Nandamuri Balakrishna : ಶಿವಣ್ಣನನ್ನು ನೋಡಿಯೇ ಲುಕ್‌ ಕಾಪಿ ಮಾಡ್ದೆ! ಬಾಲಯ್ಯ ಹೇಳಿದ್ದು ಯಾವ ಸಿನಿಮಾ ಬಗ್ಗೆ?

ಬೋಯಪತಿ ಶ್ರೀನು ನಿರ್ದೇಶನದ ನಂದಮೂರಿ ಬಾಲಕೃಷ್ಣ ಅವರ ಮಾಸ್ ಆಕ್ಷನ್ ಎಂಟರ್‌ಟೈನರ್ 'ಅಖಂಡ 2' (Akhanda 2) ಚಿತ್ರದ ಮೇಲೆ ಭಾರಿ ನಿರೀಕ್ಷೆಗಳಿವೆ. 'ಸಿಂಹ', 'ಲೆಜೆಂಡ್' ಮತ್ತು 'ಅಖಂಡ' ಚಿತ್ರಗಳೊಂದಿಗೆ ಹ್ಯಾಟ್ರಿಕ್ ಯಶಸ್ಸನ್ನು ಸಾಧಿಸಿದ ನಂತರ, ಈ ಸಂಯೋಜನೆಯು ನಾಲ್ಕನೇ ಬಾರಿಗೆ ಒಂದಾಗುತ್ತಿರುವುದು ವಿಶೇಷ ಹೈಲೈಟ್ ಆಗಿದೆ. ಇತ್ತೀಚೆಗೆ ಬಿಡುಗಡೆಯಾದ ಅಖಂಡ 2 ರ ಟ್ರೇಲರ್ (Trailer) ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿದೆ. ನಂದಮೂರಿ ಬಾಲಕೃಷ್ಣರ (Nandamuri Balakrishna) 'ಅಖಂಡ 2' ಟ್ರೇಲರ್ ಲಾಂಚ್ ಚಿಂತಾಮಣಿಯಲ್ಲಿ ನಡೆಯಿತು. ಮುಖ್ಯ ಅತಿಥಿಯಾಗಿದ್ದ ಶಿವರಾಜ್‌ಕುಮಾರ್ ಆಗಮಿಸಿದ್ದರು.

ಭರ್ಜರಿ ಪ್ರಚಾರ

ಪ್ರಚಾರದ ವಿಷಯಕ್ಕೆ ಬಂದರೆ, ಚಿತ್ರತಂಡವು ಭಾರತದಾದ್ಯಂತ ಭರ್ಜರಿ ಪ್ರಚಾರ ಕಾರ್ಯ ನಡೆಸುತ್ತಿದೆ. ಮುಂಬೈನಲ್ಲಿ ಬಿಡುಗಡೆಯಾದ ಮೊದಲ ಹಾಡಿಗೆ ಸಿಕ್ಕ ಅಭೂತಪೂರ್ವ ಪ್ರತಿಕ್ರಿಯೆ ಮತ್ತು ವೈಜಾಗ್‌ನಲ್ಲಿ ನಡೆದ ಎರಡನೇ ಹಾಡಿನ ಕಾರ್ಯಕ್ರಮದಲ್ಲಿ ನೆರೆದಿದ್ದ ಜನಸಮೂಹವು ಎಲ್ಲಾ ಭಾಷೆಗಳಲ್ಲಿಯೂ ಚಿತ್ರಕ್ಕೆ ಭಾರಿ ಸಂಚಲನ ಮೂಡಿಸಿದೆ.

ಇದನ್ನೂ ಓದಿ: Bigg Boss Kannada 12: ಎರಡನೇ ಬಾರಿ ಅಶ್ವಿನಿ ಗೌಡಗೆ ಕಳಪೆ ಪಟ್ಟ! ಅಭಿಷೇಕ್‌ ಕ್ಯಾಪ್ಟನ್‌, ಉತ್ತಮ ಇವರೇ ನೋಡಿ

ಈ ಸಿನಿಮಾದ ಟ್ರೇಲರ್ ಲಾಂಚ್ ಈ ವೆಂಟ್ ನವೆಂಬರ್ 21ರಂದು ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿಯಲ್ಲಿ ನಡೆದಿದೆ. ಈ ಕಾರ್ಯಕ್ರಮಕ್ಕೆ ಶಿವಣ್ಣ ಮುಖ್ಯ ಅತಿಥಿಯಾಗಿದ್ದರು.

ಶಿವಣ್ಣ ಭಾವುಕ

ಈ ಸಂದರ್ಭದಲ್ಲಿ ಮಾತನಾಡಿದ ಶಿವರಾಜ್ ಕುಮಾರ್, ಬಾಲಯ್ಯ ಅವರೊಂದಿಗಿನ ತಮ್ಮ ಸಂಬಂಧವನ್ನು ನೆನಪಿಸಿಕೊಂಡು ಭಾವುಕರಾದರು. ಇದಲ್ಲದೆ, ಬಾಲಕೃಷ್ಣ ಅವರೊಂದಿಗಿನ ಬಹುತಾರಾಗಣದ ಬಗ್ಗೆ ಅವರ ಹೇಳಿಕೆಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.

"ಬೋಯಪತಿ ಅವರು ನನ್ನ ಮತ್ತು ಬಾಲಯ್ಯ ಜೊತೆ ಚಿತ್ರ ಮಾಡಿದರೆ, ನಾನು ಸಿದ್ಧ ಎಂದು ಶಿವಣ್ಣ ಹೇಳಿದರು. ಬಾಲಕೃಷ್ಣ ತಕ್ಷಣ ಪ್ರತಿಕ್ರಿಯಿಸಿದರು. "ನಾವು ಕೂಡ ಸಿದ್ಧ" ಎಂದು ನಗುತ್ತಾ ಘೋಷಿಸಿದರು. ಈ ಇಬ್ಬರ ಮಾತುಗಳನ್ನು ಕೇಳಿದ ಬೋಯಪತಿ ಶ್ರೀನು ಕೂಡ "ಡಬಲ್ ರೆಡಿ ಸರ್!" ಎಂದು ಗ್ರೀನ್ ಸಿಗ್ನಲ್ ನೀಡಿದರು. ಈ ಹೇಳಿಕೆಯು ತಕ್ಷಣವೇ ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆಗೆ ನಾಂದಿ ಹಾಡಿತು.

ಅಚ್ಚರಿಯ ವಿಷಯ

ಬಾಲಯ್ಯ ಅವರು ವೇದಿಕೆಯ ಮೇಲೆ ಒಂದು ಅಚ್ಚರಿಯ ವಿಷಯ ಹೇಳಿದರು. 2023ರಲ್ಲಿ ಬಂದ ‘ವೀರ ಸಿಂಹ ರೆಡ್ಡಿ’ ಸಿನಿಮಾದಲ್ಲಿ ಬಾಲಯ್ಯ ಲುಂಗಿ ಉಟ್ಟು ಕಾಣಿಸಿಕೊಳ್ಳುತ್ತಾರೆ. ಇದು ಮಫ್ತಿ ಸಿನಿಮಾದಿಂದ ಸ್ಫೂರ್ತಿ ತೆಗೆದುಕೊಂಡಿದ್ದು ಎಂದು ಬಾಲಯ್ಯ ಕೂಡ ಒಪ್ಪಿಕೊಂಡರು.ವೀರ ಸಿಂಹ ರೆಡ್ಡಿ ಸಿನಿಮಾ ಮಫ್ತಿ ಸಿನಿಮಾದ ಗೆಟಪ್​ನ ಕಾಪಿ ಮಾಡಿದ್ದೇನೆ. ಕಲಾವಿದರನ್ನು ನೋಡಿದಾಗ ನಾವು ಸ್ಫೂರ್ತಿ ಪಡೆಯುತ್ತೇವೆ’ ಎಂದು ಬಾಲಯ್ಯ ಒಪ್ಪಿಕೊಂಡರು.

ಬೋಯಪತಿ ಶ್ರೀನು ಮಾಸ್ ಆಕ್ಷನ್‌ಗೆ ಹೆಸರುವಾಸಿ. ಬಾಲಯ್ಯ ಅವರೊಂದಿಗಿನ ಅವರ ಕೆಮಿಸ್ಟ್ರಿ ಯಾವಾಗಲೂ ಬ್ಲಾಕ್‌ಬಸ್ಟರ್ ಫಲಿತಾಂಶಗಳನ್ನು ನೀಡಿದೆ. 'ಅಖಂಡ 2' ಡಿಸೆಂಬರ್ 5 ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: Bigg Boss Kannada 12: ವುಮೆನ್ ಕಾರ್ಡ್​ ಪ್ಲೇ ಮಾಡಿದ ಅಶ್ವಿನಿ ಗೌಡಗೆ ಕಿಚ್ಚನ ಖಡಕ್‌ ಕ್ಲಾಸ್‌!

ಬಾಲಕೃಷ್ಣ ನಟನೆಯ 'ಗೌತಮಿಪುತ್ರ ಶಾತಕರ್ಣಿ' ಚಿತ್ರ ಹಾಡೊಂದರಲ್ಲಿ ಶಿವಣ್ಣ ಮಿಂಚಿದ್ದರು. ಕನ್ನಡ ಬಿಟ್ಟು ಪರಭಾಷೆಯಲ್ಲಿ ಇದು ಅವರ ಮೊದಲ ಸಿನಿಮಾ ಆಗಿತ್ತು. ನರ್ತನ್ ನಿರ್ದೇಶನದ 'ಮಫ್ತಿ' ಚಿತ್ರದಲ್ಲಿ ಬೈರತಿ ರಣಗಲ್ ಎಂಬ ಮಾಫಿಯಾ ಡಾನ್ ಪಾತ್ರದಲ್ಲಿ ಶಿವರಾಜ್‌ಕುಮಾರ್ ನಟಿಸಿದ್ದರು. ಥೇಟ್ ಅದೇ ಗೆಟಪ್‌ನಲ್ಲಿ 'ವೀರಸಿಂಹ ರೆಡ್ಡಿ' ಚಿತ್ರದಲ್ಲಿ ಬಾಲಯ್ಯ ಅಬ್ಬರಿಸಿದ್ದರು. ದುನಿಯಾ ವಿಜಯ್ ಈ ಚಿತ್ರದಲ್ಲಿ ವಿಲನ್ ಆಗಿ ನಟಿಸಿದ್ದು ವಿಶೇಷ.