ಏಷ್ಯನ್ ಪ್ಯಾರಾ ಗೇಮ್ಸ್‌: ಜೂಡೋದಲ್ಲಿ ಪದಕ ಖಚಿತಪಡಿಸಿದ ಕೋಕಿಲಾ
Asian Para Games: ಐಚಿ ಪ್ರಿಫೆಕ್ಚರಲ್ ಮಾರ್ಷಲ್ ಆರ್ಟ್ಸ್ ಹಾಲ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ, ದೃಷ್ಟಿಹೀನ ಜೂಡೋದಲ್ಲಿ ತಮ್ಮ ಚೀನಾದ ಎದುರಾಳಿಯನ್ನು 1-0 ಅಂತರದಿಂದ ಸೋಲಿಸಿ ಫೈನಲ್‌ಗೆ ಪ್ರವೇಶಿಸಿದರು. ಫೈನಲ್ ಪಂದ್ಯದಲ್ಲಿ ಅವರು ಚಿನ್ನದ ಪದಕಕ್ಕಾಗಿ ಕಿರ್ಗಿಸ್ತಾನದ ಐಬಿಕೆ ಉಲಾನ್‌ಬೆಕ್ ಕೈಜಿ ಅವರ ವಿರುದ್ಧ ಸೆಣಸಾಡಲಿದ್ದಾರೆ.
Kokila -
ನಗೋಯಾ, ಅ.19: ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ, ಮಹಿಳೆಯರ J2 -52 ಕೆಜಿ ವಿಭಾಗದ ಸೆಮಿಫೈನಲ್‌ನಲ್ಲಿ ಚೀನಾದ ಯಿ ಲಿಯು ಅವರನ್ನು ಸೋಲಿಸುವ ಮೂಲಕ ಭಾರತದ ಕೋಕಿಲಾ ಅವರು ಪ್ಯಾರಾ-ಜೂಡೋದಲ್ಲಿ ಪದಕವನ್ನು ಖಚಿತಪಡಿಸಿಕೊಂಡರು.
ಐಚಿ ಪ್ರಿಫೆಕ್ಚರಲ್ ಮಾರ್ಷಲ್ ಆರ್ಟ್ಸ್ ಹಾಲ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ, ದೃಷ್ಟಿಹೀನ ಜೂಡೋದಲ್ಲಿ ತಮ್ಮ ಚೀನಾದ ಎದುರಾಳಿಯನ್ನು 1-0 ಅಂತರದಿಂದ ಸೋಲಿಸಿ ಫೈನಲ್‌ಗೆ ಪ್ರವೇಶಿಸಿದರು. ಫೈನಲ್ ಪಂದ್ಯದಲ್ಲಿ ಅವರು ಚಿನ್ನದ ಪದಕಕ್ಕಾಗಿ ಕಿರ್ಗಿಸ್ತಾನದ ಐಬಿಕೆ ಉಲಾನ್‌ಬೆಕ್ ಕೈಜಿ ಅವರ ವಿರುದ್ಧ ಸೆಣಸಾಡಲಿದ್ದಾರೆ.
ಸೆಮಿಫೈನಲ್ ಪಂದ್ಯದಲ್ಲಿ, ಜೂಡೋದಲ್ಲಿ ಎರಡನೇ ಅತ್ಯುನ್ನತ ತಾಂತ್ರಿಕ ಅಂಕವಾದ 'ವಜಾ-ಅರಿ' (waza-ari) ಒಂದನ್ನು ಮತ್ತು ಪರಿಣಾಮಕಾರಿ ತಂತ್ರವೊಂದಕ್ಕಾಗಿ 'ಯುಕೊ' (yuko) ಒಂದನ್ನು ಕೊಕಿಲಾ ಗಳಿಸಿದರು. ಇದೇ ವೇಳೆ, ಲಿಯು ಕೂಡ ಒಂದು 'ವಜಾ-ಅರಿ' ಅಂಕವನ್ನು ಪಡೆದರು. ಇತ್ತ ಭಾರತೀಯ ಕ್ರೀಡಾಪಟು ಕೊಕಿಲಾ, ನಿಯಮವೊಂದನ್ನು ಸಣ್ಣದಾಗಿ ಉಲ್ಲಂಘಿಸಿದ್ದಕ್ಕಾಗಿ 'ಶಿಡೋ' (shido) ದಂಡನೆಯನ್ನು (ಪೆನಾಲ್ಟಿ) ಎದುರಿಸಬೇಕಾಯಿತು.
ಈ ಫಲಿತಾಂಶವು ಕೊಕಿಲಾಗೆ ಕನಿಷ್ಠ ಬೆಳ್ಳಿ ಪದಕವನ್ನು ಖಚಿತಪಡಿಸಿದೆ. ಹ್ಯಾಂಗ್‌ಝೌನಲ್ಲಿ ನಡೆದ ಹಿಂದಿನ ಆವೃತ್ತಿಯಲ್ಲಿ -48 ಕೆಜಿ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದಿದ್ದ ಕೊಕಿಲಾ, ಈ ಬಾರಿ ತಮ್ಮ ಪ್ರದರ್ಶನವನ್ನು ಇನ್ನಷ್ಟು ಉತ್ತಮಪಡಿಸಿಕೊಂಡಿದ್ದಾರೆ. ಹರಿಯಾಣದ ಜಿಂದ್ ಜಿಲ್ಲೆಯ ಕಸುನ್ ಗ್ರಾಮದವರಾದ ಕೊಕಿಲಾ, ಪ್ಯಾರಿಸ್ 2024 ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತವನ್ನು ಪ್ರತಿನಿಧಿಸಿದ ತಂಡದ ಭಾಗವಾಗಿದ್ದರು.
10 ಮೀ. ಏರ್ ರೈಫಲ್; ಚಿನ್ನಕ್ಕೆ ಗುರಿಯಿಟ್ಟ ಮೋನಾ ಅಗರ್ವಾಲ್, ಬೆಳ್ಳಿ ಗೆದ್ದ ಅವನಿ ಲೇಖರಾ
J2 ವರ್ಗೀಕರಣವು ವಿವಿಧ ಹಂತದ ದೃಷ್ಟಿ ದೋಷವನ್ನು ಹೊಂದಿರುವ ಜೂಡೋಕಾಗಳಿಗಾಗಿ (ಜೂಡೋ ಕ್ರೀಡಾಪಟುಗಳಿಗಾಗಿ) ಮೀಸಲಾಗಿದೆ.
ಕಪಿಲ್ ಪರ್ಮಾರ್ ಕಂಚಿನ ಪದಕಕ್ಕಾಗಿ ಸೆಣಸಾಡಲಿದ್ದಾರೆ
ಇಂಡೋನೇಷ್ಯಾದ ಜುನೈದಿ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ 0-1 ಅಂತರದಿಂದ ಸೋತ ನಂತರ, ಭಾರತದ ಕಪಿಲ್ ಪರ್ಮಾರ್ ಪುರುಷರ J1 -70 ಕೆಜಿ ವಿಭಾಗದಲ್ಲಿ ಕಂಚಿನ ಪದಕಕ್ಕಾಗಿ ಸ್ಪರ್ಧಿಸಲಿದ್ದಾರೆ.
ಬಿಲ್ಲುಗಾರಿಕೆಯಲ್ಲಿ ವಿಶ್ವ ದಾಖಲೆ ಸರಿಗಟ್ಟಿದ ಶೀತಲ್ ದೇವಿ
ಸೋಮವಾರದಂದು, ಭಾರತದ ಪ್ಯಾರಾ-ಬಿಲ್ಲುಗಾರ್ತಿ ಶೀತಲ್ ದೇವಿ ಮತ್ತೊಂದು ಅತ್ಯುತ್ತಮ ಪ್ರದರ್ಶನ ನೀಡಿದ್ದು, ಮಹಿಳಾ ಕಾಂಪೌಂಡ್ ಬಿಲ್ಲುಗಾರಿಕೆಯ ಶ್ರೇಯಾಂಕ ಸುತ್ತಿನಲ್ಲಿ (ranking round) ವಿಶ್ವ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಒಕಾಜಾಕಿ ಚುವೊ ಸೊಗೊ ಪಾರ್ಕ್ ಮಲ್ಟಿಪರ್ಪಸ್ ಸ್ಕ್ವೇರ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ, ಶೀತಲ್ ಒಟ್ಟು 720 ಅಂಕಗಳಿಗೆ 704 ಅಂಕಗಳನ್ನು ಗಳಿಸುವ ಮೂಲಕ, ಟರ್ಕಿಯ ಓಜ್ನೂರ್ ಕ್ಯೂರ್ ಅವರ ಹೆಸರಿನಲ್ಲಿದ್ದ ವಿಶ್ವ ದಾಖಲೆಯನ್ನು ಸರಿಗಟ್ಟಿದರು. ಈ ಸಾಧನೆಯು 2026ರ ಏಷ್ಯನ್ ಪ್ಯಾರಾ ಗೇಮ್ಸ್‌ನಲ್ಲಿ ಭಾರತಕ್ಕೆ ಸಿಕ್ಕ ಭರವಸೆಯ ಆರಂಭಕ್ಕೆ ಮತ್ತಷ್ಟು ಬಲ ತುಂಬಿದೆ.