Nov. 28, 2025, 1:19 p.m.
ನವ ಸಂಕಲ್ಪಗಳ ಪಾಲನೆಗೆ ಮೋದಿ ಕರೆ
ನದಿ ಸಂರಕ್ಷಣೆ, ಅಮ್ಮನ ಹೆಸರಿನಲ್ಲಿ ಮರಗಳ ರಕ್ಷಣೆ, ಒಬ್ಬ ಬಡವನ ಉದ್ಧಾರ, ವೋಕಲ್‌ ಫಾರ್‌ ಲೋಕಲ್‌, ಸಾವಯವ ಕೃಷಿ, ಧಾನ್ಯಗಳ ಹೆಚ್ಚಿನ ಬಳಕೆ, ಊಟದಲ್ಲಿ ಎಣ್ಣೆಯ ಅಂಶ ಕಡಿಮೆ ಮಾಡುವುದು ಸೇರಿದಂತೆ ಒಟ್ಟು 9ಸಂಕಲ್ಪಗಳನ್ನು ಪಾಲಿಸುವಂತೆ ಕರೆ ಕೊಟ್ಟಿದ್ದಾರೆ.
Nov. 28, 2025, 1:12 p.m.
ಇದು ನವಭಾರತ ಯಾರಿಗೂ ಬಗ್ಗಲ್ಲ- ಮೋದಿ ಎಚ್ಚರಿಕೆ
ಪಹಲ್ಗಾಮ್‌ ದಾಳಿ ಮತ್ತು ಆಪರೇಷನ್‌ ಸಿಂದೂರ್‌ ಬಗ್ಗ ಪ್ರಸ್ತಾಪಿಸಿದ ಪ್ರಧಾನಿ ಮೋದಿ, ಇದು ನವಭಾರತ ಯಾರಿಗೂ ತಗ್ಗಲ್ಲ...ಬಗ್ಗಲ್ಲ ಎಂದರು.
Nov. 28, 2025, 1:06 p.m.
ದಾಸರನ್ನು ಸ್ಮರಿಸಿದ ಮೋದಿ
ಉಡುಪಿಯಲ್ಲಿ ಧರ್ಮ ಮತ್ತು ಸೇವೆ ಸಂಗಮವಿದೆ. ಲಕ್ಷಾಂತರ ಭಕ್ತರಿಗೆ ಇಲ್ಲಿ ಅನ್ನ ದಾಸೋಹ ನಡೆಯುತ್ತಿದೆ. ದಾಸರ ಪದಗಳು ಕನ್ನಡಿಗರ ಮನೆ ಮನದಲ್ಲಿದೆ ಎಂದು ಹೇಳುವ ಮೂಲಕ ಪುರಂದರ ದಾಸ ಮತ್ತು ಕನಕ ದಾಸರನ್ನು ಸ್ಮರಿಸಿದರು.
Nov. 28, 2025, 1:02 p.m.
ಉಡುಪಿಗೆ ಬಂದಿರುವುದು ಪರಮ ಸೌಭಾಗ್ಯ-ಮೋದಿ
ಉಡುಪಿ ಮಠದಲ್ಲಿ ಲಕ್ಷ ಕಂಠ ಗೀತಾ ಪಠಣ ನಡೆದಿದೆ. ಇದರಲ್ಲಿ ಭಾಗಿಯಾಗಿದ್ದು ನನ್ನ ಪರಮ ಸೌಭಾಗ್ಯ. ಉಡುಪಿಗೆ ಬರುವುದೆಂದರೆ ನನಗೆ ಬಹಳ ಸಂತಸದ ವಿಚಾರ ಎಂದು ಮೋದಿ ಹೇಳಿದರು.
Nov. 28, 2025, 12:56 p.m.
ಶ್ರೀಕೃಷ್ಣ ಮತ್ತು ಮಧ್ವಾಚಾರ್ಯರ ಆಶೀರ್ವಾದ ಸಿಕ್ಕಿದೆ: ಮೋದಿ
ಇಂದು ನನಗೆ ಉಡುಪಿ ಶ್ರೀಕೃಷ್ಣ ಮತ್ತು ಮಧ್ವಾಚಾರ್ಯರ ಆಶೀರ್ವಾದ ಸಿಕ್ಕಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು. ಬಿಜೆಪಿಗೆ ಇಲ್ಲಿನ ವಿ.ಎಸ್‌. ಆಚಾರ್ಯ ಅವರ ಕೊಡುಗೆ ಬಹಳಷ್ಟಿದೆ.
Nov. 28, 2025, 12:56 p.m.
ಉಡುಪಿ ಬಿಜೆಪಿ ಮತ್ತು ಜನಸಂಘದ ಕರ್ಮಭೂಮಿ
ಉಡುಪಿಯಲ್ಲಿ 5ದಶಕದ ಹಿಂದೆಯೇ ಜನ ಸಂಘಕ್ಕೆ ಅಧಿಕಾರ ಸಿಕ್ಕಿತ್ತು. ಉಡುಪಿ ಬಿಜೆಪಿ ಮತ್ತು ಜನಸಂಘದ ಕರ್ಮಭೂಮಿ ಎಂದು ಪ್ರಧಾನಿ ಮೋದಿ ತಿಳಿಸಿದರು.
Nov. 28, 2025, 12:50 p.m.
ಕನ್ನಡದಲ್ಲೇ ಮಾತನ್ನು ಆರಂಭಿಸಿದ ಪ್ರಧಾನಿ ಮೋದಿ
ಇನ್ನು ಸಭಾಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ಕನ್ನಡದಲ್ಲೇ ಎಲ್ಲರಿಗೂ ನಮಸ್ಕಾರ ತಿಳಿಸಿದರು.
Nov. 28, 2025, 12:50 p.m.
ಮಕ್ಕಳು ತಂದ ಫೋಟೋ ಸಂಗ್ರಹಿಸಿದ ಮೋದಿ
ಕಾರ್ಯಕ್ರಮದಲ್ಲಿ ಭಾಗವಹಿಸಿ ಪ್ರಧಾನಿ ಮೋದಿಯನ್ನು ಕಣ್ತುಂಬಿಕೊಳ್ಳಲು ಸಹಸ್ರಾರು ಜನ ಆಗಮಿಸಿದ್ದಾರೆ. ಕೆಲವು ಮಕ್ಕಳು ಮೋದಿ ಮತ್ತು ಶ್ರೀ ಕೃಷ್ಣನ ಫೋಟೋವನ್ನು ತಂದಿದ್ದರು. ಅದನ್ನು ಕಂಡ ಮೋದಿ ಅದನ್ನು ಸಂಗ್ರಹಿಸುವಂತೆ ಭದ್ರತಾ ಸಿಬ್ಬಂದಿಗೆ ಸೂಚನೆ ನೀಡಿದರು.
Nov. 28, 2025, 12:43 p.m.
ಭಗವದ್ಗೀತೆ ಪಠಿಸಿದ ಪ್ರಧಾನಿ ಮೋದಿ
ಭಕ್ತರ ಜತೆಗೂಡಿ ಪ್ರಧಾನಿ ಮೋದಿ ಭಗವದ್ಗೀತೆಯ 15ನೇ ಅಧ್ಯಾಯದ 10 ಶ್ಲೋಕಗಳನ್ನು ಪ್ರಧಾನಿ ಮೋದಿ ಪಠಿಸಿದರು.
Nov. 28, 2025, 12:38 p.m.
ಮೋದಿ ರಕ್ಷತಿ ರಕ್ಷಿತಃ ಎಂದ ಪುತ್ತಿಗೆ ಶ್ರೀ
ಲಕ್ಷಾ ಕಂಠ ಗೀತಾ ಪಾರಾಯಣದಲ್ಲಿ ಭಾಗಿಯಾದ ಪ್ರಧಾನಿ ನರೇಂದ್ರ ಮೋದಿಯವರನ್ನು ಪುತ್ತಿಗೆ ಶ್ರೀಯವರು ಹಾಡಿ ಹೊಗಳಿದರು. ಧರ್ಮೋ ರಕ್ಷತಿ ರಕ್ಷಿತಃ ಅಲ್ಲ ಇನ್ನು ಮುಂದೆ ಮೋದಿ ರಕ್ಷತಿ ರಕ್ಷಿತಃ ಎಂದು ಅವರು ಹೇಳಿದರು.
Nov. 28, 2025, 12:23 p.m.
ಅನಂತ ಪದ್ಮನಾಭನ ಪ್ರತಿಮೆ ಅನಾವರಣ
ಗೀತಾ ಮಂದಿರದಲ್ಲಿ ಪ್ರಧಾನಿ ಮೋದು ಶ್ರೀ ಅನಂತ ಪದ್ಮನಾಭ ದೇವರ ಪ್ರತಿಮೆಯನ್ನು ಅನಾವರಣಗೊಳಿಸಿದರು.
Nov. 28, 2025, 12:21 p.m.
ಮಠಾಧೀಶರೊಂದಿಗೆ ಮೋದಿ ಮಾತುಕತೆ
ಕೃಷ್ಣಮಠಕ್ಕೆ ಭೇಟಿ ಕೊಟ್ಟ ಪ್ರಧಾನಿ ಮೋದಿಗೆ ಶ್ರೀ ಕೃಷ್ಣ ಪ್ರಸಾದವನ್ನು ನೀಡಿ ಗೌರವಿಸಲಾಗಿದೆ. ಬಳಿಕ ಮೋದಿ ಅಷ್ಟ ಮಠಗಳ ಮಠಾಧೀಶರ ಜೊತೆ ಮಾತುಕತೆ ನಡೆಸಿದ್ದಾರೆ.
Nov. 28, 2025, 11:59 a.m.
ಮಧ್ವ ಸರೋವರ ವೀಕ್ಷಿಸಿದ ಮೋದಿ
ಮಧ್ವ ಸರೋವರಕ್ಕೆ ಭೇಟಿ ಕೊಟ್ಟು ಅಲ್ಲಿ ತೀರ್ಥ ಪ್ರೋಕ್ಷಣೆಯಾದ ಬಳಿಕ ಪ್ರಧಾನಿ ಮೋದಿ ದೇವರ ದರ್ಶನ ಪಡೆದಿದ್ದಾರೆ.
Nov. 28, 2025, 11:57 a.m.
ಮೋದಿಗೆ ಅಷ್ಟ ಮಠದ ಪ್ರಮುಖರಿಂದ ಸ್ವಾಗತ
ಕೃಷ್ಣ ಮಠಕ್ಕೆ ಆಗಮಿಸಿರುವ ಪ್ರಧಾನಿ ಮೋದಿಗೆ ಅಷ್ಟ ಮಠದ ಪ್ರಮುಖರಿಂದ ಅದ್ದೂರಿ ಸ್ವಾಗತ ಸಿಕ್ಕಿದೆ.
Nov. 28, 2025, 11:51 a.m.
ಸ್ವರ್ಣಲೇಪಿತ ಕನಕಕಿಂಡಿ ಲೋಕಾರ್ಪಣೆ
ಪ್ರಧಾನಿ ಮೋದಿ ಕೃಷ್ಣ ಮಠಕ್ಕೆ ಭೇಟಿ ನೀಡಿ ಅಲ್ಲಿ ಸ್ವರ್ಣಲೇಪಿತ ಕನಕಕಿಂಡಿಯನ್ನು ಲೋಕಾರ್ಪಣೆ ಮಾಡಿದ್ದಾರೆ. ಬಳಿಕ ಆ ಕಿಂಡಿ ಮೂಲಕ ದೇವರ ದರ್ಶನ ಪಡೆದಿದ್ದಾರೆ. ಇತ್ತೀಚೆಗಷ್ಟೇ ಎರಡು ಕೋಟಿ ರೂ. ವೆಚ್ಚದಲ್ಲಿ ಈ ಕಿಂಡಿಯನ್ನು ನವೀಕರಣಗೊಳಿಸಿಲಾಗಿತ್ತು.
Nov. 28, 2025, 11:49 a.m.
ರೋಡ್‌ ಶೋ ಅಂತ್ಯ; ಕೃಷ್ಣ ಮಠಕ್ಕೆ ಪ್ರಧಾನಿ ಮೋದಿ
ಬನ್ನಂಜೆಯಿಂದ ಆರಂಭಗೊಂಡಿದ್ದ ಪ್ರಧಾನಿ ನರೇಂದ್ರ ಮೋದಿಯವರ ರೋಡ್‌ ಶೋ ಅಂತ್ಯಗೊಂಡಿದೆ. ಈಗಾಗಲೇ ಅವರು ಕೃಷ್ಣ ಮಠಕ್ಕೆ ಆಗಮಿಸಿದ್ದಾರೆ.
Nov. 28, 2025, 11:42 a.m.
ಕೆಲವೇ ಕ್ಷಣಗಳಲ್ಲಿ ಕೃಷ್ಣಮಠಕ್ಕೆ ಭೇಟಿ
ಪ್ರಧಾನಿ ಮೋದಿ ರೋಡ್‌ ಶೋ ಮುಗಿಯುತ್ತಾ ಬಂದಿದ್ದು, ಇನ್ನೇನು ಕೆಲವೇ ಕ್ಷಣಗಳಲ್ಲಿ ಕೃಷ್ಣಮಠಕ್ಕೆ ತಲುಪಲಿದ್ದಾರೆ.
Nov. 28, 2025, 11:21 a.m.
ಮೋದಿಯ ಮೇಲೆ ಹೂಮಳೆ
ಮೋದಿಯನ್ನು ಕಂಡು ಹರ್ಷೋದ್ಗಾರ ಮಾಡಿರುವ ಜನ ಹೂಮಳೆ ಸುರಿಸಿ ಸ್ವಾಗತಿಸಿದ್ದಾರೆ. ಜನರತ್ತ ಪ್ರಧಾನಿ ಮೋದಿ ಕೈಬೀಸಿದ್ದಾರೆ. ಜನರೆಲ್ಲಾ ಮೋದಿ ಮೋದಿ ಎಂದು ಕೂಗಿ ಸಂಭ್ರಮಿಸಿದ್ದಾರೆ.
Nov. 28, 2025, 11:18 a.m.
ಸುಮಾರು 2 ಕಿ.ಮೀ ರೋಡ್‌ ಶೋ
ಬನ್ನಂಜೆಯಿಂದ ಕೃಷ್ಣ ಮಠದವರೆಗೆ ಸುಮಾರು 2ಕಿ.ಮೀ ರೋಡ್‌ ಶೋ ನಡೆಯುತ್ತಿದ್ದು, ರಸ್ತೆ ಇಕ್ಕೆಳಗಳಲ್ಲಿ ಕರಾವಳಿಯ ಸಂಸ್ಕೃತಿಯನ್ನು ಬಿಂಬಿಸುವ ವೇಷಭೂಷಣ ಧರಿಸಿ ಜನ ಪ್ರಧಾನಿ ಮೋದಿಯನ್ನು ಆತ್ಮೀಯವಾಗಿ ಸ್ವಾಗತಿಸಿದ್ದಾರೆ.
Nov. 28, 2025, 11:17 a.m.
ಪ್ರಧಾನಿ ಮೋದಿ ರೋಡ್‌ ಶೋ ಆರಂಭ
ಪ್ರಧಾನಿ ನರೇಂದ್ರ ಮೋದಿಯವರ ರೋಡ್‌ ಶೋ ಬನ್ನಂಜೆಯಿಂದ ಆರಂಭಗೊಂಡಿದೆ. ಉಡುಪಿ ಕೃಷ್ಣಮಠದವರೆಗೆ ಈ ರೋಡ್‌ ಶೋ ನಡೆಯಲಿದೆ. ರಸ್ತೆಯುದ್ಧಕ್ಕೂ ಕಿಕ್ಕಿರಿದು ನಿಂತಿರುವ ಜನ ಮೋದಿ ರೋಡ್‌ ಶೋ ನೋಡಲು ಕಾತರದಿಂದ ಕಾಯುತ್ತಿದ್ದಾರೆ.
Nov. 28, 2025, 11:15 a.m.
ಮುಂದುವರಿದ ಲಕ್ಷ ಕಂಠ ಗೀತಾ ಪಠಣ
ಮತ್ತೊಂದೆಡೆ ಲಕ್ಷ ಕಂಠ ಗೀತಾ ಪಠಣ ಮುಂದುವರಿದಿದೆ. ರೋಡ್‌ ಶೋ ಮತ್ತು ದೇವರ ದರ್ಶನದ ನಂತರ ಪ್ರಧಾನಿ ನರೇಂದ್ರ ಮೋದಿ ಈ ಗೀತಾ ಪಠಣ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
Nov. 28, 2025, 11:11 a.m.
ಮೋದಿಗೆ ದಿನೇಶ್‌ ಗುಂಡೂರಾವ್‌ ಸ್ವಾಗತ
ಉಡುಪಿ ಹೆಲಿಪ್ಯಾಡ್‌ಗೆ ಬಂದಿಳಿದಿರುವ ಪ್ರಧಾನಿ ನರೇಂದ್ರ ಮೋದಿಗೆ ಸಚಿವ ದಿನೇಶ್‌ ಗುಂಡೂರಾವ್‌ ಸ್ವಾಗತಿಸಿದ್ದಾರೆ.
Nov. 28, 2025, 11:01 a.m.
ಉಡುಪಿ ಹೆಲಿಪ್ಯಾಡ್‌ಗೆ ಆಗಮನ
ಉಡುಪಿ ಹೆಲಿಪ್ಯಾಡ್‌ಗೆ ಪ್ರಧಾನಿ ನರೇಂದ್ರ ಮೋದಿಯವರು ಆಗಮಿಸಿದ್ದಾರೆ. ಹೆಲಿಕಾಪ್ಟರ್‌ ಕಂಡು ಕೇಕೆ ಹಾಕಿ ಜನ ಸಂಭ್ರಮಿಸಿದ್ದಾರೆ.
Nov. 28, 2025, 10:51 a.m.
ಸೇನಾ ಹೆಲಿಕಾಪ್ಟರ್‌ ಮೂಲಕ ಉಡುಪಿಗೆ ಪ್ರಯಾಣ
ಸೇನಾ ಹೆಲಿಕಾಪ್ಟರ್‌ ಮೂಲಕ ಉಡುಪಿಗೆ ತೆರಳಿರುವ ಪ್ರಧಾನಿ ಮೋದಿ ಕೆಲವೇ ಕ್ಷಣದಲ್ಲಿ ಉಡುಪಿಯಲ್ಲಿ ಬಂದಿಳಿಯಲಿದ್ದಾರೆ
Nov. 28, 2025, 10:49 a.m.
ಮಂಗಳೂರಿಗೆ ಬಂದಿಳಿದ ಪ್ರಧಾನಿ ಮೋದಿ
ಉಡುಪಿ ಭೇಡಿ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಈಗಾಗಲೇ ಮಂಗಳೂರಿಗೆ ಬಂದಿಳಿದಿದ್ದಾರೆ. ಅಲ್ಲಿಂದ ಹೆಲಿಕಾಪ್ಟರ್‌ ಮೂಲಕ ಉಡುಪಿ ತೆರಳಿದ್ದಾರೆ.
