ಫೆಡ್ಎಕ್ಸ್ ನವಿ ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸಂಪೂರ್ಣ ಸ್ವಯಂಚಾಲಿತ ಏರ್ ಕಾರ್ಗೋ ಹಬ್‌ಗೆ ಭೂಮಿಪೂಜೆ

ಬೆಂಗಳೂರು: ಭಾರತದ ಅತಿದೊಡ್ಡ ಅಂತಾರಾಷ್ಟ್ರೀಯ ವ್ಯಾಪಾರ ಕಾರಿಡಾರ್‌ ಸಾಮರ್ಥ್ಯ ಹೆಚ್ಚಿಸಲು ಫೆಡ್ಎಕ್ಸ್ ಮತ್ತು ನವಿ ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ (NMIA) ಇಂದು ಸಂಪೂರ್ಣ ಸ್ವಯಂಚಾಲಿತ ಏರ್ ಕಾರ್ಗೋ ಹಬ್‌ಗೆ ಭೂಮಿ ಪೂಜೆ ನಡೆಸಿದೆ. ಈ ಮೂಲಕ ಪಶ್ಚಿಮ ಭಾರತಕ್ಕೆ ಸಮಗ್ರ ಲಾಜಿಸ್ಟಿಕ್ಸ್ ಮತ್ತು ವ್ಯಾಪಾರ ಗೇಟ್‌ವೇ ಆಗಿ ಹೊರಹೊಮ್ಮಿದೆ.

ಫೆಡ್‌ಎಕ್ಸ್‌ನ 2,500 ಕೋಟಿ ರೂ. ದೀರ್ಘಾವಧಿಯ ಹೂಡಿಕೆಯು, ಪ್ರಾದೇಶಿಕ ಬಲವರ್ಧನೆ ಮತ್ತು ಪುನರ್ವಿತರಣಾ ಕೇಂದ್ರವಾಗಿ ವಿನ್ಯಾಸಗೊಳಿಸಲಾದ ಮತ್ತು ಅದಾನಿ ಏರ್‌ ಪೋರ್ಟ್ ಹೋಲ್ಡಿಂಗ್ಸ್ ಲಿಮಿಟೆಡ್ (AAHL) ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲಾದ ಪ್ರಸ್ತಾವಿತ 300,000 ಚದರ ಅಡಿ ಸೌಲಭ್ಯವನ್ನು ಒಳಗೊಂಡಿರಲಿದೆ.

ಪಶ್ಚಿಮ ಭಾರತದ ಅಂತಾರಾಷ್ಟ್ರೀಯ ವ್ಯಾಪಾರ ಕಾರಿಡಾರ್ ಅನ್ನು ಬಲಪಡಿಸಲು ಈ ಹಬ್ NMIA ಯ ಬಹುಮಾದರಿ ಮೂಲಸೌಕರ್ಯವನ್ನು ಬಳಸಿಕೊಳ್ಳುತ್ತದೆ. ಒಮ್ಮೆ ಕಾರ್ಯರೂಪಕ್ಕೆ ಬಂದ ನಂತರ, ಹಬ್ ಲಾಜಿಸ್ಟಿಕ್ಸ್, ಗೋದಾಮು, ಸಾರಿಗೆ ಮತ್ತು ಸಂಬಂಧಿತ ಸೇವೆಗಳಲ್ಲಿ 6,000 ಕ್ಕೂ ಹೆಚ್ಚು ನೇರ ಮತ್ತು ಪರೋಕ್ಷ ಉದ್ಯೋಗಾವಕಾಶ ಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ.

ಇದನ್ನೂ ಓದಿ: Devendra Fadnavis: "ತಂದೆಯಿದ್ದಾಗ ಉತ್ತರಾಧಿಕಾರಿ ಹುಡುಕುವುದಿಲ್ಲ"; ಮೋದಿ ನಿವೃತ್ತಿ ಕುರಿತು ಮಾತನಾಡಿದ್ದ ರಾವತ್‌ಗೆ ತಿರುಗೇಟು ಕೊಟ್ಟ ಫಡ್ನವೀಸ್‌

ಮಹಾರಾಷ್ಟ್ರದ ಗೌರವಾನ್ವಿತ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್(Devendra Fadnavis ) ಇದರ ಉದ್ಘಾಟನೆ ನೆರವೇರಿಸಿದರು. ಈ ವೇಳೆ ಮಾತನಾಡಿದ AAHL ನ ನಿರ್ದೇಶಕ ಶ್ರೀ ಜೀತ್ ಅದಾನಿ,"ಭಾರತದ ವ್ಯಾಪಾರ ಸ್ಪರ್ಧಾತ್ಮಕತೆಯನ್ನು ಬಲಪಡಿಸುವ ಸಮಗ್ರ ಮೂಲ ಸೌಕರ್ಯ ನಿರ್ಮಿಸುವ NMIA ಯ ದೀರ್ಘಕಾಲೀನ ದೃಷ್ಟಿಕೋನವನ್ನು ಈ ಅಭಿವೃದ್ಧಿ ಯು ಪ್ರತಿಬಿಂಬಿಸುತ್ತದೆ.

ಜವಾಹರಲಾಲ್ ನೆಹರು ಬಂದರು, ಕೈಗಾರಿಕಾ ಕಾರಿಡಾರ್‌ಗಳು ಮತ್ತು ಮಲ್ಟಿಮೋಡಲ್ ಸಾರಿಗೆ ಜಾಲಗಳಿಗೆ ಅದರ ಸಾಮೀಪ್ಯದೊಂದಿಗೆ, NMIA ಉನ್ನತ-ಬೆಳವಣಿಗೆಯ ರಫ್ತು ವಲಯಗಳನ್ನು ಬೆಂಬಲಿಸಲು ಮತ್ತು ಜಾಗತಿಕ ಲಾಜಿಸ್ಟಿಕ್ಸ್ ಗೇಟ್‌ವೇ ಆಗಿ ಮಹಾರಾಷ್ಟ್ರದ ಪಾತ್ರವನ್ನು ಹೆಚ್ಚಿಸಲು ಅನನ್ಯ ಸ್ಥಾನದಲ್ಲಿದೆ" ಎಂದರು.

ಫೆಡ್‌ಎಕ್ಸ್ MEISA ಅಧ್ಯಕ್ಷೆ ಶ್ರೀಮತಿ ಕಾಮಿ ವಿಶ್ವನಾಥನ್ ಮಾತನಾಡಿ: "ಜಾಗತಿಕ ವ್ಯಾಪಾರದಲ್ಲಿ ಭಾರತದ ಸ್ಪರ್ಧಾತ್ಮಕತೆಯು ಅದರ ಲಾಜಿಸ್ಟಿಕ್ಸ್ ಮೂಲಸೌಕರ್ಯದ ವಿಶ್ವಾಸಾರ್ಹತೆ ಮತ್ತು ವೇಗವನ್ನು ಹೆಚ್ಚಾಗಿ ಅವಲಂಬಿಸಿರುತ್ತದೆ. NMIA ನಲ್ಲಿ ಈ ಕೇಂದ್ರವನ್ನು ಸ್ಥಾಪಿಸುವುದರಿಂದ ಭಾರತದ ವೇಗವಾಗಿ ಬೆಳೆಯುತ್ತಿರುವ ವ್ಯಾಪಾರ ಕಾರಿಡಾರ್‌ನೊಂದಿಗೆ ಜಾಗತಿಕ ನೆಟ್‌ವರ್ಕ್ ಬಲವನ್ನು ಸಂಯೋಜಿಸಲು ನಮಗೆ ಅವಕಾಶ ನೀಡುತ್ತದೆ, ಗ್ರಾಹಕರಿಗೆ ಹೆಚ್ಚಿನ ಖಚಿತತೆ, ವೇಗ ಮತ್ತು ದಕ್ಷತೆಯನ್ನು ಒದಗಿಸುತ್ತದೆ ಎಂದರು.