BBK 12: 'ಕಿಚ್ಚ' ಸುದೀಪ್ ಹೇಳಿದ್ದನ್ನು ಒಪ್ಪದ ಧ್ರುವಂತ್; ʻಬಿಗ್ ಬಾಸ್ʼ ಶೋನಿಂದ ಹೊರಗೆ ಹೋಗುವ ಮಾತನಾಡಿದ್ದೇಕೆ ಈ ಸ್ಪರ್ಧಿ?
BBK 12 Dhruvanth: ಬಿಗ್ ಬಾಸ್ ಕನ್ನಡ 12ರಲ್ಲಿ ಸ್ಪರ್ಧಿ ಧ್ರುವಂತ್ ಅವರು 'ಶೋನಿಂದ ಹೊರಗೆ ಹೋಗುವ' ಮಾತುಗಳನ್ನಾಡಿದ್ದಾರೆ. ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ್ ಸಂಚಿಕೆಯ ಪ್ರೋಮೋದಲ್ಲಿ ಈ ವಿಚಾರ ಗೊತ್ತಾಗಿದೆ. "ಶೋನಿಂದ ಹೊರಗೆ ಹೋಗಲು ಇಷ್ಟಪಡುತ್ತೇನೆ" ಎಂದು ಸುದೀಪ್‌ಗೆ ಧ್ರುವಂತ್ ಹೇಳಿದ್ದಾರೆ.
-
ಬಿಗ್ ಬಾಸ್ ಕನ್ನಡ ಸೀಸನ್‌ 12ರಲ್ಲಿ ತಾವಾಗಿಯೇ ಸ್ಪರ್ಧಿಗಳು ಮನೆಯಿಂದ ಹೊರಗೆ ಹೋಗುವ ನಿರ್ಧಾರವನ್ನು ಮೇಲಿಂದ ಮೇಲೆ ಮಾಡುತ್ತಿದ್ದಾರೆ. ಈ ಹಿಂದೆ ಮಲ್ಲಮ್ಮ ಎಲಿಮಿನೇಟ್‌ ಆಗುವಾಗ ತಾವು ಹೊರಗೆ ಹೋಗುವುದಾಗಿ ಮಾಳು ನಿಪನಾಳ್‌ ಎಂದಿದ್ದರು. ಚಂದ್ರಪ್ರಭ ಅವರು ಎಲಿಮಿನೇಟ್‌ ಆಗುವುದಕ್ಕೂ ತಾವಾಗಿಯೇ ಹೋಗಿ ಮುಖ್ಯದ್ವಾರದ ಬಾಗಿಲನ್ನು ಬಡಿದಿದ್ದರು. ಇದೀಗ ಧ್ರುವಂತ್ ಬಾಯಿಂದ ಅಂತಹದ್ದೇ ಮಾತು ಬಂದಿದೆ. ಅದನ್ನು ಕಿಚ್ಚ ಸುದೀಪ್ ಮುಂದೆಯೇ ಹೇಳಿದ್ದಾರೆ.
ಕಲರ್ಸ್‌ ಕನ್ನಡ ಹೊಸ ಪ್ರೋಮೋ
ನವೆಂಬರ್‌ 30ರ ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ ಸಂಚಿಕೆಯ ಹೊಸ ಪ್ರೋಮೋವನ್ನು ರಿಲೀಸ್‌ ಮಾಡಲಾಗಿದೆ. ಅದರಲ್ಲಿ ಧ್ರುವಂತ್ ಅವರು ಮನೆಯಿಂದ ಹೊರಗೆ ಹೋಗುವ ಬಗ್ಗೆ ಮಾತನಾಡಿದ್ದಾರೆ. ಅಷ್ಟಕ್ಕೂ ಈ ರೀತಿ ಮಾತನ್ನು ಅವರು ಹೇಳುವುದಕ್ಕೆ ಕಾರಣ, ಒಂದು ಚಟುವಟಿಕೆ. ಮನೆಯೊಳಗೆ ಇರುವ ಸ್ಪರ್ಧಿಗಳಿಗೆ ಒಂದೊಂದು ಪ್ರಾಣಿಯನ್ನು ಹೆಸರಿಸಬೇಕು ಎಂದು ಸುದೀಪ್ ಹೇಳಿದ್ದರು. ನರಿ, ಕೋಣ, ಚೇಳು, ಪಾರಿವಾಳ, ಕೋತಿ ಮುಂತಾದ ಪ್ರಾಣಿ ಪಕ್ಷಿಗಳನ್ನು ಕೊಡಲಾಗಿತ್ತು. ಅದರಲ್ಲಿ ಬಹುತೇಕರು ಧ್ರುವಂತ್‌ಗೆ ನರಿ ಥರದ ಪ್ರಾಣಿಗಳ ಫೋಟೋ ನೀಡಿ, ಒಂದಷ್ಟು ಕಾಮೆಂಟ್‌ ಮಾಡಿದರು. ಅದು ಧ್ರುವಂತ್‌ಗೆ ಕಿರಿಕಿರಿ ಉಂಟು ಮಾಡಿದೆ.
Bigg Boss Kannada 12: ಗೆಸ್ಟ್‌ಗಳ ಈ ನಡೆಯ ಬಗ್ಗೆ ಗಿಲ್ಲಿ ಬೇಸರ; ಧ್ರುವಂತ್, ಸೂರಜ್‌ ಬಳಿ ಹೇಳಿದ್ದೇನು?
ಧನುಷ್ & ಮಾಳು ಹೇಳಿದ್ದೇನು?
ಸುದೀಪ್ ಅವರು "ಒಂದೊಂದು ಅನಿಮಲ್‌ಗೂ ಒಂದು ಪರ್ಸನಾಲಿಟಿ, ಕ್ಯಾರೆಕ್ಟರ್‌ ಇದೆ" ಎಂದು ಹೇಳಿ, ಅದು ಯಾರಿಗೆ ಸ್ಯೂಟ್‌ ಆಗಲಿದೆ, ಅವರಿಗೆ ನೀಡಿ ಎಂದು ಹೇಳಿದರು. ಕಾವ್ಯ ಅವರು ಕೋಣವನ್ನು ಗಿಲ್ಲಿ ನಟನಿಗೆ ನೀಡಿದರು. "ತುಂಬಾ ವಿಷಯಗಳಲಿ ಮಾರ್ಗದರ್ದಶನ ನೀಡುತ್ತಿರುತ್ತೇನೆ. ಆದರೆ ಏನೂ ಬದಲಾವಣೆ ಆಗಿಲ್ಲ. ಇವತ್ತಿಗೆ ಅದನ್ನು ಸ್ಟಾಪ್‌ ಮಾಡಬೇಕು ಎಂದು ನಿರ್ಧಾರ ಮಾಡಿದ್ದೇನೆ" ಎಂದು ಹೇಳಿದ್ದಾರೆ. ನಂತರ ಬಂದ ಪಾರಿವಾಳ ಬೋರ್ಡ್‌ ಅನ್ನು ಧ್ರುವಂತ್‌ಗೆ ಧನುಷ್ ನೀಡಿದರು. ಪಾರಿವಾಳ ಬೋರ್ಡ್‌ ಅನ್ನು ಧ್ರುವಂತ್‌ಗೆ ಮಾಳು ನೀಡಿದರು.
"ಅಲ್ಲಿರುವ ವಿಷಯ ಇಲ್ಲಿಗೆ ಬರುತ್ತದೆ, ಇಲ್ಲಿರುವ ವಿಷಯ ಬೇರೆ ಕಡೆಗೆ ಹೋಗುತ್ತದೆ" ಎಂದು ಧ್ರುವಂತ್ ಗುಣವನ್ನು ವಿವರಿಸಿದರು ಧನುಷ್. ನಂತರ ಮಾಳು,"ಒಳ್ಳೆಯ ಮನುಷ್ಯನನ್ನು ಹಾಳು ಮಾಡುವುದೇ ಇವರ ಉದ್ದೇಶ. ಇವರ ಅನಿಸಿಕೆಯನ್ನು ಹೇಳಿ ಹೇಳಿ, ಇನ್ನೊಬ್ಬರ ತಲೆಯನ್ನು ಕೂಡ ಕೆಡಿಸುತ್ತಾರೆ" ಎಂದು ಹೇಳಿದ್ದಾರೆ. ಧ್ರುವಂತ್ ಕುತಂತ್ರಿ ಕೆಲಸ ಮಾಡ್ತಾರೆ ಎಂಬ ಮಾತು ಕೇಳಿಬಂದಿದೆ. ಆಗ ತಮಗೆ ನೀಡಿದ್ದ ಬೋರ್ಡ್‌ಗಳನ್ನು ಕುತ್ತಿಗೆಗೆ ಹಾಕಿಕೊಳ್ಳಬೇಕಿತ್ತು. ಆದರೆ ಧ್ರುವಂತ್ ಅದನ್ನು ಕೈಯಲ್ಲಿ ಇಟ್ಟುಕೊಂಡಿದ್ದರು. ಇದನ್ನು ಗಮನಿಸಿದ ಸುದೀಪ್, ಕುತ್ತಿಗೆಗೆ ಹಾಕಿಕೊಳ್ಳಿ ಎಂದು ಹೇಳಿದರು. ಅದಕ್ಕೆ ಧ್ರುವಂತ್ ಒಪ್ಪಲಿಲ್ಲ!
ಬಿಗ್ ಬಾಸ್ ಕನ್ನಡ 12 ಹೊಸ ಪ್ರೋಮೋ
ಶೋನಿಂದ ಹೊರಗೆ ಹೋಗ್ತಿನಿ!
ಸುದೀಪ್ ಅವರು ಹೇಳಿದ ಮಾತಿಗೆ ಪ್ರತಿಕ್ರಿಯಿಸಿದ ಧ್ರುವಂತ್, "I would leave the show then wearing this (ನಾನು ಇದನ್ನು ಧರಿಸುವುದಕ್ಕಿಂತ ಈ ಶೋನಿಂದ ಹೊರಗೆ ಹೋಗಲು ಇಷ್ಟಪಡುತ್ತೇನೆ)" ಎಂದು ಹೇಳಿದ್ದಾರೆ. ಈ ಬಗ್ಗೆ ಸುದೀಪ್ ಪ್ರತಿಕ್ರಿಯೆ ಏನು? ಈ ವಾರ ಧ್ರುವಂತ್ ಅವರೇ ಎಲಿಮಿನೇಟ್‌ ಆಗುತ್ತಾರಾ? ಇಂದಿನ ಸಂಚಿಕೆಯಲ್ಲಿ ಮಾಹಿತಿ ತಿಳಿಯಲಿದೆ.
