಇತರ ರಾಜ್ಯಗಳಿಗೂ ಹರಡಿದೆ. ಮೆಕ್ಸಿಕನ್ ಅಧ್ಯಕ್ಷೆ ಕ್ಲೌಡಿಯಾ ಶೀನ್‌ಬಾಮ್, ನಾಗರಿಕರು ಶಾಂತವಾಗಿರಲು ಮನವಿ ಮಾಡಿದ್ದಾರೆ ಕೇಂದ್ರ ಸರ್ಕಾರವು ರಾಜ್ಯ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ತಿಳಿಸಿದ್ದಾರೆ.

ಎಲ್ ಮೆಂಚೊ’ ಎಂದೇ ಕುಖ್ಯಾತಿ ಗಳಿಸಿದ್ದ ಒಸೆಗುರಾ, ಸಿನಾಲೋವಾ ಕಾರ್ಟೆಲ್‌ನ ಸ್ಥಾಪಕರಾದ ಜೋಕ್ವಿನ್ ‘ಎಲ್ ಚಾಪೊ’ ಗುಜ್ಮನ್ ಮತ್ತು ಇಸ್ಮಾಯಿಲ್ ಜಾಂಬಾಡಾ ಅವರನ್ನು ಸೆರೆಹಿಡಿದ ನಂತರ ಅತಿದೊಡ್ಡ ಮೆಕ್ಸಿಕನ್ ಡ್ರಗ್ ಲಾರ್ಡ್‌ಗಳಲ್ಲಿ ಒಬ್ಬನಾಗಿದ್ದ. ಜೋಕ್ವಿನ್‌ ಮತ್ತು ಇಸ್ಮಾಯಿಲ್ ಈಗ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾರೆ.‌ ಮೆಕ್ಸಿಕೋದ ಸ್ವಂತ ಮಿಲಿಟರಿ ಗುಪ್ತಚರ ಮಾಹಿತಿಯ ಜೊತೆಗೆ, ಅಮೆರಿಕದ ಅಧಿಕಾರಿಗಳಿಂದ ಬಂದ "ಪೂರಕ ಮಾಹಿತಿ"ಯೊಂದಿಗೆ ದಾಳಿ ನಡೆಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಒಸೆಗುರಾ ಹೊರತುಪಡಿಸಿ ಆರು ಶಂಕಿತ ಕಾರ್ಟೆಲ್ ಬಂದೂಕುಧಾರಿಗಳು ಸಾವನ್ನಪ್ಪಿದ್ದಾರೆ ಮತ್ತು ಮೂವರು ಸೈನಿಕರು ಗಾಯಗೊಂಡಿದ್ದಾರೆ ಎಂದು ತಿಳಿಸಲಾಗಿದೆ.

ಬಂದೂಕುಧಾರಿಗಳು ಪ್ರತೀಕಾರದ ಹಿಂಸಾಚಾರದಿಂದ ರಸ್ತೆಗಳನ್ನು ನಿರ್ಬಂಧಿಸಿದ್ದರಿಂದ, ಈ ಬೇಸಿಗೆಯಲ್ಲಿ ನಾಲ್ಕು ವಿಶ್ವಕಪ್ ಪಂದ್ಯಗಳನ್ನು ಆಯೋಜಿಸಲಿರುವ ಜಲಿಸ್ಕೊ ​​ರಾಜ್ಯವು ಭಾನುವಾರದಂದು ಹೆಚ್ಚಿನ ಜನಸಂದಣಿಯನ್ನು ಒಳಗೊಂಡ ಎಲ್ಲಾ ಕಾರ್ಯಕ್ರಮಗಳನ್ನು ಮತ್ತು ಸೋಮವಾರದಂದು ವೈಯಕ್ತಿಕ ತರಗತಿಗಳನ್ನು ರದ್ದುಗೊಳಿಸಲಾಗಿದೆ.

ಆಪರೇಷನ್ ಟ್ರಾಶಿ-I: ಕಿಶ್ತ್ವಾರ್‌ನಲ್ಲಿ ಇಬ್ಬರು ಭಯೋತ್ಪಾದಕರ ಹತ್ಯೆ

ಕಾರ್ಯಾಚರಣೆಯ ನಂತರ, ಜಲಿಸ್ಕೊ, ಮೈಕೋಕಾನ್ ಮತ್ತು ಗ್ವಾನಾಹುವಾಟೊ ಸೇರಿದಂತೆ ಕನಿಷ್ಠ ಐದು ರಾಜ್ಯಗಳಲ್ಲಿ ಹಿಂಸಾಚಾರ ಭುಗಿಲೆದ್ದಿದೆ. ಶಂಕಿತ ಕಾರ್ಟೆಲ್ ಸದಸ್ಯರು ಬಸ್‌ಗಳು ಮತ್ತು ಅಂಗಡಿಗಳಿಗೆ ಬೆಂಕಿ ಹಚ್ಚಿದ್ದಾರೆ, ರಸ್ತೆಗಳನ್ನು ತಡೆದರು ಮತ್ತು ಭದ್ರತಾ ಪಡೆಗಳೊಂದಿಗೆ ಘರ್ಷಣೆ ನಡೆಸಿದ್ದಾರೆ. ಪ್ರವಾಸಿ ತಾಣವಾದ ಪೋರ್ಟೊ ವಲ್ಲರ್ಟಾದಲ್ಲಿ ಬೆಂಕಿ ಮತ್ತು ಹೊಗೆಯ ವೀಡಿಯೊಗಳು ಸಹ ಕಾಣಿಸಿಕೊಂಡವು. ಪರಿಸ್ಥಿತಿ ಹದಗೆಟ್ಟಂತೆ ಏರ್ ಕೆನಡಾ ವಿಮಾನಗಳನ್ನು ರದ್ದುಗೊಳಿಸಲಾಗಿದೆ.