Bigg Boss Kannada 12: ಜಗಳ, ಗದ್ದಲ ಶುರುವಾಗಿದ್ದೇ ಇಲ್ಲಿಂದ! ಕಿಚ್ಚನ ಮುಂದೆ ಗಿಲ್ಲಿ ವಿರುದ್ಧ ಸ್ಪರ್ಧಿಗಳ ದೂರು
Gilli Nata: ಇನ್ನು ಮನೆಯಲ್ಲಿ ನಡೆದ ಜಗಳಗಳಿಗೆ ಮೂಲ ಕಾರಣ ಗಿಲ್ಲಿಯೇ ಎಂದು ಬಹುತೇಕ ಸ್ಪರ್ಧಿಗಳು ಹೇಳಿದರು. ಅತಿಥಿಗಳಾಗಿ ಬಂದಿದ್ದ ರಜತ್ ಮತ್ತು ಉಗ್ರಂ ಮಂಜು ಅಂತೂ ಗಿಲ್ಲಿ ವಿರುದ್ಧವೇ ಮಾತನಾಡಿದರು. ಮನೆಯ ಕ್ಯಾಪ್ಟನ್ ಅಭಿ, ರಘು, ಸ್ಪಂದನಾ ಅವರುಗಳು ಸಹ ಗಿಲ್ಲಿ ವಿರುದ್ಧ ದೂರುಗಳನ್ನು ಹೇಳಿದರು. ಗಿಲ್ಲಿ ಕೂಡ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಅತಿಥಿಗಳು ಸಹ ಉದ್ದೇಶಪೂರ್ವಕವಾಗಿ ತಮ್ಮೊಂದಿಗೆ ಹಾಗೆ ನಡೆದುಕೊಂಡರು. ನನ್ನನ್ನು ಮಾತನಾಡುವಂತೆ ಮಾಡಿದರು ಎಂದರು.
ಬಿಗ್ ಬಾಸ್ ಕನ್ನಡ -
ಈ ವಾರ ಸ್ಪರ್ಧಿಗಳಿಗೆ ರೆಸಾರ್ಟ್‌ (Resort Task) ಟಾಸ್ಕ್‌ ನೀಡಿದ್ದರು ಬಿಗ್ ಬಾಸ್. ಆದರೆ ಟಾಸ್ಕ್‌ನ್ನ ಸೀರೆಯೆಸ್‌ ಆಗಿ ತೆಗದುಕೊಂಡು, ಟಾಸ್ಕ್‌ ಅರ್ಥ ಮಾಡಿಕೊಳ್ಳದೇ ವಾದ ವಿವಾದದಲ್ಲೇ ಕಳೆದಿದ್ದರು ಸ್ಪರ್ಧಿಗಳು. ಈ ಬಗ್ಗೆ ಸುದೀಪ್‌ (Sudeep) ನೇರವಾಗಿ ಸ್ಪರ್ಧಿಗಳಿಗೆ ಮನದಟ್ಟು ಮಾಡಿದ್ದಾರೆ. ಇನ್ನು ಮನೆಯಲ್ಲಿ ನಡೆದ ಜಗಳಗಳಿಗೆ ಮೂಲ ಕಾರಣ ಗಿಲ್ಲಿಯೇ ಎಂದು ಬಹುತೇಕ ಸ್ಪರ್ಧಿಗಳು ಹೇಳಿದರು. ಅತಿಥಿಗಳಾಗಿ ಬಂದಿದ್ದ ರಜತ್ ಮತ್ತು ಉಗ್ರಂ ಮಂಜು (Ugram Manju) ಅಂತೂ ಗಿಲ್ಲಿ ವಿರುದ್ಧವೇ ಮಾತನಾಡಿದರು. ಮನೆಯ ಕ್ಯಾಪ್ಟನ್ ಅಭಿ, ರಘು, ಸ್ಪಂದನಾ ಅವರುಗಳು ಸಹ ಗಿಲ್ಲಿ (Gilli Nata) ವಿರುದ್ಧ ದೂರುಗಳನ್ನು ಹೇಳಿದರು.
ತಪ್ಪನ್ನು ಒಪ್ಪಿಕೊಂಡ ಗಿಲ್ಲಿ
ಗಿಲ್ಲಿ ಕೂಡ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಅತಿಥಿಗಳು ಸಹ ಉದ್ದೇಶಪೂರ್ವಕವಾಗಿ ತಮ್ಮೊಂದಿಗೆ ಹಾಗೆ ನಡೆದುಕೊಂಡರು. ನನ್ನನ್ನು ಮಾತನಾಡುವಂತೆ ಮಾಡಿದರು ಎಂದರು. ಕಾವ್ಯಾ ಸಹ, ಬಂದ ಅತಿಥಿಗಳಿಗೆ ಗಿಲ್ಲಿಯನ್ನು ಕಂಟ್ರೋಲ್ ಮಾಡುವ ಉದ್ದೇಶ ಇದ್ದಂತೆ ಇತ್ತು. ಹಲವು ಬಾರಿ ಗಿಲ್ಲಿಯನ್ನು ಕೆದಕಿ ಕೆದಕಿ ರೇಗಿಸುತ್ತಿದ್ದನ್ನು ನೋಡಿದ್ದೆ ಎಂದರು.
ಇದನ್ನೂ ಓದಿ: Bigg Boss Kannada 12: 5 ಜನ ಅತಿಥಿಗಳಿಗೆ ಟ್ವಿಸ್ಟ್ ಮೇಲೆ ಟ್ವಿಸ್ಟ್! ಮನೆಯಲ್ಲೇ ಉಳಿಯೋ ಆ ಇಬ್ಬರು ಯಾರು?
ಆಗ ಸುದೀಪ್‌ ಅವರು ಮತ್ತೆ ಮೂಲಕ್ಕೆ ಹೋಗಿದ್ದಾರೆ. ಅಶ್ವಿನಿ ಅವರ ಉದಾಹರಣೆಯನ್ನು ನೀಡಿ ಹೇಳಿದ್ದರು. ಇದೆಲ್ಲ ಪ್ರಾರಂಭವಾಗಿರೋದು ಎಲ್ಲಿ ಅಂದಾಗ, ಬಹುತೇಕರು ಗಿಲ್ಲಿ ಅಂತಾನೇ ಹೇಳಿದ್ದಾರೆ. ಈ ಬಗ್ಗೆ ವಿಟಿ ಪ್ಲೇ ಆಯ್ತು. ಮೊದಲಿಗೆ ಗಿಲ್ಲಿ ಹಾಲ್‌ನಲ್ಲಿ ಕುಳಿತಾಗ, ಮಂಜು ಅವರಿಗೆ ಎಷ್ಟನೆ ಮದುವೆ ಎಂದಿದ್ದಾರೆ. ಆ ಬಳಿಕ ಬಿಟ್ಟಿ ಊಟಕ್ಕೆ ಬಂದಿದ್ದೀರಾ ಅಂತ ಕೇಳಿದ್ದಾರೆ.
ರೋಸ್ಟ್‌ ಮಾಡುವ ಸಮಯದಲ್ಲೂ ಗಿಲ್ಲಿ ಲೈನ್‌ ಕ್ರಾಸ್‌ ಮಾಡಿದ್ದರು. ಬಹುತೇಕ ಎಲ್ಲ ಗೆಸ್ಟ್‌ಗಳು ಗಿಲ್ಲಿ ಅವರನ್‌ ಹೊಗಳುತ್ತಲೇ ಇದ್ದರು. ಗಿಲ್ಲಿ ನೀನು ಚೆನ್ನಾಗಿ ಆಡುತ್ತಿದ್ದೀಯಾ ಅಂತ ಹೇಳುತ್ತಲೇ ಇದ್ದರು. ಆದರೆ ಗಿಲ್ಲಿ ಮಾತ್ರ ಕಾಮಿಡಿ ಮಾಡೋ ಅಷ್ಟು ಮಾಡಿ ಮತ್ತೆ ಸಾರಿ ಕೇಳ್ತಾ ಇದ್ದರು. ಇವೆಲ್ಲವೂ ವಿಟಿ ಮೂಲಕ ಪ್ಲೇ ಮಾಡಿಸಿದ್ದಾರೆ ಕಿಚ್ಚ.
ನಾಲಿಗೆಯಿಂದ ಹಾಳಾಗಬೇಡಿ
ಇದಾದ ಬಳಿ ಕಿಚ್ಚ ಅವರು ಗಿಲ್ಲಿ ಅವರಿಗೆ ಬೈದಿಲ್ಲ. ಬದಲಾಗಿ ತಿಳಿ ಹೇಳಿದರು. ಆಟವನ್ನು ಚೆನ್ನಾಗಿ ಆಡುತ್ತಿದ್ದೀರಿ. ಮುಂದುವರಿಸಿ, ನಿಮಗೆ ದೇವರು ಒಳ್ಳೆಯ ಟ್ಯಾಲೆಂಟ್‌ ಕೊಟ್ಟಿದ್ದಾನೆ. ಕಾಮಿಡಿ ಮಾಡುತ್ತೀರಿ. ನಾಲಗೆಯಿಂದಲೇ ಇಲ್ಲಿಯವರೆಗೂ ಬಂದಿದ್ದೀರಿ. ಹೆಸರು ಗಳಿಸಿದ್ದೀರಿ, ಅದೇ ನಾಲಿಗೆಯಿಂದ ಹಾಳಾಗಬೇಡಿ’ ಎಂದರು. ಗಿಲ್ಲಿ ತಿದ್ದು ಕೊಳ್ಳುವೆ ಎಂದು ಹೇಳಿಕೊಂಡಿದ್ದಾರೆ.
ಈಗಾಗಲೇ ಕಲರ್ಸ್‌ ಕನ್ನಡ ಹೊಸ ಪ್ರೋಮೋ ಶೇರ್‌ ಮಾಡಿಕೊಂಡಿದೆ. ಮಾತಿನ ಮಲ್ಲ ಗಿಲ್ಲಿ , ಮಾತಿನ ಮೂಲಕವೇ ತಿರುಗೇಟು ಕೊಟ್ಟಿದ್ದಾರೆ. ಇನ್ನೇನಿದ್ರು ಗೇಮ್‌ ಮೂಲಕ ನಾನು ಏನು ಅಂತ ತೋರಿಸ್ತೀನಿ ಅಂತ ಗಿಲ್ಲಿ ಅವರು ರಜತ್‌ಗೆ ನೇರವಾಗಿ ಹೇಳಿದ್ದಾರೆ. ಮೊದಲಿಗೆ ರಜತ್ ಅವರಿಗೆ, ಗಿಲ್ಲಿ ಮನೆಗೆ ಕಾಲ್‌ ಮಾಡಿ, ಅವರ ಬಗ್ಗೆ ಮಾತನಾಡಿ ಎಂದಿದ್ದಾರೆ. ಅದಕ್ಕೆ ರಜತ್ ಕಾಲ್‌ ಮೂಲಕ ಗಿಲ್ಲಿಗೆ ಟಾಂಗ್‌ ಕೊಟ್ಟಿದ್ದಾರೆ.
ಇದನ್ನೂ ಓದಿ: Bigg Boss Kannada 12: ರಜತ್ ಮಾಸ್‌ ಆಗಿ ಬಂದ್ರು, ಆದ್ರೆ ಈಗ ಠುಸ್‌ ಎಂದ ಗಿಲ್ಲಿ! ಇನ್ನೇನಿದ್ರು ಆಟ ಒಂದೇ ಎಂದ ಮಾತಿನ ಮಲ್ಲ
`ಯಾವಾಗ ನೋಡಿದರೂ ಮಾತಾಡ್ತಾನೇ ಇರ್ತಾನೆ. ಯಾವಾಗ ಆಟ ಆಡ್ತೀಯಾ? ಮೊದಲು ಆಟ ಆಡು ನಂತರ ಮಾತನಾಡೋವಂತೆ' ಎಂದಿದ್ದಾರೆ ರಜತ್. `ಬರಬೇಕಾದರೆ ಸ್ವಲ್ಪ ಮಾಸ್‌ ಆಗಿ ಬಂದ್ರು. ಆದರೆ ಈಗ ಠುಸ್‌ ಆಗಿ ಬಿಟ್ಟಿದ್ದಾರೆ' ಅಂತ ಗಿಲ್ಲಿ ಅವರು ರಜತ್‌ಗೆ ತಿರುಗೇಟು ಕೊಟ್ಟರು.` ಗೇಮ್‌ ಅಲ್ಲಿ ತೋರಿಸಿ ಅಂತಿದ್ದಾರೆ, ನಾನು ಗೇಮ್‌ನಲ್ಲೇ' ತೋರಿಸ್ತೀನಿ ಅಂತ ನೇರವಾಗಿ ಹೇಳಿದ್ದಾರೆ.
