RCB vs MI: ಸ್ಲೋ ಫಿಫ್ಟಿ, ಕೋಪದಲ್ಲಿ ಹೆಲ್ಮೆಟ್-ಗ್ಲೌಸ್ ಬಿಸಾಡಿದ ವಿರಾಟ್ ಕೊಹ್ಲಿ! ವಿಡಿಯೊ
ಮುಂಬೈ ಇಂಡಿಯನ್ಸ್ ವಿರುದ್ಧದ 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ನಿಧಾನಗತಿಯ ಅರ್ಧಶತಕವನ್ನು ಬಾರಿಸಿ ಟೀಕೆಗೆ ಗುರಿಯಾದರು. ಅವರು ವಿಕೆಟ್ ಒಪ್ಪಿಸಿದ ಬಳಿಕ ಬೌಂಡರಿ ಲೈನ್ ಬಳಿ ನಡೆದುಕೊಂಡು ಹೋಗುವಾಗ ತಮ್ಮ ಹೆಲ್ಮೆಟ್, ಗ್ಲೌಸ್ ಅನ್ನು ಆಕ್ರೋಶಭರತರಾಗಿ ಬಿಸಾಕಿದರು.
ಹೆಲ್ಮೆಟ್, ಗ್ಲೌಸ್ ಬಿಸಾಡಿದ ವಿರಾಟ್ ಕೊಹ್ಲಿ. -
ಮುಂಬೈ: ಮುಂಬೈ ಇಂಡಿಯನ್ಸ್ ವಿರುದ್ಧ 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2026) ಟೂರ್ನಿಯ ಪಂದ್ಯದಲ್ಲಿ (RCB vs MI) ವಿರಾಟ್ ಕೊಹ್ಲಿ (Virat Kohli) ನಿಧಾನಗತಿಯ ಅರ್ಧಶತಕ ಬಾರಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಟೀಕೆಗಳಿಗೆ ಗುರಿಯಾಗಿದ್ದಾರೆ. ಒಂದು ಕಡೆ ಫಿಲ್ ಸಾಲ್ಟ್ ಹಾಗೂ ರಜತ್ ಪಾಟಿದಾರ್ 200 ಕ್ಕೂ ಅಧಿಕ ಸ್ಟ್ರೈಕ್ ರೇಟ್ನಲ್ಲಿ ಅರ್ಧಶತಕವನ್ನು ಬಾರಿಸಿದ್ದರೆ, ಕೊಹ್ಲಿ ಮಾತ್ರ 131ರ ಸ್ಟ್ರೈಕ್ ರೇಟ್ನಲ್ಲಿ ರನ್ ಗಳಿಸಿದ್ದರು. ಅರ್ಧಶತಕ ಸಿಡಿಸಿದ ಬಳಿಕ ಹಾರ್ದಿಕ್ ಪಾಂಡ್ಯಗೆ ಔಟ್ ಆಗಿ ಪೆವಿಲಿಯನ್ಗೆ ತೆರಳುತ್ತಿದ್ದ ವೇಳೆ ವಿರಾಟ್ ಕೊಹ್ಲಿ ಹತಾಶರಾಗಿರುವಂತೆ ಕಂಡು ಬಂದರು.
ಔಟಾದ ನಂತರ ವಿರಾಟ್ ಕೊಹ್ಲಿ ಕೋಪಗೊಂಡ ಮತ್ತು ಹತಾಶೆಗೊಂಡಂತೆ ಕಾಣಿಸಿಕೊಂಡರು. ಪೆವಿಲಿಯನ್ಗೆ ಹಿಂತಿರುಗುತ್ತಿದ್ದ ವೇಳೆ ಅವರು ತಮ್ಮ ಹೆಲ್ಮೆಟ್ ಅನ್ನು ಬೌಂಡರಿ ಲೈನ್ ಬಳಿ ಎಸೆದರು ಹಾಗೂ ತಮ್ಮ ಗ್ಲೌಸ್ಗಳನ್ನು ಸಹ ಪಕ್ಕಕ್ಕೆ ಎಸೆದರು. ವಿರಾಟ್ 38 ಎಸೆತಗಳಲ್ಲಿ 50 ರನ್ ಗಳಿಸಿದರು. ಅವರ ಇನಿಂಗ್ಸ್ನಲ್ಲಿ ಐದು ಬೌಂಡರಿಗಳ ಜೊತೆಗೆ ಒಂದು ಸಿಕ್ಸ್ ಬಾರಿಸಿದರು. ಅವರ ಸ್ಟ್ರೈಕ್ ರೇಟ್ 131.58 ರಷ್ಟಿತ್ತು. ಇದಕ್ಕೆ ವ್ಯತಿರಿಕ್ತವಾಗಿ, ಫಿಲ್ ಸಾಲ್ಟ್ ಮತ್ತು ರಜತ್ ಪಾಟಿದಾರ್ 200 ಕ್ಕಿಂತ ಹೆಚ್ಚಿನ ಸ್ಟ್ರೈಕ್ ರೇಟ್ನಲ್ಲಿ ರನ್ ಗಳಿಸಿದ್ದು, ಕೊಹ್ಲಿಯ ಅಸಮಾಧಾನಕ್ಕೆ ಕಾರಣ ಎನ್ನಬಹುದು.
RCB vs MI: ಅರ್ಧಶತಕ ಬಾರಿಸಿ ಯಾರಿಂದಲೂ ಸಾಧ್ಯವಾಗದ ದಾಖಲೆ ಬರೆದ ವಿರಾಟ್ ಕೊಹ್ಲಿ!
ಅರ್ಧಶತಕ ಬಾರಿಸಿ ಸೆಲೆಬ್ರೆಟ್ ಮಾಡದ ಕೊಹ್ಲಿ
ವಿರಾಟ್ ಕೊಹ್ಲಿ ತಮ್ಮ ಬ್ಯಾಟಿಂಗ್ ಬಗ್ಗೆ ತೃಪ್ತರಾಗಲಿಲ್ಲ. ಫಿಲ್ ಸಾಲ್ಟ್ ಮತ್ತು ರಜತ್ ಪಾಟಿದಾರ್ ಲೀಲಾ-ಜಾಲವಾಗಿ ಸಿಕ್ಸರ್ ಮತ್ತು ಬೌಂಡರಿಗಳನ್ನು ಬಾರಿಸುತ್ತಿದ್ದರೂ, ವಿರಾಟ್ ಪಂದ್ಯದ ಪರಿಸ್ಥಿತಿಯ ಬೇಡಿಕೆಗಳಿಗೆ ಅನುಗುಣವಾಗಿ ಆಡಲು ಸಾಧ್ಯವಾಗಲಿಲ್ಲ. ಅವರ ಅತ್ಯುತ್ತಮ ಪ್ರಯತ್ನದ ಹೊರತಾಗಿಯೂ, ಅವರು ನಿರಂತರವಾಗಿ ಬೌಂಡರಿಗಳನ್ನು ಹೊಡೆಯಲು ಸಾಧ್ಯವಾಗಲಿಲ್ಲ. ಅವರು 37 ಎಸೆತಗಳಲ್ಲಿ ಅರ್ಧಶತಕವನ್ನು ತಲುಪಿದರು. ತಮ್ಮ ಅರ್ಧಶತಕವನ್ನು ಪೂರ್ಣಗೊಳಿಸಿದ ನಂತರವೂ ಅವರು ಅದನ್ನು ಸಂಭ್ರಮಿಸಲಿಲ್ಲ. ಆದಾಗ್ಯೂ, ಅವರ ಪತ್ನಿ ಅನುಷ್ಕಾ ಶರ್ಮಾ ಅವರು ಮೈಲಿಗಲ್ಲು ತಲುಪಿದ ನಂತರ ಕ್ರೀಡಾಂಗಣದಲ್ಲಿ ಸಂತೋಷದಿಂದ ಕಾಣುತ್ತಿದ್ದರು.
A Virat Kohli fifty at Wankhede. Classic. 🫡👑
— Royal Challengers Bengaluru (@RCBTweets) April 12, 2026
Held the fort like a true King. Well played, 🐐!#PlayBold #ನಮ್ಮRCB #IPL2026 #MIvRCB pic.twitter.com/GJoMM1BX9Y
ಎರಡು ಡಿಆರ್ಎಸ್ಗಳು ವ್ಯರ್ಥ
ತಮ್ಮ ಇನಿಂಗ್ಸ್ನಲ್ಲಿ ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಎರಡು ಡಿಆರ್ಎಸ್ ರಿವ್ಯೂವ್ಗಳನ್ನು ವ್ಯರ್ಥ ಮಾಡಿದರು. ಎರಡೂ ಸಂದರ್ಭಗಳಲ್ಲಿ ವೈಡ್ ಬಾಲ್ಗೆ ಸಂಬಂಧಿಸಿದಂತೆ ಅಂಪೈರ್ ನಿರ್ಧಾರದ ವಿರುದ್ಧ ಅವರು ಡಿಆರ್ಎಸ್ ತೆಗೆದುಕೊಂಡಿದ್ದರು. ಎರಡೂ ಸಂದರ್ಭಗಳಲ್ಲಿ ಅವರ ನಿರ್ಧಾರ ತಲೆ ಕೆಳಗಾಯಿತು ಮತ್ತು ಆರ್ಸಿಬಿಯ ಎರಡು ಡಿಆರ್ಎಸ್ಗಳು ವ್ಯರ್ಥವಾದವು. ಪರಿಣಾಮವಾಗಿ, ವಿರಾಟ್ ಕೊಹ್ಲಿ ನಿರಾಶೆಗೊಂಡಂತೆ ಕಂಡುಬಂದರು.
Have to give credit to Hardik this time!!
— Soumya Geetha (@SoumyaGeetha) April 12, 2026
Kohli - looked super disappointed - been very long seeing him tossing helmet! pic.twitter.com/771sk6vtqM
240 ರನ್ ಕಲೆ ಹಾಕಿದ ಆರ್ಸಿಬಿ
ಫಿಲ್ ಸಾಲ್ಟ್ (78 ರನ್), ವಿರಾಟ್ ಕೊಹ್ಲಿ (50 ರನ್), ರಜತ್ ಪಾಟಿದಾರ್ (53 ರನ್) ಅವರ ಅರ್ಧಶತಕಗಳ ಬಲದಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ತನ್ನ ಪಾಲಿನ 20 ಓವರ್ಗಳಿಗೆ 4 ವಿಕೆಟ್ಗಳ ನಷ್ಟಕ್ಕೆ 240 ರನ್ಗಳನ್ನು ಕಲೆ ಹಾಕಿತು. ಆ ಮೂಲಕ ಎದುರಾಳಿ ಮುಂಬೈ ಇಂಡಿಯನ್ಸ್ಗೆ 241 ರನ್ಗಳ ಕಠಿಣ ಗುರಿಯನ್ನು ನೀಡಿದರು.