Bhagya Lakshmi TRP: ನಂದಗೋಕುಲ ಹಿಂದಿಕ್ಕಿ ಟಿಆರ್​ಪಿ ಕಿಂಗ್ ಆದ ಭಾಗ್ಯಲಕ್ಷ್ಮೀ

ಕನ್ನಡ ಕಿರುತೆರೆಯಲ್ಲಿ (Kannada Serial) ಸುಮಾರು 30ಕ್ಕೂ ಅಧಿಕ ಧಾರಾವಾಹಿಗಳು ಪ್ರಸಾರ ಕಾಣುತ್ತಿದೆ. ಇವುಗಳಲ್ಲಿ ನಂಬರ್ ಒನ್ ಧಾರಾವಾಹಿ ಯಾವುದು ಮತ್ತು ಯಾವ ಸ್ಥಾನಕ್ಕೆ ಟಿಆರ್​ಪಿಯೇ ಇಲ್ಲ ಎಂಬುದು ಪ್ರತಿ ವಾರ ಹೊರಬೀಳುತ್ತದೆ. ಸೀರಿಯಲ್​ಗಳ ಲೆಕ್ಕಾಚಾರ ವಾರದಿಂದ ವಾರಕ್ಕೆ ಬದಲಾಗುತ್ತ ಇರುತ್ತದೆ. ಅದರಂತೆ ಇದೀಗ 28ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ ಹೊರಬಿದ್ದಿದೆ. ಈ ವಾರದ ಬಿಗ್ ಅಪ್ಡೇಟ್ ಎಂದರೆ ಕಲರ್ಸ್ ಕನ್ನಡದಲ್ಲಿ ಕಳೆದ ಕೆಲವು ವಾರಗಳಿಂದ ಕುಸಿದಿದ್ದ ಭಾಗ್ಯಲಕ್ಷ್ಮೀ ಧಾರಾವಾಹಿ ಟಿಆರ್​ಪಿ ಈಗ ಪುಟಿದೆದ್ದಿದೆ.

ಹೌದು, ಭಾಗ್ಯಲಕ್ಷ್ಮೀ ಧಾರಾವಾಹಿಯಲ್ಲಿ ಪೂಜಾ-ಕಿಶನ್ ಕಲ್ಯಾಣೋತ್ಸವ ಮುಗಿದು ಪೂಜಾ ರಾಮ್​ದಾಸ್ ಮನೆಗೆ ಕಾಲಿಟ್ಟಿದ್ದಾಳೆ. ಇಲ್ಲಿ ಪೂಜಾಗೆ ಮೀನಾಕ್ಷಿ-ಕನ್ನಿಕಾ ಚಿತ್ರಹಿಂಸೆ ನೀಡುತ್ತಿದ್ದಾರೆ. ಇದು ಒಂದುಕಡೆಯಾದರೆ ಮತ್ತೊಂದೆಡೆ ಭಾಗ್ಯ ಹಾಗೂ ಆದೀಶ್ವರ್ ಕಾಮತ್ ಲವ್​ ಸ್ಟೋರಿ ಶುರುವಾಗುವುದರಲ್ಲಿದೆ. ಈ ಮೂಲಕ ಧಾರಾವಾಹಿ ಕುತೂಹಲ ಮೂಡಿಸಿದ್ದು, ಇವೆಲ್ಲದರ ಪರಿಣಾಮ ಭಾಗ್ಯಲಕ್ಷ್ಮೀ ಟಿಆರ್​ಪಿ ಚೇತರಿಕೆ ಕಂಡಿದೆ.

ಭಾಗ್ಯಲಕ್ಷ್ಮೀ ಧಾರಾವಾಹಿ 29ನೇ ವಾರ 5 ಟಿವಿಆರ್‌ ದಾಖಲಿಸಿದೆ. ಈ ಮೂಲಕ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಧಾರಾವಾಹಿಗಳ ಪೈಕಿ ನಂಬರ್ ಒನ್ ಸ್ಥಾನ ಪಡೆದಿದೆ. ಇನ್ನು 28ನೇ ವಾರ ಮೂರನೇ ಸ್ಥಾನದಲ್ಲಿದ್ದ ಮುದ್ದು ಸೊಸೆ ಧಾರಾವಾಹಿ 4.9 ಟಿವಿಆರ್ ಮೂಲಕ ಎರಡನೇ ಸ್ಥಾನಕ್ಕೆ ಜಿಗಿದಿದೆ. ಭಾರ್ಗವಿ ಎಲ್​ಎಲ್​ಬಿ ಹಾಗೂ ನಂದಗೋಕುಲ ಧಾರಾವಾಹಿಯ ಮಹಾಸಂಗಮಕ್ಕೆ 4.8 ಟಿವಿಆರ್ ಲಭಿಸಿದೆ.

Shobha Shetty: ಅತಿ ಹೆಚ್ಚು ಸಂಭಾವನೆ: ಬಿಗ್ ಬಾಸ್​ನಿಂದ ಶೋಭಾ ಶೆಟ್ಟಿಗೆ ಎಷ್ಟು ಹಣ ಸಿಕ್ಕಿತು ಗೊತ್ತೇ?

ಇನ್ನು ಒಟ್ಟಾರೆಯಾಗಿ ನೋಡುವುದಾದರೆ, 29ನೇ ವಾರದ ನಂಬರ್ ಧಾರಾವಾಹಿ ಕರ್ಣ ಆಗಿದೆ. ಇದಕ್ಕೆ ಅರ್ಬನ್ + ರೂರಲ್‌ ಮಾರ್ಕೆಟ್‌ನಲ್ಲಿ 9.6 ಟಿವಿಆರ್‌ ಲಭಿಸಿದೆ. 8.9 ಟಿವಿಆರ್ ದಾಖಲಿಸಿ ಲಕ್ಷ್ಮೀ ನಿವಾಸ ಎರಡನೇ ಸ್ಥಾನ ಪಡೆದುಕೊಂಡರೆ, ಅಣ್ಣಯ್ಯ ಸೀರಿಯಲ್‌ 8.4 ಟಿವಿಆರ್‌ ಪಡೆದುಕೊಂಡು ಮೂರನೇ ಸ್ಥಾನದಲ್ಲಿದೆ. ಶ್ರಾವಣಿ ಸುಬ್ರಹ್ಮಣ್ಯ ಸೀರಿಯಲ್‌ 8.3 ಟಿವಿಆರ್‌ ಪಡೆದು ನಾಲ್ಕನೇ ಸ್ಥಾನ ಮತ್ತು ನಾ ನಿನ್ನ ಬಿಡಲಾರೆ ಧಾರಾವಾಹಿ 8 ಟಿವಿಆರ್‌ನೊಂದಿಗೆ ಐದನೇ ಸ್ಥಾನದಲ್ಲಿದೆ.