South Indian Bank: ಸೌತ್ ಇಂಡಿಯನ್ ಬ್ಯಾಂಕ್‌ನಿಂದ 'ವುಮೆನ್ ಲೈಕ್ ಯು' ಕಾಫಿ ಟೇಬಲ್ ಪುಸ್ತಕ ರಿಲೀಸ್‌
Book Release: ಸೌತ್ ಇಂಡಿಯನ್ ಬ್ಯಾಂಕ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು ವಿಭಿನ್ನವಾಗಿ ಆಚರಿಸಿದ್ದು ಮಹಿಳೆಯರ ಸ್ಪೂರ್ತಿದಾಯಕ ಪ್ರಯಾಣವನ್ನು ವಿವರಿಸುವ ವಿಶೇಷ ಕಾಫಿ ಟೇಬಲ್ ಪುಸ್ತಕ 'ವುಮೆನ್ ಲೈಕ್ ಯು' ಅನ್ನು ಬಿಡುಗಡೆ ಮಾಡಿದೆ. ಸೌತ್ ಇಂಡಿಯನ್ ಬ್ಯಾಂಕಿನ ನಿರ್ದೇಶಕಿ ಲಕ್ಷ್ಮೀ ರಾಮಕೃಷ್ಣ ಶ್ರೀನಿವಾಸ್ ಅವರು ಪುಸ್ತಕವನ್ನು ಅನಾವರಣಗೊಳಿಸಿದರು.
woman day south indian bank
Pushpa Kumari
Mar 17, 2025 7:06 PM
ಬೆಂಗಳೂರು: ಸೌತ್ ಇಂಡಿಯನ್ ಬ್ಯಾಂಕ್ (South Indian Bank) ಈ ಬಾರಿಯ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು International Women's Day 2025) ವಿಭಿನ್ನವಾಗಿ ಆಚರಿಸಿದ್ದು, ವೈವಿಧ್ಯಮಯ ಕ್ಷೇತ್ರಗಳ 52 ಗಮನಾರ್ಹ ಮಹಿಳೆಯರ ಸ್ಪೂರ್ತಿದಾಯಕ ಪ್ರಯಾಣವನ್ನು ವಿವರಿಸುವ ವಿಶೇಷ ಕಾಫಿ ಟೇಬಲ್ ಪುಸ್ತಕ 'ವುಮೆನ್ ಲೈಕ್ ಯು' ಅನ್ನು ಬಿಡುಗಡೆ ಮಾಡಿದೆ. ಸೌತ್ ಇಂಡಿಯನ್ ಬ್ಯಾಂಕಿನ ನಿರ್ದೇಶಕಿ ಲಕ್ಷ್ಮೀ ರಾಮಕೃಷ್ಣ ಶ್ರೀನಿವಾಸ್ ಅವರು ಬೆಂಗಳೂರಿನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅತಿಥಿಗಳು, ಉದ್ಯಮ ಮುಖಂಡರು ಮತ್ತು ಮಹಿಳಾ ಗ್ರಾಹಕರ ಸಮ್ಮುಖದಲ್ಲಿ ಪುಸ್ತಕವನ್ನು ಅನಾವರಣಗೊಳಿಸಿದರು.
ಸೌತ್ ಇಂಡಿಯನ್ ಬ್ಯಾಂಕ್ ಅಂತಾರಾಷ್ಟ್ರೀಯ ಮಹಿಳಾ ದಿನದಂದು 'ವುಮೆನ್ ಲೈಕ್ ಯು' ಅನ್ನು ಬಿಡುಗಡೆ ಮಾಡಲು ಸಂತೋಷಪಡುತ್ತದೆ. ಈ ವಿಶಿಷ್ಟ ಕಾಫಿ ಟೇಬಲ್ ಪುಸ್ತಕವು ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವದಿಂದ ಸವಾಲುಗಳನ್ನು ಜಯಿಸಿ, ಅಂತಿಮವಾಗಿ ಶಾಶ್ವತ ಯಶಸ್ಸನ್ನು ಸಾಧಿಸಿದ ಸಾಮಾನ್ಯ ಮಹಿಳೆಯರ ಸ್ಪೂರ್ತಿದಾಯಕ ಕಥೆಗಳನ್ನು ಹೇಳುತ್ತದೆ. ಈ ಪುಸ್ತಕವು ಅಡೆತಡೆಗಳನ್ನು ಮುರಿದು ಯಶಸ್ಸಿನ ಹಾದಿಯನ್ನು ಸುಗಮ ಗೊಳಿಸಿದ ಮಹಿಳಾ ಸಾಧಕರನ್ನು ಗೌರವಿಸುತ್ತದೆ. ಪ್ರತಿಯೊಬ್ಬ ಯಶಸ್ವಿ ಮಹಿಳೆಯ ಹಿಂದೆ ಮತ್ತೊಬ್ಬರಿಗೆ ಸ್ಪೂರ್ತಿಯಾಗಬಲ್ಲ ಕಥೆಗಳಿವೆ ಎಂದು ನೆರೆದಿದ್ದ ಗಣ್ಯರು ತಿಳಿಸಿದ್ದಾರೆ.
ಇದನ್ನು ಓದಿ: South Indian Bank: ಸೌತ್ ಇಂಡಿಯನ್ ಬ್ಯಾಂಕ್‌ನಿಂದ ಸುಲಭ, ತ್ವರಿತ ‘ಸ್ಥಿರ ಠೇವಣಿ’ ಯೋಜನೆ
ಬೆಂಗಳೂರಿನ ರಾಡಿಸನ್‌ನಲ್ಲಿ ಅಂತಾರಾಷ್ಟ್ರೀಯ ಪ್ಯಾರಾ-ಅಥ್ಲೀಟ್ ಮತ್ತು ಪದ್ಮಶ್ರೀ ಮತ್ತು ಅರ್ಜುನ ಪ್ರಶಸ್ತಿ ಪುರಸ್ಕೃತ ಡಾ. ಮಾಲತಿ ಹೊಳ್ಳ ಅಧ್ಯಕ್ಷತೆ ವಹಿಸಿದ್ದ ಈ ಕಾರ್ಯಕ್ರಮದಲ್ಲಿ ತಮ್ಮ ಸಾಧಕ ಬದುಕಿನ ಬಗ್ಗೆ ಹಂಚಿಕೊಂಡರು.
ಬಳಿಕ ಬಹುಮುಖ ಕ್ರೀಡೆ ಮತ್ತು ಸೆಲೆಬ್ರಿಟಿ ಆ್ಯಂಕರ್‌ ಮಧು ಮೈಲಂಕೋಡಿ "ದಿ ಆರ್ಟ್ ಆಫ್ ಬ್ಯಾಲೆನ್ಸ್" ಕುರಿತು ಪ್ಯಾನಲ್ ಚರ್ಚೆ ನಡೆಸಿದರು. ಕಾರ್ಯಕ್ರಮದಲ್ಲಿ ಐಐಎಂ ಕೋಝಿಕ್ಕೋಡ್ ತ್ವಮಸ್ಸಿ ಮತ್ತು ಆಡಳಿತ ಮಂಡಳಿ ಸ್ಥಾಪಕಿ ಶ್ರೀದೇವಿ ರಾಗವನ್, ಟಾಟಾ ಸೋಲ್‌ಫುಲ್ ಸಹ-ಸಂಸ್ಥಾಪಕಿ ಮತ್ತು ಸಿಎಂಒ ರಸಿಕಾ ಅಯ್ಯರ್, ಪೀಕ್ ಆಲ್ಫಾ ಇನ್ವೆಸ್ಟ್‌ಮೆಂಟ್ಸ್ ಸಹ-ಸಂಸ್ಥಾಪಕಿ ಮತ್ತು ನಿರ್ದೇಶಕಿ ಪ್ರಿಯಾ ಸುಂದರ್, ಡೆಂಟ್ಸು ಇಂಡಿಯಾ ಮುಖ್ಯ ಬೆಳವಣಿಗೆ ಅಧಿಕಾರಿ ಸಿಮಿ ಸಭಾನಿ ಉಪಸ್ಥಿತರಿದ್ದರು.