AI ಮ್ಯಾಜಿಕ್ - ವಿರಾಟ್ ಕೊಹ್ಲಿ ಜೊತೆ ಪೋಸ್ ಕೊಟ್ಟ ಕೆಂಡ್ರಾ ಲಸ್ಟ್: ಸತ್ಯ ಏನು?
ಟೀಮ್ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ಜೊತೆ ಒಂದು ಫೋಟಿ ತೆಗೆಸಿಕೊಳ್ಳುವ ಆಸರೆ ಯಾರಿಗಿಲ್ಲ ಹೇಳಿ? ಆದರೆ, ಅವರೊಟ್ಟಿಗೆ ಯಾರು ಫೋಟೋ ತೆಗೆಸಿಕೊಂಡಿದ್ದಾರೆ ಅನ್ನೋದು ಈಗಿನ ಸೋಷಿಯಲ್ ಮೀಡಿಯಾ ಯುಗದಲ್ಲಿ ಎಷ್ಟು ಮುಖ್ಯ ಅನ್ನೋದು ಈಗಿನ ವೈರಲ್ ಫೋಟೊ ಒಂದರ ಮೂಲಕ ತಿಳಿಯುತ್ತದೆ. ಅಮೆರಿಕದ ಅಡಲ್ಟ್ ಸ್ಟಾರ್ ಕೆಂಟ್ರಾ ಲಸ್ಟ್ ಮಾಡಿರುವ ಈ ಕುಚೋದ್ಯ ಭಾರಿ ಚರ್ಚೆಗೆ ಕಾರಣವಾಗಿದೆ.
ವಿರಾಟ್ ಕೊಹ್ಲಿ ಮತ್ತು ಕೆಂಡ್ರಾ ಲಸ್ಟ್ -
ಬೆಂಗಳೂರು: ಈಗಿನ ಸೋಷಿಯಕ್ ಮೀಡಿಯಾ ಯುಗದಲ್ಲಿ ಒಂದು ಫೋಟೋ, ಒಂದು ಸ್ಕ್ರೀನ್ಶಾಟ್ ಅಥವಾ ಒಂದು ಪೋಸ್ಟ್ ಸಾಕು, ಕೆಲವೇ ಕ್ಷಣಗಳಲ್ಲಿ ಅದು ದೇಶವ್ಯಾಪಿ ಚರ್ಚೆಯಾಗುತ್ತದೆ. ಇತ್ತೀಚೆಗೆ ಕ್ರಿಕೆಟ್ ಜಗತ್ತಿನ ಸೂಪರ್ಸ್ಟಾರ್ ವಿರಾಟ್ ಕೊಹ್ಲಿ ಮತ್ತು ಅಮೆರಿಕದ ಅಡಲ್ಟ್ ಸ್ಟಾರ್ ಕೆಂಡ್ರಾ ಲಸ್ಟ್ ಹೆಸರು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಕೆಲ ವೈರಲ್ ಪೋಸ್ಟ್ಗಳು ಭಾರಿ ಚರ್ಚೆಗೆ ಕಾರಣವಾಗಿವೆ.
ಆದರೆ ಈ ವೈರಲ್ ಫೋಟೋಗಳ ಹಿಂದಿನ ಸತ್ಯ ನಿಜಕ್ಕೂ ಏನಿದೆ? ಜನರನ್ನು ಹೇಗೆ ಮರುಳು ಮಾಡಲಾಗುತ್ತಿದೆ? ಸಾಮಾಜಿಕ ಮಾಧ್ಯಮಗಳ "ಡಾರ್ಕ್ ಟ್ರೂತ್" ಏನು? ಎಂಬುದರ ಸಮಗ್ರ ವಿಶ್ಲೇಷಣೆ ಇಲ್ಲಿದೆ.
ವೈರಲ್ ಆದದ್ದು ಏನು?
ಇತ್ತೀಚೆಗೆ ಎಕ್ಸ್ (ಹಳೆಯ ಟ್ವಿಟರ್), ಇನ್ಸ್ಟಾಗ್ರಾಮ್, ಫೇಸ್ಬುಕ್ ಮತ್ತು ಯೂಟ್ಯೂಬ್ ಶಾರ್ಟ್ಸ್ಗಳಲ್ಲಿ ಕೆಲವು ಎಡಿಟ್ ಮಾಡಿದ ಫೋಟೋಗಳು ಹಾಗೂ ಥಂಬ್ನೈಲ್ಗಳು ವೈರಲ್ ಆಗತೊಡಗಿದವು. ಅವುಗಳಲ್ಲಿ ವಿರಾಟ್ ಕೊಹ್ಲಿ ಮತ್ತು ಕೆಂಡ್ರಾ ಲಸ್ಟ್ ನಡುವೆ ವೈಯಕ್ತಿಕ ಸಂಪರ್ಕವಿದೆ ಎಂಬ ರೀತಿಯಲ್ಲಿ ತೋರಿಸಲಾಗಿತ್ತು.
ಕೆಲವರು "ಶಾಕಿಂಗ್!", "ಡಾರ್ಕ್ ಸೀಕ್ರೆಟ್!", "ಹಿಡೆನ್ ಟ್ರೂತ್!" ಎಂಬ ಕ್ಲಿಕ್ಬೇಟ್ ಶೀರ್ಷಿಕೆಗಳನ್ನು ಬಳಸಿ ಲಕ್ಷಾಂತರ ವ್ಯೂಸ್ ಪಡೆಯಲು ಪ್ರಯತ್ನಿಸಿದರು. ಆದರೆ, ಈ ಪೋಸ್ಟ್ಗಳ ಬಹುಪಾಲು ಯಾವುದೇ ಅಧಿಕೃತ ಆಧಾರವಿಲ್ಲದೇ ಮಾಡಲ್ಪಟ್ಟಿರುವುದು ಇಲ್ಲಿ ಗಮನಾರ್ಹ.
ವಿರಾಟ್ ಕೊಹ್ಲಿ ಜೊತೆ ಕಾಣಿಸಿಕೊಂಡ ಕನ್ನಡಿಗ ನಾಗರಾಜ್ ಹೆಗಡೆ ಯಾರು? ಇಲ್ಲಿದೆ ಮಾಹಿತಿ!
ಫೋಟೋಗಳು ನಿಜವೇ? ಅಥವಾ ಎಡಿಟ್ ಮಾಡಲಾಗಿದೆಯೇ?
ಡಿಜಿಟಲ್ ಯುಗದಲ್ಲಿ ಫೋಟೋ ಮ್ಯಾನಿಪುಲೇಷನ್ ತುಂಬಾ ಸುಲಭ. AI ಟೂಲ್ಸ್, ಫೋಟೋಶಾಪ್ ಹಾಗೂ ಡೀಪ್ ಫೇಕ್ ಟೆಕ್ನಾಲಜಿಗಳ ಮೂಲಕ ಯಾರನ್ನಾದರೂ ಯಾರೊಂದಿಗಾದರೂ ಸಂಪರ್ಕ ಹೊಂದಿದಂತೆ ತೋರಿಸುವುದು ಕೇವಲ ಕೆಲವೇ ನಿಮಿಷಗಳ ಕೆಲಸವಾಗಿದೆ.
ವೈರಲ್ ಆಗಿರುವ ಬಹುತೇಕ ಚಿತ್ರಗಳಲ್ಲಿ:
* ಬೇರೆ ಬೇರೆ ಫೋಟೋಗಳನ್ನು ಮಿಶ್ರಣ ಮಾಡಲಾಗಿದೆ
* ಹಳೆಯ ಚಿತ್ರಗಳನ್ನು ಹೊಸ ಸಂದರ್ಭಕ್ಕೆ ಬಳಸಲಾಗಿದೆ
* ಥಂಬ್ನೈಲ್ ಆಕರ್ಷಣೆಗಾಗಿ ಈ ರೀತಿಯ ಕುಚೋದ್ಯ ಮಾಡಲಾಗಿದೆ
ಇಂತಹ ಸುದ್ದಿಗಳು ವೈರಲ್ ಆಗುತ್ತಿರುವುದೇಕೆ?
ಸಾಮಾಜಿಕ ಜಾಲತಾಣಗಳ ಅಲ್ಗೋರಿದಮ್ಗಳು "ಕಾಂಟ್ರೊವರ್ಸಿ” ಮತ್ತು "ಅಚ್ಚರಿ ತರುವ" ವಿಷಯಗಳನ್ನು ಹೆಚ್ಚು ಜನರಿಗೆ ತೋರಿಸುತ್ತವೆ.
ಅದರಲ್ಲೂ:
ಸೆಲೆಬ್ರಿಟಿ ಹೆಸರು
ವೈರಲ್ ಫೋಟೊ
ರಿಲೇಷನ್ಷಿಪ್ ಬಗ್ಗೆ ಸುದ್ದಿ
ಹಿಡೆನ್ ಟ್ರೂತ್
ಸ್ಕ್ಯಾಂಡಲ್
ಈ ರೀತಿಯ ಕೀವರ್ಡ್ಸ್ ಹೆಚ್ಚು ಜನರನ್ನು ಆಕರ್ಷಿಸುತ್ತಾ ಬಂದಿವೆ. ಈ ರೀತಿ ಇದ್ದರೆ ಜನರು ಕುತೂಹಲದಿಂದ ಕ್ಲಿಕ್ ಮಾಡುತ್ತಾರೆ. ಇದನ್ನೇ ಕೆಲವು ಕಂಟೆಂಟ್ ಕ್ರಿಯೇಟರ್ಸ್ ದುರುಪಯೋಗಪಡಿಸಿಕೊಳ್ಳುತ್ತಾರೆ.
ವಿರಾಟ್ ಕೊಹ್ಲಿ ಸಹ-ಮಾಲೀಕತ್ವ ಹೊಂದಿದ್ದ 'ಒನ್8 ಕಮ್ಯೂನ್' ಮುಚ್ಚುವಂತೆ ಕೋರ್ಟ್ ಆದೇಶ!
ಅಭಿಮಾನಿಗಳು ಮೋಸ ಹೋಗಬಾರದು ಯಾಕೆ?
ಭಾರತದಲ್ಲಿ ಕಿಂಗ್ ಕೊಹ್ಲಿಗೆ ಕೋಟ್ಯಾಂತರ ಅಭಿಮಾನಿಗಳಿದ್ದಾರೆ. ಇಂತಹ ವೈರಲ್ ಪೋಸ್ಟ್ಗಳು ಕೆಲವೊಮ್ಮೆ ವ್ಯಕ್ತಿಯ ವ್ಯಕ್ತಿತ್ವಕ್ಕೆ ಹಾನಿ ಮಾಡಬಹುದು. ಅದೇ ರೀತಿ, ಯಾವುದೇ ಫೋಟೋ ಅಥವಾ ಪೋಸ್ಟ್ ವೈರಲ್ ಆಯಿತು ಎಂದಾದರೆ ಅದು ನಿಜ ಎಂಬುದಕ್ಕೆ ಇಲ್ಲಿ ಯಾವುದೇ ಗ್ಯಾರಂಟಿ ಇಲ್ಲ.
ಹೀಗಾಗಿ:
ಮೂಲಗಳ ಖಾತ್ರ ಇಲ್ಲದೇ ಇರುವಾಗ
ಅಧಿಕೃತ ಹೇಳಿಕೆ ಇದೆಯೇ?
ಪ್ರತಿಷ್ಠಿತ ಮಾಧ್ಯಮ ವರದಿ ಮಾಡಿದ್ಯಾ?
ನೈಜ ಚಿತ್ರ ಎಲ್ಲಿಂದ ಬಂದಿದೆ?
ಎಂಬುದನ್ನು ಪರಿಶೀಲಿಸುವುದು ಮುಖ್ಯ.
ಸಾಮಾಜಿಕ ಜಾಲತಾಣಗಳ "ಕಟು ಸತ್ಯ" ಇದೇ!
ಇಂದಿನ ಡಿಜಿಟಲ್ ಜಗತ್ತಿನಲ್ಲಿ "ಆಕರ್ಷಣೆ = ಹಣ". ವ್ಯೂಸ್, ಕ್ಲಿಕ್ಸ್ ಮತ್ತು ಎಂಗೇಜ್ಮೆಂಟ್ಗಾಗಿ ಕೆಲವರು ಯಾವುದೇ ರೀತಿಯ ಥಂಬ್ ಇಮೇಜ್ ಅಥವಾ ಸುಳ್ಳು ಸುದ್ದಿ ಸೃಷ್ಟಿಸಲು ಹಿಂಜರಿಯುವುದಿಲ್ಲ.
ಒಂದು ಫೇಕ್ ಥಂಬ್ನೈಲ್ ಲಕ್ಷಾಂತರ ವ್ಯೂಸ್ ತರಬಹುದು, ಜಾಹೀರಾತು ಲಾಭ ತಂದುಕೊಡಬಹುದು. ಫಾಲೋವರ್ಸ್ ಹೆಚ್ಚಿಸಬಹುದು. ಆದರೆ, ಸತ್ಯವನ್ನು ಮರೆಮಾಚಲಾಗದು.
ಒಟ್ಟಾರೆ ವಿರಾಟ್ ಕೊಹ್ಲಿ ಮತ್ತು ಕೆಂಡ್ರಾ ಲಸ್ಟ್ ಹೆಸರುಗಳನ್ನು ಬಳಸಿಕೊಂಡು ಹರಿದಾಡುತ್ತಿರುವ ಈ ವೈರಲ್ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಎಷ್ಟು ಬೇಗ ಸುಳ್ಳು ಸುದ್ದಿ ಹರಡುತ್ತದೆ ಎಂಬುದಕ್ಕೆ ಮತ್ತೊಂದು ಉದಾಹರಣೆಯಾಗಿದೆ.
ಹೀಗಾಗಿ, ಯಾವುದೇ ವೈರಲ್ ಪೋಸ್ಟ್ ನೋಡಿದ ಕೂಡಲೇ ನಂಬುವುದಕ್ಕಿಂತ, ಅದರ ನಿಜಾಸ್ತಿತ್ವವನ್ನು ಪರಿಶೀಲಿಸುವ ಅಭ್ಯಾಸ ಬೆಳೆಸಿಕೊಳ್ಳುವುದು ಇಂದಿನ ಡಿಜಿಟಲ್ ಯುಗದ ದೊಡ್ಡ ಅಗತ್ಯ ಇದೇ ಆಗಿದೆ.